(ភ្នំពេញ)៖ រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានចេញសេចក្តីជូនដំណឹងមួយដោយបញ្ជាក់ថា ក្នុងរដូវនេសាទឆ្នាំ២០២៤-២០២៥គឺត្រីនឹងចាប់ផ្តើមត្រូវជាបណ្តើរៗហើយដែលជាពេលវេលាដល់បងប្អូនអ្នកនេសាទចង់ធ្វើប្រហុក ផ្អកឬត្រីឆ្អើរជាដើម ។ យោងតាមសេចក្តីជូនដំណឹងរបស់រដ្ឋបាលជលផលដែលចេញផ្សាយនៅថ្ងៃទី៦ ខែធ្នូ ឆ្នាំ ២០២៤បានឱ្យដឹងថា តាមការសង្កេត ត្រីចាប់ផ្តើមបន្លាស់ទី ចេញពីបឹងទន្លេសាប បឹង ស្ទឹង និងព្រែកនានា ចូលទន្លេសាប ទន្លេមេគង្គ និងទន្លេបាសាក់ ដែលអំណោយផល ដល់ការធ្វើនេសាទបានត្រីច្រើន ជាពិសេសគន្លងដោយត្រីតាមដងទន្លេសាប នៅក្នុងភូមិសាស្ត្រខេត្តកណ្តាលនិង រាជធានីភ្នំពេញ ចាប់ពីថ្ងៃអាទិត្យ ៨កើត ដល់ថ្ងៃសុក្រ ១៣កើត ខែមិគសិរ ត្រូវនឹងថ្ងៃទី៨ ដល់ថ្ងៃទី១៣ ខែធ្នូ ឆ្នាំ២០២៤ ក្នុងករណីមេឃស្រឡះល្អ គ្មានភ្លៀងកក់ខែ ឬមិនទទួលរងឥទ្ធិពលព្យុះភ្លៀង។ អាស្រ័យដូចបានជម្រាបជូនខាងលើ សូមបងប្អូនប្រជាពលរដ្ឋដែលមានបំណងធ្វើប្រហុក ផ្អកត្រីឆ្អើរ ឬទឹកត្រី សូមរួសរាន់អញ្ជើញមកទិញត្រី តាមពេលវេលា និងទីកន្លែងដូចមានក្នុងសេចក្តីជូនដំណឹងនេះ។ ទន្ទឹមនេះ រដ្ឋបាលជលផលសំណូមពរដល់អាជ្ញាធរមូលដ្ឋាន ឬសមត្ថកិច្ចពាក់ព័ន្ធ មេត្តាជួយ សម្រួលជូនដល់បងប្អូនប្រជាពលរដ្ឋបានធ្វើដំណើរ ស្នាក់នៅ និងដឹកជញ្ជូនផល ផលិតផលត្រីដោយរលូនផងដែរ ៕…

ក្រុមហ៊ុន រ៉ូយ៉ាល់ គ្រុប ហ្វាន់ ដែលជាក្រុមហ៊ុនបុត្រសម្ព័ន្ធរ៉ូយ៉ាល់គ្រុប មានកិត្តិយសប្រកាសសម្ពោធជាផ្លូវការនៃគម្រោងវិនិយោគរួមចំនួនពីរ ដែលនឹងចូលរួមក្នុងការពង្រីកគម្រោងវិនិយោគបន្ថែម លើគម្រោងវិនិយោគដែលមានស្រាប់នៅក្នុងទីផ្សារ ព្រមទាំងចូលរួមអភិវឌ្ឍបន្ថែមលើមូលធនទីផ្សាររបស់កម្ពុជា ដើម្បីជាអត្ថប្រយោជន៍បន្ថែមដល់វិនិយោគិនថ្មីៗ ក៏ដូចជាវិនិយោគិនដែលមានស្រាប់នៅក្នុងប្រទេសកម្ពុជា។ គម្រោងវិនិយោគរួមចំនួនពីរ របស់ក្រុមហ៊ុន រ៉ូយ៉ាល់ គ្រុប ហ្វាន់ ដែលដាក់សម្ពោធជាផ្លូវការនាថ្ងៃទី ២៩ខែ វិច្ឆិកា ឆ្នាំ ២០២៤នេះ មានឈ្មោះថា «Fixed Income Funds និង Distressed Asset Fund» គឺជាគម្រោងវិនិយោគគ្មានកាលកំណត់ ដែលបង្កើតឡើងជូនដល់វិនិយោគិន ដើម្បីជាឱកាសសម្រាប់ការអភិវឌ្ឍន៍សេដ្ឋកិច្ចដ៏រឹងមាំនៅក្នុងប្រទេសកម្ពុជា។ ពិធីសម្ពោធនេះត្រូវបានរៀបចំធ្វើឡើងក្រោមវត្តមានដ៏ខ្ពង់ខ្ពស់ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (ន.ម.ក.) ដោយមានការអញ្ជើញចូលរួមពីអ្នកឧកញ៉ា គិត ម៉េង ប្រធានក្រុមប្រឹក្សាភិបាល និងអគ្គនាយកប្រតិបត្តិក្រុមហ៊ុន រ៉ូយ៉ាល់គ្រុប និងលោកជំទាវអ្នកឧកញ៉ា ម៉ៅ ចំណាន គិត ម៉េង អនុប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់គ្រុប ព្រមទាំងឥស្សរជន និងភ្ញៀវកិត្តិយសជាច្រើនរូបទៀត។ ក្រោមការដឹកនាំរបស់អ្នកឧកញ៉ា គិត…

សៀមរាប៖រដ្ឋបាលខេត្តសៀមរាបសហការជាមួយអង្គការអាគ្រីស៊ុត និងវិស័យឯកជនបានរៀបចំពិព័រណ៍កសិ-ពាណិជ្ជកម្ម និង​ផលិត​ផលក្នុងស្រុកលើកទី២ រយៈពេល៣ថ្ងៃ ចាប់ពីថ្ងៃទី ២៩-៣០ ខែវិច្ឆិកា ដល់ថ្ងៃទី ១ ខែធ្នូ ឆ្នាំ២០២៤ នៅ​បរិវេណ​សួនច្បារ​ព្រះអង្គចេកព្រះ​អង្គចម។គោលបំណងនៃពិព័រណ៍ ដើម្បីផ្សាភ្ជាប់ទំនាក់ទំនង​រវាងអ្នក​ផលិតទៅកាន់អ្នកប្រើប្រាស់ និងលើក​កម្ពស់ផលិតផលក្នុងស្រុក ដោយផ្តោតសំខាន់លើការប្រើប្រាស់បន្លែសុវត្ថិភាព និងផលិតផល​កែច្នៃដែលមានគុណភាព។ ពិធីសម្ពោធបានប្រព្រឹត្តទៅក្រោមអធិបតីភាពឯកឧត្តម កុយ សង សមាជិកក្រុមប្រឹក្សាខេត្ត លោក ឌី រ៉ាដូ អភិបាលរងខេត្ត និងលោក គិត ភារ៉ា អគ្គនាយករងជំរុញពាណិជ្ជកម្មនៃក្រសួងពាណិជ្ជកម្ម។ ពិព័រណ៍មានដូចជា ការតាំងលក់ផលិតផលបន្លែ ផ្លែឈើ និងអាហារ​កែច្នៃ,កម្មវិធីដាល់អំបុក,ការប្រកួតចម្អិនអាហារ ដែលមានការ​ចូលរួម​ដោយសមាគមចុងភៅកម្ពុជា។ពិព័រណ៍នេះមានការចូលរួមពីស្ថាប័នរដ្ឋ វិស័យឯកជន សមាគម និងអង្គការ ដោយមាន​ស្តង់ចំនួន ៨៥ មកពីខេត្តសៀមរាប តាកែវ បាត់ដំបង បន្ទាយមានជ័យ និងរាជធានី​ភ្នំពេញ។ លោក ភឿន គឹមលី ប្រធានមន្ទីរពាណិជ្ជកម្មខេត្តសៀមរាប បាន​បញ្ជាក់ថា ពិព័រណ៍នេះចង់ផ្តល់ឱកាសឱ្យកសិករនិងផលិតករ ដើម្បី​លើកស្ទួយទីផ្សារថ្មី និងបង្កើតការយល់ដឹងអំពីភាពសំខាន់នៃ​ផលិតផល​សុវត្ថិភាព។ លោក គិត ភារ៉ា អគ្គនាយករងជំរុញពាណិជ្ជកម្មនៃក្រសួងពាណិជ្ជកម្ម…

(ភ្នំពេញ)៖ ការរៀបចំនូវផែនការសហគមន៍បានល្អ មានយុទ្ធសាស្រ្តក្នុងការលក់គ្រាប់ស្វាយចន្ទីសើម៥០ភាគរយ និងគ្រាប់ស្វាយចន្ទីស្ងួត ៥០ភាគរយ គឺអាចធានាបាននូវតម្លៃទីផ្សារស្វាយចន្ទីបានល្អ។នេះជាការថ្លែងបញ្ជាក់ពីសំណាក់ឯកឧត្តម ឌិត ទីណា រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ។ ក្នុងដំណើរ ទស្សនកិច្ច និងជួបសំណេះសំណាលជាមួយសមាជិកសហគមន៍កសិកម្មទំនើបប្រាសាទសំបូររុងរឿង នៅស្រុកប្រាសាទសំបូរ ខេត្តកំពង់ធំកាលពីរសៀលថ្ងៃទី២៨ ខែវិច្ឆិកា ឆ្នាំ២០២៤ ឯកឧត្តម ឌិត ទីណា បានថ្លែងដោយលើកទឹកចិត្តដល់សមាជិកសហគមន៍ស្វាយចន្ទីទាំងអស់ត្រូវចេះធ្វើការរួមគ្នា មានទំនើបកម្មទាំងសហគមន៍ និងធនធានមនុស្ស មានការគ្រប់គ្រងល្អ ត្រួតពិនិត្យស្តង់ដាការងារត្រឹមត្រូវ ជាពិសេសត្រូវមានភាពស្មោះត្រង់ជាមួយគ្នា ដោយពង្រឹងការដាំដុះឱ្យមានគុណភាពល្អ និងលក់បានថ្លៃ ។ សូមរំលឹកថាសហគមន៍កសិកម្មទំនើបប្រាសាទសំបូររុងរឿង បានផ្តោតការដាំដុះលើដំណាំស្វាយចន្ទី ដែលមានសមាជិកចំនួន ១៥២ គ្រួសារនិងមានផ្ទៃដីដាំដុះចំនួន ៦២៣ហិកតា ព្រមទាំងទទួលការជួយគាំទ្រពីក្រសួងកសិកម្ម ក្នុងការរៀបចំផែនការអាជីវកម្ម ការជ្រើសរើសបុគ្គលិក និងការសិក្សាពីហេដ្ឋារចនាសម្ព័ន្ធផលិតកម្មស្វាយចន្ទី។ ដោយឡែក ឯកឧត្តម តូច ប៊ុនហូរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទបានឱ្យដឹងនាថ្មីៗមកនេះថា៖ សន្ទុះនៃការដាំ និងការវិនិយោគនៃការដាំស្វាយចន្ទី នៅកម្ពុជាឃើញថាខ្លាំងក្លា និងបើពុំមានអ្វីប្រែប្រួលទេរយៈពេល២ទៅ៣ឆ្នាំខាងមុខទៀតយើងនឹងអាចសម្រេចបាននូវគោលនយោបាយជាតិស្តីពី ស្វាយចន្ទីឆ្នាំ២០២២-២០២៧ ដែលក្នុងនេះនឹងធ្វើការកែច្នៃគ្រាប់ចន្ទីឱ្យបាន២០ភាគរយនិងបច្ចុប្បន្នយើងមានការច្នៃក្នុងស្រុកតែជាង១០ភាគរយបន្តិចបន្តួច ។ សម្រាប់គ្រាប់ស្វាយចន្ទីកម្ពុជាមានការនាំចេញទៅកាន់ប្រទេសជិតខាងមានសើម មានឆៅ…

បន្ទាយមានជ័យ៖តំបន់អភិវឌ្ឍន៍បឹងជង្រុកតេជោ ឈ្នះឈ្នះ ស្ថិតនៅ​ឃុំទួលពង្រ ស្រុកម៉ាឡៃ ខេត្តបន្ទាយមានជ័យ នឹងដាក់សម្ពោធ​សមទ្ធិផល​នានា​នៅព្រឹកថ្ងៃទី២៩ ខែវិច្ឆិកា ឆ្នាំ២០២៤ក្រោម​អធិបតី​ភាព​ដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋ​មន្រ្តីនៃព្រះរាជាណាចក្រកម្ពុជា។តំបន់អភិវឌ្ឍន៍បឹងជង្រុកតេជោ ឈ្នះ ឈ្នះ មានផ្ទៃដី ៣០៤ហិកតា។ចំណែកសមិទ្ធផលនានាមាន ព្រលាន​យន្ត​ខ្នាតតូច សាលារៀន មន្ទីរពេទ្យ សួនសាធារណៈនិងហេដ្ឋារចនា​សម្ព័នរូបវ័ន្តជាច្រើនទៀត ។ តាមពិតពីអតីតកាលនៃតំបន់អភិវឌ្ឍន៍បឹងជង្រុក គឺមិនមែនស្រស់​ត្រកាល​និងរស់រវ៉ើកដូចពេលនេះឡើយ ។លោក ស្វាយ ជា អភិបាល​ស្រុកម៉ាឡៃ ខេត្តបន្ទាយមានជ័យបានរំលឹកពីរឿងរ៉ាវទាក់ទងនឹងទីនេះ (បឹងជង្រុក)។ លោកអភិបាលស្រុកម៉ាឡៃបានប្រាប់ទូរទស្សន៍អប្សរានៅថ្ងៃទី២៨ ខែវិច្ឆិកាថា ពីអតីតកាលតំបន់បឹងជង្រុកជាសមរភូមិជួរ​មុខនៃ​ភាគ​ពាយ័ព្យប្រទេសកម្ពុជា ។ក្រោយបញ្ចប់សង្គ្រាមដោយនយោបាយ​ឈ្នះឈ្នះ របស់សម្ដេចតេជោ ហ៊ុន សែន ស្រុកម៉ាឡៃ បាន​ធ្វើការ​អភិវឌ្ឍស្ទើរគ្រប់វិស័យ ។ប៉ុន្តែក៏​នៅមានតំបន់ខ្លះក្នុងនោះ​មានតំបន់​បឹងជង្រុកនេះជាដើមកំពុងបន្តធ្វើការដោះមីនជាបណ្ដើរ ៗ។បន្តមកតំបន់បឹងជង្រុកបានក្លាយជាចម្ការដំណាំ និងដីស្រែបង្ក​បង្កើន​ផល ប៉ុន្តែ​ត្រូវបានបុគ្គលខិលខូចមួយចំនួនញុះ​ញង់​ប្រជា​ពលរដ្ឋបង្កើត​ជាជម្លោះប្រទាញប្រទង់គ្នាលើផ្ទៃដីតំបន់នេះ ។ ទោះជាបែបនេះក្ដីនៅថ្ងៃទី៣០ ខែមិថុនា ឆ្នាំ២០២២ ក្រុម​ការងារបាន​អនុវត្តរូបមន្តនៃនយោបាយឈ្នះឈ្នះ ដោយមានការចុះអនុវត្តផ្ទាល់​ពីសំណាក់ឯកឧត្តមបណ្ឌិត ប៉ាន់ ខែម ប៊ុនថន នា យករង​ខុទ្ទកាល័យ សម្តេចធិបតីនាយករដ្ឋមន្រ្តី និងមានកិច្ចសហការពីរដ្ឋបាលស្រុក ខេត្តបន្ទាយមានជ័យ…