ភ្នំពេញ៖ គម្រោងលើកកម្រិតផ្លូវដែកល្បឿនលឿនភាគខាងជើង ពីរាជធានីភ្នំពេញ ទៅក្រុងប៉ោយប៉ែត ខេត្តបន្ទាយមានជ័យ ដែលអាចឲ្យរថភ្លើងរត់បានរហូតដល់ទៅ ១៦០គីឡូម៉ែត្រក្នុងមួយម៉ោង ត្រូវបានពន្យាពេលជាផ្លូវការ។ ក្រសួងសាធាណការនិងដឹកជញ្ជូន បានឲ្យក្រុមហ៊ុនសាជីវកម្មថ្នល់ និងស្ពានចិន (CRBC) សិក្សាពីគម្រោងនេះកាលពីឆ្នាំ២០២២ និងបានប្រកាសជាសាធារណៈនៅខែមករាឆ្នាំ ២០២៣ អំពីផែនការចាយបួនពាន់លានដុល្លារ ដែលរួមទាំងសម្រាប់ការសាងសង់ផ្លូវនេះដែលមានប្រវែង ៣៨២គីឡូម៉ែត្រ មានស្ថានីយសរុបចំនួន៣៣ ដោយស្ថានីយចំនួន១៩ ក្នុងផែនការរយៈពេលខ្លី និងស្ថានីយ ១៤ទៀត ក្នុងផែនការរយៈពេលវែង និងចំណាយមួយចំនួនលើទូ និងរថភ្លើងផងដែរ។ ឯកឧត្តម ស៊ុន ចាន់ថុលដែលកាលនោះគឺជារដ្ឋមន្ត្រីក្រសួងសាធាណៈការ និងដឹកជញ្ជូន និយាយច្បាស់ៗថា គម្រោងនេះនឹងកើតឡើងឆាប់ៗ និងបញ្ចប់ក្នុងរយៈពេលបួនឆ្នាំ។ ក៏ប៉ុន្តែ ក្នុងកម្មវិធីសំណេះសំណាលមួយនៅខេត្តកំពង់ផែក្រុងព្រះសីហនុនាពេលថ្មីៗនេះ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានបង្វែរគម្រោងផ្លូវដែកល្បឿនលឿននេះ ងាកទៅរកការពង្រឹងបណ្តាញផ្លូវដែកដែលមានស្រាប់វិញ ដើម្បីឲ្យរថភ្លើងអាចរត់ក្នុងល្បឿនធម្មតាត្រឹម ៨០គីឡូម៉ែត្រក្នុងមួយម៉ោង។ សម្តេចថា ផ្លូវដែកល្បឿនលឿនថ្លៃពេក ហើយប្រាប់ឲ្យផ្អឹបទុកគម្រោងនេះសិន។  ការសម្រេចចិត្តនេះ ធ្វើឡើងចំពេលរដ្ឋាភិបាលកំពុងព្យាយាមពង្រីកសក្តានុពលដឹកជញ្ជូនទំនិញតាមផ្លូវដែក ដែលមកដល់ពេលនេះ មានទំនិញប្រហែលតែ៦ ភាគរយប៉ុណ្ណោះនៃទំនិញចេញចូលប្រទេសកម្ពុជា ត្រូវបានដឹកតាមផ្លូវដែក។ ទំនិញច្រើនលើសលុបត្រូវបានដឹកតាមផ្លូវថ្នល់ ដែលនាំឲ្យមានតម្លៃខ្ពស់ ខូចខាតផ្លូវ និងបង្កហានិភ័យនៃគ្រោះថ្នាក់ចរាចរខ្ពស់ជាងការដឹកជញ្ជូនតាមផ្លូវដែក។ ប៉ុន្តែ…

ភ្នំពេញ៖ គ្រឹះស្ថានមីក្រូហិរញ្ញវត្ថុអម្រឹតបានសម្រេចលក់ភាគហ៊ុន ១០០ភាគរយ ទៅក្រុមហ៊ុនតៃវ៉ាន់ SinoPac Holdings ក្នុងតម្លៃជាង ៥៤០លានដុល្លារ។ ការទិញលក់នឹងចែក ជាបីដំណាក់កាល។ ដំណាក់កាលទីមួយ ក្រុមហ៊ុននឹងទិញយក ៨០ភាគរយក្នុងតម្លៃប្រហែល ៤៣៥ លានដុល្លារ ហើយបន្ទាប់មកនឹងទិញយក១០ភាគរយទៀតនៅចុងឆ្នាំទី១ និង១០ភាគរយទៀតនឹងទិញយកនៅចុងឆ្នាំទី២។ ក្រុមហ៊ុន SinoPac Holdings ដែលជាបុត្រសម្ព័ន្ធរបស់ធនាគារ SinoPac បានប្រកាសពីការទិញផ្តាច់យកគ្រឹះស្ថានដ៏ធំមួយនេះកាលពីថ្ងៃសៅរ៍ ដោយបញ្ជាក់ថា នេះជាគោលដៅយុទ្ធសាស្រ្តដើម្បីបង្កើនប្រាក់ចំណូល និងពង្រីកសក្តានុពលរបស់ខ្លួននៅអន្តរជាតិ ជាពិសេសនៅទីផ្សារកម្ពុជា ដែលក្រុមហ៊ុននេះថា មានកំណើនសេដ្ឋកិច្ច និងប្រជាសាស្ត្រ ទាក់ទា ញដែលអាចគាំទ្រដល់កំណើនរយៈពេលវែង។ SinoPac ជាម្ចាស់បំណុលដ៏ធំមួយរបស់គ្រឹះស្ថានហិរញ្ញវត្ថុអម្រឹត។ ធនាគារនេះជាអ្នកផ្ដល់កម្ចីដ៏ធំសម្បើមមួយ របស់អម្រឹតតាំងពីឆ្នាំ ២០១៧មក។ លោកជំទាវ ឌិត នីតា ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា (CMA) បានប្រាប់ទូរទស្សន៍អប្សរាថា ការទិញលក់ ឬការច្របាច់បញ្ចូលគ្នារវាងស្ថាប័នមីក្រូហិរញ្ញវត្ថ ឬរវាងធនាគានិងមីក្រូហិរញ្ញវត្ថុ គឺជារឿងធម្មតានៅក្នុងវិស័យហិរញ្ញវត្ថុ។ លោកជំទាវថា នេះជាផ្នែកមួយក្នុងការពង្រីកប្រតិបត្តិការអជីវកម្មផ្អែកទៅតាមជម្រើស និងទស្សនៈវិស័យរបស់ស្ថាប័ននីមួយៗ ហើយថា នេះជាសញ្ញាល្អដែលបង្ហាញពីទំនុកចិត្តរបស់អ្នកវិនិយោគទៅលើភាពធន់នៃវិស័យហិរញ្ញវត្ថុនៅកម្ពុជា។ លោកបណ្ឌិត ហុង វណ្ណៈ…

ភ្នំពេញ៖ ក្រសួងសាធារណការ និងដឹកជញ្ជូន តាមរយៈការដេញថ្លៃ បានផ្តល់សិទ្ធិឲ្យក្រុមហ៊ុន AZ Builders ដើម្បីសង្គ្រោះកំពង់ផែទេសចរណ៍កំពតដែលត្រូវបានទុកចោលរយៈពេលពីរឆ្នាំមកហើយក្រោយបញ្ចប់ការសាងសង់តាំងពីឆ្នាំ២០២២មក។ ក្រុមហ៊ុន AZ Builders ដែលជាបុត្រសម្ព័ន្ធរបស់ក្រុមហ៊ុនខ្មែរ AZ Group នឹងត្រូវបោះទុនវិនិយោគពី ៥លានទៅ១០លានដុល្លារអាមេរិក ជីកស្តារពង្រីកផ្លូវទឹកឲ្យបានជ្រៅ និងធំទូលាយ ដើម្បីអាចឲ្យនាវាចូលចតបាន។ នេះបើយោងតាមរដ្ឋមន្រ្តីក្រសួងសាធារណការឯកឧត្តម ប៉េង ពោធិ៍នា និង ឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន។ ក្នុងសន្និសីទកាសែតកាលពីថ្ងៃសុក្រសប្តាហ៍មុន ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន ឲ្យដឹងថា រដ្ឋាភិបាលគ្រោងចុះកិច្ចព្រមព្រៀងជាមួយក្រុមហ៊ុនវិនិយោគឯកជននេះ នៅអំឡុងត្រីមាសទី២ ឆ្នាំ ២០២៤។ លោករំពឹងថា កំពង់ផែទេសចរណ៍កំពតនឹងអាចដំណើរការបណ្តោះអាសន្ន ក្នុងអំឡុងត្រីមាសទី៣ឆ្នាំនេះ និងគ្រោងបើកជាផ្លូវការនៅចុងឆ្នាំដដែល។ គួរបញ្ជាក់ថា កំពង់ផែទេសចរណ៍នេះ ត្រូវបានសាងសង់កាលពីឆ្នាំ២០១៨ ក្រោមកម្ចីរបស់ធនាគារអភិវឌ្ឍន៍អាស៊ី (ADB )ក្នុងទំហំទឹកប្រាក់ជាងប្រាំបួនលានដុល្លារ ដោយដំបូងឡើយត្រូវបានគ្រប់គ្រងដោយក្រសួងទេសចរណ៍ មុននឹងផ្ទេរទៅក្រសួងសាធារណការ។ គេមិនបានដឹងពីការបោះបង់កំពង់ផែនេះនោះទេរហូតដល់ ឯកឧត្តម ឧបនាយករដ្ឋមន្ត្រី ស៊ុន…

ភ្នំពេញៈអង្ករក្រអូបរបស់កម្ពុជាគឺអង្ករផ្ការំដួល និងសែនក្រអូប កំពុងពេញនិយមនៅប្រទេសម៉ាឡេស៊ី។ ភាគីម៉ាឡេស៊ី បានស្នើសុំឱ្យកម្ពុជាផលិតអង្ករប្រភេទនេះឱ្យបានច្រើនសម្រាប់នាំចេញទៅម៉ាឡេស៊ី។ នេះបើយោងតាមការឲ្យដឹងពីសហព័ន្ធស្រូវអង្ករកម្ពុជា។ សហព័ន្ធស្រូវអង្ករកម្ពុជា បញ្ជាក់ថា ម៉ាឡេស៊ីបានសន្យានឹងដឹកនាំក្រុមហ៊ុននានាដែលជាក្រុមហ៊ុននាំចូលអង្ករមកទស្សនកិច្ចសិក្សាដល់រោងម៉ាស៊ីនស្រូវនៅកម្ពុជានានៅក្នុងខែកញ្ញាឆ្នាំ២០២៤នេះដែលជារដូវប្រមូលផលស្រូវមិនប្រកាន់ដូវវគ្គទី២។ ម៉ាឡេស៊ីជាប្រទេសធំទី៣ ដែលកម្ពុជាបាននាំចេញអង្កការប្រចាំឆ្នាំ បរិមាណជាង ៥ម៉ឺនតោន ដែលអង្ករទាំងនោះគី ៩៥ភាគរយ ជាអង្ករផ្ការំដួល និង សែនក្រអូប ដែលមានក្លិនក្រអូបឈ្ងុយ។ ចំណែកកម្ពុជាជាប្រទេសធំទី៥ ដែលប្រទេសម៉ាឡេស៊ីបាននាំអង្ករចូលក្នុងចំណោមប្រទេសទាំង១២។ ការបរិភោគអង្ករទាំងពីរប្រភេទនេះក្នុងចំណោមប្រជាជនម៉ាឡេស៊ី មានកំណើនជាង១០ភាគរយប្រចាំឆ្នាំ។ នេះបើយោងតាមក្រុមហ៊ុនរដ្ឋប្រទេសម៉ាឡេស៊ី Padiberas Nasional Bhd (BERNAS) ដែលជាក្រុមហ៊ុនផ្តាច់មុខលើការនាំចូល និងក្រុមហ៊ុនទទួលចែកចាយបន្តនៅក្នុងប្រទេសម៉ាឡេស៊ី។ ក្នុងត្រីមាសទី១ ឆ្នាំ២០២៤នេះ ការនាំចេញស្រូវអង្កររបស់កម្ពុជាមានតម្លៃសរុបជាង ៧២៣លានដុល្លារអាមេរិក។ ពេញមួយឆ្នាំ២០២៣ការនាំចេញស្រូវអង្កររបស់កម្ពុជាមានទឹកប្រាក់ជាង ១ ៧០០លានដុល្លារក្នុងនោះការនាំចេញអង្ករមានជាង ៤៦៦លានដុល្លារ និងស្រូវជាង ១ ៣០០លានដុល្លារ៕ដោយៈយ៉ែម សុផល