ភ្នំពេញ៖ ជើងហោះហើរដំបូងលេខ EK348 ប្រភេទយន្តហោះ Boeing 777-300ER របស់ក្រុមហ៊ុនអាកាសចរណ៍ Emirates នៅថ្ងៃទី១ ខែឧសភា ឆ្នាំ២០២៤ បាននាំអ្នកដំណើរចម្រុះជាតិសាសន៍ជិត ១៨០នាក់ ពីទីក្រុងឌូបៃ មកអាកាសយានដ្ឋានអន្តរជាតិភ្នំពេញ បន្ទាប់ពីក្រុមហ៊ុននេះ បានសម្រេចចិត្តតភ្ជាប់ជើងហោះហើរត្រង់មកកម្ពុជាឡើងវិញ។ ថ្លែងក្នុងពិធីនេះ ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល បានមានប្រសាសន៍ថា ការចាប់ផ្ដើមជើងហោះហើរឡើងវិញនៅថ្ងៃនេះ គឺបង្ហាញឱ្យឃើញពីការប្ដេជ្ញាចិត្តបង្កើនឱ្យមានភាពងាយស្រួល និងលទ្ធភាពប្រើប្រាស់កាន់តែច្រើនបន្ថែមទៀត សម្រាប់ប្រជាពលរដ្ឋ អាជីវកម្ម និង ភ្ញៀវទេសចរ ទាំងកម្ពុជា និងអេមីរ៉ាតអារ៉ាប់រួម។ ឯកឧត្តមបន្តថា ស្របពេលយើងទាំងអស់គ្នាកំពុងធ្វើដំណើរឈានទៅមុខ នៅក្នុងវិស័យអាកាសចរណ៍ស៊ីវិល ឯកឧត្តមសូមអំពាវនាវឱ្យមានការរួបរួមគ្នាបំពេញការងារ ដើម្បីធានាសន្តិសុខ សុវត្ថិភាព និងផាសុកភាពនៃអ្នកធ្វើដំណើតាមផ្លូវអាកាស ចេញ និងចូលកម្ពុជា ព្រមទាំងទទួលបទពិសោធន៍ថ្មីៗ នៃសេវាកម្មលំដាប់ផ្កាយប្រាំរបស់ក្រុមហ៊ុនអាកាសចរណ៏ Emirates នាថ្ងៃនេះផងដែរ។ ឯកឧត្តមសង្ឃឹមថា នឹងមានការតភា្ជប់ជើងហោះហើរត្រង់ ហើយចំនួនជើងហោះហើរនឹងកាន់តែមានច្រើនបន្ថែមទៀតមកកាន់កម្ពុជាពីគ្រប់តំបន់ ដែលនឹងនាំមកនូវការរួមចំណែកជាវិជ្ជមានដល់ការរីកចម្រើនរបស់កម្ពុជា ក្រោមម្លប់សុខសន្តិភាពពេញលេញនាពេលនេះ និងទៅថ្ងៃអនាគត។ លោក Nabil Sultan អនុប្រធានប្រតិបត្តិផ្នែកលក់…

ភ្នំពេញៈ​ ចម្ការកៅស៊ូដែលកំពុងប្រមូលផលជាង ២០ហិកតា នៅខេត្តកោះកុង ដែលត្រូវភ្លើងឆេះ បានបណ្តាលឲ្យសេដ្ឋីកសិកម្ម អ្នកឧកញ៉ា ម៉ុង ឬទ្ធី ខាតប្រាក់បីលានដុល្លារ។ លើសពីនេះ ហេតុការណ៍នេះនាំឲ្យប៉ះពាល់ការងាររបស់កម្មករប្រមាណ២០០០ពាន់នាក់។ លោកសេដ្ឋីរូបនេះបានប្រាប់ទូរទស្សន៍អប្សរាថា មូលហេតុដែលបណ្តាលឱ្យកើតមានភ្លើងឆេះចម្ការកៅស៊ូនេះ ផ្តើមចេញពីប្រជាពលរដ្ឋកាប់រានដុតព្រៃដោយមិនមានការប្រុងប្រយ័ត្ន នាំឱ្យឆេះរាលដាលដល់ចម្ការកៅស៊ូលោក។ លោកថានេះជាលើកទី១ហើយដែលឆេះក្នុងទំហំធំ និងខាតប្រាក់ច្រើន។ ប៉ុន្តែ លោកគ្មានបំណងប្តឹងផ្តល់អ្នកដុតព្រៃនោះទេ។ លោកឡើងដូច្នេះថា« ចង់ផ្តាំផ្ញើដល់ប្រជាជនកុំចេះតែដុតព្រៃអ៊ីចឹងទៀត ព្រោះកំដៅកំពុងតែក្តៅខ្លាំង ៤០,៤១,៤២ អង្សារ ហើយគាត់ដុតព្រៃចឹងវារាលដាល ហើយយើងទៅចាប់ទោសអូសដំណើរយ៉ាងម៉េចកើត អាចមានរឿងទៀតជាមួយប្រជាជន»។ ចំពោះបុគ្គលិក និងកម្មករដែលបាត់ការងារ លោកនឹងព្យាយាមប្តូរពួកគេទៅធ្វើការនៅកន្លែងផ្សេងវិញ ដើម្បីឲ្យពួកគេបន្តមានចំណូលសម្រាប់ផ្គត់ផ្គង់ជីវិត។ គួរសម្គាល់ថា បណ្តាប្រទេសនៅទ្វីបអាស៊ីកំពុងប្រឈមនឹងរលកកម្តៅ ខណៈសីតុណ្ណភាពនៅកម្ពុជា មានរហូតដល់ ៤៦អង្សានៅតំបន់ខ្លះនៅថ្ងៃពុធនេះ។ កម្តៅដ៏ក្តៅបែបនេះ បានជះឥទ្ធិពលយ៉ាងខ្លាំងលើប្រជាជន ហើយវាអាចបង្កហានិភ័យដល់សុខភាពថែមទៀត ជាពិសេសក្រុមមនុស្សងាយរងគ្រោះមនុស្សចាស់ កុមារ និងហានិភ័យនៃការឆេះព្រៃជាដើម។ អាជ្ញាធរ ក៏បានព្រមានពីគ្រោះរាំងស្ងួតផងដែរ៕  ដោយៈទួន សុផល

ភ្នំពេញ:មកដល់ថ្ងៃនេះ អាកាសធាតុកាន់តែក្តៅខ្លាំង លោកជំទាវ ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានប្រាប់ទូរទស្សន៍អប្សរានៅរសៀលថ្ងៃពុធនេះថា ក្រសួងអប់រំនឹងពិនិត្យលទ្ធភាពផ្អាកការសិក្សា នៅសាលារៀន។ លោកជំទាវ បញ្ជាក់ទៀតថា ក្រសួងបានបើកលទ្ធភាពឱ្យគណៈគ្រប់គ្រងសាលានីមួយៗនៅទូទាំងប្រទេសអាចសម្រេចតាមស្ថានភាពជាក់ស្តែងនៅពេលកម្តៅឡើងក្តៅខ្លាំង។ការលើកឡើងរបស់ លោកជំទាវ ឃួន វិច្ឆិកា នេះគឺស្របពេលដែលសម្តេចធិបតីនាយករដ្ឋមន្ត្រី ហ៊ុន ម៉ាណែត នៅថ្ងៃពុធដដែលនេះបានណែនាំឲ្យក្រសួងអប់រំគួរពិចារណាផ្អាកការសិក្សានៅតាមសាលារៀន ប្រសិនបើកម្តៅឡើងលើសពី ៤០អង្សាសេ។នៅថ្ងៃនេះ តំបន់ខ្លះនៃប្រទេសកម្ពុជា កម្តៅបានហក់ឡើងដល់ ៤៦អង្សាសេ។ នេះបើយោងតាម លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល។រយៈពេលប៉ុន្មានថ្ងៃនេះ សាលារៀនមួយចំនួននៅទីប្រជុំជនដែលមានឡានទឹក បានបាញ់ស្រោចលើដំបូលសាលារៀន និងទីធ្លាក្នុងសាលា។ ចំណែក សាលានៅតាមជនបទមួយចំនួន លោកគ្រូអ្នកគ្រូ យួរទឹកធុងជះលើបេតុងក្នុងថ្នាក់រៀនដើម្បីបន្ថយកម្តៅ។ កូនសិស្សនៅតាមខេត្ត និងតំបន់ដាច់ស្រយាល រៀនទាំងបែកញើសសស្រាក់ ហើយនិយាយថា ពួកគេរៀនមិនសូវចូលទេដោយសារក្តៅពេក។ ចំណែក កូនសិស្សតូចៗខ្លះបានជួតក្បាលនឹងក្រមាសើម។ ក្រសួងសុខាភិបាលថ្មីៗនេះ បានព្រមានថាអាកាសធាតុក្តៅបែបនេះ អាចបណ្តាលឲ្យគាំងបេះដូង រលាកផ្លូវដង្ហើម ហើយការខ្វះជាតិទឹកក៏បណ្តាលឱ្យកើតជំងឺអសន្នរោគ រាគរួស គ្រុនពោះវៀនផងដែរ។លោក អន គុណរ័ត្ន នាយកសាលាបឋមសិក្សាវត្តបូព៌…

ភ្នំពេញៈនៅថ្ងៃព្រហស្បតិ៍នេះ ក្រុមហ៊ុន អ៊ែរ អេស៊ា ខេមបូឌា(Air Asia Cambodia )ចាប់ផ្តើមបើកការហោះហើរទៅខេត្តព្រះសីហនុ និងសៀមរាបជាផ្លូវការ ដោយប្រើយន្តហោះពីរគ្រឿងផលិតនៅប្រទេសបារាំង ប្រភេទ អ៊ែរប៊ើស(Airbus A320)។ យន្តហោះនេះអាចដឹកអ្នកដំណើរជាង២០០នាក់។លើកឡើងក្នុងពិធីសម្ពោធផ្លូវការថ្ងៃពុធនេះ ឯកឧត្តម  ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល និយាយថា នេះជាប្រវត្តិសាស្ត្រថ្មីមួយទៀតនៃវិស័យអាកាសចរណ៍របស់កម្ពុជា។ លោក Tony Fernandes ទីប្រឹក្សា និងជានាយកនៃក្រុមហ៊ុនអាកាសចរណ៍ AirAsia Aviation Group ប្រជាជនកម្ពុជារាប់លាននាក់នឹងអាចធ្វើដំណើរបានតាមយន្តហោះក្នុងតម្លៃសំបុត្រទាបបំផុត។ យោងតាមគេហទំព័រលក់សំបុត្ររបស់ AirAsia តម្លៃសំបុត្រពីរាជធានីភ្នំពេញទៅខេត្តសៀមរាប សម្រាប់ថ្ងៃស្អែក មានតម្លៃ $35សម្រាប់មួយកន្លែងដោយរាប់បញ្ជូលទាំងពន្ធ។ តម្លៃនេះថោកជាងក្រុមហ៊ុនអាកាសចរណ៍ Cambodia Angkor Air ដែលលក់សំបុត្រពីភ្នំពេញទៅសៀមរាបប្រហែល ៨០ដុល្លារ។ ឯកឧត្តម ស៊ីន ចាន់សិរីវុត្ថា អ្នកនាំពាក្យអាកាសចរណ៍ស៊ីវិល ប្រាប់ទូរទស្សន៍អប្សរាថា ជើងហោះហើរក្នុងស្រុកដំបូងរបស់ Air Asia មានចំនួនភ្ញៀវទេសចរពេញ ១០០ភាគរយគឺ ១៨០នាក់ ពីភ្នំពេញទៅខេត្តសៀមរាប។ ដោយឡែកពីសៀមរាប ទៅព្រះសីហនុ…

ភ្នំពេញ ៖ សហគ្រិនខ្មែរ ភូមិអ៊ីមផេកបាត់ដំបង អ៊ីមផេកហាប់ភ្នំពេញ និងអង្គការ វីអេសអូ កម្ពុជា បានប្រកាសសម្ពោធជាផ្លូវការកម្មវិធី សហគ្រិនបាត់ដំបងវគ្គបណ្តុះបណ្តាលអាជីវកម្មដំបូងរដូវកាលទី៥ និង៦ នៅថ្ងៃទី៣០ ខែមេសា ឆ្នាំ២០២៤។ កម្មវិធីសហគ្រិនបាត់ដំបងនេះ ជាកម្មវិធីភ្ញាស់គំនិតអាជីវកម្ម ក្នុងគោលបំណងពង្រឹងសម្ថតភាពយុវជនក្នុងខេត្តបាត់ដំបងក្នុងការចាប់ផ្តើមអាជីវកម្មដែលចូលរួមចំណែកជាវិជ្ជមានដល់សហគមន៍មូលដ្ឋាន។ ក្នុងរយៈពេល ៣ខែនេះ តម្រូវឲ្យអ្នកសិក្សាយកផលិតផលរបស់ពួកគេសាកល្បងជាមួយទីផ្សារជាក់ស្តែង ហើយកសាងគំនិតអាជីវកម្មរបស់ពួកគេទៅជាផែនការអាជីវកម្មដោយមានការណែនាំពីជំហានលំអិតនីមួយៗស្របពេលមានការប្រឹក្សា យោបល់ពីអ្នកជំនាញ។ កម្មវិធីសិក្សាក៏មានរួមបញ្ចូល ទស្សនៈសិក្សា និង ធ្វើបទបង្ហាញជាសាធារណៈអំពីគំនិតអាជីកម្ម នៅពេលបិទបញ្ចប់វគ្គ។ ថ្លែងក្នុងពិធីនេះ ឯកឧត្តម ដូមីនិក វីល្លៀម ឯកអគ្គរាជទូតចក្រភពអង់គ្លេសប្រចាំនៅកម្ពុជា បានមានប្រសាសន៍ថា នេះគឺជាឱកាសមួយនៅក្នុងការប្រមូលផ្ដុំភាពវៃឆ្លាតរបស់យុវជនកម្ពុជា ដើម្បីជួយជ្រោមជ្រែងនិងគាំទ្រយុវជននៅក្នុងខេត្តបាត់ដំបង ក្នុងការអភិវឌ្ឍជំនាញសហគ្រិនរបស់ពួកគេ។ ឯកឧត្តមបន្តថា កម្មវិធីនេះដែរ ក៏ជាកតាលីករនៅក្នុងការជួយបញ្ចូនគំនិត និងថាមពលយុវជនឱ្យក្លាយចេញជារូបរាងផ្ដួចផ្ដើមអាជីវកម្មជោគជ័យ ដែលនឹងមានផលប្រយោជន៍រួមសម្រាប់សហគមន៍មូលដ្ឋានផងដែរ។ ឯកឧត្តមបណ្ឌិត ឈៀង វណ្ណមុនិណ្ឌ អគ្គនាយកប្រតិបត្តិនៃសហគ្រិនខ្មែរ បានសង្កត់ធ្ងន់លើការប្តេជ្ញាចិត្តក្នុងការជំរុញស្មារតីសហគ្រិនភាព ក្នុងនាមជាស្ថាប័នមួយដែលឈានមុខគេ ក្នុងការកសាងប្រព័ន្ធអេកូឡូស៊ី។ ឯកឧត្តមបន្តថា សហគ្រិនខ្មែរជឿជាក់ថា ទេពកោសល្យនៃការធ្វើអាជីវកម្ម និងគំនិតអាជីវកម្មល្អៗមាននៅគ្រប់ទីកន្លែង ហើយការបង្វែរការគាំទ្រឲ្យបានទៅដល់យុវជននៅតាមខេត្តដែលមានសក្កានុពល ដូចជាខេត្តបាត់ដំបងជាដើម គឺមានសារៈសំខាន់ណាស់។…