រាជធានីភ្នំពេញ៖ នេះគឺជាផ្កាព្រៃកំពុងរីកយ៉ាងស្រស់ស្អាតនាដើមរដូវវស្សាដែលទើបឈានមកដល់។ ផ្កាព្រៃដ៏ស្រស់ស្អាតដែលជួយបង្កើនសម្រស់ដល់តំបន់ព្រៃភ្នំនិងក៏ជារបស់ទាក់ទាញភ្នែកដល់អ្នកទេសចរផងនេះត្រូវគេថតបាននៅតាមដែនជម្រកសត្វព្រៃលំផាត់នៅក្នុងភូមិសាស្រ្តនៃខេត្តរតនៈគិរី និងខេត្តមណ្ឌលគិរី។ គួរបញ្ជាក់ថា រាជរដ្ឋាភិបាលកម្ពុជា បានចេញអនុក្រឹត្យលេខ០៤ អនក្រ.បក ស្តីពីការកំណត់បែងចែកតំបន់គ្រប់គ្រងដែនជម្រកសត្វព្រៃលំផាត់ ខេត្តរតនៈគិរី និងមណ្ឌលគីរី នៅថ្ងៃទី០៥ ខែមករា ឆ្នាំ២០១៧។ ដែនជម្រកសត្វព្រៃលំផាត់នៅក្នុងភូមិសាស្រ្តនៃខេត្តរតនៈគិរី និងខេត្តមណ្ឌលគិរី មានផ្ទៃដីសរុបទំហំ ២៥០.០០០ (ពីរសែនប្រាំម៉ឺន) ហិកតា ត្រូវបានបែងចែកជា ៤ តំបន់ដែលរួមមាន៖ តំបន់ស្នូល តំបន់អភិរក្ស តំបន់ប្រើប្រាស់ដោយចីរភាព និងតំបន់សហគមន៍៕ ដោយ៖ ម៉ាដេប៉ូ

ឯកឧត្តម ប៉ែន កុសល្យ អភិបាលខេត្តឧត្តរមានជ័យ បានដឹកនាំមន្ត្រីក្រោមឱវាទ នៅព្រឹកថ្ងៃទី២៥ ខែឧសភា ឆ្នាំ២០២១ បានប្រគល់២គ្រឿង និងម៉ូតូកង់៣ សម្រាប់ដឹកកាកសំណល់សម្រាម ៦គ្រឿង ដែលផ្តល់ជូនដោយក្រសួងបរិស្ថាន ចែកជូនដល់រដ្ឋបាលក្រុង-ស្រុកចំនួន ៥ និងមន្ទីរសុខាភិបាលខេត្ត ទុកសម្រាប់ដឹកកាកសំណល់រឹង-សំរាមនៅតាមមូលដ្ឋាននីមួយៗ ដើម្បីលើកកម្ពស់សោភ័ណភាពទីក្រុង ទីប្រជុំជន និងបរិស្ថាននៅតាមមូលដ្ឋាន។ ឯកឧត្តម ប៉ែន កុសល្យ បានមានប្រសាសន៍ថានេះ គឺជាការចូលរួមចំណែក យ៉ាងសំខាន់បំផុត សម្រាប់ការគាំទ្រនូវមធ្យោបាយធ្វើការងារ ដល់រដ្ឋបាលថ្នាក់ក្រោមជាតិ ជាពិសេស គឺអាជ្ញាធរ ក្រុង-ស្រុកទាំងអស់ក្នុងខេត្ត ដើម្បីរៀបចំផែនការប្រមូលសំរាមឲ្យបានច្បាស់លាស់ និងប្រើប្រាស់រថយន្តនេះឲ្យអស់លទ្ធភាព ផ្ដោតសំខាន់លើគោលដៅ ក៏ដូចជា ទីតាំងដែលប្រឈម ក្នុងការប្រមូល និងការរក្សាទុក ការគ្រប់គ្រងសំរាម សំណល់រឹង នៅតាមទីប្រជុំជន នៃមូលដ្ឋាននីមួយៗ ដើម្បីធ្វើឲ្យមូលដ្ឋានមានសោភ័ណ្ឌភាព និងទទួលបាននូវលទ្ធផលល្អប្រសើរឡើងផងដែរ៕

រាជធានីភ្នំពេញ៖ក្នុងឆ្នាំ២០២១នេះកម្ពុជាបានចូលរួមអបអរ ទិវាជីវៈចម្រុះអន្តរជាតិ ២២ ឧសភា ដែលប្រព្រឹត្តទៅក្រោមប្រធានបទ “យើងជាចំណែកមួយនៃដំណោះស្រាយ (We’re part of the solution)”។ គួរបញ្ជាក់ថាទិវាជីវៈចម្រុះអន្តរជាតិ ២២ ឧសភា ត្រូវបានអនុម័តដោយអង្គការសហប្រជាជាតិ នៅឆ្នាំ២០០០ ហើយត្រូវបានរៀបចំឡើងទៅតាមប្រធានបទខុសៗគ្នា ដើម្បីផ្សព្វផ្សាយ និងលើកកម្ពស់ការយល់ដឹងរបស់សាធារណៈជនអំពីគុណតម្លៃនៃធនធានជីវៈចម្រុះ និងប្រព័ន្ធអេកូឡូស៊ី។ ក្នុងនាមប្រទេសកម្ពុជា ជាសមាជិករបស់អនុសញ្ញាសហប្រជាជាតិស្តីពីជីវៈចម្រុះ និងដើម្បីចូលរួមជាមួយ    រាជរដ្ឋាភិបាលក្នុងការទប់ស្កាត់ការរីករាលដាលជំងឺកូវីដ១៩ ក្រសួងបរិស្ថាននឹងប្រារព្ធទិវាជីវៈចម្រុះអន្តរជាតិ នៅថ្ងៃទី២២ ខែឧសភា ឆ្នាំ២០២១ តាមរយៈវេទិកាជជែកពិភាក្សាតាមប្រព័ន្ធអនឡាញ ដោយបានលើកយកប្រធានបទសំខាន់ៗចំនួន៧ សម្រាប់ការជជែកពិភាក្សា រួមមាន៖ ១) ការរៀបចំទិវាជីវៈចម្រុះអន្តរជាតិ ២២ ឧសភា; ២) ការសិក្សាស្រាវជ្រាវពីកេសរកូលព្រៃនៅកម្ពុជា; ៣) បទពិសោធន៍ការងារពាក់ព័ន្ធនឹងការអភិរក្សជីវៈចម្រុះតំបន់ដីសើម និងទឹកសាប; ៤) ការលើកកម្ពស់ជីវភាពសហគមន៍មូលដ្ឋានក្នុងតំបន់ការពារធម្មជាតិ; ៥) តួនាទី និងគុណតម្លៃរបស់ជីវៈចម្រុះ និងដំណោះស្រាយ; ៦) ការអប់រំផ្សព្វផ្សាយបរិស្ថាន និងជីវៈចម្រុះ; និង ៧) ការគ្រប់គ្រងសំណល់រឹង និងការអភិរក្សជីវៈចម្រុះ។ ទន្ទឹមនឹងនេះ…

រាជធានីភ្នំពេញ៖ យ៉ាងហោចណាស់សំបុកសត្វត្រយងចង្កំកសចំនួន១០សំបុកនៅដែន ជម្រកសត្វព្រៃលំផាត់នៅខេត្តរតនគីរីត្រូវបានគេប្រទះឃើញកាលពីថ្មីមកនេះ។  ការរកឃើញនេះដែរត្រូវបានគេចាត់ទុកថានេះជាសញ្ញាល្អបញ្ជាក់ពីវត្តមានសត្វស្លាបដ៏កម្ររបស់កម្ពុជា។ ទាក់ទិនក្នុងរឿងនេះលោក ប៊ូ វរសក្ស នាយកកម្មវិធីអង្គការជីវិតស្វតស្លាបប្រចាំកម្ពុជា បានប្រាប់ឱ្យដឹងថា នៅក្នុងរដូវបន្តពូជឆ្នាំ ២០២០-២០២១នេះ ក្រុមអ្នកជំនាញត្រួតពិនិត្យតាម ដានសត្វព្រៃ របស់អង្គការជីវិតសត្វស្លាបអន្តរជាតិកម្ពុជា ដែលរួមមានមន្រ្តីឧទ្យានុរក្សដែនជម្រកសត្វព្រៃលំផាត់ ខេត្តរតនគិរី បានរកឃើញនូវសំបុកសត្វត្រយងចង្កំកសបានចំនួន១០សំបុក ដោយក្នុងនោះចំនួន៦សំបុកត្រូវបានរកឃើញថា ញាស់ដោយជោគជ័យ ដែលមានកូនសរុបចំនួន៨ក្បាល។ ទោះបីយ៉ាងណាចំនួន៤សំបុកផ្សេងទៀតត្រូវបានរកឃើញថាទទួលរងការខូចខាត ដោយសារការរំខានពីមនុស្ស ភ្លើងឆេះព្រៃ និងសត្វព្រៃដទៃទៀត។ លោក នាយកកម្មវិធីអង្គការជីវិតស្វតស្លាបប្រចាំកម្ពុជាបានបញ្ជាក់ដែរថា បើគេធ្វើការប្រៀបធៀបជាមួយរដូវបន្តពូជឆ្នាំ២០១៩-២០២០ឃើញថា មានស្ថានភាពថេរពោលគឺក្រុមការងាររបស់អង្គការជីវិតសត្វស្លាបបានរកឃើញសំបុកត្រយងចង្កំកសកាលពីឆ្នាំទៅសរុបមានចំនួន ១០សំបុក និងចំនួនសំបុកជោគជ័យ៦សំបុកដូចគ្នា ប៉ុន្តែចំនួនកូនដែលជោគជ័យមាន ការថយចុះពី១២ក្បាលកាល ពីឆ្នាំមុននៅ មកនៅត្រឹមចំនួន៨ ក្បាល។  លោកបានលើកឡើងដោយបញ្ជាក់ដែរថាសត្វត្រយចង្កំកស គឺជាប្រភេទសត្វរងគ្រោះជិតផុតពូជបំផុតនៅលើសាកលលោក ដោយពួកវាមានរស់នៅតែក្នុងប្រទេសកម្ពុជា ឡាវ និងឥណ្ឌូនេស៊ីប៉ុណ្ណោះ ហើយចំនួននៅសេសសល់របស់វាភាគច្រើនរស់នៅក្នុងប្រទេសកម្ពុជា។តាមរយៈនេះដែរគឺទាមទារឱ្យមានការចូលរួមការពារសត្វត្រយងចង្កំកសទាំងអស់គ្នា ដើម្បីទុកឱ្យកូនចៅជំនាន់ក្រោយបានស្គាល់ច្រើនជំនាន់ទៀត៕ដោយ៖ម៉ាដេប៉ូ