រដ្ឋបាលក្រុងកោះរ៉ុង ខេត្តព្រះសីហនុ នៅព្រឹកថ្ងៃទី១៤ ខែឧសភា ឆ្នាំ២០២១ បានទទួលរថយន្តដឹកសំរាម ប្រភេទ Dump Type (បែនមានទ្រុង) ចំណុះ២,៥តោន ចំនួន ១គ្រឿង ដោយបានរៀបចំតុបតែង និងបំពាក់GPS រួចជាស្រេចពីក្រសួងបរិស្ថាន។ គម្រោងរថយន្តដឹកសំរាមនេះ នឹងចូលរួមគាំទ្រផ្តល់សេវាប្រមូល សម្អាត ដឹកជញ្ជូនសំរាម សំណល់រឹងនៅក្នុងមូលដ្ឋាន តសាមីផែនការនៃរដ្ឋបាលក្រុង ដែលពង្រីកសេវាប្រមូលដោយខ្លួនឯង ឱ្យស្អាត ឱ្យអស់ ទាន់ពេល និងធានានិរន្តរភាព និងធ្វើភាពជាម្ចាស់ក្នុងការគ្រប់គ្រងសំរាមសំណល់រឹង ដោយរៀបចំធ្វើការប្រមូល សម្អាត ដឹកជញ្ជូន ទុកដាក់ កែច្នៃ និងទាញយកធនធានពីសំរាម ព្រមទាំងចូលរួមអនុវត្តគោលនយោបាយរបស់រាជរដ្ឋាភិបាលឱ្យកាន់តែមានប្រសិទ្ធភាពផងដែរ៕ ដោយ / គ្រី សម្បត្តិ

រាជធានីភ្នំពេញ៖ កូនឆ្មាដាវតូចមួយក្បាលដ៏កំសត់ត្រូវបានប្រជាពលរដ្ឋធ្វើការប្រគល់ដល់មន្រ្តីនៃមន្ទីរបរិស្ថានក្នុងខេត្តរតនគិរីដើម្បីធ្វើការព្រលែងក្នុងព្រៃវិញ។        បើតាមប្រភពពីមន្ទីរបរិស្ថានខេត្តមណ្ឌលគិរីបានឱ្យដឹងថា កូនឆ្មារដាវមួយក្បាលនេះត្រូវបានគេធ្វើការប្រគល់ជូនដល់ លោក ថុន ស៊ូខុន តំណាងឱ្យការិយាល័យឧទ្យានជាតិកាលពីព្រឹកថ្ងៃទី១៤ ខែ ឧសភាឆ្នាំ ២០២១នេះ។ ប្រភពខាងលើដដែលនេះបានបញ្ជាក់បន្ថែមថា កូនឆ្មាដាវចំនួន ០១ក្បាលនេះគឺគេបានទទួល ពីលោក ពៅ សុខផល ជាប្រជាពលរដ្ឋរស់នៅភូមិ៤ ឃុំត្រពាំងច្រះ ស្រុកកូនមុំ តាមរយៈ លោក ស៊ាន ចាន់ណា ដើម្បីយកទៅប្រលែងចូលព្រៃធម្មជាតិរបស់វាវិញ៕ ដោយ៖ ម៉ាដេប៉ូ

កេសរកូលព្រះទ្រហឹង ដែលជាកេសរកូលធំជាងគេលើសកលលោក កំពុងរីកស្រស់ស្អាតនៅក្នុងមជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន ក្នុងខេត្តសៀមរាប។ កេសរកូលព្រះទ្រហឹង គឺជាប្រភេទកេសរកូលព្រៃដ៏កម្រមួយរបស់ខ្មែរ និងមានដុះនៅតំបន់ជួរភ្នំក្រវាញនៃខេត្តកោះកុង និងតំបន់ជួរភ្នំដងរែក នៃខេត្តព្រះវិហារ និងខេត្តសៀមរាប ដែលមានរយៈកម្ពស់ចាប់ពី១០០ ទៅ១២០០ម៉ែត្រ។ លក្ខណៈពិសេសរបស់កេសរកូលប្រភេទនេះ គឺអាចមានទំងន់រហូតដល់ទៅ២តោន ក្នុងមួយគុម្ព ហើយអាច មានកំពស់ចាប់ពី០,៥ ម៉ែត្រទៅ៣ម៉ែត្រ មានបណ្តោយស្លឹកប្រវែងដល់ទៅ០,៧៥ម៉ែត្រ។ ទងផ្កាអាចមានប្រវែង២ម៉ែត្រ និងមានផ្ការហូតដល់ទៅ៧០០០ ផ្កាក្នុង១គុម្ព ដោយក្នុងមួយទងអាចមានចំនួនចាប់ពី៨០ ទៅ១០០ផ្កា។ កេសរកូលប្រភេទនេះកម្រចេញផ្កាណាស់ ហើយផ្កាអាចរីកបានរយៈពេលពី២ទៅ៣ខែ។ បច្ចុប្បន្នព្រះទ្រហឹង កំពុងចេញផ្កាលើកដំបូងនៅក្នុងសួនកេសរកូលព្រៃ នៃមជ្ឈមណ្ឌលស្រាវជ្រាវ និងអភិរក្សកេសរកូលសុខ អាន ភ្នំគូលែន ដែលមានទីតាំងស្របតាមផ្លូវឡើងលើភ្នំគូលែន នៅភូមិស្រះខ្វាវ ឃុំត្បែង ស្រុកបន្ទាយស្រី ខេត្តសៀមរាប។ សូមបញ្ជាក់ថា កេសរកូលមាន ឈ្មោះខ្មែរ ៖ កេសរកូល ព្រះទ្រហឹង ឈ្មោះអង់គ្លេស ៖ Giant Orchid, Tiger Orchid, The Sugar…