រាជធានីភ្នំពេញ៖កម្ពុជានឹង រៀបចំទិវាបរិស្ថានជាតិ និងបរិស្ថានពិភពលោក ៥ មិថុនា ក្រោមប្រធានបទ “ជីវៈចម្រុះ និងសុខភាពមនុស្ស”។នេះបើតាមការឱ្យដឹងរបស់ក្រសួងបរិស្ថាន។ បើយោងតាមសេចក្តីជូនដំណឹងរបស់ក្រសួងបរិស្ថានកាលពីថ្ងៃទី ៣១ខែឧសភាឆ្នាំ ២០២១ដោយបានបញ្ជាក់ជូនដល់សាធារណជន ស្ថាប័នពាក់ព័ន្ធ វិស័យឯកជន អ្នកសារព័ត៌មានជាតិ និងអន្តរជាតិឱ្យដឹងថា ក្នុងបរិបទដែលប្រទេសកម្ពុជាបាននិងកំពុងទទួលរងនូវវិបត្តិ នៃការឆ្លងរាលដាលជំងឺកូវីដ-១៩ ក្រសួងបរិស្ថាននឹងប្រារព្ធទិវាបរិស្ថានជាតិ និងបរិស្ថានពិភពលោក ៥ មិថុនា ឆ្នាំ២០២១ ក្រោមប្រធានបទ «ជីវៈចម្រុះ និងសុខភាពមនុស្ស តាមរយៈការផ្សព្វផ្សាយនៅលើបណ្តាញទំនាក់ ទំនងសង្គមនានារបស់ក្រសួងបរិស្ថាន។ ក្រសួងបរិស្ថានបានបញ្ជាក់បន្ថែមថាសម្រាប់កម្មវិធីនេះ មានគោលបំណងលើកកម្ពស់ការយល់ដឹងជាសាធារណៈអំពី ការគ្រប់គ្រង និងប្រើប្រាស់ធនធានធម្មជាតិប្រកបដោយនិរន្តរភាព ការប្រយុទ្ធប្រឆាំងនឹងការប្រែប្រួលអាកាសធាតុ ការគ្រប់គ្រងគុណភាពបរិស្ថាន សំដៅលើកកម្ពស់សុខភាពសាធារណៈ កិច្ចគាំពារបរិស្ថាន ការអភិរក្សជីវៈចម្រុះ ការគ្រប់គ្រងធនធានធម្មជាតិប្រកបដោយនិរន្តរភាព និងការបំផុសចលនាប្រជាពលរដ្ឋ ព្រះសង្ឃ កងកម្លាំងប្រដាប់ អាវុធ មន្ត្រីរាជការគ្រប់ជាន់ថ្នាក់ សិស្ស និស្សិត គ្រឹះស្ថានសិក្សា វិស័យឯកជន សង្គមស៊ីវិល ដៃគូអភិវឌ្ឍជាតិ និងអន្តរជាតិ ឱ្យចូលរួមទាំងស្មារតី និងសម្ភារ ក្នុងការផ្សារភ្ជាប់ទំនាក់ទំនងជាមួយធម្មជាតិ និងកែលម្អគុណភាព សោភណភាពទីក្រុង ទីប្រជុំជន…

ការបង្កើតបណ្តាញសហគមន៍នៅតាមតំបន់ការពារធម្មជាតិ ជាដៃគូសន្ទនារវាងប្រជាសហគមន៍និងរាជរដ្ឋាភិបាល ផ្លាស់ប្តូរយោបល់ ស្វែងរកដំណោះស្រាយរួមគ្នា ផ្តល់ការទទួលខុសត្រូវក្នុងការគ្រប់គ្រងនិង ចូលរួមក្នុងការការពារ និងអភិរក្សធនធានធម្មជាតិឱ្យមាននិរន្តរភាព។ នេះជាប្រសាសន៍លើកឡើង របស់ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នៅថ្ងៃចន្ទ ៤រោច ខែជេស្ន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣០ ខែ ឧសភា ឆ្នាំ២០២១ ក្នុងឱកាសជួបសំនេះសំណាល និងផ្តល់ម៉ូតូជូនគណៈកម្មាធិការបណ្តាញសហគមន៍អភិរក្សធនធានធម្មជាតិថ្នាក់តំបន់នាទីស្តីការក្រសួងបរិស្ថាន។ ឯកឧត្តម រដ្ឋមន្រ្តី មានប្រសាសន៍បន្ថែមថា ក្រសួងបរិស្ថាននឹងខិតខំពង្រឹងភាពជាដៃគូដ៏ល្អក្នុងការកសាងសហគមន៍ឲ្យមានការរីកចម្រើន ហើយភាពជាដៃគូសហការនេះ មានសារៈសំខាន់ ដែលផ្តល់ឱកាសឱ្យសហគមន៍តំបន់ការពារធម្មជាតិ អាចផ្លាស់ប្តូរបទពិសោធន៍ ក្នុងការគ្រប់គ្រងធនធានធម្មជាតិនិងការអភិរវឌ្ឍន៍ជីវភាពសហគមន៍ និងអាចលើកឡើងពីបញ្ហាប្រឈម និងដំណោះស្រាយជាមួយមន្រ្តីជំនាញ និងក្រសួងបរិស្ថាន ដើម្បីពង្រឹងកិច្ចសហការល្អថែមទៀតក្នុងកិច្ចការពារ និងអភិរក្សធនធានធម្មជាតិនៅក្នុងតំបន់។ ឯកឧត្តម សាយ សំអាល់ បានសង្កត់ធ្ងន់ថា ជីវភាពសហគមន៍មូលដ្ឋានមានភាពប្រសើរ លុះត្រាតែគ្រួសារប្រជាសហគមន៍ មានអាហារហូបចុកគ្រប់គ្រាន់ មានសុខភាពល្អ រស់នៅប្រកបដោយអនាម័យស្អាត និងកូនចៅបានបន្តការសិក្សាបានខ្ពង់ខ្ពស់។ ជាមួយគ្នានេះ ឯកឧត្តម រដ្ឋមន្រ្តី បានលើកទឹកចិត្តឲ្យសហគមន៍ជំរុញផលិតកម្មអាហារនៅតាមមូលដ្ឋាន ជាពិសេសពង្រឹងលើធនធានអ្វីដែលសហគមន៍មានស្រាប់ដូចជាការដាំដុះដំណាំរួមផ្សំផ្សេងៗ…

ភ្នំពេញ ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានអញ្ជើញជាអធិបតីភាពក្នុងពិធីចែកម៉ូតូដល់គណៈកម្មការបណ្តាញសហគមន៍អភិរក្សធនធានធម្មជាតិថ្នាក់តំបន់។ ក្នុងពិធីនេះ ក៏មានការចូលរួមពីសំណាក់ឯកឧត្តម លោកជំទាវរដ្ឋលេខាធិការ អគ្គនាយក អគ្គនាយករង ប្រធានបណ្តាញសហគមន៍ទាំងបី និងមន្ត្រីរាជការក្រោមឱវាទជាច្រើនរូបទៀត នាទីស្តីការក្រសួងបរិស្ថាន នៅព្រឹកថ្ងៃចន្ទ ៥រោច ខែជេស្ឋ ត្រីស័ក ឆ្នាំឆ្លូវ ព.ស.២៥៦៥ ត្រូវនឹងថ្ងៃទី៣១ ខែឧសភា ឆ្នាំ២០២១ ។ ក្នុងឱកាសនោះដែរ ឯកឧត្តមរដ្ឋមន្ត្រី សាយ សំអាល់ បានសម្តែងនូវការកោតសរសើរចំពោះគណៈកម្មាធិការបណ្តាញសហគមន៍អភិរក្សធនធានធម្មជាតិថ្នាក់តំបន់ទាំងបី ដែលកន្លងមកបានចូលរួមធ្វើកិច្ចការងារក្នុងការអភិរក្សតំបន់ធម្មជាតិជាមួយក្រសួងបរិស្ថានបានយ៉ាងប្រសើរ។ ឯកឧត្តមបានគូសបញ្ជាក់បន្ថែមថា គណៈកម្មាធិការបណ្តាញសហគមន៍អភិរក្សធនធានធម្មជាតិថ្នាក់តំបន់នេះ គឺជាដៃគូសហការ ដៃគូសន្ទនា ជាមិត្ត និងជាគ្រួសារ របស់ក្រសួងបរិស្ថាន ក្នុងកិច្ចការពារតំបន់ការពារធម្មជាតិប្រកបដោយប្រសិទ្ធភាព។ ជាមួយនឹងកិច្ចសហការការងារនេះដែរ ឯកឧត្តម សាយ សំអាល់ ក៏ចង់ឃើញបងប្អូនដែលរស់នៅក្នុងសហគមន៍មានការរីកចម្រើន និងជីវភាពធូរធារផងដែរ។ ឯកឧត្តមបានចែករំលែក ក៏ដូចជា ផ្តល់ជូននូវអនុសាសន៍សំខាន់ៗមួយចំនួនដល់គណៈកម្មាធិការបណ្តាញសហគមន៍អភិរក្សធនធានធម្មជាតិថ្នាក់តំបន់ទាំងបី ដើម្បីជាទុនក្នុងការអភិវឌ្ឍសហគមន៍ឱ្យមានការរីកចម្រើន និងរស់នៅប្រកបដោយនិរន្តភាព។ ឯកឧត្តម បានជំរុញឱ្យប្រជាសហគមន៍ដាំដំណាំ ទាំងដំណាំហូបផ្លែ បន្លែ និងការចិញ្ចឹមសត្វ។…