វ៉ាក់សាំង Astrazeneca ចំនួន ៣២ម៉ឺន៤ពាន់ដូសទៀត តាមយន្តការកូវ៉ាក់ ត្រូវបានផ្តល់មកកម្ពុជាតាមរយៈការ ដឹកជញ្ជួនជើងយន្តហោះមកដល់ព្រលានយន្តហោះអន្តរជាតិភ្នំពេញនៅថ្ងៃទី១៥វិច្ឆិកានេះ។ រដ្ឋលេខាធិការ ក្រសួងសុខាភិបាលលោកស្រីយក់សម្បត្តិបានថ្លែងថា ការមកដល់នូវវ៉ាក់សាំងតាមរយៈយន្ដការកូវ៉ាក់លើកនេះ គឺជាលើកទី៣ហើយ ។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី១៥ ខែវិច្ឆិកា ឆ្នាំ២០២១នេះ បានជួបពិភាក្សាការងារ ជាមួយ នាយករដ្ឋមន្ត្រីចិនលោក លី ខឺឈាង។ មន្ត្រីរាជរដ្ឋាភិបាលបានថ្លែងថាជំនួបពិភាក្សាតាមរយៈប្រព័ន្ធវីដេ អូពីចម្ងាយនេះ គឺជាជំនួបពិភាក្សាការងារដ៏មានសារសំខាន់ដែលផ្តោតលើការបង្កើនកិច្ចសហប្រតិបត្តិការឲ្យ កាន់តែស៊ីជម្រៅ និងស្អិតរមួតថែម រវាងប្រទេសទាំង២ ដែលជាប្រទេសនៃមិត្តដែកថែបរវាងគ្នានឹងគ្នា។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន៨ម៉ឺន៣ពាន់ ២៨៧ ករណី និងការ ស្លាប់ថ្មីមានចំនួន១ពាន់៣៥២នាក់។ បើធៀបនឹងសប្តាហ៍មុនការឆ្លងថ្មីមានការកើនឡើង ចំនួន ៣៩៦នាក់ ចំណែកការស្លាប់ថ្មីមានការកើនឡើងចំនួន២៦៧នាក់ ។ប្រទេសដែលមានការឆ្លងថ្មី និងការស្លាប់ថ្មី ក្នុងរយៈ ពេល៧២ម៉ោងចុង ក្រោយនេះនៅអាស៊ាន រួមមាន១០ប្រទេស៕

តួលេខឆ្លងកូវីដ១៩ក្នុងប្រទេសកម្ពុជា កាន់តែបន្តធ្លាក់ចុះក្នុងរយៈពេល២៤ម៉ោងចុងក្រោយនេះទៀតដោយ តួលេខនៅសល់៥២ករណីតែប៉ុណ្ណោះ។ បើប្រៀបធៀបនឹងម្សិលមិញ, តួលេខឆ្លងនេះ បានថយចុះ៣ករណីបើ ប្រៀបធៀបនឹងម្សិលមិញ។ យោងតាមក្រសួងសុខាភិបាល ក្នុងចំណោមការឆ្លងថ្មីចំនួន៥២ករណីកនោះ ការឆ្លង ក្នុងសហគមន៍ មានចំនួន៤៨ករណី និងការឆ្លងមកពីក្រៅប្រទេសមានចំនួន៤ករណីផងដែរ។

ចំនួនប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ៤ពាន់ ៣៣នាក់ ដែលនាំឲ្យតួលេខនៃចំនួនសរុបចាក់លើប្រជាពលរដ្ឋទូទាំងប្រទេសគិតត្រឹមថ្ងៃទី១៥ ខែវិច្ឆិកា បាន កើនដល់១៤លាន ៥ម៉ឺន៥ពាន់៩៥៨នាក់។

កម្ពុជាចាប់ពីថ្ងៃច័ន្ទទី១៥វិច្ឆិកានេះទៅ នឹងមិនធ្វើចត្តាឡីស័កចំពោះអ្នកដំណើរមកពីក្រៅប្រទេសដែលបាន ចាក់ វ៉ាក់សាំងបង្កាជម្ងឺកូវីដ១៩ស្របតាមស្តង់ដាកំណត់នៃវិធានសុខាភិបាលឡើយ។ គោលការណ៍កំណត់មិនធ្វើចត្តា ឡីស័កនេះ ត្រូវបានអនុវត្តជាលើកដំបូងបំផុតហើយក្នុងប្រទេសកម្ពុជាក្រោយរយៈពេល១៨ខែកន្លងមកនេះ។ គោលការណ៍កំណត់មិនធ្វើចត្តាឡីស័កចាប់ពីថ្ងៃច័ន្ទដើមសប្តាហ៍នេះទៅ ត្រូវបានលើកឡើងតាមរយៈសារ សម្លេងរបស់សម្តេចតេជោហ៊ុនសែនតាមប្រព័ន្ធបណ្តាញសង្គមជាផ្លូវការ។

កិច្ចប្រជុំភាពជាដៃគូសភាអាស៊ី-អឺរ៉ុបលើកទី១១ ដែលរដ្ឋសភាកម្ពុជានឹងធ្វើជាម្ចាស់ផ្ទះ ត្រៀមនឹងចាប់ផ្តើមនៅ ថ្ងៃអង្គារស្អែកនេះហើយ។ កម្ពុជាចាប់ពីពាក់កណ្តាលខែវិច្ឆិកានេះទៅ នឹងធ្វើជាម្ចាស់ផ្ទះនេះ កិច្ចប្រជុំកំពូលធំៗ ចំនួន២ គឺកិច្ចប្រ ជុំភាពជាដៃគូសភាអាស៊ី-អឺរ៉ុបលើកទី១១ និងកិច្ចប្រជុំកំពូលអាស៊ី-អឺរ៉ុប ASEM លើកទី១៣។ កិច្ចប្រជុំភាពជាដៃគូសភាអាស៊ី-អឺរ៉ុប ហៅកាត់ថា ASEP នឹងធ្វើថ្ងៃស្អែកនេះ ចំណែកកិច្ចប្រជុំកំពូលអាស៊ី-អឺរ៉ុប ASEM លើកទី១៣ នឹងធ្វើនៅថ្ងៃទី២៥ និងថ្ងៃទី២៦ ខែវិច្ឆិកាសប្តាហ៍ក្រោយ៕

សម្តេចរាជបុត្រីព្រះអនុជ នរោត្តម អរុណ រស្មី ត្រូវបានតែងតាំងពីឯកអគ្គរាជទូតសុច្ឆន្ទៈអន្តរជាតិប្រចាំAWFF Asian World Film Festival បន្ទាប់ពីបានទទួលពានរង្វាន់ One Heart Award។ សម្តេចព្រះ រាជបុត្រីព្រះអនុជ នរោត្តម អរុណរស្មី គឺជាឧត្តមប្រឹក្សាផ្ទាល់ព្រះមហាក្សត្រ និងជាព្រះស្ថាបនិកមូលនិធិមុទិតា។ ពិធីទទួលរង្វាន់ និងការតែងតាំងនេះ បានធ្វើនៅទីក្រុង Los Angeles រដ្ឋ California សហរដ្ឋអាមេរិក។

ព្រះករុណាព្រះមហាក្សត្រខ្មែរ បានយាងវិលត្រឡប់មកប្រទេសកម្ពុជាវិញក្រោយព្រះរាជទស្សនកិច្ច៥ក្នុងប្រ ទេសបារាំង។ ព្រះរាជដំណើររបស់ព្រះមហាក្សត្រខ្មែរក្នុងទីក្រុងប៉ារីស ដែលចាប់ផ្តើមតាំងពីថ្ងៃទី១០វិច្ឆិកា គឺជា ព្រះរាជដំណើរចូលរួមក្នុងមហាសន្និបាតលើកទី៤១នៃខួបលើកទី៧៥ នៃអង្គការ UNESCO៕

ក្រុមប្រឹក្សាអភិវឌ្ឍន៍កម្ពុជា CDC បានអនុម័តក្រុមហ៊ុនចំនួន១៤ធ្វើវិនិយោគនូវទឹកប្រាក់ជាង៥៤៤លានដុល្លារ ដែល នាំអោយចំនួនក្រុមហ៊ុនដែលទទួលបានសិទ្ធិវិនិយោគនៅថ្ងៃទី១២ ខែវិច្ឆិកានេះ។ តើក្រុមហ៊ុនវិនិយោគថ្មី ទាំង១៤ មានទីតាំងនៅទីណាខ្លះ?