កម្ពុជាត្រៀមនឹងទទួលបានមកវិញនូវវត្ថុបុរាណខ្មែរចំនួនបួន ពីសារមន្ទីរសិល្បៈ Denver របស់សហរដ្ឋអាមេ រិក។ យោងតាមក្រសួងវប្បធម៌ និងវិចិត្រសិល្បៈ ថ្ងៃទី១១ ខែវិច្ឆិកា វត្ថុបុរាណខ្មែរចំនួនបួនរូប ដែលនឹងបញ្ជួន មកដល់នាពេលខាងមុខនេះ គឺ អនុលោមតាមអនុស្សរណៈ នៃការយោគយល់គ្នារវាងរាជរដ្ឋាភិបាលកម្ពុជា និងរដ្ឋាភិបាលសហរដ្ឋអាមេរិក។

ក្រសួងការងារ បានជូនដំណឹងអំពីការបន្តបើកផ្ដល់ប្រាក់ឧបត្ថម្ភលើកទី៧៤ ជូនកម្មករនិយោជិត ជាង១ ពាន់ នាក់ដែលព្យួរការងារក្នុងពេលដែលវិបត្តិកូវីដ១៩នៅមិនទាន់បានផុតរលត់នៅឡើយនោះ។

បណ្ណចាក់វ៉ាក់សាំងជិតមួយពាន់បណ្ណ ត្រូវបានចែកជួនអតីតយុទ្ធជននិងក្រុមគ្រួសារនៅថ្ងៃនេះក្នុងរាជធានីភ្នំ ពេញក្រោយពួកគេបានចាក់រួចរាល់កន្លងមកនៅមិនទាន់បានទទួលនៅឡើយនោះទេ។ បណ្ណចាក់វ៉ាក់សាំងគឺជា បណ្ណសំខាន់មួយ ដែលបច្ចុប្បន្ន មានតម្រូវការបង្ហាញស្ទើរគ្រប់កន្លែងដែលចេញចូល រួមទាំងការចូលរួមពិធី អាពាហ៍ពិពាហ៍ឬការចេញទៅក្រៅប្រទេសនោះជាដើម៕

នាយសង្កាត់រដ្ឋបាលព្រៃឈើប្រម៉ោយនៅខេត្តពោធិសាត់ ត្រូវបានគេប្រទះឃើញដេកស្លាប់ក្នុងថ្លុកឈាម ក្នុងបន្ទប់គេងនៃទីស្នាក់ការរដ្ឋបាល ព្រៃឈើ។ អធិការនគរបាលស្រុកវាលវែងលោកវរសេនីយ៍ឯកធាង ឡេង បានដាក់ការសង្ស័យលើអំពើឃាតកម្ម។

ចំនួនឆ្លងកូវីដ១៩ក្នុងប្រទេសអាស៊ានទាំង១០រយៈពេល២៤ម៉ោងកន្លងមកនេះ ការឆ្លងថ្មី មានចំនួន២ម៉ឺន៩ពាន់ ១៣២ករណី និងការស្លាប់ថ្មីមានចំនួន៤៤៨នាក់។ បើប្រៀបធៀបនឹងម្សិលមិញការឆ្លងថ្មីនៅថ្ងៃនេះបាន ថយចុះ ចំនួន៧២១ករណី ប៉ុន្តែការស្លាប់ថ្មីបានកើនឡើង៦៥នាក់។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោង ចុងក្រោយនេះនៅអាស៊ានមាន១០ប្រទេស។ ចំណែកការស្លាប់ថ្មីមាន ៩ប្រទេស៕

ចំនួនប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ១ម៉ឺន ៧ពាន់ ៣៤៦នាក់ ដែលនាំឲ្យតួលេខនៃចំនួនសរុបចាក់លើប្រជាពលរដ្ឋទូទាំងប្រទេសគិតត្រឹមថ្ងៃទី១១ ខែវិច្ឆិកា បានកើនដល់១៤លាន១ម៉ឺន៧ពាន់៨៧នាក់។

តួលេខឆ្លងកូវីដ១៩ក្នុងរយ:ពេល២៤ម៉ោងកន្លងមកនេះ មានចំនួនតិចជាងអ្នកព្យាបាលជាសះស្បើយ ដោយអ្នក ឆ្លងមាន៦៦នាក់, ចំណែកអ្នកជាសះស្បើយមានចំនួន៧១នាក់។ ការឆ្លងថ្មី៦៦ករណីនៅថ្ងៃនេះ រួមមាន៥៨ករណី ជាការឆ្លងចូលក្នុងសហគមន៍ និង៨ករណី គឺជាការឆ្លងមកពីក្រៅប្រទេស។

រដ្ឋមន្ត្រីការពារជាតិនៃប្រទេសកម្ពុជា បានជំរុញក្រសួងការពារជាតិអូស្ត្រាលី ត្រូវជួយកសាងសមត្ថភាពកងទ័ព នៃបណ្តាប្រទេសអាស៊ាន លើវិស័យស្រាវជ្រាវការអភិវឌ្ឍន៍វ៉ាក់សាំង និងផ្នែកវេជ្ជសាស្ត្រ។ ប្រសាសន៍ថ្លែងជំរុញ របស់សម្តេចពិជ័យសេនាទៀបាញ់ បានធ្វើឡើងនៅក្នុងកិច្ចប្រជុំក្រៅផ្លូវការនៃរដ្ឋមន្ត្រីការពារជាតិអាស៊ាន-អូស្ត្រា លី កាលពីថ្ងៃទី១០វិច្ឆិកា ដែលកិច្ចប្រជុំតាមប្រព័ន្ធវីដេអូនោះ បានចូលរួមដោយសមាជិកព្រឹទ្ធសភាអូស្ត្រាលីលោក Peter Dutton ដែលជារដ្ឋមន្ត្រីក្រសួងការពារជាតិអូស្ត្រាលីផងដែរ៕

សំណង់ថ្មីនៃទីស្ដីការរបស់ក្រសួងមហាផ្ទៃ បានចាប់ផ្តើមបុកគ្រឹះនៅថ្ងៃទី១១វិច្ឆិកានេះ ក្រោយសំណង់ចាស់ មានភាពចង្អៀត ត្រូវបានរុះរើចេញ។ សំណង់ថ្មីនេះ នឹងមានកម្ពស់៩ជាន់ ដែលអាចផ្ទុកមនុស្សបានច្រើនដល់ ៨ពាន់៥០០នាក់។ ពិធីបញ្ចុះបឋមសិលា ថ្ងៃ១១វិច្ឆិកានេះ បានប្រព្រឹត្តទៅក្រោមអធិបតីភាព សម្ដេចក្រឡាហោម ស ខេងឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ។

កម្ពុជាដែលទើបបើកដំណើរការប្រទេសសាឡើងវិញ បានលាតត្រដាងនូវផែនការទេសចរណ៍វ៉ាក់សាំងរបស់ ខ្លួនតាមបណ្តាស្ថានទូតប្រទេសជាមិត្តដើម្បីការទាក់ទាញភ្ញៀវទេសចរណ៍បរទេសមកលេងប្រទេសកម្ពុជាសា ឡើងវិញ។