កម្ពស់ទឹកទន្លេងនៅខេត្ដរតនគិរី ដែលធ្លាប់តែឡើងលើសកម្រិតប្រកាសអាសន្នកន្លងមកនេះ បានស្រកចុះមក វិញហើយ។ យោងតាមគណៈកម្មាធិការគ្រប់គ្រងគ្រោះមហន្តរាយខេត្ត គិតត្រឹមម៉ោង១០ ព្រឹកថ្ងៃព្រហស្បតិ៍នេះ កម្ពស់ទឹកទន្លេស្រែពកស្ថានីយលំផាត់ បានស្រកចុះចំនួន៦៣សង្ទីម៉ែត្រ។ កម្ពស់ទឹកទន្លេស្រែពកស្ថានីយ លំផាត់ នៅថ្ងៃនេះ មានកម្ពស់១១ម៉ែត្រនិង៨៧សង្ទីម៉ែត្រ។ កម្ពស់ទឹកប្រកាសអាសន្នទន្លេស្រែពកស្ថានីយ លំផាត់ មាន១២ម៉ែត្រនិង៥០សង្ទីម៉ែត្រ។ 

កម្ពស់ទឹកទន្លេទាំង៣ ក្នុងខេត្ដស្ទឹងត្រែង ត្រូវគេរាយការណ៍ការស្រកចុះមកវិញតិចតួចនៅថ្ងៃនេះ។ យោងតាម មន្ទីរធនធានទឹកនិងឧតុនិយមខេត្ដ, កម្ពស់ទឹកទន្លេមេគង្គនៅក្នុងខេត្តថ្ងៃនេះ បានស្រកចុះមកវិញចំនួន១០ សង្ទី ម៉ែត្រ , ដែលនាំកម្ពស់ទឹកនៅថ្ងៃនេះ នៅមានកំម្ពស់៨ម៉ែត្រនិង១០សង្ទីម៉ែត្រ។ កម្ពស់ទឹកទន្លេមេគង្គ ដែលត្រូវ ប្រកាសអាសន្ន គឺ១០ម៉ែត្រ និង៧០ សង្ទីម៉ែត្រ។

បុរសម្នាក់ដែលតែងហែលទឹកស្ទឹងមួយក្នុងស្រុករុក្ខគិរីនៃខេត្តបាត់ដំបង ក្រោយការចេញពីធ្វើការ ត្រូវបានទឹក ហូរកួចនិងសាកសពត្រូវបានគេរកឃើញនៅថ្ងៃទី២១តុលានេះ។ បុរសរងគ្រោះអាយុ២៤ឆ្នាំឈ្មោះធីធិ  គឺជា កម្មករធ្វើការនៅក្រុមហ៊ុនទំនប់ស្ទាក់ទឹកស្ទឹងដូនទ្រីនៃស្រុករុក្ខគិរី។

មន្ត្រីធនធានទឹកនិងឧតុនិយមខេត្តឧត្ដរមានជ័យ បានជូនដំណឹងដល់ប្រជាពលរដ្ឋ ដែលកំពុងរស់នៅក្បែរអាង ស្តុកទឹកគ្រប់កន្លែងទាំងអស់នៅក្នុងខេត្ត ត្រូវប្រុងប្រយ័ត្ន ដោយសារទឹកពេញទំនប់ដែលអាចហៀរចេញគ្រប់ ពេលវេលា។ ប្រធានមន្ទីរធនធានទឹកនិងឧតុនិយមខេត្តលោក ញឺន កួនបានថ្លែងថាភ្លៀងធ្លាក់មកជាប់ៗគ្នាប៉ុន្មាន ថ្ងៃមកនេះ បានធ្វើឲ្យអាងស្តុកទឹកនានាមានទឹកពេញប្រៀប ហើយអាចនឹងជន់លិចតាមតំបន់នៅក្បែរអាង។ លោកបានអំពាវនាវពលរដ្ឋ ត្រូវបង្កើនការប្រុងប្រយ័ត្ន ។

ស្ថានទូតកម្ពុជាប្រចាំប្រទេសអូស្ត្រាលី បានប្រាប់ពលរដ្ឋនិងនិស្សិតខ្មែរជុំវិញការបើកដំណើរចេញចូលសា ឡើងវិញរបស់រដ្ឋាភិបាលក្រុងកង់បេរ៉ា ប៉ុន្តែអ្នកធ្វើដំណើរចេញចូលប្រទេសអូស្ត្រាលីត្រូវមានបណ្ណចាក់វ៉ាក់សាំង ។

អាជីវកម្មរ៉ែមាសនៅខេត្តមណ្ឌលគិរី ចម្រាញ់មាសបានកើនដល់ជាង៧៤៧គីឡូក្រាមហើយ ក្នុងរយៈពេល៤ខែ ក្នុងឆ្នាំ២០២១នេះ។ ក្រុមហ៊ុន Renaissance Minerals (Cambodia) Ltd បានថ្លែងមុននេះ ថាគេមានផែនការ អាចផលិតមាសបានប្រមាណ៣តោន ក្នុងមួយ ឆ្នាំៗ សម្រាប់រយៈពេល៨ឆ្នាំ ដំបូង។

មូលនិធិគន្ធបុប្ផាកម្ពុជា ទទួលបានថវិកាបរិច្ចាគពីសប្បុរសជនបានសរុបជិត៤០ម៉ឺនដុល្លារ ក្នុងរយៈពេល៩ខែ ឆ្នាំ២០២១នេះ។ សេចក្តីប្រកាសព័ត៌មានរបស់មូលនិធិគន្ធបុប្ផាកម្ពុជាថ្ងៃទី២១ ខែតុលា បញ្ជាក់ថា ក្នុងរយៈពេល ៩ខែ ឆ្នាំ២០២១នេះ មូលនិធិបុប្ផាកម្ពុជាទទួលបានការបរិច្ចាគជាទឹកប្រាក់ពីសប្បុរសជនចំនួន ៣៨ម៉ឺន១ពាន់ ៤៦៥ដុល្លារអាមេរិក និងប្រាក់រៀលចំនួន៥ពាន់៣២៥លាន និង៦៥ម៉ឺន៤ពាន់៦០០ រៀល ។ មូលនិធិគន្ធបុប្ផា គឺជាមូលនិធិមួយដែលជួយទ្រទ្រង់លើដំណើរការមន្ទីរពេទ្យគន្ធបុប្ឆាដែលត្រូវការប្រាក់ចំណាយច្រើនសិបលាន

ការបង្ក្រាបលើសកម្មភាពល្មើសក្នុងរយៈពេល២៤ម៉ោងកន្លងមកនេះមិនបានឃាត់ឬផាកពិន័យលើបុគ្គលណា ម្នាក់ឡើយ។ មន្ត្រីគណៈកម្មការអន្តរក្រ សួងដើម្បីប្រយុទ្ធនឹងជម្ងឺកូវីដ-១៩ លោកឧត្តមសេនីយ៍ឯក ម៉ៅ ពៅ បាន ថ្លែងបញ្ជាក់ជានៅថ្ងៃទី២១តុលានេះថា សមត្ថកិច្ចគ្រាន់តែអប់រំការពាក់ម៉ាសលើមនុស្សចំនួន២៧៦ នាក់ និង ផ្សព្វផ្សាយអប់រំអំពីច្បាប់លិខិតបទដ្ឋានគតិ យុទ្ធពាក់ព័ន្ធជួនប្រជាពលរដ្ឋសរុបចំនួន៥៤៦ ទីតាំង ក្នុងនោះរួម មានមនុស្សចំនួន៦ពាន់៣០៤នាក់។

ជប៉ុនបានចុះកិច្ចព្រមព្រៀងផ្ដល់ប្រាក់កម្ចី ៥៨លានដុល្លារដល់កម្ពុជា សម្រាប់ពង្រីកសមត្ថភាពផ្គត់ផ្គង់ទឹកស្អាត ខេត្តសៀមរាប។ ពិធីចុះហត្ថលេខានោះគឺបានធ្វើឡើងនាព្រឹកថ្ងៃទី២១ ខែតុលា ឆ្នាំ២០២១នេះ រវាង អគ្គបណ្ឌិត សភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ជាមួយនឹង ប្រធានទី ភ្នាក់ងារសហប្រតិបត្តិការជប៉ុនប្រចាំកម្ពុជា (JICA) គឺលោកស្រី កាម៉េ ហារូកូ តាមប្រព័ន្ធ Video ។

ពលរដ្ឋចំនួន៨ពាន់៩៦៧នាក់នាក់បានមកចុះឈ្មោះបោះឆ្នោតថ្មីនៅក្នុងថ្ងៃទី៩នៃការពិនិត្យបញ្ជីឈ្មោះ ដែល នាំឲ្យចំនួនតួលេខបានកើនដល់ជាង៩ម៉ឺននាក់ហើយ។ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ ២០២១ ដែលមានរយ:ពេល៥០ថ្ងៃ បានចាប់ផ្តើមតាំងពីថ្ងៃទី១២ ខែតុលាដល់ថ្ងៃ ទី៣០ខែវិច្ឆិកា ដោយគិតទាំងថ្ងៃ សៅរ៍ និងថ្ងៃអាទិត្យ។