សមត្ថកិច្ច បានបង្ក្រាបករណីក្មេងទំនើងមួយក្រុម ពាក់ព័ន្ធនឹងអំពើប្លន់ប្រដាប់អាវុធ កើតឡើងក្នុងខណ្ឌឫស្សី កែវ រាជធានី ភ្នំពេញ។ ក្នុងចំណោមក្មេងទំនើង១០នាក់ដែលប្រព្រឹត្តនូវអំពើហិង្សាប្លន់នោះ, សមត្ថកិច្ចបានចាប់ ខ្លួនចំនួន៦នាក់ជាបន្តបន្ទាប់៕

ភាពមិនទាន់ធូរស្បើយនៃឥទ្ធិពលប៉ះពាល់ដោយសារជម្ងឺឆ្លងរាតត្បាតកូវីដ១៩ បានជម្រុញឲ្យរាជរដ្ឋាភិបាល ត្រូវបន្តឧបត្ថម្ភសាច់ប្រាក់ជូនគ្រួសារក្រីក្រនិងងាយរងគ្រោះ រយៈពេល៣ខែបន្ថែមទៀត។

គ្រាប់កាំភ្លើងយន្តច្រើនរយគ្រាប់ដែលនៅអាចប្រើប្រាស់បាន និងបង់គ្រាប់អាកាជាច្រើន ត្រូវបានប្រទះឃើញ ដាក់លាក់ទុកក្នុងការុងមួយនៅក្បែរអូរនៃចំណុចព្រំដែនខេត្តបាត់ដំបង។ គ្រាប់កាំភ្លើង១២ក្បៀស៧ ចំនូន ៥០៨ គ្រាប់និងបង់គ្រាប់ប្រភេទអាកាចំនួន ៤២បង់ ត្រូវកម្លាំងការពារគោលដៅចល័តល្បាតព្រំដែនប្រទះឃើញកាល ពីល្ងាចថ្ងៃទី១៩តុលាត្រង់ចំណុចភូមិថ្មី, ឃុំត្រាង នៃស្រុកកំរៀង។

អនុប្រធានគណបក្សប្រជាជនកម្ពុជា សម្តេចវិបុលសេនាភក្តីសាយឈុំ បានអញ្ជើញចូលរួមក្នុងពិធីប្រកាស តែងតាំងប្រធានថ្មីនៃគណបក្សប្រជាជនកម្ពុជាប្រចាំខេត្តរតនគិរីនៅថ្ងៃទី២០តុលានេះ។ ប្រធានថ្មីនៃគណបក្ស ប្រចាំខេត្តគឺលោកញ៉ែមសំអឿន៕

យ៉ាងហោចក្រុង-ស្រុក ចំនួន៣ ជាប់ព្រំដែនថៃ នៃខេត្តបន្ទាយមានជ័យ ត្រូវគេរាយការណ៍អំពីករណីបន្តជន់លិច និងផលប៉ះពាល់ដោយទឹកជំនន់ទឹកភ្លៀង ។

អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ទេសរដ្ឋមន្រ្តី គន់ គីម បានប្រាប់មន្ត្រីខេត្តរតគិរី ត្រូវរៀបចំការប្រុងប្រយ័ត្ននានាទុកជាមុនឲ្យហើយដើម្បីត្រៀមជួយប្រជាពលរដ្ឋក្នុងពេលដែលដែលទឹកជំនន់ កំពុងតែកើនឡើងក្នុងខេត្ត។ ទេសរដ្ឋមន្រ្តី គន់ គីម ក្នុងដំណើរពិនិត្យស្ថានភាពទឹកក្នុងស្រុកលំផាត់នៃខេត្តរតន គិរី បានប្រាប់អ្នកយកព័ត៌មានក្នុងស្រុកនូវស្ថានភាពទឹកដែលកំពុងកើនឡើង ។

កម្ពស់ទឹកទន្លេក្នុងខេត្ដស្ទឹងត្រែង នៅតែបន្តកើនឡើងដែលរំពឹងថានឹងអាចឈានដល់កម្រិតប្រកាសអាសន្ន ថែមទៀតបើសិនជាភ្លៀងនៅតែបន្តធ្លាក់។ សេចក្តីរាយការណ៍ខេត្ត បានឲ្យដឹងថាក្នុងទន្លេទាំង៣នៅក្នុងខេត្ត កម្ពស់ទឹកតាមកន្លែងខ្លះ គឺនៅសល់មិនដល់១ម៉ែត្រនោះទេ ដែលនឹងឈានដល់ការប្រកាសអាសន្នហើយ។

កីឡាករបាល់ទាត់ជម្រើសជាតិម្នាក់ដែលបានឆ្លងកូវីដ១៩ជាមួយនឹងកីឡាករចាន់ វឌ្ឍនាកាក្នុងប្រទេសបារ៉ែន ត្រូវបានអនុញ្ញាតចេញពីមន្ទីរព្យាបាលក្រោយការព្យាបាលជាសះស្បើយមុនគេ។

និយ័តករទូរគមនាគមន៍កម្ពុជា បានព្រមានលុបចោលគេហទំព័រ ឬWebsite ជាង១០០ក្រុមហ៊ុន ដែលនៅ ជំពាក់បំណុលលើការប្រើប្រាស់សេវាតាមគេហទំព៏រ។ សេចក្តីជួនដំណឹងរបស់និយ័តករទូរគមនាគមន៍កម្ពុជា ថ្ងៃទី១៩តុលាបានកំណត់រយៈពេលរហូតដល់ជិតមួយខែដោយតម្រូវឲ្យម្ចាស់គេហទំព័រតាមក្រុមហ៊ុនទាំងនោះ ត្រូវមកបង់ទូទាត់បំណុលដែលជំពាក់។

ពលរដ្ឋចំនួន៩ពាន់៩៤០នាក់បានមកចុះឈ្មោះបោះឆ្នោតថ្មីនៅក្នុងថ្ងៃទី៨នៃការពិនិត្យបញ្ជីឈ្មោះដែលនាំ ឲ្យ ចំនួនតួលេខអ្នកមកចុះឈ្មោះថ្មី បានកើនដល់ជាង៨ម៉ឺននាក់ហើយ។ ការពិនិត្យបញ្ជីឈ្មោះ និងការចុះឈ្មោះ បោះឆ្នោតឆ្នាំ២០២១ ដែលមានរយ:ពេល៥០ថ្ងៃ បានចាប់ផ្តើមតាំងពីថ្ងៃទី១២ ខែតុលាដល់ថ្ងៃ ទី៣០ខែវិច្ឆិកា ដោយគិតទាំងថ្ងៃសៅរ៍ និងថ្ងៃអាទិត្យ។