តារាកំប្លែងនាងខ្ញុង បានសារភាពនូវការផ្តល់ប្រាក់៥០០ដុល្លារលើការជួលឲ្យគ្រូបង្ហាត់ម្នាក់ឈ្មោះសៀវសុផល ដើម្បីបង្រៀននូវវិធីជួយប្រមូលប្រាក់ពីអ្នកគាំទ្រនៅពេលដែលនាងកំពុងជំពាក់ប្រាក់វណ្ឌករហូតដល់ជាង៥៧ម៉ឺន ដុល្លារ។ យោងតាមតារាកំប្លែងរូបនេះ មុនដំបូងគ្រូបង្ហាត់ឈ្មោះសៀវសុផលនោះ បានទារថ្លៃឈ្នួលបង្រៀនច្រើន រហូតដល់១ម៉ឺនដុល្លារ ប៉ុន្តែតម្លៃនោះបានធ្លាក់មកត្រឹម៥០០ដុល្លារវិញ។

វេទិកាសេដ្ឋកិច្ចនិងធុរកិច្ចអាស៊ី-អឺរ៉ុបលើកទី១ ដែលកម្ពុជានឹងត្រៀមធ្វើជាម្ចាស់ផ្ទះគ្រោងនឹងប្រព្រឹត្តទៅនៅ ខែវិច្ឆិកាក្រោយនេះហើយដើម្បីទាក់ទាញការវិនិយោគពីអាស៊ី និងអឺរ៉ុប ។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន១ម៉ឺន៣ពាន់៤៥៦ នាក់ ។ យោងតាមក្រសួងសុខាភិបាល, តួលេខនៃចំនួនសរុបដែលប្រជាពលរដ្ឋទូទាំងប្រទេសដែលបានទទួល ការចាក់វ៉ាក់សាំងគិតត្រឹមថ្ងៃទី២០ ខែតុលា បានកើនដល់១៣លាន៦សែន២ម៉ឺន២ពាន់៩៧៧នាក់ហើយ, ក្នុង នោះអ្នកបានចាក់វ៉ាក់សាំងដូសទី២ រួចមានចំនួន១២លាន៧សែន៩ម៉ឺន៧ពាន់៦៥៦នាក់, ការចាក់វ៉ាក់សាំងលើ ពលរដ្ឋអាយុពី១៨ឆ្នាំឡើង មានចំនួន៩លាន៩សែន៥ម៉ឺន៨ពាន់៤៤៩នាក់, ការចាក់លើយុវជនវ័យជំទង់អាយុ រវាងពី១២ដល់១៧ឆ្នាំ មានចំនួន១លាន៧សែន៧ម៉ឺន៨ពាន់១២៥នាក់, ចំណែកការចាក់លើកុមារអាយុពី៦ដល់ ១២ឆ្នាំ មានចំនួន១លាន៨សែន៨ម៉ឺន៦ពាន់៤០៣នាក់។ ដោយឡែកការចាក់ដូសទី៣ លើពលរដ្ឋគិតមកដល់ថ្ងៃ ទី២០តុលា ឆ្នាំ២០២១ បានចំនួន ១លាន៦សែន១ម៉ឺន៨ពាន់៧៧៣នាក់ ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៨ពាន់៣៧៩ ករណី និងការស្លាប់ថ្មីមានចំនួន៣៣១នាក់។ នេះជាតួលេខឆ្លងកើនឡើង១ពាន់៣១៣ករណីបើប្រៀបធៀបនឹង ម្សិលមិញ, ចំណែកតួលេខស្លាប់បានថយចុះ៧៩នាក់ ។ប្រទេសដែលមានការឆ្លងថ្មី ក្នុងរយៈ ពេល២៤ ម៉ោង ចុងក្រោយនេះនៅអាស៊ានមាន១០ប្រទេស។ ចំណែកការស្លាប់ថ្មីមានក៏មាន១០ប្រទេសផងដែរ៕

តួលេខឆ្លងកូវីដ១៩ក្នុងរយៈពេល២៤ម៉ោងចុងក្រោយនេះ បានបន្តធ្លាក់ចុះថែមទៀត ដែលជាតួលេខស្ថិត ក្រោមខ្ទង់២០០ករណីក្នុងរយៈពេល៣ថ្ងៃជាប់គ្នាមកនេះ។ តួលេខឆ្លងថ្មីថ្ងៃនេះ មានចំនួន១៦៦ករណីដែលថយ ចុះ៩ករណីបើប្រៀបធៀបនឹងការឆ្លងម្សិលមិញ។ ការឆ្លងថ្មីនៅថ្ងៃនេះ រួមមាន១៣៥ករណីជាការឆ្លងចូលក្នុង សហគមន៍ និង៣១ករណី គឺការឆ្លងមកពីក្រៅប្រទេស។ បើប្រៀបធៀបនឹងម្សិលមិញ, តួលេខឆ្លងក្នុងសហ គមន៍ថ្ងៃនេះ បានថយចុះ៦ករណី, រីឯតួលេខឆ្លងមកពីក្រៅប្រទេសបានថយចុះ៣ករណី។

នាវាចម្បាំងអូស្ត្រាលី HMAS Anzac បានចាកចេញពីកំពង់ផែក្រុងព្រះសីហនុនៅថ្ងៃទី២០តុលានេះក្រោយ ដំណើរទស្សនកិច្ច៣ថ្ងៃក្នុងប្រទេសកម្ពុជា។ នេះជាលើកដំបូងហើយចាប់តាំងពីឆ្នាំ២០១៦នោះមកដែល នាវា កងទ័ពជើងទឹកអូស្ត្រាលីនេះ បានចូលសំចតក្នុងកំពង់ផែនៃប្រទេសកម្ពុជា៕

សម្ដេចនាយករដ្ឋមន្ត្រីកម្ពុជា បានទទួលជួបពិភាក្សាការងារជាមួយអគ្គនាយកសហព័ន្ធសន្តិភាពសកលលោក យុន យ៉ុងហូ ជុំវិញការរៀបចំកិច្ចប្រជុំកំពូលមួយក្នុងប្រទេសកូរ៉េខាងត្បូងដោយសម្តេចនឹងត្រូវធ្វើជាសហប្រធាន ។ លោក យុនយ៉ុងហូ គឺជាមន្ត្រីបេសកជនពិសេសរបស់ជំទាវបណ្ឌិត ហាក ចាហាន់ មូន ដែលជាសហស្ថាបនិក សហព័ន្ធសន្តិភាពសកល Universal Peace Federation។