ខេត្តកំពង់ធំ បានបន្តរកឃើញអ្នកឆ្លងជំងឺកូវីដ១៩ ចំនួន ១០២នាក់ និងមានអ្នកស្លាប់ថ្មី ២នាក់ ថែមទៀត ក្នុង រយៈ ២៤ម៉ោង ចុងក្រោយនេះ ដែលជាតួលេខថយចុះចំននួ ៨នាក់ ធៀបនឹងការរកឃើញកាលពីម្សិលមិញ ។ ខេត្តកំពង់ធំនៅថ្ងៃនេះ បានប្រកាសរកឃើញការឆ្លងវីរុស Delta ចំនួន១ករណីផងដែរ។ យោងតាមរដ្ឋបាលខេត្ត ការឆ្លង១០២ករណីនៅថ្ងៃនេះ បានកើតលើពលរដ្ឋជាអ្នកក្រុងស្ទឹងសែន ៥៧នាក់, ស្រុកកំពង់ស្វាយ ៩នាក់, ស្រុកសន្ទុក៨ នាក់, ស្រុកបារាយណ៍ ២១នាក់, ស្រុកតាំងគោក ៤នាក់, ស្រុកសំបូរ ម្នាក់ និងស្រុក សណ្តាន់២នាក់ ។ ខេត្តកំពង់ធំ គិតរហូតមកទល់នឹងពេលនេះ មានអ្នកឆ្លងជំងឺកូវីដ១៩ ចំនួន ២ពាន់ ៥៤៤នាក់, មានអ្នកជាសះស្បើយចំនួន ១ពាន់ ៤៣០នាក់ និងមានអ្នកស្លាប់សរុបចំនួន ៧២នាក់ ហើយ ។

ខេត្តកំពង់ចាមបានរកឃើញអ្នកឆ្លងជំងឺកូវីដ-១៩ថ្មីចំនួន៣៦នាក់ និងស្លាប់២នាក់ ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងកើន៤នាក់និងតួលេខស្លាប់កើនម្នាក់ទៀតបើប្រៀបធៀបនឹងម្សិលមិញ។ យោងតាម រដ្ឋបាលខេត្ត ការឆ្លងថ្មីទាំង៣៦នាក់ថ្ងៃនេះ រួមមាននៅក្រុងកំពង់ចាម១៤នាក់, ស្រុកកំពង់សៀម៦នាក់, ស្រុកកង មាស៣នាក់, ស្រុកកោះសូទិនម្នាក់, ស្រុកចំការលើ៤នាក់, ស្រុកបាធាយម្នាក់, ស្រុកព្រៃឈរ៣នាក់, ស្រុកស្ទឹង ត្រង់៣នាក់ និងមកពីខេត្តត្បូងឃ្មុំម្នាក់។  ចំណែកអ្នកស្លាប់ទាំង២នាក់ រួមមានទី១ បុរសជនជាតិខ្មែរអាយុ ៥៤ឆ្នាំ មកពីស្រុកស្នួលខេត្តក្រចេះ និងទី២ ស្ត្រីជនជាតិខ្មែរអាយុ៤៩ឆ្នាំ នៃស្រុកព្រៃឈរ ខេត្តកំពង់ចាម ។ ខេត្តកំពង់ចាម គិតមកដល់បច្ចុប្បន្ននេះ មានករណីឆ្លងជំងឺកូវីដ-១៩សរុប ចំនួន៤ពាន់៤១១ករណី, ព្យាបាលជា សះស្បើយចំនួន៣ពាន់៥៣១នាក់ និងចំនួនអ្នកស្លាប់កើនដល់១០៦នាក់ហើយ។

ខេត្តត្បូងឃ្មុំ បានរកឃើញការឆ្លងថ្មី១០នាក់ថ្ងៃនេះ ដែលជាតួលេខឆ្លងថយចុះ១០នាក់បើប្រៀបធៀបនឹងម្សិល មិញ។ យោងតាមរដ្ឋបាលខេត្ត, ការឆ្លងថ្ងៃនេះ បានកើតលើពលរដ្ឋក្នុងក្រុងសួង២នាក់, ស្រុកអូររាំងឳ២នាក់, ស្រុកមេមត់ម្នាក់, ស្រុកពញាក្រែក៤នាក់, និងការឆ្លងលើពលរដ្ឋជាអ្នកដំណើរមកពីខេត្តព្រៃវែងម្នាក់។ ខេត្តត្បួង ឃ្មុំថ្ងៃនេះ បានព្យាបាលជាសះស្បើយមនុស្សចំនួន៤០នាក់ផងដែរ។

ខេត្តស្វាយរៀងបានរកឃើញអ្នកឆ្លងជំងឺកូវីដ-១៩ថ្មីចំនួន៣២នាក់ និងស្លាប់២នាក់ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងកើនឡើង៧នាក់និងតួលេខស្លាប់ថយចុះម្នាក់បើប្រៀបធៀបនឹងម្សិលមិញ។ ខេត្ត ស្វាយរៀងនៅថ្ងៃនេះ បានប្រកាសការរកឃើញវីរុសបំប្លែងថ្មី Delta ចំនួន១២ករណីផងដែរ។ យោង តាមរដ្ឋបាលខេត្ត ការឆ្លងថ្មីទាំង៣២នាក់ថ្ងៃនេះ រួមមានកម្មកររោងចក្រ៤នាក់, ធ្វើតេស្តលើអ្នកសង្ស័យ រកឃើញ ២១នាក់ និង៦នាក់ដទៃទៀត ជាអ្នកប៉ះពាល់នឹងអ្នកជំងឺកូវីដ-១៩។ ចំណែកអ្នកស្លាប់ទាំង២នាក់រួមមាន បុរស អាយុ៧៩ឆ្នាំនិងអាយុ៧១ឆ្នាំនៃស្រុកកំពង់រោទិ៍។ ខេត្តស្វាយរៀង មានអ្នកឆ្លងជំងឺកូវីដ-១៩សរុបចំនួន ៥ពាន់ ២១៨នាក់, ព្យាបាលជាសះស្បើយចំនួន៤ពាន់៦៩៩នាក់ និងមានអ្នកស្លាប់សរុបចំនួ១១៩នាក់។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន៦៤នាក់និងស្លាប់ម្នាក់ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងថយចុះ៦នាក់និងតួលេខស្លាប់ថយចុះម្នាក់ប្រៀបធៀបនឹងតួលេខម្សិលមិញ។ យោងតាមរដ្ឋ បាលខេត្តការឆ្លងថ្មីទាំង៦៤នាក់ថ្ងៃនេះ រួមមាននៅក្រុងព្រៃវែង៣នាក់, ស្រុកព្រះសេ្ដច២៤នាក់, ស្រុកកំចាយមារ ៩នាក់, ស្រុកស្វាយអន្ទរ៦នាក់, ស្រុកពាមជរ៦នាក់, ស្រុកពារាំង៥នាក់, ស្រុកបាភ្នំ៥នាក់, ស្រុកមេសាង២នាក់, ស្រុកកញ្ជ្រៀច២នាក់ និង ស្រុកកំពង់ត្របែក២នាក់។ ចំណែកអ្នកស្លាប់ជា បុរសអាយុ៦៧ឆ្នាំនៃស្រុកព្រះសេ្ដច។ ខេត្តព្រៃវែងមានអ្នកឆ្លងជំងឺកូវីដ-១៩សរុប៥ពាន់៤៦២នាក់ ព្យាបាលជាសះស្បើយ៣ពាន់៩០៧នាក់ និង ចំនួន មនុស្សស្លាប់បានកើនដល់៨៨នាក់។

រដ្ឋបាលរាជធានី បានដាក់ចេញនូវសេចក្តីសម្រេចវិធានការរដ្ឋបាលរយៈពេល១៤ថ្ងៃនិងបម្រាមគោចរ រយៈ៧ថ្ងៃបន្តទៀតបើទោះបីជាការឆ្លងប្រចាំថ្ងៃទូទាំងប្រទេសបានធ្លាក់មកនៅក្នុងខ្ទង់ជាង៤០០ករណីក៏ដោយ។ រាជធានីភ្នំពេញទន្ទឹមនឹងតួលេខធ្លាក់ចុះប៉ុន្តែសេចក្តីរាយការណ៍បានបង្ហាញការរកឃើញការឆ្លងវីរុសបំប្លែងថ្មី  Delta ជាបន្តបន្ទាប់ផងដែរ។ យោងតាមសេចក្តីសម្រេចថ្ងៃទី១១សីហា, រាជធានីនឹងបិទបណ្តោះអាសន្ននូវ សកម្មភាពការងារ, បិទការប្រកបមុខរបរឬអាជីវកម្មដែលមានហានិភ័យខ្ពស់នៃការឆ្លងរាលដាលកូ វីដ១៩, បិទការជួបជុំឬការប្រមូលផ្តុំមនុស្សជាលក្ខណៈឯកជន, ចំណែកបំរាមគោចរនឹងមានរវាងពី ម៉ោង១០យប់ដល់ ម៉ោង៣ភ្លឺ។ សេចក្តីសម្រេចបានកំណត់ការអនុវត្តវិធានការរដ្ឋបាលរយៈពេល១៤ថ្ងៃចាប់ពីកណ្តាលអាធ្រាត្រ ឈានចូលថ្ងៃទី១៣សីហាដល់ថ្ងៃទី២៦សីហា, ចំណែកការអនុវត្តបំរាមគោចរ នឹងបន្តរយៈពេល៧ថ្ងៃ ចាប់ពីពាក់ កណ្តាលអាធ្រាត្រឈានចូលថ្ងៃទី១៣សីហាដល់ថ្ងៃទី១៩សីហា។ សេចក្តីសម្រេចដដែលនៅបានសរសេរ លំអិតពាក់ព័ន្ធនឹងការបង្រៀនតាមប្រព័ន្ធ Online, ការធ្វើអាជីវកម្មក្លឹបកម្សាន្តនានា និងកន្លែងជាច្រើនទៀត នៃ ទីសប្បាយដ្ឋាន។

មន្ទីរពេទ្យយោធាព្រះកេតុមាលា បានចាប់ផ្តើមចាក់វ៉ាក់សាំងដូសទី៣លើក្រុមអតីតយុទ្ធជនដែលមានចំនួនប្រ មាណជាង២ពាន់នាក់។ ការចាក់ជាអាទិភាពលើក្រុមអតីតយុទ្ធជននេះនឹងធ្វើរយៈពេល២ថ្ងៃ គឺនៅថ្ងៃទី១១សី ហានិងថ្ងៃទី១២សីហាឆ្នាំ២០២១។

មនុស្សចំនួន ៤ពាន់១៦៧នាក់ ថែមទៀហើយ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើ ល្មើសបំពាន និងវិធានសុខាភិបាល។ មន្ត្រីគណៈកម្មការអន្តរក្រសួងដើម្បីប្រយុទ្ធប្នឹងជម្ងឺកូវីដ-១៩ លោកឧត្តម សេនីយ៍ឯក ម៉ៅ ពៅ បានថ្លែងនៅថ្ងៃពុធនេះថា សមត្ថកិច្ច បានបញ្ជួនជនសង្ស័យ១៣នាក់ទៅតុលាការ, ឃាត់ យានយន្តចំនួន៩៩០ គ្រឿង និងផាកពិន័យជាប្រាក់បាន ចំនួន២៦លានរៀល ក្នុងការអនុវត្តវិធានការច្បាប់ចំនួន ២ពាន់៥៨ ករណី។

ជនសង្ស័យ ដែលបំពាននឹងវិធានសុខាភិបាល ដោយការរត់គេចច្រើនដងពីកន្លែងព្យាបាលជំងឺកូវីដ១៩ ត្រូវ បានកម្លាំងសម្ថកិច្ចចាប់ខ្លួននិងបញ្ជួនទៅតុលាការ។ ជនសង្ស័យអាយុ ២៤ឆ្នាំ ឈ្មោះ សឿង វត្ថា មានទីលំនៅ ក្នុងភូមិទួលរកា១, សង្កាត់ចាក់អង្រែក្រោម នៃខណ្ឌមានជ័យ។ សេចក្តីរាយការណ៍ពីសម្ថកិច្ច បានឲ្យដឹងថា បុរសឈ្មោះសឿង វត្ថា ដែលត្រូវបានគេរកឃើញមានវិជ្ជមានកូវីដ១៩នោះ បានធ្វើការរត់គេចពីការព្យាបាល យ៉ាងហោចចំនួន២ដងចាប់តាំងពីថ្ងៃទី២៦ កក្កដា នោះមក ។ ជនសង្ស័យរូបនោះ កាលពីថ្ងៃទី២៦កក្កដា បាន រត់ចេញពីមន្ទីរពេទ្យព្រះអង្គឌួង ប៉ុន្តែត្រូវបានរកឃើញវិញនិងយកមកព្យាបាលនៅមន្ទីរពេទ្យជ័យជម្នះថ្ងៃទី២៧ កក្កដា។ ក្រោយការព្យាបាលបានជាង១០ថ្ងៃរួចមក គឺនៅថ្ងៃទី០៧ សីហា ឆ្នាំ២០២១ ជនសង្ស័យឈ្មោះ សឿង វុត្ថា រូបនោះ បានបន្តរត់ចេញពីមន្ទីរពេទ្យជ័យជំនះទៀត ។ ក្រោយការបាត់ខ្លួនរយៈពេល៤ថ្ងៃ, បុរសរូបនោះ ត្រូវគេរកឃើញ និងឃាត់ខ្លួននៅថ្ងៃទី១១សីហាវេលាទាបភ្លឺនៅក្នុងក្រុងតាខ្មៅខេត្តកណ្តាល។ សមត្ថកិច្ចបញ្ជាក់ ថាជនសង្ស័យដែលបំពាននឹងវិធានសុខាភិបាលនេះ ត្រូវបានបញ្ជូនទៅតុលាការខេត្តកណ្តាលដើម្បីអនុវត្តតាម វិធានការច្បាប់។ យោងតាមច្បាប់ បទល្មើសមិន គោរពវិធានការដ្ឋបាល ត្រូវផាកពិន័យអន្តរការណ៍ពី ១លាន ទៅ ៥លានរៀល,…

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៩ម៉ឺន៧ពាន់៨០៩ ករណី និងការស្លាប់ថ្មីមានចំនួន២ពាន់៧៧១នាក់។ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មាន១០ប្រទេស។ ប្រទេសដែលមានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន ៧ប្រទេស ។