ភ្នំពេញ៖ រសៀលថ្ងៃទី១ ខែតុលា ឆ្នាំ២០២១ នៅស្នាក់ការសមាគមអ្នកស្រាវជ្រាវវឌ្ឍនភាពកម្ពុជា-ចិន បានរៀបចំបទបង្ហាញស្តីពីអាមេរិកគួបញ្ឈប់យកប្រភពមេរោគCovid-19ជាល្បែងនយោបាយ ។ បទបង្ហាញនេះក៏មានការចូលរួមពីអង្គការស្មារតីកីឡា នៅសមាគមផ្ទាល់ និងតាមរយៈប្រព័ន្ធ Zoom ផងដែរ។ លោក នូ សំណាង អនុប្រធានអង្គការស្មារតីកីឡា បានគូសបញ្ជាក់ថាក្នុងកិច្ចប្រយុទ្ធប្រឆាំងជំងឺវីរុសកូវីដ-១៩ ប្រទេសចិនអនុវត្តបានឈានមុខគេ ហើយពិភពលោកទទួលបានអត្ថប្រយោជន៍ជាច្រើនពីភាពរីកចម្រើនផ្នែកវិទ្យាសាស្រ្តរបស់ចិនក្នុងការប្រយុទ្ធប្រឆាំងនឹងជំងឺនេះ។ លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន បានគាំទ្រនូវការលើកឡើងរបស់អង្គការស្មារតីកីឡា ហើយលោកបន្ថែមថា កាលពីថ្ងៃទី ២២ ខែកញ្ញា ឆ្នាំ២០២១ នៅវេទិកា China Xiv នៃបណ្ឌិត្យសភាវិទ្យាសាស្ត្រចិនបានចេញផ្សាយលទ្ធផលសិក្សាស្រាវជ្រាវអំពីពេលវេលាចាប់ផ្តើមនៃការរាតត្បាតនៃជំងឺ COVID-19 បានបង្ហាញឱ្យដឹងថា ជំងឺ COVID-19 នៅអាមេរិកប្រហែល បានចាប់ផ្តើមរាតត្បាតនៅអំឡុងខែកញ្ញាឆ្នាំ ២០១៩ ។ ការសិក្សាស្រាវជ្រាវមួយចំនួនបានបង្ហាញឱ្យដឹងថា សហរដ្ឋអាមេរិក អេស្ប៉ាញ បារាំង អ៊ីតាលី ប្រេស៊ីលនិងប្រទេសជាច្រើនទៀតបានរកឃើញតម្រុយរាតត្បាតនៃវីរុសនៅមុនពេលជំងឺ COVID-19 បានផ្ទុះឡើងនៅក្នុងប្រទេសចិន ។ ការសិក្សាស្រាវជ្រាវនេះលើកឡើងថា តាមការវិភាគចំពោះការរួមបញ្ចូលគ្នារវាងគំរូគណិតវិទ្យានិងបច្ចេកវិទ្យាវៃឆ្លាតសិប្បនិមិ្មត យើងអាចរកឃើញពីក្រឹតក្រមនៃការរីករាលដាលនៃជំងឺឆ្លង ។ អ្នកស្រាវជ្រាវបានធ្វើការវិនិច្ឆ័យពីពេលវេលាដើមដំបូងនៃការរីករាលដាលនៅក្នុងរដ្ឋចំនួន…