ភ្នំពេញ៖ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានដាក់បទបញ្ជាឲ្យគណៈបញ្ជាការឯកភាពខណ្ឌទាំង១៤ខណ្ឌ ត្រូវអនុវត្តឲ្យបានម៉ឺងម៉ាត់បំផុតចំពោះសេចក្តីសំរេចលេខ២៤៩/២១សសរ របស់រដ្ឋបាលរាជធានីភ្នំពេញ ក្នុងការដាក់ចេញនូវវិធានការរដ្ឋបាល នៅក្នុងភូមិសាស្ត្ររាជធានីភ្នំពេញ សម្រាប់រយៈពេល ១៤ (ដប់បួន) ថ្ងៃ គិតចាប់ពីម៉ោង ២៣:៥៩ នាទី នាថ្ងៃទី២៩ ខែកក្កដា ឆ្នាំ២០២១ រហូតដល់ថ្ងៃទី១២ ខែសីហា ឆ្នាំ២០២០ ដើម្បីប្រយុទ្ធ និងទប់ស្កាត់ការឆ្លងរាលដាលនជំងឺកូវីដ-១៩ ដោយមិនមានការលើកលែងឡើយ ចំពោះអ្នកដែលល្មើសនឹងសេចក្តីសម្រេចនេះ។ ការដាក់ចេញជាបទបញ្ជា ឲ្យគណៈបញ្ជាការឯកភាពទាំង១៤អនុវត្តឱ្យបានម៉ឹងម៉ាត់ខាងលើបានធ្វើឡើងក្នុងកិច្ចប្រជុំតាមរយៈ video conference ក្រោមអធិបតី ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញនិងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញជាមួយអាជ្ញាធរខណ្ឌទាំង១៤ នាល្ងាចថ្ងៃទី២៩ កក្កដា ឆ្នាំ២០២១នៅសាលារាជធានីភ្នំពេញ។ក្នុងនោះឯកឧត្តម ឃួង ស្រេងបានមានប្រសាសន៍លើកឡើងថា ការអនុវត្តនូវសេចក្តីសម្រេចលើកនេះ គឺមិនមានការលើកលែងជាដាច់ខាត ។ ឯឧបញ្ជាក់ទៀតថា រាជធានីភ្នំពេញបានកើនឡើងនូវអ្នកជំងឺកូវីដ-១៩មិនមានការថមថយនោះទេ។ តែក្នុង២សប្តាហ៍ចុងក្រោយនេះ ការរាតត្បាតនៃជំងឺកូវីដ-១៩នេះ មានការថមថយបន្តិច ។ ប៉ុន្តែនៅតាមបណ្ដាខេត្តមួយចំនួនបានកើនឡើង ។ ដូច្នេះដើម្បីកាត់ផ្ដាច់ឬសគល់នៃការរីករាលដាលជម្ងឺ-១៩នេះ ឯឧ ស្នើឲ្យប្រធានគណៈជាការឯកភាពខណ្ឌទាំង១៤…

ក្រសួងទេសចរណ៍ចេញសេចក្តីជូនដំណឹងដល់មន្ទីរទេសចរណ៍រាជធានី ខេត្ត ស្តីពីការបន្តផ្អាកសកម្មភាពរមណីយដ្ឋាននៅទូទាំងប្រទេសរយៈពេល ១៤ថ្ងៃ ចាប់ពីថ្ងៃទី ២៩ កក្កដា ដល់ថ្ងៃទី ១២ សីហា ២០២១ ដើម្បីចូលរួមអនុវត្តយុទ្ធនាការពង្រឹងវិធានការប្រយុទ្ធ និងទប់ស្កាត់ការឆ្លងតាលដាលនៃជំងឺកូវីដ-១៩។

យោងតាមរដ្ឋបាលខេត្តការឆ្លងថ្មី ទាំង៧២នាក់ថ្ងៃនេះ រួមមាននៅក្រុងកំពង់ចាម ២០នាក់, ស្រុកកំពង់សៀម៣នាក់, ស្រុកកោះសូទិន២នាក់, ស្រុកចំការលើ៧នាក់, ស្រុកជើងព្រៃ៣នាក់, ស្រុកបាធាយ១៧នាក់, ស្រុកព្រៃឈរ៣នាក់, ស្រុកស្ទឹងត្រង់៩នាក់, ស្រុកស្រីសន្ធរ២នាក់ និងមកពីខេត្តត្បូងឃ្មុំ៣នាក់ និងខេត្តកំពង់ឆ្នាំង៣នាក់។ នៅថ្ងៃនេះដែរ ខេត្តកំពង់ចាមក៏បានប្រកាសអំពីករណីជាសះស្បើយពីជំងឺកូវីដ-១៩ចំនួន១១២នាក់ផងដែរ។

ភ្នំពេញ ៖ យោងតាមហ្វេសប៊ុកផ្លូវការរបស់ឯកឧត្តម ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៩ ខែកក្កដា ឆ្នាំ២០២១នេះ សូមឲ្យបងប្អូនប្រជាពលរដ្ឋទាំងអស់ដែលរស់នៅរាជធានីភ្នំពេញ នៅពេលធ្វើដំណើរ ដោយថ្មើរជើង ជិះកង់ ជិះម៉ូតូ ម៉ូតូកង់បី… សូមចូលរួមពាក់ម៉ាស់ឲ្យបានគ្រប់ៗគ្នា ដើម្បីចូលរួមបង្ការនិងទប់ស្កាត់ការឆ្លងរាលដាលវីរុសកូវីដ១៩ ។ ឯកឧត្តម ស្នងការនគរបាលរាជធានីភ្នំពេញ ថ្លែងទៀតថា សមត្ថកិច្ចគ្រប់គោលដៅនឹងចាប់ផ្តើមត្រួតពិនិត្យនិងណែនាំអប់រំចាប់ពីពេលនេះតទៅ «បន្ទាប់ពីធ្វើការណែនាំហើយនៅតែមិនអនុវត្តនោះ សមត្ថកិច្ចនឹងធ្វើការផាកពិន័យតាមច្បាប់កំណត់» ។ ចំណាត់ការរបស់ ឯកឧត្តមស្នងការនគរបាលរាជធានីភ្នំពេញ នៅពេលនេះ ធ្វើឡើងក្រោយពីរាជរដ្ឋាភិបាលកម្ពុជា កាលពីថ្ងៃទី២៨ ខែកក្កដា ឆ្នាំ២០២១ បានចេញសារាចរស្ដីពី ការដាក់ចេញយុទ្ធនាការពង្រឹង វិធានការប្រយុទ្ធនឹងទប់ស្កាត់ការឆ្លងរាលដាលនៃជំងឺកូវីដ១៩ នៅទូទាំងប្រទេស សម្រាប់រយៈពេល១៤ថ្ងៃ ក្នុងគោលដៅដើម្បីប្រយុទ្ធនិងទប់ស្កាត់ការឆ្លងរីករាលដាលនៃជំងឺកូវីដ១៩ ៕ដោយ ៖ ភារ៉ា និងប៊ុនធី

ត្បូងឃ្មុំ ៖ ឯកឧត្តម អ៊ាង សុផល្លែត រដ្ឋលេខាធិការក្រសួងបរិស្ថាន នឹងជាប្រធានក្រុមការងាររាជរដ្ឋាភិបាលនឹងក្រុមការងារគណបក្សចុះមូលដ្ឋានស្រុកអូរាំងឪ ខេត្តត្បូងឃ្មុំ បានមាន ប្រសាសន៍ថា ការអនុវត្តតាមអនុសាសន៍របស់សម្តេចតេជោប្រមុខរាជរដ្ឋាភិបាល ៣កុំ ៣ការពារ និងវិធានការរបស់ ក្រសួងសុខាភិបាលបានខ្ជាប់ខ្ជួន គឺដើម្បីជៀសផុតពីការចម្លងមេរោគកូវីដ១៩។ ក្នុងឱកាសនាំយកទៀនចំណាំព្រះវស្សា ទេយ្យទាន ទេយ្យវត្ថុ ប្រគេនដល់ព្រះសង្ឃ ដែលគង់នៅវត្តដំរិល និងចែក អំណោយជាសម្ភារៈ និងថវិកា ជូនដល់គ្រួសារក្រីក្រ ក្នុងកំឡុងពេលប្រយុទ្ធប្រឆាំងនឹងជមងឺកូវីដ-១៩ ក្នុងឃុំគងជ័យ ស្រុកអូររាំងឪ ខេត្តត្បូងឃ្មុំ នៅព្រឹកថ្ងៃទី២៩ ខែកក្កដា ឆ្នាំ២០២១ ឯកឧត្តម អ៊ាង សុផល្លែត បានបញ្ជាក់ថា នៅកម្ពុជា យើងបច្ចុប្បន្ន ជំងឺកូវីដ-១៩ មិនទាន់មានការថយចុះនៅឡើយទេ និងមានអ្នកស្លាប់ជាបន្តបន្ទាប់ ជាពិសេស មេរោគ កូវីដបំប្លែងថ្មី ដែលកំពុងតែរីករាលដាលនៅជុំវិញពិភពលោក ក៏ដូចជានៅកម្ពុជាយើងផងដែរ ។ ជាមួយគ្នានេះ ឯកឧត្តម ប្រធានក្រុមការងារ បានអំពាវនាវដល់ព្រះសង្ឃ និងប្រជាពលរដ្ឋទាំងអស់ អនុវត្តអោយបាន ខ្ជាប់ខ្លួនតាមវិធានការរបស់ប្រមុខរាជរដ្ឋាភិបាល និងក្រសួងសុខាភិបាល…

ភ្នំពេញ៖ អភិបាលរាជធានីភ្នំពេញ លោក ឃួង ស្រេង នៅថ្ងៃទី២៩ ខែកក្កដា ឆ្នាំ២០២១នេះ បានដាក់ចេញវិធានការរដ្ឋបាល នៅក្នុងភូមិសាស្រ្តរាជធានីភ្នំពេញ សម្រាប់រយៈពេល១៤ថ្ងៃ ចាប់គិតពីម៉ោង ២៣៖៥៩នាទី ថ្ងៃទី២៩ ខែកក្កដា រហូតដល់ថ្ងៃទី១២ ខែសីហា ឆ្នាំ២០២១ ដើម្បីប្រយុទ្ធប្រឆាំង និងទប់ស្កាត់ការឆ្លងរាលដាលនៃជំងឺកូវីដ១៩។ នៅក្នុងសេចក្តីសម្រេចខាងលើនេះ អភិបាលរាជធានីភ្នំពេញ បានសម្រេចផ្អាកបណ្តោះអាសន្ននូវរាល់ការធ្វើចរាចរណ៍ និងរាល់សកម្មភាព ការងារ មុខរបរ ឬអាជីវកម្មនៅចន្លោះម៉ោង ៩យប់ដល់ម៉ោង ៣ទៀបភ្លឺ។