រដ្ឋបាលស្រុកកំពង់ត្របែក បង្ហាញអត្តសញ្ញាណអ្នកវិជ្ជមានជំងឺកូវីដ-១៩ ចំនួន ០៤នាក់ នៅក្នុងស្រុកកំពង់ត្របែក ខេត្តព្រៃវែង។

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី៣០ មេសា ឆ្នាំ២០២១ បានជូនដំណឹងថា មានអ្នកជំងឺកូវីដ-១៩ ជាបុគ្គលិកធ្វើការនៅមន្ទីពហុព្យាបាល និងសម្ភពអ៊ីសាប៊ែល (Isabel Poly Clinic) ដែលមានទីតាំងស្ថិតនៅផ្ទះលេខ ២៩ ផ្លូវលេខ ៣៦០ សង្កាត់ទួលស្វាយព្រៃ ខណ្ឌចំការមនចាប់ពីថ្ងៃទី២៦ដល់ថ្ងៃទី២៨មេសាឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋដែលធ្លាប់ទៅទទួលសេវានៅមន្ទីរពហុព្យាបាលនោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យតទៅ៕

រដ្ឋបាលខេត្តសៀមរាប នៅថ្ងៃទី៣០ មេសានេះ បានជូនដំណឹងថា នៅថ្ងៃទី២៩ មេសា ឆ្នាំ២០២១ រដ្ឋបាលខេត្ត បានរកឃើញអ្នកវិជ្ជមានជំងឺកូវីដ-១៩ ថ្មី ចំនួន១៥នាក់ ដែលត្រូវបានក្រុមគ្រូពេទ្យបានដាក់ឱ្យសម្រាកព្យាបាល នៅមន្ទីរពេទ្យបង្អែកខេត្តសៀមរាប។ ក្នុងចំណោមអ្នកវិជ្ជមានជំងឺកូវីដ-១៩ ទាំង១៥នាក់នោះ មានអ្នកជំងឺម្នាក់ឈ្មោះ រិទ្ធ គន្ធី ភេទប្រុស អាយុ១៩ឆ្នាំ មានអាសយដ្ឋាននៅភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប ធ្លាប់បានចេញ ចូលផ្សារកន្រ្តក ស្ថិតនៅភូមិកន្រ្តក សង្កាត់ស្វាយដង្គំ ក្រុងសៀមរាប នៅចន្លោះថ្ងៃទី២៥ ទៅថ្ងៃទី២៧ ខែមេសា ឆ្នាំ២០២១។ ចំពោះករណីនោះ គណៈបញ្ជាការឯកភាពរដ្ឋបាលខេត្ត សម្រេចបិទខ្ទប់ការចេញ ចូលជាបណ្ដោះ-អាសន្ន ក្នុងបរិវេណផ្សារកន្រ្តក ដែលស្ថិតនៅភូមិកន្រ្តក សង្កាត់ស្វាយដង្គំ ក្រុងសៀមរាប ចាប់ពីកាលបរិច្ឆេទជូនដំណឹងនេះតទៅ រហូតដល់មានការជូនដំណឹងជាថ្មីឡើងវិញ។ ជាមួយគ្នានោះដែរ រដ្ឋបាលខេត្តសៀមរាប បានអំពាវនាវដល់ប្រជាពលរដ្ឋ ដែលជាមុខសញ្ញាពាក់ព័ន្ធដោយផ្ទាល់ ឬដោយប្រយោលជាមួយអ្នកវិជ្ជមានខាងលើ ឬទីតាំងដែលបានបិទខ្ទប់ ចាប់ពីថ្ងៃទី២៥ ខែមេសា ឆ្នាំ២០២១ ត្រូវរួសរាន់ធ្វើចត្តាឡីស័កតាមផ្ទះក្នុងក្រុមគ្រួសាររៀងៗខ្លួន ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត។…

កម្មវិធីចាក់វ៉ាក់សាំង CoviShield (AstraZeneca) ដូសទី២៖

រដ្ឋមន្ត្រីក្រសួងពាណិជ្ជកម្មលោក ប៉ាន សូរស័ក្តិ នៅថ្ងៃទី២៩ មេសា ឆ្នាំ២០២១ បានអញ្ជើញចុះពិនិត្យមណ្ឌលឃ្លាំងរបស់ក្រុមហ៊ុនហ្គ្រីនត្រេដ ដែលជាទីតាំងស្តុកស្បៀងបម្រុងរដ្ឋរបស់រាជរដ្ឋាភិបាល សម្រាប់ផ្គត់ផ្គង់ជូនប្រជាពលរដ្ឋជាពិសេសក្នុងតំបន់បិទខ្ទប់តំបន់ក្រហម ក្នុងភូមិសាស្រ្តរាជធានីភ្នំពេញ និងក្រុងតាខ្មៅនៃខេត្តកណ្ដាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។ ក្នុងឱកាសនោះ លោករដ្ឋមន្ត្រី បានថ្លែងកោតសរសើរ ចំពោះកិច្ចខិតខំប្រឹងប្រែ សហការគ្នាល្អ របស់មន្រ្តីក្រុមហ៊ុនហ្គ្រីនត្រេដ និង មន្រ្ដីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) ដែលបានលះបង់ទាំងកម្លាំងកាយចិត្តបំពេញតួនាទី និងភារៈកិច្ចរបស់ខ្លួនបានយ៉ាងល្អ ក្នុងការផ្គត់ផ្គង់ស្បៀងជូនប្រជាពលរដ្ឋ ដោយធានាបានទាំងគុណភាព និងបរិមាណនៃការផ្គត់ផ្គង់។ ជាមួយគ្នានោះ លោករដ្ឋមន្ត្រី បានលើកទឹកចិត្តដល់មន្រ្តីរបស់ក្រុមហ៊ុនហ្គ្រីនត្រេដ និងអគ្គនាយកដ្ឋាន ក.ប.ប. ឱ្យបន្តប្រឹងប្រែងបំពេញតួនាទី ភារៈកិច្ចរបស់ខ្លួន និងបន្តអនុវត្តនូវជំនាញបច្ចេកទេសដែលខ្លួនមាន ក្នុងការថែរក្សាស្តុកស្បៀង និងត្រួតពិនិត្យគុណភាពទំនិញ ដើម្បីធានាបាននូវស្ដង់ដាអនាម័យ គុណភាព និងសុខុមាលភាពជូនប្រជាពលរដ្ឋ។ លោករដ្ឋមន្ត្រីបានបញ្ជាក់ទៀតថា គ្រប់ផលិតផលស្បៀងរបស់ក្រសួងពាណិជ្ជកម្ម ដែលបានផ្គត់ផ្គង់ជូនប្រជាពលរដ្ឋកន្លងមក សុទ្ធតែត្រូវបានតាមដានត្រួតពិនិត្យ គុណភាព យ៉ាងយកចិត្តទុកដាក់ដោយអគ្គនាយកដ្ឋាន ក.ប.ប. ដែលជាស្ថាប័នជំនាញ ព្រមទាំងការតាមដានសន្ទស្សន៍ថ្លៃទំនិញជាប្រចាំផងដែរ។ សូមជម្រាបជូនថា ការផ្គត់ផ្គង់ស្បៀង និងគ្រឿងឧបភោគបរិភោគចាំបាច់ជូនប្រជាពលរដ្ឋនៅក្នុងតំបន់ក្រហម ក្រសួងពាណិជ្ជកម្ម បានបញ្ចេញស្បៀងឱ្យចរាចរក្នុងទីផ្សារ…

ទិដ្ឋភាពនៅ«តំបន់ក្រហម» ដែលកំណត់ដោយរដ្ឋបាលរាជធានីភ្នំពេញ ដោយមានការរាលដាលជំងឺកូវីដ-១៩ ក្នុងសង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។ (មានវីដេអូ)៖

ភ្នំពេញ ៖ រដ្ឋបាលខណ្ឌបឹងកេងកង នាព្រឹកថ្ងៃសុក្រ ៤រោច ខែពិសាខ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៣០ ខែមេសា ឆ្នាំ២០២១ បានបន្តរៀបចំចុះចែកអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកត្តិព្រឹទ្ធបណ្ឌិត ជូនដល់បងប្អូនប្រជាពលរដ្ឋក្រីក្រក្នុង សង្កាត់ទួលស្វាយព្រៃទី១ និងសង្កាត់អូឡាំពិក ខណ្ឌបឹងកេងកង ក្រោមអធិបតីភាពលោក គឹម ឈុនអ៊ូ ប្រធានក្រុមប្រឹក្សាខណ្ឌ លោក ធឹម សំអាន អភិបាល នៃគណៈអភិបាលខណ្ឌបឹងកេងកង ដែលមានការអញ្ជើញចូលរួមពី លោកស្រី ស៊ុយ សែនសករាជ ភរិយាលោកអភិបាលខណ្ឌ និងជាប្រធានអនុសាខាសមាគមនារីខណ្ឌ គណៈអភិបាលខណ្ឌ លោកចៅសង្កាត់ និងមន្ត្រីក្រោមឱវាទ ដើម្បីសម្រាលការខ្វះខាតដល់បងប្អូនប្រជាពលរដ្ឋបានមួយរយៈពេល ។ រដ្ឋបាលខណ្ឌបឹងកេងកង សូមណែនាំដល់បងប្អូនប្រជាពលរដ្ឋដែលមកទទួលនូវអំណោយសប្បុរសធម៌សូមពាក់ម៉ាស រក្សាគម្លាត និងបាញ់អាល់កុល ហើយពេលទទួលអំណោយរួចសូមចូលផ្ទះវិញរៀងៗខ្លួន ៕ ដោយ / គ្រី សម្បត្តិ