រដ្ឋបាលរាជធានីភ្នំពេញនៅថ្ងៃទី២៥ ខែមេសា ឆ្នាំ២០២១ បង្ហាញអត្តសញ្ញាណអ្នកវិជ្ជមានកូវីដ-១៩ ចំនួន ៣៣៧នាក់ ដែលជាករណីឆ្លងក្នុងសហគមន៍ ក្នុងរាជធានីភ្នំពេញ អជ្ញាធរសូមអំពាវនាវដល់បងប្អូនប្រជាពលរដ្ឋដែលធ្លាប់ប្រាស្រ័យទាក់ទងជាមួយអ្នកជំងឺកូវីដ-១៩ ទាំងអស់ខាងក្រោម ត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងរួសរាន់ទៅយកសំណាកនៅតាមទីតាំងដែលបានកំណត់។

ភ្នំពេញ៖ នៅល្ងាចថ្ងៃទី២៦ ខែមេសា ឆ្នាំ២០២១ រាជរដ្ឋាភិបាលកម្ពុជា បានសម្រេចបិទខ្ទប់រាជធានីភ្នំពេញ និងក្រុងតាខ្មៅ នៃខេត្តកណ្តាល រយៈពេល១សប្តាហ៍បន្ថែមទៀត ដើម្បីទប់ស្កាត់ការរីករាលដាលជំងឺកូវីដ១៩ រហូតដល់ថ្ងៃទី០៥ ខែឧសភា ឆ្នាំ២០២១ ព្រមទាំងបែងចែកកំណត់ជា «តំបន់ក្រហម» «តំបន់លឿងទុំ» និង «តំបន់លឿង»។ សេចក្តីសម្រេចនេះ នឹងចាប់ផ្តើមអនុវត្តចាប់ពីម៉ោង ០០៖០០ ចូលថ្ងៃទី២៩ ខែមេសា ឆ្នាំ២០២១ ។ សេចក្តីសម្រេចរបស់រាជរដ្ឋាភិបាល បានបញ្ជាក់ថា៖ ប្រការ១- បន្តការបិទខ្ទប់ភូមិសាស្រ្តរាជធានីភ្នំពេញ និងក្រុងតាខ្មៅ នៃខេត្តកណ្តាល ដើម្បីប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ១៩ សម្រាប់រយៈពេល៧ (ប្រាំពីរ) ថ្ងៃបន្តទៀត រហូតដល់ថ្ងៃទី០៥ ខែឧសភា ឆ្នាំ២០២១។ ប្រការ២- ភូមិសាស្រ្តដែលត្រូវបានបិទ ត្រូវបានបែងចែកជា «តំបន់ក្រហម» សំដៅដល់ភូមិសាស្រ្តដែលមានការឆ្លងរាលដាលធ្ងន់ធ្ងរ នៃជំងឺកូវីដ១៩ក្នុងសហគមន៍។ «តំបន់លឿងទុំ» សំដៅដល់ភូមិសាស្រ្តដែលមានការឆ្លងរាលដាលកម្រិតមធ្យម នៃជំងឺកូវីដ១៩ក្នុងសហគមន៍។ «តំបន់លឿង» សំដៅដល់ភូមិសាស្រ្តដែលមានការឆ្លងរាលដាលកម្រិតស្រាលក្នុងសហគមន៍ ៕

ភ្នំពេញ៖ រដ្ឋបាលខណ្ឌចំការមន ដឹកនាំដោយលោក ថេង សុថុល អភិបាលខណ្ឌចំការមន បានបន្តចុះចែកអំណោយ ដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុន សែន តាមរយៈឯកឧត្តមអភិបាលរាជធានីភ្នំពេញ ជូនដល់ប្រជាពលរដ្ឋមានជីវភាពខ្វះខាត ដែល រស់នៅក្នុងសង្កាត់ទួលទំពូងទី១ ចំនួន ១៥៣គ្រួសារ និងសង្កាត់បឹងត្របែក ចំនួន ៧០គ្រួសារ កាលពីរសៀលថ្ងៃទី២៦ ខែមេសា ឆ្នាំ២០២១ ។ ក្នុងឱកាសនេះ លោក ថេង សុថុល បាននាំមកនូវប្រសាសន៍ផ្តាំផ្ញើការសាកសួរសុខទុក្ខពីសម្តេចទាំងទ្វេរ ជូនបងប្អូន ប្រកបដោយក្តីនឹករលឹក ព្រមទាំងការគិតគូរយ៉ាងយកចិត្តទុកដាក់ខ្ពស់អំពីសុខទុក្ខ សុខុមាលភាព និងសុវត្ថិភាពរបស់ ប្រជាពលរដ្ឋនៅក្នុងមូលដ្ឋាននីមួយៗ ជាពិសេស ក្នុងអំឡុងពេលបិទខ្ទប់ក្នុងភូមិសាស្រ្តរាជធានីភ្នំពេញ និងក្រុងតាខ្មៅ នៃខេត្តកណ្តាល ដោយបានចាត់តាំងឲ្យរដ្ឋបាលរាជធានីភ្នំពេញ រដ្ឋបាលខណ្ឌ រដ្ឋបាលសង្កាត់ ចុះមកជួបដោយផ្ទាល់ សួរសុខទុក្ខ និងចែកអំណោយជូនបងប្អូន ដើម្បីជួយសម្រាលការលំបាករបស់ប្រជាពលរដ្ឋបានមួយកម្រិត ។ លោកអភិបាលខណ្ឌ…

រាជធានីភ្នំពេញ៖ នៅថ្ងៃទី២៦ ខែ មេសា ឆ្នាំ ២០២១នេះក្រសួងការងារ និងបណ្តុះបណ្តាលវិជ្ជាជីវៈ បានជូនដំណឹងពី ការចាក់វ៉ាក់សាំងកូវីដ-១៩ (ស៊ីណូវ៉ាក់) ដូសទី២ ជូនបងប្អូនកម្មករនិយោជិត បានសរុបចំនួន ៨០៧១នាក់។ យោងតាមសេចក្តីជូនដំណឹងក្រសួងការងារបានឱ្យដឹងថា៖អនុគណៈកម្មការចំពោះកិច្ចសម្រាប់ចាក់វ៉ាក់សាំងការពារជំងឺកូវីដ-១៩ ជូនបងប្អូនកម្មករនិយោជិត និង ថ្នាក់ដឹកនាំអង្គការវិជ្ជាជីវៈ សូមជម្រាបជូន សាធារណជន អំពីលទ្ធផលការចាក់វ៉ាក់សាំងកូវីដ-១៩ (ស៊ីណូវ៉ាក់) ដូសទី២ ជូនបងប្អូនកម្មករនិយោជិត និងថ្នាក់ដឹកនាំអង្គការវិជ្ជាជីវៈ ចាប់ពីថ្ងៃទី២៥ ដល់ថ្ងៃទី២៦ ខែមេសា ឆ្នាំ២០២១ ដូចខាងក្រោម៖ ក)លទ្ធផលក្នុងថ្ងៃទី២៦ ខែមេសា-ចាក់បានចំនួន ៣ ៥០០នាក់ (បរទេសចំនួន ២៩៣នាក់) ខ) លទ្ធផលគិតត្រឹមថ្ងៃនេះ-ចាក់បានចំនួន ៨ ០៧១នាក់ (បរទេសចំនួន ៤៤៣នាក់)ក្រសួងការងារបានបន្តឱ្យដឹងថាអនុគណៈកម្មការចំពោះកិច្ច នឹងបន្តរៀបចំទីតាំងចាក់វ៉ាក់សាំងជូនបងប្អូនកម្មករនិយោជិតនៅតាមរោងចក្រ សហគ្រាស ជាបន្តបន្ទាប់ទៀត៕ ដោយ៖ ម៉ាដេប៉ូ

ឯកឧត្តម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ នៅថ្ងៃចន្ទ ទី២៦ ខែមេសា ឆ្នាំ២០២១ បានចុះពិនិត្យទីតាំងកន្លែងយកសំណាកនិងធ្វើចត្តាឡីស័កអ្នកពាក់ព័ន្ធនៅទីក្រុងប៉ោយប៉ែតខេត្តបន្ទាយមានជ័យ បន្ទាប់ភូមិសាស្រ្តនោះរកឃើញអ្នកឆ្លងកូវីដ-១៩កើនឡើង ហើយបានប្រកាសជាតំបន់ក្រហមនៃការីករាលដាលជំងឺកូវីដ-១៩ កើនឡើងជាលំដាប់។ តាមសេចក្តីជូនព័ត៌មានរបស់ក្រសួងសុខាភិបាល ចេញផ្សាយនៅថ្ងៃទី២៦ ខែមេសា ឆ្នាំ២០២១ បានឱ្យដឹងថាករណីវិជ្ជមានកូវីដ-១៩ នៅខេត្តបន្ទាយមានជ័យមានចំនួនសរុប ៩១នាក់ ក្នុងនោះមានជនជាតិខ្មែរចំនួន២០នាក់ ក្នុងស្រ្តីចំនួន១៧នាក់ ស្រ្តីជនជាតិចិនចំនួន២នាក់ ជនជាតិឥណ្ឌូណេស៊ីចំនួន៦៩នាក់ ក្នុងមានស្រ្តី១៣នាក់។ បច្ចុប្បន្នអ្នកជំងឺកំពុកសម្រាកព្យាបាលនៅមន្ទីរពេទ្យខេត្ត និងមណ្ឌលព្យាបាលខេត្តបន្ទាយមានជ័យ។ សូមបញ្ជាក់ថា ម្ចាស់ភោជនីយដ្ឋាន គឹម ប៊ុនអ៊ី ហៅ តាឡាក់ បានផ្តល់ទីតាំងភោជនីយដ្ឋានទាំងមូល ជូនរដ្ឋបាលខេត្ត ដើម្បីចូលរួមទប់ស្កាត់ ការរីករាលដាលជម្ងឺកូវីដ-១៩។ ឯកឧត្តម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ បានថ្លែងអំណរគុណ លោក គឹម ប៊ុនអ៊ី និងក្រុមគ្រួសារ ដែលមានទឹកចិត្តដ៏ល្អប្រពៃចូលរួមជាមួយសងញកមជាតិ ដើម្បីកិច្ចការងារជួយសង្គមជាតិ ពិសេសសំរាប់បងប្អូនរស់នៅក្រុងប៉ោយប៉ែត។