សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ និងព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៅថ្ងៃទី២៦មេសាឆ្នាំ២០២១ បានសព្វព្រះរាជហឫទ័យ ប្រោសព្រះរាជទានព្រះរាជអំណោយ តាមរយៈសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល ឧបនាយកនាយករដ្ឋមន្ត្រី និងជារដ្ឋមន្ដ្រីក្រសួងព្រះបរមរាជវាំងជូនមករដ្ឋបាលខេត្តកណ្ដាល ដើម្បីយកទៅចែកជូនប្រជាពលរដ្ឋរស់នៅតំបន់បិទខ្ទប់ក្នុងក្រុងតាខ្មៅ នៅខេត្តកណ្តាល ។ ក្នុងពិធីទទយលព្រះរាជអំណោយនោះ លោក ម៉ៅ ភិរុណ ប្រធានក្រុមប្រឹក្សាខេត្ត និងលោក គង់ សោភ័ណ្ឌ អភិបាលខេត្តកណ្ដាល បានថ្លែងអំណរព្រះរាជគុណយ៉ាងជ្រាលជ្រៅបំផុតថ្វាយ សម្ដេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គបានសព្វព្រះរាជហឫទ័យ ប្រោសព្រះរាជទានព្រះរាជអំណោយ ដល់រដ្ឋបាលខេត្ត ដើម្បីជួយដល់ប្រជាពលរដ្ឋក្នុងក្រុងតាខ្មៅ ដែលកំពុងជួបការលំបាក ។ លោក គង់ សោភ័ណ្ឌ អភិបាលខេត្ត បន្តថា ព្រះរាជអំណោយដ៏ថ្លៃថ្លាខាងលើនោះ ពិតជាបានរួមចំណែកដល់ការទំនុកបម្រុងជាស្បៀងដល់ប្រជាពលរដ្ឋ ដែលរងផលប៉ះពាល់ពីការរាតត្បាតនៃជំងឺកវីដ-១៩ ក្នុងព្រឹត្តិការណ៍ សហគមន៍ ២០ កុម្ភៈ ២០២១នៅក្នុងខេត្តកណ្ដាល និងបានបង្ហាញឱ្យឃើញពីទឹកព្រះទ័យមនុស្សធម៌ របស់សម្ដេចព្រះមហាក្សត្រី ដែលជានិច្ចជាកាល…

សាលារាជធានីភ្នំពេញជូនដំណឹង ស្ដីពីការបន្តសុពលភាពលិខិតអនុញ្ញាតធ្វើដំណើរ ឬធ្វើចរាចរណ៍ ក្នុងតំបន់បិទខ្ទប់ នៃភូមិសាស្ត្ររាជធានីភ្នំពេញ។

រដ្ឋបាលខេត្តព្រះសីហនុ សម្រេចផ្អាកជាបណ្តោះអាសន្នដំណើរការអាជីវកម្មលក់ដូរនៅផ្សារយាយទូច ញូវ ស្តារ ដែលមានទីតាំងស្ថិតផ្លូវជាតិលេខ៤ ភូមិ១ សង្កាត់លេខ១ ក្រុងព្រះសីហនុ៖

នៅទីនេះ ប្រជាពលរដ្ឋ ប្រកាន់ខ្ជាប់នូវវិធានការសុខាភិបាល ពាក់ម៉ាស ការធ្វើអនាម័យ ដើម្បីសម្លាប់មេរោគ វាស់កម្តៅ និងរក្សាគម្លាតសុវត្ថិភាព ដើម្បីប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ-១៩។ សូមបញ្ជាក់ថា រាជរដ្ឋាភិបាលកម្ពុជាបានសម្រេចពង្រឹងការអនុវត្តវិធានការការពារ ធានាសុខភាពសាធារណៈ និងអាយុជីវិតរបស់ពលរដ្ឋគ្រប់រូប នៅក្នុងភូមិសាស្ត្រដែលត្រូវបានបិទខ្ទប់ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។ ដោយឡែក អាជ្ញាធមូលដ្ឋានបានបន្តអប់រំផ្សាយដល់ប្រជាពលរដ្ឋនៅមូលដ្ឋានពីគ្រោះថ្នាក់នៃជំងឺកូវីដ១៩ ហើយ ប្រជាពលរដ្ឋត្រូវចូលរួមសហការជាមួយរាជរដ្ឋាភិបាលទើបការទប់ស្កាត់ការរាលជំងឺកូវីដ-១៩ ឈានទៅបញ្ចប់«ព្រឹត្តិការណ៍សហគមន៍ ២០ កុម្ភះ» ។

អាជ្ញាធរខេត្តព្រះសីហនុ ចាប់ពីថ្ងៃទី២៧ ខែមេសានេះ បានបង្កើតសេវាលក់ដូរម្ហូបអាហារ ដល់គេហដ្ឋានប្រជាពលរដ្ឋក្នុងតំបន់ក្រហម ដែលត្រូវបិទខ្ទប់មិនឱ្យមានចរាចរណ៍ ដើម្បីទប់ស្កាត់ការរាលដាលជំងឺកូវីដ-១៩។ មធ្យោបាយសេវាកម្ម មានអង្ករ ត្រីសាច់ គ្រឿងឧបភោគ និងបរិភោគ បានដាក់លក់ចល័តតាមស្តង់ តាម ម៉ូតូកង់បី តាមរថយន្តក្រុង ជាដើម។ ការដាក់លក់សេវាម្ហូបអាហារចល័ត រៀបចំឡើងនៅក្បែរមូលដ្ឋានផ្ទះប្រជាពលរដ្ឋ និងមិនមានការតម្លើងថ្លៃទំនិញ នៅតាមតំបន់ដែលអាជ្ញាធរបានកំណត់ជាតំបន់ក្រហម ដែលមានការផ្ទុះការឆ្លងរាលដាលជំងឺកូវីដ-១៩ ខ្ពស់។ អាជ្ញាធរនៅតែបង្កើនការផ្សព្វផ្សាយជាមួយការដាក់លក់ចល័តនេះ ឱ្យប្រជាពលរដ្ឋត្រូវថែរក្សាសុខភាព និងរស់នៅទម្លាប់មានអនាម័យ លាងដៃនឹងសាប៊ូ អាល់កុល និងត្រូវពាក់ម៉ាស បើមិនចាំបាច់កុំចេញក្រៅផ្ទះ មិនត្រូវជួបជុំគ្នា ជាពិសេសមិនត្រូវនាំគ្នាផឹកស៊ី ដែលនាំឱ្យមានការឆ្លងរីករាលដាលជំងឺកូវីដ១៩ នៅក្នុងសហគមន៍របស់ខ្លួន និយាយជារួមសូមប្រជាពលរដ្ឋ ត្រូវអនុវត្តតាមវិធានការណែនាំរបស់ក្រសួងសុខាភិបាល និងវិធានការ «៣ការពារ និង៣កុំ» ឱ្យបានខ្ជាប់ខ្ជួនជានិច្ច។ សូមចូលរួមជាមួយរាជរដ្ឋាភិបាលក្នុងការទប់ស្កាត់ការរីករាលដាលជំងឺកូវីដ-១៩ ដែលកំពុងតែកើតមានឡើងនៅប្រទេសកម្ពុជា ក្នុងព្រឹត្តិការណ៍ «សហគមន៍ ២០ កុម្ភៈ»។