ការធ្វើដំណើរចេញក្រៅ ឬចូលក្នុងតំបន់បិទខ្ទប់ ដោយសារមូលហេតុសុខភាពបន្ទាន់ ត្រូវសុំការអនុញ្ញាតពីអាជ្ញាធរមានសមត្ថកិច្ច និងមិនត្រូវធ្វើដំណើរលើសពី ៤ នាក់នោះទេ។ ក្នុងករណីធ្វើដំណើរខាងលើនេះ លោក-អ្នក ត្រូវមានភ្ជាប់នូវឯកសារដូចតទៅ ៖ក) ឯកសារបញ្ជាក់អត្តសញ្ញាណបុគ្គល (អត្តសញ្ញាណប័ណ្ណសញ្ជាតិខ្មែរ ឬប័ណ្ណសម្គាល់ខ្លួន)ខ) លិខិតបញ្ជាក់ ឬលិខិតណាត់ជួប ដែលចេញដោយមន្ទីរពេទ្យ ឬកន្លែងព្យាបាលនោះ ប្រសិនបើមាន។

រដ្ឋបាលខេត្តព្រះសីហនុបង្ហាញអំពីអត្តសញ្ញាណអ្នកវិជ្ជមានកូវីដ-១៩ យោងតាមលទ្ធផលនៃការវិភាគវត្ថុសំណាក នៅថ្ងៃទី២៦ ខែមេសា ឆ្នាំ២០២១។

ភ្នំពេញ ៖ លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោ ជាប្រធានសមាគមអតីតយុទ្ធជនកម្ពុជា ខណ្ឌដង្កោ តំណាងដ៏ខ្ពង់ខ្ពស់ឯកឧត្តម ឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ជាប្រធានសមាគមអតីតយុទ្ធជនកម្ពុជារាជធានីភ្នំពេញ បានចុះសំណេះសំណាលសួរសុខទុក្ខដល់សមាជិកសមាគមអតីតយុទ្ធជនកម្ពុជាខណ្ឌដង្កោចំនួន ៥០គ្រួសារ មកពី០៣សង្កាត់ មានសង្កាត់គងនយ សង្កាត់ទៀន និងសង្កាត់រលួស នាព្រឹកថ្ងៃទី២៧ ខែមេសា ឆ្នាំ២០២១ ។ ក្នុងឱកាស នោះ លោកអធិការបានមានមតិថ្លែងអំណរគុណយ៉ាងជ្រាលជ្រៅជាទីបំផុតចំពោះទឹកចិត្តរបស់អតីយុទ្ធជន ក៏ដូចជាគ្រួសារពលីមរណៈ ក្នុងបុព្វហេតុជាតិមាតិភូមិ រហូតដល់មានសុខសន្តិភាពដូចសព្វថ្ងៃនេះ។លោកអធិការ បន្តថា ក្នងនាមជាយុវជនជំនាន់ក្រោយ នឹងមិនភ្លេចពីគុណបំណាច់ដ៏ធំធេង ដែលអតីតយុទ្ធជនបានលៈបង់នោះទេ គឺនឹងធ្វើការចងចាំទុក ជាប្រវត្តិសាស្រ្ត ទៅលើគុណបំណាច់ទាំងអស់នេះ ហើយនឹងរៀនសូត្រតាមនូវគំរូវីរៈដ៏អង់អាចក្លាហាននេះបន្តទៀត ។ បន្ថែម លើនេះ លោកអធិការ ក៏បាននាំនូវការផ្តាំផ្ញើសួរសុខទុក្ខពីឯកឧត្តម ឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ជាប្រធានសមាគមអតីតយុទ្ធជនកម្ពុជារាជធានីភ្នំពេញ ជូនដល់អតីតយុទ្ធជនដែលរស់នៅទីនេះទាំងអស់គ្នា និងផ្តាំផ្ញើដល់បងប្អូន ត្រូវចេះប្រុងប្រយត្ន័ ការពារខ្លួនពីជម្ងឺដកូវីដ-១៩ និងខិតខំប្រឹងប្រែងបំពេញការងារដែលមានស្រាប់ដើម្បីជួយជីវភាពគ្រួសារ…

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី២៧មេសាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ ជាបុគ្គលិកធ្វើការនៅក្រុមហ៊ុន អិមវីអិល តាដា (TADA) មានទីតាំងស្ថិតនៅផ្ទះលេខ៩៧ផ្លូ វលេខ៥៩០ សង្កាត់បឹងកក់២ ខណ្ឌទួលគោក រាជធានីភ្នំពេញ ចាប់ពីថ្ងៃ១៧ដល់ថ្ងៃ២៤មេសាឆ្នាំ២០២១។ សេចក្ដីរាយការណ៍បានឲ្យដឹងថា បុគ្គលិកដែលឆ្លងជំងឺកូវីដ-១៩នោះ បានប៉ះពាល់ផ្ទាល់ ជាមួយបុគ្គលិកផ្សេងៗទៀតជាច្រើននាក់នៅក្រុមហ៊ុននោះ។ អនុគណៈកម្មការស្រាវជ្រាវជំងឺកូវីដ-១៩ឲ្យប្រជាពលរដ្ឋ ដែលដែលមានទំនាក់ទំនងញឹកញាប់ជាមួយបុគ្គលិកធ្វើការនៅក្រុមហ៊ុននោះ ត្រូវដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី២៧ មេសា ឆ្នាំ២០២១ បានជូនដំណឹងថា មានអ្នកជំងឺកូវីដ-១៩ បានទៅរកសេវានៅបន្ទប់ពិគ្រោះសុខភាពស្ត្រី របស់វេជ្ជបណ្ឌិត ឈុន សមសោភា ដែលមានទីតាំងស្ថិតនៅ ផ្ទះលេខ ៤៥ ផ្លូវ ២៩២ សង្កាត់អូឡាំពិក ខណ្ឌចំការមន រាជធានីភ្នំពេញ ចាប់ពីថ្ងៃ២៣ដល់ថ្ងៃ២៦មេសាឆ្នាំ២០២១ ដើម្បីទទួលសេវាពិនិត្យផ្ទៃពោះ។ អនុគណៈកម្មការស្រាវជ្រាវជំងឺកូវីដ-១៩ឲ្យប្រជាពលរដ្ឋ ដែលបានទៅកាន់បន្ទប់ពិគ្រោះនោះ ត្រូវដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។

រដ្ឋបាលខេត្តកណ្តាល បន្តផ្អាកដំណើរការអាជីវកម្មផ្សារគគីរ ដែលស្ថិតក្នុងឃុំគគីរ ស្រុកកៀនស្វាយ ខេត្តកណ្តាល ជាបណ្តោះអាសន្ន។

ការបិទខ្ទប់រាជធានីភ្នំពេញ និងក្រុងតាខ្មៅ នៃខេត្តកណ្តាល ត្រូវបានចែកចេញជា ៣តំបន់៖ ១ “តំបន់ក្រហម” សំដៅដល់ភូមិសាស្រ្តដែលមានការឆ្លងរាលដាលធ្ងន់ធ្ងរនៃជំងឺកូវីដ-១៩ ក្នុងសហគមន៍។ ២ “តំបន់លឿងទុំ” សំដៅដល់ភូមិសាស្រ្តដែលមានការឆ្លងរាលដាលកម្រិតមធ្យមនៃជំងឺកូវីដ-១៩ ក្នុងសហគមន៍។ ៣ “តំបន់លឿង” សំដៅដល់ភូមិសាស្រ្តដែលមានការឆ្លងរាលដាលកម្រិតស្រាលនៃជំងឺកូវីដ-១៩ ក្នុងសហគមន៍។