លោកតូច វ៉ាន់រ៉ា តំណាងលោកជំទាវ ម៉ែន សំអូន ទីប្រឹក្សាក្រសួងទំនាក់ ទំនងជាមួយរដ្ឋសភា-ព្រឹទ្ធសភា និងអធិការកិច្ច និងលោក ថេង រិទ្ធី ប្រគាល់អំណោយលោកស្រី ជួន ស្រីពៅ ជាឃុំស្វាយអំពារ នារសៀលថ្ងៃព្រហស្បតិ័ ១១កើត ខែពិសាខ ឆ្នាំឆ្លូវ ត្រីស័ក ព.ស. ២៥៦៤ ត្រូវនឹង ថ្ងៃទី២២ខែមេសា ឆ្នាំ២០២១ឃុំស្វាយអំពារ និងឃុំសំបួរមាស ស្រុកមុខកំពូល ខេត្តកណ្តាល ថ្លែងក្នុងឱកាសនោះ លោក តូច វ៉ាន់រ៉ានិងក្នុងនាមលោកជំទាវផ្ទាល់ក៏បានផ្ដាំសួរសុខទុក្ខ ក៏បានសំណូមពរឲ្យបងប្អូនប្រជាពលរដ្ឋទាំងអស់ សូមគោរពតាមវិធានការ ៣ការពារ ៣កុំ និងអនុវត្តឲ្យបានតាមសេចក្តីសម្រេចស្តីពីវិធានការដែលត្រូវអនុវត្តក្នុងអំឡុងពេលបិទខ្ទប់ក្នុងភូមិសាស្រ្ត រាជធានីភ្នំពេញ និងក្រុងតាខ្មៅ នៃខេត្តកណ្តាល ដើម្បីទប់ស្កាត់ការឆ្លងរីករាលដាលកូវីដ១៩ និងកាត់ផ្តាច់នៃការឆ្លងនៃព្រឹត្តិការណ៍ ២០ កុម្ភៈ ឲ្យឆាប់បានវិលទៅរកស្ថានភាពធម្មតាវិញ ។ លោកបានបន្តរថា សូមយកចិត្តទុក្ខដាក់បន្ថែមទៀត និងត្រូវចូលរួមប្រុងប្រយ័ត្នឲ្យបានខ្ពស់ ដោយសហការជាមួយបុគ្គលិកសុខាភិបាល ជាពិសេស ត្រូវពង្រឹងនូវការធ្វើចត្តាឡីស័ក និងការប្រមូលសំណាកចំពោះទីតាំងនិងមនុស្ស ដែលពាក់ព័ន្ធនឹងជំងឺកូវីដ១៩ នេះ…

សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ឧបត្ថម្ភថវិកាដ៏ថ្លៃថ្លា ចំនួន ៣៤៨,៣២០,០០០រៀល ជូនដល់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការ នៃអគ្គស្នងការដ្ឋាននគរបាលជាតិ ដើម្បីជាការលើកទឹកចិត្តដល់កងកម្លាំងនគរ បាលជាតិចំនួន ១,២៤៤នាក់ ដែលកំពុងការពារតាមគោលដៅ និងប្រចាំការត្រៀមអន្តរាគមន៍ ក្នុងដំណាក់កាលបិទខ្ទប់ភូមិសាស្រ្តរាជធានី ភ្នំពេញ និងក្រុងតាខ្មៅ។ ជាមួយគ្នានេះផងដែរ សម្តេចក្រឡាហោម ក៏បានមានប្រសាសន៍ថា «ខ្ញុំសូមឧបត្ថម្ភនូវថវិកាចំនួន ៣៤៨,៣២០,០០០រៀល បន្ថែមលើគោលរបប ដែលបានឧបត្ថម្ភជាហូរហែរកន្លងមកហើយ»។ ក្នុងឱកាសនៃការឧបត្ថម្ភថវិកាដ៏ថ្លៃថ្លានេះ សម្តេចក្រឡាហោម ស ខេង ក៏បានណែនាំឱ្យ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការ នៃអគ្គស្នងការដ្ឋាននគរបាលជាតិ ចាត់ចែងបែងចែកថវិកានេះជូនដល់កងកម្លាំង ដោយក្នុង០១នាក់ ទទួលបានថវិកាចំនួន ២៨០,០០០រៀល៕ដោយ -រ៉ាវុធ

នៅល្ងាច ថ្ងៃទី២២ ខែមេសា ឆ្នាំ២០២១ ក្នុងរាជធានីភ្នំពេញ ទោះបីជាមានភ្លៀងធ្លាក់ជោគជាំយ៉ាងណាក៏ដោយ ក៏កងកម្លាំងបិទ ខ្ទប់រាជធានីភ្នំពេញ នៅតែបន្តឈរជើង តាមគោលដៅនីមួយៗ ដោយគោរពតាមបទបញ្ជារបស់រាជរដ្ឋាភិបាល ។ សូមបញ្ជាក់ថា រាជរដ្ឋាភិបាលកម្ពុជា បានចេញសេចក្តីសម្រេចដោយប្រកាសបិទខ្ទប់ រាជធានីភ្នំពេញ និងក្រុងតាខ្មៅ នៃខេត្ត កណ្ដាល ចាប់ពីវេលាម៉ោង០០ ឈានចូលថ្ងៃទី១៥ ដល់ថ្ងៃទី២៨ ខែមេសា ឆ្នាំ២០២១ ។ វិធានការបិទរាជធានីភ្នំពេញ និងក្រុងតាខ្មៅនេះ ដើម្បីទប់ស្កាត់ការរីករាលដាលជំងឺកូវីដ១៩ ដែលកំពុងមានការកើនឡើងខ្លាំង។ សូមនៅក្នុងផ្ទះ ឈ្នះកូវីដ

ទោះពេលនេះមេឃកំពុងតែភ្លៀងខ្លាំងស្ទេីរតែគ្របដណ្តប់គ្រប់ខណ្ឌនៃរាជធានីភ្នំពេញ យ៉ាងណាក៏ដោយ ក៏សមត្ថកិច្ចចម្រុះនៃស្នងការដ្ឋាននគរបាលរាជធានីភ្នំពេញ នៅតែបន្តឈរប្រចាំការតាមគោលដៅនានាដេីម្បីបន្តអនុវត្តការងាររបស់ខ្លួនដោយគ្មានការរអ៊ូរទាំឡេីយ នេះហេីយជាតួនាទី ភារកិច្ចរបស់កងកម្លាំង លះបង់ទាំងពេលវេលា ទាំងកម្លាំងចិត្ត កាយ ព្រោះតែដេីម្បីការពារបងប្អូនប្រជាពលរដ្ឋ ដូច្នេះបេីមិនចាំបាច់សូមប្រជាពលរដ្ឋកុំចាកចេញពីផ្ទះ សមត្ថកិច្ចគ្រប់រូបគាត់ក៏ចង់នៅផ្ទះ ចង់មានពេលវេលាជួបជុំក្រុមគ្រួសារដូចបងប្អូនប្រជាពលរដ្ឋដែរ ប៉ុន្តែមុនអាចធ្វេីបានដោយសារភារកិច្ចត្រូវបំពេញជូនជាតិ មាតុភូមិ ៕

លោកជំទាវកិត្តិសង្គហបណ្ឌិត ម៉ែន សំអន ប្រធានក្រុមការងាររាជរដ្ឋាភិបាល ចុះមូលដ្ឋានរាជធានីភ្នំពេញ បានដឹកនាំក្រុមការងារ ចុះសំណេះសំណាលនិងចែកអំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត និងចែកជានិមិត្តរូប ២០០គ្រួសារ លើចំនួន ២.០០០គ្រួសារដែលរដ្ឋបាលខណ្ឌដូនពេញបានរៀបចំក្នុងថ្ងៃនេះ ជូនដល់ប្រជាពលរដ្ឋអំឡុងពេលបិទខ្ទប់ ស្ថិតនៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ នារសៀលថ្ងៃព្រហស្បតិ៍ ១១កើត ខែពិសាខ ឆ្នាំឆ្លូវ ត្រីស័ក ព.ស. ២៥៦៤ ត្រូវនឹង ថ្ងៃទី២២ ខែមេសា ឆ្នាំ២០២១ ។ ឆ្លៀតក្នុងឪកាសនោះលោកជំទាវក៏បាននាំមកនូវប្រសាសន៍ផ្តាំផ្ញើការសាកសួរសុខទុក្ខ ពីសម្តេចទាំងទ្វេរ ផ្ញើជូនបងប្អូនប្រកបដោយក្តីនឹករលឹក និងបានសំណូមពរឲ្យបងប្អូនប្រជាពលរដ្ឋទាំងអស់ សូមមានការអត់ធម្មត់ និងគោរពតាមវិធានការ ៣ការពារ ៣កុំ និងអនុវត្តឲ្យបានតាមសេចក្តីសម្រេចស្តីពីវិធានការដែលត្រូវអនុវត្តក្នុងអំឡុងពេលបិទខ្ទប់ក្នុងភូមិសាស្រ្ត រាជធានីភ្នំពេញ និងក្រុងតាខ្មៅ នៃខេត្តកណ្តាល ដើម្បីទប់ស្កាត់ការឆ្លងរីករាលដាលកូវីដ១៩ និងកាត់ផ្តាច់នៃការឆ្លងនៃព្រឹត្តិការណ៍ ២០ កុម្ភៈ ឲ្យឆាប់បានវិលទៅរកស្ថានភាពធម្មតាវិញ ។ ទន្ទឹមនឹងនោះផងដែរលោកជំទាវក៏បានពន្យល់ និងសូមការអធ្យាស្រ័យពីប្រជាពលរដ្ឋអំពីការបង្វែរពីថវិកា ៣០ម៉ឺនក្នុងមួយគ្រួសារ មកជាស្បៀងវិញផងដែរ ក្រោមការគិតគូរយ៉ាងយកចិត្តទុក្ខដាក់ពីប្រមុខរាជរដ្ឋាភិបាល។ ក្នុងថ្ងៃដដែលនេះផងដែរ ក្រុមការងាររបស់លោកជំទាវកិត្តិសង្គហបណ្ឌិត ម៉ែន សំអន…

ភ្នំពេញ ៖ ក្រុមការងាររដ្ឋបាលខណ្ឌដង្កោ ចូលរួមជាមួយក្រុមការងាររបស់ក្រសួងសុខាភិបាល បានចូលរួមរំលែកទុក្ខដ៏ក្រៀមក្រំបំផុត និងនាំយកថវិកាចំនួន ៥,០០០,០០០ រៀល របស់ក្រសួងសុខាភិបាល ឧបត្ថម្ភជូន គ្រួសារនៃសពឈ្មោះ ប្រាក់ ហឿន ភេទប្រុស អាយុ៧២ឆ្នាំ ដែលបានទទួលមរណភាពដោយសារជំងឺកូវីដ-១៩ មានទីលំនៅភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ រសៀលថ្ងៃព្រហស្បតិ៍ ខែពិសាខ ឆ្នាំឆ្លូវ ត្រីស័ក ព.ស ២៥៦៤ ត្រូវនឹងថ្ងៃទី២២ ខែមេសា ឆ្នាំ២០២១ ។ ក្នុងឱកាសនោះដែរ រដ្ឋបាលខណ្ឌ ក៏បានចូលរួមឧបត្ថម្ភ អង្ករចំនួន៥០គីឡូ ទឹកសុទ្ធចំនួន ១កេស មីចំនួន ១កេស ទឹកស៊ីអ៉ីវ ១យួរ ត្រីខកំប៉ុង ១យួរ និងបច្ច័យចំនួន ២០ម៉ឺនរៀលផងដែរ និងបានណែនាំដល់ក្រុមគ្រួសារសពបន្តអនុវត្តវិធានការ ៣កុំ ៣ការពារ និងវិធានការរបស់ក្រសួងសុខាភិបាល ៕ ដោយ / គ្រី សម្បត្តិ