ប៉េកាំង៖ នាអំឡុងខែមករា ដល់ខែកក្កដា ឆ្នាំ២០២១នេះ ប្រាក់ចំណេញផ្នែកឧស្សាហកម្មរបស់ប្រទេសចិន បានកើនឡើង ៥៧.៣ ភាគរយ ស្មើនឹងប្រមាណ ៤,៩ ទ្រីលានយន់ ឬ៧៥៦ពាន់លានដុល្លារ ដោយសារការស្តារស្ថិរភាពនៃសេដ្ឋកិច្ច និងការធ្វើឱ្យប្រសើរឡើងនូវស្ថានភាពអាជីវកម្ម នេះបើតាមទិន្នន័យពីការិយាល័យស្ថិតិជាតិ (NBS)។

ម៉ាឡេស៊ី៖ នៅត្រីមាសទី២ ឆ្នាំ២០២១នេះ សេដ្ឋកិច្ចរបស់ប្រទេសម៉ាឡេស៊ីត្រូវបានគេរំពឹងថានឹងកើនឡើងយ៉ាងខ្លាំង ពីមូលដ្ឋានទាបក្នុងកំឡុងឆ្នាំមុន ប៉ុន្តែការបិទខ្ទប់ប្រទេសដោយសារជំងឺកូវីដ១៩នឹងរារាំងដល់កំណើននេះ។

ជប៉ុន៖ នៅត្រីមាសទី២ ឆ្នាំ២០២១នេះ សេដ្ឋកិច្ចជប៉ុនទំនងជាបានស្ទុះងើបឡើងវិញពីការធ្លាក់ចុះយ៉ាងខ្លាំងតែបន្តិចប៉ុណ្ណោះ ដោយសារការនាំចេញរឹងមាំ និងចំណាយមូលធនបានជួយសម្រាលដល់ផលប៉ះពាល់ក្នុងវិស័យប្រើប្រាស់ពីជំងឺកូវីដ១៩។