ភ្នំពេញ៖ យោងតាមទិន្នន័យពីអង្គការពាណិជ្ជកម្មក្រៅប្រទេសជប៉ុន (JETRO) បានអោយដឹងថា បើទោះបីជាជួបបញ្ហាប្រឈមដោយសារការរាតត្បាតនៃជំងឺកូវីដ១៩ក៏ដោយ ក៏ទំហំពាណិជ្ជកម្មរវាងកម្ពុជា-ជប៉ុន ហាក់មានការងើបស្ទុះឡើងវិញ។ ជាក់ស្តែងនៅឆមាសទី១ ឆ្នាំ ២០២១នេះ ទំហំពាណិជ្ជកម្មទ្វេភាគីរវាងកម្ពុជា-ជប៉ុន មានទឹកប្រាក់១.​១០៩លានដុល្លារ បានកើនឡើង៩.៥ភាគរយ បើធៀបនឹងរយៈពេលដូចគ្នាកាលពីឆ្នាំ២០២០។ នៅឆមាសទី១ឆ្នាំ​នេះ ចាប់ពីខែមករា ដល់ខែមិថុនា កម្ពុជាបាននាំចេញផលិតផលទៅកាន់ ជប៉ុន គិតជាទឹកប្រាក់មានចំនួន៨១៤.៥៨លានដុល្លារ កើនឡើង២.​៧ភាគរយ បើធៀបនឹងឆ្នាំ ២០២០ ដែលមានចំនួន៧៩៤.១៩លានដុល្លារ។ កម្ពុជាបាននាំចូលទំនិញពីជប៉ុន មានចំនួនទឹកប្រាក់២៩៥.២៣លានដុល្លារ កើនឡើងចំនួន៣៥ភាគរយ បើធៀបនឹងឆ្នាំ២០២០ ដែលមានចំនួន២១៨.៦១លានដុល្លារ។ កម្ពុជាបាននាំចេញទំនិញសំខាន់ៗទៅកាន់ជប៉ុន រួមមាន៖ សម្លៀកបំពាក់ កាបូប ស្បែកជើង គ្រឿងសង្ហារឹម គ្រឿងសំអាង ក្រដាស សម្ភារៈការិយាល័យនិង ទំនិញស្បែក។ ចំណែកកម្ពុជាវិញ បាននាំចូលគ្រឿងម៉ាស៊ីនរថយន្ត គ្រឿងអេឡិចត្រូនិក គ្រឿងសង្ហារឹម ក្រណាត់ និងប្លាស្ទិកពីជប៉ុន។ សូមរំលឹកថា ពាណិជ្ជកម្ម​ទ្វេភាគីរវាង​កម្ពុជា-ជប៉ុន​ក្នុង​ឆ្នាំ​២០២០ មានទឺកប្រាក់២,១០១.៧៨ ​លាន​ដុល្លារ ធ្លាក់ចុះ៨,៣៥ភាគរយ បើ​ធៀបនឹង​ឆ្នាំ​២០១៩។ ក្នុងនោះ​ កម្ពុជានាំចេញទៅជប៉ុនមានទឹកប្រាក់១,៦១៧.០៨លាន​ដុល្លារ ធ្លាក់ចុះ៦,៦​ភាគរយ និង​នាំចូលពីជប៉ុន​…

ក្រចេះ៖ ម៉ាកាស់ លែន ដែលជាក្រុមហ៊ុនអចលនទ្រព្យនៅខេត្តត្បូងឃ្មុំ បានបើកគម្រោងវិនិយោគដ៏ថ្មីស្រឡាងមួយលើការដាំដុះដើមខ្នុរការ៉ុត ដើម្បីយកទិន្នផលលក់នៅលើទីផ្សារប្រទេសចិន ហើយការវិនិយោគនេះ គឺសាធារណជនទូទៅអាចចូលរួមវិនិយោគបាន ដោយចំណាយដើមទុនតិច ខណៈដែលការវិនិយោគនេះ ផ្តល់ប្រាក់ចំណេញត្រឡប់មកវិញ ៣ដងក្នុងមួយឆ្នាំជាទៀតទាត់។ លោក សារី អ៊ីសា អគ្គនាយកក្រុមហ៊ុនម៉ាកាស់ លែន បានបញ្ជាក់ថា ការវិនិយោគលើចម្ការខ្នុរការ៉ុតនេះ តម្រូវឲ្យអតិថិជនទិញដើមខ្នុរចាប់ពី១០០ដើមឡើងទៅ នោះក្រុមហ៊ុននឹងរៀបចំកុងត្រាទិញលក់ ដែលមានចងនូវកាតព្វកិច្ចធានាលើការប្រមូលទិញទិន្នផលវិញក្នុងតម្លៃទីផ្សារតែម្តង ឬបើទិញក្នុងទំហំចំនួន៨៣៣ដើម ក្រុមហ៊ុននឹងកាត់ដីជូន១ហិចតា ពោលគឺបានទាំងដំណាំ បានទាំងដី១ហិចតា។ បច្ចុប្បន្នក្រុមហ៊ុនបានដាក់ដាំកូនដើមខ្នុររួចរាល់ប្រមាណ ៩០ហិចតា លើផ្ទៃដីកម្មសិទ្ធស្របច្បាប់របស់ក្រុមហ៊ុនសរុបប្រមាណ៥០០ហិចតា រួមទាំងការរៀបចំប្រព័ន្ធទឹក និងប្រព័ន្ធសូឡា ហើយកំពុងបន្តសកម្មភាពអភិវឌ្ឍន៍ផ្ទះលម្ហែរបន្ថែមទៀតនៅក្នុងចម្ការផ្ទាល់។ ជុំវិញការប្រមូលប្រាក់ចំណេញ ត្រូវបានលោកអគ្គនាយកបញ្ជាក់ថា យ៉ាងយូរ២ឆ្នាំដើមខ្នុរដាក់ផ្លែ ហើយអាចប្រមូលទិន្នផលបីដងក្នុង១ឆ្នាំ ដែលអាចចំណេញក្នុង១០០ដើមយ៉ាងតិចក៏បានជាង៣ពាន់៥រយដុល្លារក្នុង១ឆ្នាំដែរ។ ដោយឡែកចំពោះការដាំដុះ ការថែទាំ ការដាក់ជី គឺស្ថិតក្រោមការគ្រប់គ្រងថែទាំដោយក្រុមការងារបច្ចេកទេសទាំងស្រុង ពិសេសការប្រមូលផល និងការងារទីផ្សារក៏មិនឲ្យម្ចាស់ទុនព្រួយបារម្ភឡើយ ព្រោះក្រុមហ៊ុនមានទីផ្សារដៃគូស្រាប់ក្នុងប្រទេសចិនស្រាប់ ក្នុងការប្រមូលទិញទិន្នផលខ្នុរការុដនេះ៕

ភ្នំពេញ៖ យោងតាមតាមរបាយការណ៍របស់កំពង់ផែស្វយ័តភ្នំពេញបានអោយដឹងថា នៅឆមាសទី១ ឆ្នាំ២០២១ កំពង់ផែស្វយ័តភ្នំពេញរកចំណូលបានចំនួន១៥លាន៣០ម៉ឺន៧ពាន់៧២១ដុល្លារ (ពុំទាន់ធ្វើសវនកម្ម) មានការកើនឡើង៨ភាគរយ បើធៀបនឹងរយៈពេលដូចគ្នាកាលពីឆ្នាំ២០២០ មានចំនួន១៤លាន១០ម៉ឺន៩ពាន់៨៣៤ដុល្លារ (បានធ្វើសវនកម្ម) ។ ប្រភពចំណូលរបស់កំពង់ផែស្វយ័តភ្នំពេញ ដែលទទួលបាននៅឆមាសទី១ ឆ្នាំ២០២១នេះ រួមមាន៖ *ទី១៖ ចំណូលពីប្រតិបត្តិការផែមានចំនួន១១លាន៩១ម៉ឺន៦ពាន់៣៩៩ដុល្លារ។ *ទី៖ ចំណូលបានពីអាជ្ញាធរផែមានចំនួន១លាន៦៦ម៉ឺន៤ពាន់៧៦៦ដុល្លារ។ *ទី៣៖ ចំណូលបានពីសេវាកម្មផ្សេងៗមានចំនួន២១ម៉ឺន៤ពាន់៨ដុល្លារ។ *ទី៤៖ ចំណូលផ្សេងៗមានចំនួន១លាន៥១ម៉ឺន២ពាន់៥៤៨ដុល្លារ។ ដោយឡែកចំពោះលទ្ធផលការងារអាជីវកម្ម សេវាកម្មអនុវត្ដសម្រាប់រយៈពេល៧ខែ ឆ្នាំ២០២១នេះ រួមមាន៖ ទី១៖ ទំនិញ-ប្រេងឥន្ធនៈ មានចំនួន២លាន២៥ម៉ឺន៧ពាន់២៦៣តោន កើនឡើង៦.៦៧ភាគរយ បើធៀបនឹងរយៈពេលដូចគ្នានៅឆ្នាំ២០២០ ចំនួន២លាន១១ម៉ឺន៦ពាន់៦៩តោន។ ទី២៖ នាវាផ្ទុកទំនិញឆ្លងកាត់ មានចំនួន១ពាន់៣៤០ជើង ថយចុះ០.២២ភាគរយ បើធៀបនឹងរយៈពេលដូចគ្នានៅឆ្នាំ២០២០ ចំនួន១ពាន់៣៣៧ជើង។ ទី៣៖ បរិមាណកុងតឺន័រ មានចំនួន១៨ម៉ឺន២ពាន់២១៧ធីអ៊ីយូ កើនឡើង១១.៧៧ភាគរយ បើ ធៀបនឹងរយៈពេលដូចគ្នានៅឆ្នាំ២០២០ ចំនួន១៦ម៉ឺន៣ពាន់២៩ធីអ៊ីយូ។ លោក ហ៊ី បាវី អគ្គនាយកកំពង់ផែស្វយ័តភ្នំពេញធ្លាប់បានឲ្យដឹងថា ក្នុងឆ្នាំ២០២១នេះ កំពង់ផែក្រុងភ្នំពេញបានត្រៀមធ្វើកិច្ចការជាច្រើន សម្រាប់ត្រៀមបំរុងនៅពេលដែលបញ្ហាកូវីដ-១៩ ត្រូវបានបញ្ចប់។ លោកបន្ថែមថា នៅពេលដែលបញ្ហាកូវីដ-១៩ត្រូវបានបញ្ចប់ គឺអ្វីៗនឹងស្ទុះឡើងវិញ ហើយកំពង់ផែក្រុងភ្នំពេញបានត្រៀមធ្វើកិច្ចការ…

ប៉ៃលិន៖ ផ្លែមៀនប៉ៃលិនរបស់សហគមន៍កសិកម្មមៀនប៉ៃលិនចំនួន៥ម៉ឺនតោនកំពុងប្រឈមនឹងការខូចខាត ព្រោះមិនអាចនាំចេញបាន។ លោក តំ សុភ័ណ្ឌ រដ្ឋបាលសហគមន៍កសិកម្មមៀនប៉ៃលិនបានអោយដឹងថា ផ្ទៃដីដាំដុះមៀនប៉ៃលិនរបស់កសិករជាសមាជិកមានចំនួន២ពាន់៩រយហិកតានៅខេត្តប៉ៃលិន បាត់ដំបង និងបន្ទាយមានជ័យ ចាប់ផ្តើមដល់រដូវកាលប្រមូលផលហើយ នៅខែសីហានេះ ដែលអាចនឹងប្រមូលផលបានជាង៥ម៉ឺនតោន។ លោកបន្តថា នៅពេលនេះបញ្ហារបស់សហគមន៍មៀនប៉ៃលិន គឺគ្មានទីផ្សារសម្រាប់នាំចេញបាន ដោយកន្លងទៅពឹងផ្អែកលើការនាំចេញទៅថៃ ហើយថៃនាំចេញបន្តទៅចិន។ ប៉ុន្តែពេលនេះមិនអាចនាំចេញទៅប្រទេសថៃបានឡើយ។ លោកបន្ថែមថា កន្លងទៅសហគមន៍កសិកម្មមៀនប៉ៃលិន ធ្លាប់បានស្នើទៅរដ្ឋមន្ត្រីក្រសួងកសិកម្មអោយជួយដល់កសិករផងដែរ តែមិនទាន់មានដំណោះស្រាយឡើយ ហើយរដ្ឋមន្ត្រីកសិកម្មក៏ធ្លាប់បានអញ្ជើញទៅដល់សហគមន៍ដោយផ្ទាល់ផងដែរ។ ពាក់ព័ន្ធនឹងបញ្ហាលក់មៀនមិនចេញនេះ ក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១២ ខែសីហានេះ បានចេញប្រកាសព័ត៌មានមួយ ដោយជំរុញអ្នកនាំចេញបង្វែរទិសដៅពីប្រទេសថៃទៅប្រទេសវៀតណាមវិញ។ ក្រសួងកសិកម្មក៏បានអំពាវនាវដល់ប្រជាពលរដ្ឋគួររួមគ្នាផលិតផលខ្មែរ ក្រោមរូបភាពខ្មែរជួយខ្មែរ ដោយជួយទិញផ្លែមៀនរបស់ប្រជាកសិករ ពិសេសសហគមន៍មៀនប៉ៃលិន។ ជុំវិញការបង្វែរនាំចេញទៅប្រទេសវៀតណាមនេះ លោក តំ សុភ័ណ្ឌ រដ្ឋបាលសហគមន៍កសិកម្មមៀនប៉ៃលិនបានអោយដឹងថា ទំនងជាមិនអាចទៅរួចទេ ព្រោះតែមិនទាន់ឃើញក្រុមហ៊ុនណាមួយទាក់ទងមកផ្ទាល់ ដើម្បីទិញផ្លែមៀនសម្រាប់នាំចេញនៅឡើយទេ ហើយពេលនេះផ្លែមៀនរបស់កសិករដល់ពេលប្រមូលផលទៀត៕

ភ្នំពេញ៖ នៅឆមាសទី១ ឆ្នាំ២០២១ កំពង់ផែស្វយ័តក្រុងព្រះសីហនុ រកចំណូលសរុបបានជាង ៤១លានដុល្លារ មានការកើនឡើងជាង១១ភាគរយ បើប្រៀបធៀបនឹងឆ្នាំ២០២០ មានប្រមាណ៣៦លានដុល្លារ ។ បើតាមរបាយការណ៍បានអោយដឹងថា ចំណូលសរុបរបស់កំពង់ផែស្វយ័តក្រុងព្រះសីហនុ ក្នុងឆ្នាំ២០២១ ទទួលបានចំនួន១៦ម៉ឺន៧ពាន់១៤៨លាន៦៦ម៉ឺន៧ពាន់រៀល ឬស្មើនឹងប្រមាណ៤១លានដុល្លារ កើនឡើងជាង១១ភាគរយ បើធៀបនឹងឆ្នាំ២០២០ សរុបចំនួន ១៤ម៉ឺន៧ពាន់៣៣៣លាន៣៩ម៉ឺន៨ពាន់រៀល ឬស្មើនឹងប្រមាណ៣៦លានដុល្លារ ។ ដោយឡែកប្រាក់ចំណេញដែលកំពង់ផែស្វយ័តក្រុងព្រះសីហនុទទួលបាននៅក្នុងឆ្នាំ២០២១ សរុបចំនួន ៥ម៉ឺន៨៨១លាន១៧ម៉ឺន៤ពាន់រៀល ឬស្មើនឹងប្រមាណជាង១២.៧លានដុល្លារ កើនឡើង៨១ភាគរយ បើធៀបនឹងឆ្នាំ២០២០ សរុបចំនួន៩ពាន់១៦០លាន៥១ម៉ឺន៩ពាន់ ឬស្មើនឹងប្រមាណ២លានដុល្លារ ។ សូមជម្រាបផងដែរថា កំពង់ផែស្វយ័តក្រុងព្រះសីហនុ គឺជាកំពុងផែសមុទ្រទឹកជ្រៅអន្តរជាតិតែមួយគត់ក្នុងប្រទេសកម្ពុជា ស្ថិតនៅក្នុងខេត្តព្រះសីហនុ ដែលជាច្រករបៀងសេដ្ឋកិច្ច ភាគខាងត្បូងរវាងរាជធានីភ្នំពេញ និងខេត្តព្រះសីហនុ ៕