ឥណ្ឌា៖ ជាមួយនឹងរបបអាហារដែលមានជាតិទឹកដោះគោច្រើននៃគ្រឿងការី និងភេសជ្ជៈយ៉ាអួ ឬទឹកដោះគោជូរ ឥណ្ឌាហាក់ដូចជាកន្លែងមួយដ៏សក្តិសមសម្រាប់ក្រុមហ៊ុនទឹកដោះគោ Danone របស់ប្រទេសបារាំង ដើម្បីទទួលបានជោគជ័យលើមុខជំនួញមួយនេះ នៅពេលដែលខ្លួនបានចូលមកប្រទេសនេះក្នុងឆ្នាំ ២០១១ ។ ប៉ុន្តែផ្ទុយទៅវិញ ក្នុងឆ្នាំ ២០១៨ Danone បានបញ្ឈប់ប្រតិបត្តិការរបស់ក្រុមហ៊ុនផលិតទឹកដោះគោនៅឥណ្ឌារបស់ខ្លួន ។ ឥណ្ឌាគឺជាប្រទេសផលិត និងអ្នកប្រើប្រាស់ទឹកដោះគោឈានមុខគេនៅលើពិភពលោកក្នុងឆ្នាំ ២០១៨ កសិករផលិតទឹកដោះគោចំនួន៧៥លាននាក់របស់ប្រទេសនេះ ផលិតទឹកដោះគោចំនួន៤១០ពាន់លានផោន ស្មើនឹង ២២% នៃផលិតកម្មពិភពលោក ។ ជាមួយតួលេខនេះ និងរបបអាហារដែលមានជាតិទឹកដោះគោច្រើននៃគ្រឿងការី និងភេសជ្ជៈយ៉ាអួ ក្រុមហ៊ុនទឹកដោះគោខ្នាតយក្យរបស់បារាំង Danone សង្ឃឹមថា ខ្លួននឹងទទួលបានជោគជ័យនៅក្នុងប្រទេសនេះ ដោយបើកដំណើរការផលិតកម្មផ្ទាល់ខ្លួននៅឆ្នាំ ២០១១ ។ ផ្ទុយទៅវិញ គំនិតនេះបានបរាជ័យក្នុងការរាប់បញ្ចូលជាង ១០% នៃការលក់របស់ខ្លួននៅក្នុងប្រទេសឥណ្ឌា ដែលភាគច្រើនមកពីផ្នែក “អាហារូបត្ថម្ភឯកទេស” របស់ខ្លួន ។ ក្រុមអ្នកវិភាគបានបញ្ជាក់ថា ការធ្វើមូលដ្ឋានីយកម្មខ្ពស់របស់ឥណ្ឌា ព្រមទាំងបញ្ហាជាច្រើនផ្សេងទៀត ដែលធ្វើអោយប៉ះពាល់ដល់ក្រុមហ៊ុនដែលធ្លាប់មានបទពិសោធន៍ធ្វើអាជីវកម្មផលិតទឹកដោះគោនៅសហរដ្ឋអាមេរិក និងបារាំងដែលជាប្រទេសកំណើតរបស់ខ្លួនផ្ទាល់ ។ លើសពីនេះទៅទៀត ក្រុមហ៊ុន Danone មិនមែនជាអ្នកផលិតទឹកដោះគោធំតែមួយគត់ដែលមានបញ្ហានៅក្នុងទីផ្សារប្រទេសឥណ្ឌានោះទេ ។…

Video: https://fb.watch/7gF1ajmMAS/ តៃវ៉ាន់៖ សេដ្ឋកិច្ចរបស់តៃវ៉ាន់បានកើនឡើងក្នុងកម្រិតល្បឿនយឺតនៅក្នុងត្រីមាសទី២ ដោយ សារតែការកើនឡើងភ្លាមៗនៃករណីឆ្លងវីរុសកូវីដ១៩ក្នុងស្រុក ដែលបង្កជាសម្ពាធដល់តម្រូវការប្រើប្រាស់ បើទោះបីជាការនាំចេញបច្ចេកវិទ្យាខ្ពស់របស់កោះនេះនៅតែមានភាពរឹងមាំ ។ យោងតាមទិន្នន័យបឋមរបស់ទីភ្នាក់ងារស្ថិតិបង្ហាញថា ផលិតផលក្នុងស្រុកសរុប (GDP) របស់តៃវ៉ាន់បានកើនឡើង៧.៤៧ភាគរយ ពោលគឺនៅអំឡុងខែមេសា ដល់ខែមិថុនា បើប្រៀបធៀបទៅនឹងឆ្នាំមុន នៅក្នុងត្រីមាសទី២ ឆ្នាំ២០២១នេះ ។​ កំណើន GDP នៅត្រីមាសទី ២ បានកើនឡើងលើសពីការប៉ាន់ស្មានរបស់សារព័ត៌មានរ៉យទ័រ ក្នុងចំនួន៦.០៥ភាគរយ ប៉ុន្តែហាក់ដូចជាយឺតជាងកំណើន ៨.៩២ ភាគរយនៅក្នុងត្រីមាសទី១ ។ សូមបញ្ជាក់ថា នៅឆមាសទីមួយ ឆ្នាំ២០២១នេះ សេដ្ឋកិច្ចរបស់តៃវ៉ាន់បានកើនឡើង ៨.១៩ ភាគរយដែលធ្វើអោយការិយាល័យស្ថិតិ DGBAS អាចបង្កើនការព្យាករណ៍សម្រាប់ឆ្នាំ ២០២១ ពីការប៉ាន់ប្រមាណចំនួន ៥.៤៦ ភាគរយនៅដើមខែមិថុនា ៕ ប្រភព៖ Reuters

ឥណ្ឌូនេស៊ី៖ ប្រទេសឥណ្ឌូនេស៊ីបានងើបចេញពីវិបត្តិសេដ្ឋកិច្ចនៅត្រីមាសទី២ ឆ្នាំ២០២១នេះ ដោយបានរាយការណ៍ពីអត្រាកំណើនប្រចាំឆ្នាំដ៏ខ្ពស់បំផុតរបស់ខ្លួនក្នុងរយៈពេល១៧ឆ្នាំ ប៉ុន្តែអ្នកវិភាគបានព្រមានថា ការស្ទុះងើបឡើងវិញនៃសេដ្ឋកិច្ចរបស់ឥណ្ឌូនេស៊ីនឹងជួបការធ្លាក់ចុះ ដោយសារតែការកើនឡើងករណីឆ្លងវីរុសកូវីដ១៩នាពេលថ្មីៗនេះ ។ បើតាមប្រធានទីភ្នាក់ងារស្ថិតិរបស់ប្រទេសឥណ្ឌូនេស៊ី លោក ម៉ាហ្គោ យូវុនណូ (Margo Yuwono) នៅត្រីមាសទី២ ឆ្នាំ២០២១នេះ សេដ្ឋកិច្ចរបស់ឥណ្ឌូនេស៊ីបានកើនឡើង៧.០៧ភាគរយ ពោលគឺនៅអំឡុងខែមេសា ដល់ខែមិថុនា បើប្រៀបធៀបទៅនឹងឆ្នាំមុន ។ លោកបន្តថា នៅក្នុងអំឡុងខែមេសា ដល់ខែមិថុនា ត្រូវបានជំរុញដោយកំណើននៃការប្រើប្រាស់ក្នុងស្រុក និងការនាំចេញ ហើយថា ការកើនឡើងនៃការចល័តក្នុងសហគមន៍នៅត្រីមាសទី២ ឆ្នាំ២០២១ បានជំរុញកំណើននៃការចំណាយលើការប្រើប្រាស់ក្នុងគ្រួសារចំនួន៥.៩៣ភាគរយ។ លោក ម៉ាហ្គោ យូវុនណូ បញ្ជាក់ទៀតថា ការនាំចេញកាន់តែខ្ពស់ គឺជាលទ្ធផលនៃតម្រូវការខ្ពស់ពីដៃគូនាំចេញរបស់ឥណ្ឌូនេស៊ី ស្របពេលដែលការចល័តមានកម្រិតខ្ពស់ ហើយចំនួនប្រាក់កម្ចីរបស់ឥណ្ឌូណេស៊ីបានធ្លាក់ចុះក្នុងអំឡុងពេលនេះ ៕ ប្រភព៖ CNA

ជប៉ុន៖ ប្រទេសជប៉ុនមានម៉ោងធ្វើការវែងបំផុតនៅលើពិភពលោក ។ សំណួរសួរថាតើហេតុអ្វីបានប្រជាជនជប៉ុនប្រឹងប្រែងធ្វើការខ្លាំងម្ល៉េះ? យោងតាមការស្ទង់មតិរបស់រដ្ឋាភិបាលក្នុងឆ្នាំ២០១៦បានអោយដឹងថា ជិតមួយភាគបួននៃក្រុមហ៊ុនជប៉ុនតម្រូវអោយនិយោជិតធ្វើការលើសពី៨០ម៉ោងក្នុងមួយខែ ។ ម៉ោងបន្ថែមទាំងនោះគឺច្រើន តែមិនត្រូវបានគិតប្រាក់បញ្ចូលនោះទេ ។ ហើយជនជាតិជប៉ុនក៏មិនមានពេលវេលាសម្រាកគ្រប់គ្រាន់ដែរ ។ ការសិក្សាមួយរបស់ស្ថាប័ន Expedia បានរកឃើញថា ជាមធ្យមពលករជប៉ុនមិនបានប្រើពេល១០ថ្ងៃរបស់ពួកគេដើម្បីឈប់សម្រាកនោះទេ ហើយ៦៣ភាគរយនៃអ្នកឆ្លើយសំណួរជាជនជាតិជប៉ុនមានអារម្មណ៍ថា មានកំហុសចំពោះការឈប់សម្រាកការងារ ។ ទោះយ៉ាងណាម៉ោងធ្វើការវែងមិនមានន័យថា ផលិតភាពខ្ពស់ទេ ។ តាមពិតទៅប្រទេសជប៉ុនមានផលិតភាពទាបបំផុត ក្នុងចំណោមប្រទេសមានសេដ្ឋកិច្ចជឿនលឿនទាំង៧ ដែលហៅថា G-7 នេះបើតាមទិន្នន័យពីសូចនាករបូកសរុបផលិតភាពរបស់ OECD ។ ពាក្យ“ ការ៉ូស៊ី” បកប្រែថា“ ស្លាប់ដោយសារការងារហួសកម្លាំង” ជាភាសាជប៉ុន និងជាពាក្យស្របច្បាប់ដែលត្រូវបានគេទទួលស្គាល់ថា ជាមូលហេតុនៃការស្លាប់ ។ បុគ្គលិកម្នាក់នៃក្រុមហ៊ុនផ្សាយពាណិជ្ជកម្មធំបំផុតរបស់ប្រទេសជប៉ុន ឈ្មោះ ឌិនស៊ូ បានលោតសម្លាប់ខ្លួនកាលពីឆ្នាំ ២០១៥ ។ មូលហេតុត្រូវបានគេនិយាយថា គាត់មានជំងឺបាក់ទឹកចិត្តដែលបណ្តាលមកពីការធ្វើការងារច្រើនពេក ។ សំណុំរឿងនេះ បានបង្កើតការចាប់អារម្មណ៍យ៉ាងទូលំទូលាយ និងការអំពាវនាវជាថ្មីដើម្បីផ្លាស់ប្តូរម៉ោងធ្វើការ និងការធ្វើការងារថែមម៉ោងតែមិនគិតប្រាក់បន្ថែមដែលខុសច្បាប់ ដែលវាជារឿងធម្មតាទៅហើយនៅក្នុងប្រទេសជប៉ុន ។ នាយកប្រតិបត្តិរបស់ក្រុមហ៊ុន ឌិនស៊ូ បានលាលែងពីតំណែងដោយសារភាពចម្រូងចម្រាស…

ស្វីស៖ ប្រទេសស្វីសបានជាប់ចំណាត់ជាប្រទេសមួយ ដែលមានសុភមង្គល និងសុវត្ថិភាពបំផុតលើពិភពលោក ជាហេតុនាំឱ្យប្រទេសនេះក្លាយជាតំបន់ទាក់ទាញ ភ្ញៀវទេសចរណ៍ និងជាកន្លែងប្រមូលផ្តុំធនាគារ និងទីស្នាក់ការអង្គការអន្តរជាតិសំខាន់ៗលើពិភពលោក ។ មិនតែប៉ុណ្ណោះដោយសារភាពអំណោយផលបែបនេះ ធ្វើឱ្យប្រទេសស្វីសក៏ជាកន្លែងសម្រាប់ការរៀបចំកិច្ចប្រជុំខ្នាតអន្តរជាតិផងដែរ ។  ខណៈពេលដែលប្រជាជនស្វីសមិនអួតពីទ្រព្យសម្បត្តិរបស់ពួកគេ ប្រទេសនេះជារឿយៗនៅក្នុងសារព័ត៌មានសេដ្ឋកិច្ចបានចុះផ្សាយថា ជាប្រទេសដែលមានជាងគេបំផុតនៅលើពិភពលោក ហើយជាមួយនឹងផលិតផលក្នុងស្រុកសរុបខ្ពស់បំផុតសម្រាប់មនុស្សម្នាក់ជាង​ ៨ ម៉ឺនដុល្លារអាមេរិក ។ ដោយមានប្រវត្តិ និងទីតាំងជាតិសាសន៍ពិសេសរបស់ខ្លួន ស្វីសបានទទួលកេរ្តិ៍ឈ្មោះល្បីល្បាញក្នុងវិស័យហិរញ្ញវត្ថុអន្តរជាតិ ។ ផលិតផលលំដាប់កំពូលៗរបស់ប្រទេសស្វីស ក្នុងនោះមានម៉ាកនាឡិកាប្រណិតដូចជា Rolex, Richard Mille និងម៉ាកសូកូឡាលំដាប់ខ្ពស់ដូចជា LINDT និង TOBLERONE ជាដើម ។ ស្វីសក៏ជាប្រទេសមានស្ថិរភាព ភាពរីកចម្រើនរុងរឿង កំណើនសេដ្ឋកិច្ចខ្ពស់ និងមានភាពស្តុកស្តម្ភ រហូតត្រូវបានគេចាត់ទុកជាប្រទេសដែលមានកម្រិត GDP របស់ប្រជាពលរដ្ឋខ្ពស់ជាងគេ ។ តំបន់ Zurich បានក្លាយជាជម្រកសម្រាប់មនុស្សរស់នៅ១.៥លាននាក់ និង១៥០ក្រុមហ៊ុន ដែលជាមជ្ឈមណ្ឌលសេដ្ឋកិច្ចដ៏មានសារៈសំខាន់ជាងគេបំផុតលើពិភពលោក ។ ប្រទេសស្វីសក៏បានជាប់ចំណាត់ថ្នាក់ជាប្រទេសដែលមានថាមពលសេដ្ឋកិច្ចខ្លាំងបំផុតផងដែរលើពិភពលោក ។ ឧស្សាហកម្មបានក្លាយជាផ្នែកដ៏សំខាន់មួយ ក្នុងការជម្រុញវិស័យសេដ្ឋកិច្ចប្រទេសស្វីស ។ ផលិតផលឧស្សាហកម្មសំខាន់ៗរួមមាន សាធារគីមី…