-
អគ្គនាយកដ្ឋានពន្ធដារដាក់អោយប្រើប្រាស់កម្មវិធីបង់ប្រាក់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទតាមទូរស័ព្ទដៃ (មានវីដេអូ)
ភ្នំពេញ៖ អគ្គនាយកដ្ឋានពន្ធដារ នៃក្រសួងសេដ្ឋកិច្ចនិងហិរញ្ញវត្ថុ បានដាក់ឲ្យប្រើប្រាស់កម្មវិធីបង់ប្រាក់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទតាមទូរស័ព្ទដៃ រួមទាំងផ្តល់សេវាដឹកជញ្ជូនលតាបត្រដល់ទីកន្លែងរបស់ម្ចាស់យានជំនិះតែម្តង ។ ម្ចាស់យានជំនិះជាអ្នកជាប់ពន្ធដែលមានមធ្យោបាយដឹកជញ្ជូន និងយានជំនិះគ្រប់ប្រភេទ អាចបង់ប្រាក់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទតាមទូរស័ព្ទដៃក្នុងកម្មវិធី “GDT Taxpayer App” ដែលបង្កលក្ខណៈកាន់តែងាយស្រួល និងឆាប់រហ័សធ ដោយមិនចាំបាច់ទៅបង់ប្រាក់ពន្ធនៅតាមសាខាពន្ធដារខេត្ត-ខណ្ឌ ឬតាមសាខាធនាគារពាណិជ្ជ ដែលជាដៃគូរបស់អគ្គនាយកដ្ឋានពន្ធដារ និងមិនចាំបាច់ទៅយកលតាបត្រនៅទីកន្លែងបង់ប្រាក់ពន្ធទៀតនោះឡើយ ។ បន្ទាប់ពីម្ចាស់យានជំនិះបានបង់ប្រាក់ពន្ធតាមកម្មវិធីនេះរួចរាល់ អគ្គនាយកដ្ឋានពន្ធដារនឹងធ្វើការដឹកជញ្ជូនលតាបត្រនោះ ដល់ទីកន្លែងរបស់ម្ចាស់យានជំនិះតែម្តង ។ អត្ថប្រយោជន៍នៃកម្មវិធីបង់ប្រាក់ពន្ធមធ្យោបាយដឹកជញ្ជូន និងយានជំនិះគ្រប់ប្រភេទតាមទូរស័ព្ទដៃ កម្មវិធីនេះ នឹងបង្កលក្ខណៈងាយស្រួលដល់ម្ចាស់យានជំនិះជាអ្នកជាប់ពន្ធ ក្នុងការពិនិត្យមើលព័ត៌មានយានជំនិះដែលបានចុះបញ្ជី និងបានធ្វើបច្ចុប្បន្នភាពរួចរាល់ នៅក្នុងប្រព័ន្ធគ្រប់គ្រងទិន្នន័យយានជំនិះរបស់អគ្គនាយកដ្ឋានពន្ធដារ ។ ការបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទប្រចាំឆ្នាំរបស់ខ្លួន ដោយមិនចាំបាច់បំពេញព័ត៌មានក្នុងទម្រង់លិខិតប្រកាសពន្ធ ។ ចំណេញពេលវេលា ដោយមិនចាំបាច់អញ្ជើញទៅបង់ប្រាក់ពន្ធនៅតាមសាខាពន្ធដារខេត្ត-ខណ្ឌ ឬ សាខាធនាគារពាណិជ្ជជាដៃគូរបស់អគ្គនាយកដ្ឋានពន្ធដារ ។ ស្នើសុំ និងទទួលបានប័ណ្ណសម្គាល់ការបង់ពន្ធ ជាទម្រង់ឌីជីថល (E-Card) ភ្លាមៗ ។ ទទួលបានលតាបត្រពន្ធមធ្យោបាយប្រចាំឆ្នាំ ដល់ទីកន្លែងរបស់ម្ចាស់យានជំនិះ ។ ទទួលបាននូវសេចក្តីជូនដំណឹងផ្សេងៗដូចជា៖ កាលបរិច្ឆេទនៃការប្រកាសបង់ពន្ធ កាលបរិច្ឆេទនៃការផុត កំណត់ការបង់ប្រាក់ពន្ធ…
-
រយៈពេល៧ខែ ឆ្នាំ២០២១ កម្ពុជានាំចេញអង្ករចេញបានជាង៣០ម៉ឺនតោន ថយចុះប្រមាណ២៧.២៧ភាគរយ (មានវីដេអូ)
ភ្នំពេញ៖ យោងតាមក្រសួងកសិកម្ម រុក្ខាប្រមាញ់ និងនេសាទបានអោយដឹងថា ក្នុងរយៈពេល៧ខែ ឆ្នាំ២០២១នេះ កម្ពុជាបាននាំអង្ករចេញបានចំនួន៣០ម៉ឺន៩ពាន់៨៦៥តោន មានការថយចុះចំនួន១១ម៉ឺន៦ពាន់២០៨តោន ឬប្រមាណ២៧,២៧% បើធៀបនឹងបរិមាណនាំចេញក្នុងរយៈពេល៧ខែ ឆ្នាំ២០២០ ដែលការនាំចេញអង្ករនៅពេលនោះ មានចំនួន៤២ម៉ឺន៦ពាន់៧៣តោន ។ ដោយឡែកការនាំចេញអង្ករក្នុងខែកក្កដា ឆ្នាំ២០២១នេះ មានចំនួន២ម៉ឺន៩ពាន់៤១៥តោន ដែលកើនឡើងចំនួន១ម៉ឺន២តោន ឬ៣,៥៣% បើធៀបនឹងខែកក្កដា ឆ្នាំ២០២០ ដែលមានចំនួនតែ២ម៉ឺន៨ពាន់៤១៣តោនប៉ុណ្ណោះ ។ ក្នុងចំណោមការនាំចេញទាំងនោះ រួមមានអង្ករក្រអូបគ្រប់ប្រភេទមានចំនួន២១ម៉ឺន៤ពាន់៩៦៨តោន ស្មើនឹង៦៩,៣៧% អង្ករសគ្រប់ប្រភេទមានចំនួន៨ម៉ឺន៨ពាន់៧០២តោន ស្មើនឹង២៨,៦៣% និងអង្ករចំហុយមានចំនួន៦ពាន់១៩៥តោន ស្មើនឹង២% ។ ការនាំអង្ករចេញរបស់កម្ពុជា គឺធ្វើឡើងទៅកាន់គោលដៅសហភាពអឺរ៉ុបចំនួន២១ប្រទេស មានបរិមាណសរុប៧ម៉ឺន៧ពាន់៧៨៦តោន ទិសដៅប្រទេសចិនមានបរិមាណសរុបចំនួន១៥ម៉ឺន៣ពាន់៩២១តោន ទិសដៅអាស៊ានចំនួន៥ប្រទេសមានបរិមាណសរុបចំនួន២ម៉ឺន៩ពាន់៤៥៣តោន និងទិសដៅដទៃទៀតចំនួន២២ប្រទេស មានបរិមាណសរុប៤ម៉ឺន៨ពាន់៧០៥តោន ។ ចំណែកក្រុមហ៊ុនដែលបាននាំចេញអង្ករមានចំនួន៥៨ក្រុមហ៊ុន ។ ចំពោះការនាំចេញស្រូវក្នុងរយៈពេល៧ខែឆ្នាំ២០២១នេះ ការនាំចេញស្រូវមានចំនួន២លាន៨ពាន់២៤១តោន ទៅកាន់ប្រទេសវៀតណាម ដែលមានការកើនឡើងចំនួន៩០ម៉ឺន៧៦៦តោន ឬ៨១,៣៤% បើធៀបនឹងរយៈពេលដូចគ្នានៅឆ្នាំ២០២០ ដែលមានចំនួន១លាន១សែន៧ពាន់៤៧៥តោន ៕
-
វិស័យកសិកម្ម នៅតែជាវិស័យដែលកម្ពុជាត្រូវពឹងផ្អែក
-
យើងមានសាច់ប្រាក់សន្សំ ដែលអាចទូទាត់បានភ្លាមៗ នៅពេលដែលយើងចុះកិច
-
នៅត្រីមាសទី២ ឆ្នាំ២០២១នេះ ប្រាក់ចំណេញសុទ្ធរបស់ក្រុមហ៊ុន Samsung កើនឡើងជាង៧៣ភាគរយ
កូរ៉េខាងត្បូង៖ ក្រុមហ៊ុន Samsung Electronics បានរាយការណ៍ថា ប្រាក់ចំណេញសុទ្ធរបស់ខ្លួនបានកើនឡើងជាង៧០ភាគរយនៅក្នុងត្រីមាសទី ២ ឆ្នាំ២០២១នេះ ដោយសារតែការកើនឡើងតម្លៃបន្ទះឈីបក្នុងពេលដែលតម្រូវការអំឡុងវិបត្តិកូវីដ១៩នៅតែបន្តកើនឡើង ។ ក្រុមហ៊ុនផលិតស្មាតហ្វូនធំជាងគេបំផុតរបស់ពិភពលោក បានមើលឃើញពីប្រាក់ចំណេញសុទ្ធកើនឡើង៧៣,៤ភាគរយ ស្មើនឹងទឹកប្រាក់៩,៦ទ្រីលានវ៉ុន ឬប្រមាណ៨,៤ពាន់លានដុល្លារ សម្រាប់រយៈពេលពីខែមេសា ដល់ខែមិថុនាកន្លងទៅ ។ ប្រាក់ចំណេញប្រតិបត្តិការបានកើនឡើង៥៤,៣ភាគរយ ស្មើនឹង១២,៦ទ្រីលានវ៉ុន ខណៈដែលប្រាក់ចំណូលក៏បានកើនឡើង២០ភាគរយ ដល់ទឹកប្រាក់៦៣,៧ទ្រីលានវ៉ុន ។ ជាមួយគ្នានេះ ក្រុមហ៊ុនបានសន្មត់កំណើនប្រាក់ចំណេញ គឺដោយសារលក្ខខណ្ឌទីផ្សារអំណោយផលសម្រាប់បន្ទះឈីបអង្គចងចាំ ដោយកត់សម្គាល់ឃើញប្រាក់ចំណេញមានភាពប្រសើរឡើង ដោយសារការនាំចេញអង្គចងចាំលើសពីការនាំចេញមុនៗ ហើយការកើនឡើងតម្លៃគឺខ្ពស់ជាងការរំពឹងទុក ៕ ប្រភព៖ CNA
-
ប្រាក់ចំណេញរបស់ក្រុមហ៊ុន Apple កើនឡើងជិតទ្វេដង ដោយសារកំណើននៃការលក់ទូរស័ព្ទ iPhone និងសេវាកម្មឌីជីថល
អន្តរជាតិ៖ ប្រាក់ចំណេញរបស់ក្រុមហ៊ុន Apple នៅដំណាច់ត្រីមាសចុងក្រោយ បានកើនឡើងជិតទ្វេដង គឺ ២១,៧ ពាន់លានដុល្លារ ដោយសារតែកំណើននៃការលក់ទូរស័ព្ទ iPhone និងសេវាកម្មឌីជីថល ។ នាយកប្រតិបត្តិរបស់ក្រុមហ៊ុន Apple លោក Tim Cook បាននិយាយថា កំណើននៃការលក់ដ៏រឹងមាំរបស់ Apple បានកើតមានឡើងដោយសារតែប្រទេសចិន ជាទីដែលមានអតិថិជនកំពុងមានការទិញកើនឡើងនូវគ្រឿងបរិក្ខាបន្ថែម ក្នុងនោះរួមមាននាឡិការឆ្លាតវៃភ្ជាប់ជាមួយទូរស័ព្ទ iPhones របស់ពួកគេជាដើម ។ លោក Cook បន្ថែមថា ការបន្ធូរបន្ថយការបិទខ្ទប់បានជួយជំរុញការចំណាយរបស់អ្នកប្រើប្រាស់នៅតាមតំបន់ជាច្រើននៃពិភពលោក ដោយក្រុមហ៊ុន Apple ទទួលបានអត្ថប្រយោជន៍យ៉ាងច្រើនពីរឿងនេះ ។ បើតាមលោក Tim Cook នៅត្រីមាសនេះ បានឃើញនូវសុទិដ្ឋិនិយមកាន់តែខ្លាំងឡើងសម្រាប់អតិថិជននៅសហរដ្ឋអាមេរិក និងនៅជុំវិញពិភពលោក ដោយជំរុញក្តីសង្ឃឹមជាថ្មីសម្រាប់អនាគតប្រសើរឡើង និងសម្រាប់ការច្នៃប្រឌិតទាំងអស់ គឺពិតជាអាចធ្វើទៅបាន ។ យើងរីករាយណាស់ដែលបច្ចេកវិទ្យារបស់យើងបានបន្តដើរតួនាទីយ៉ាងសំខាន់ ក្នុងការរក្សាការផ្សារភ្ជាប់អតិថិជនរបស់យើង ៕ ប្រភព៖ CNA
-
កម្ពុជារកចំណូលបានជិត៣០០លានដុល្លារ ពីការនាំចេញកង់នៅឆមាសទី១ ឆ្នាំ២០២១
ភ្នំពេញ៖ យោងតាមរបាយការណ៍របស់ក្រសួងពាណិជ្ជកម្មបានអោយដឹងថា នៅឆមាសទី១ ឆ្នាំ២០២១នេះ ពោលចាប់ពីខែមករា ដល់ខែមិថុនា ប្រទេសកម្ពុជា ទទួលបានចំណូលជិត៣០០លានដុល្លារពីការនាំចេញកង់ ។ នៅឆមាសទី១ឆ្នាំនេះដែរ ប្រទេសកម្ពុជាក៏បាននាំចេញកង់អគ្គិសនីបានចំនួន៣៤កង់ និងទទួលបានចំណូលចំនួន៤ម៉ឺន៥ពាន់២៨៧ដុល្លារ ។ ទីផ្សារគោលដៅដែលកម្ពុជានាំចេញកង់ រួមមាន៖ សហរដ្ឋអាមេរិក, អាល្លឺម៉ង់, ចក្រភពអង់គ្លេស, ជប៉ុន, ចិន, អាស៊ាន, ប៊ែលហ្ស៊ិក, ហូឡង់, អូទ្រីស, ស៊ុយអែត, ដាណឺម៉ាក, អូស្ត្រាលី, សាធារណរដ្ឋឆែក, អ៉ីតាលី, កូឡុំប៊ី, សាធារណរដ្ឋកូរ៉េ, អេស្ប៉ាញ, ស្លូវេនី និងកាណាដា -ល- ។ ជាក់ស្ដែង ពេញមួយឆ្នាំ២០២០កន្លងទៅ កម្ពុជាទទួលបានប្រាក់ចំណូលពីការនាំចេញកង់ សរុបចំនួន៥២៧លាន៨ម៉ឺន២ពាន់២២៨ដុល្លារ កើនឡើង២៧.៧៨ភាគរយ បើប្រៀបធៀបនឹងឆ្នាំ២០១៩ ។ ឯកឧត្តម ស៊ាង ថៃ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម ធ្លាប់បានបញ្ជាក់ឲ្យដឹងថា ការនាំចេញកង់ពីកម្ពុជានៅតែមានកំណើនគួរឲ្យកត់សម្គាល់ បានន័យថា ទោះជួបវិបត្តិកូវីដ-១៩ ក៏ការនាំចេញកង់នៅតែជំនះបានឧបសគ្គនេះ ។ ឯកឧត្តមបន្តថា ជាការពិតបញ្ហាកូវីដ-១៩បានជះឥទ្ធិពលទៅវិស័យជាច្រើននៅទូទាំងពិភពលោក…
-
បេឡាជាតិសន្តិសុខសង្គម (ប.ស.ស) ចុះអនុស្សរណៈយោគយល់គ្នា ជាមួយធនាគារជាតិនៃកម្ពុជា
-
ការលក់រថយន្តរបស់ក្រុមហ៊ុន Tesla កើនឡើង៩៨% នៅត្រីមាសទី២ ឆ្នាំ២០២១ ខ្ពស់ជាងការព្យាករណ៍របស់អ្នកវិភាគ (មានវីដេអូ)
អាមេរិក៖ ក្រុមហ៊ុន Tesla Inc បានប្រកាសពីប្រាក់ចំណេញរបស់ខ្លួននៅត្រីមាសទី២ ឆ្នាំ២០២១នេះ ដោយទទួលបានច្រើនជាងការរំពឹងទុក ដោយសារតែការលក់រថយន្តអគ្គិសនីដែលមានតម្លៃទាប ។ នៅក្នុងត្រីមាសទី២ ឆ្នាំ២០២១ ក្រុមហ៊ុន Tesla លក់រថយន្តបានចំនួន២០ម៉ឺន១ពាន់២៥០គ្រឿង និងផលិតបាន ២០ម៉ឺន៦ពាន់៤២១គ្រឿង ដោយរថយន្តអគ្គិសនី Model 3 និង Model Y លក់ដាច់ជាងគេ ។ នៅក្នុងត្រីមាសទី២ឆ្នាំនេះ ក្រុមហ៊ុន Tesla រកប្រាក់ចំណូលបានរហូតដល់១១.៩៦ពាន់លាន ដុល្លារ ដែលលើសពីការរំពឹងទុករបស់អ្នកវិភាគ ក្នុងចំនួន១១.៣០ពាន់លានដុល្លារ ខណ:ដែលប្រាក់ចំណេញសុទ្ធមានចំនួន១.១៤ពាន់លានដុល្លារ ហើយវាក៏ជាលើកដំបូងផងដែរសម្រាប់ Tesla ដែលទទួលបានប្រាក់ចំណេញលើសពី១ពាន់លានដុល្លារ ចាប់ពីតាំងពីឆ្នាំ២០១៩មក ៕ ប្រភព៖ Reuters
-
រាជរដ្ឋាភិបាលសម្រេចបង្កើត ក្រុមការងាររាជរដ្ឋាភិបាល និងឯកជន ដើម្បីស្ដារ និងលើកស្ទួយវិស័យទេសចរណ៍
