សៀមរាប៖ នៅក្នុងរោងសិប្បកម្មកែច្នៃឈើមួយកន្លែង យុវជនខ្មែរដែលមានអាយុទើបតែជាង២០ឆ្នាំប្រមាណ៣ទៅ៤នាក់បានផ្ចិតផ្ចង់កែច្នៃគល់ និងឬសឈើ ពីភាពបាក់បែកអោយក្លាយជាចម្លាក់បែបបុរាណ និងសម័យ រំលេចដោយរូបផ្កា និងសត្វគ្រប់ប្រភេទ ។ ផ្ទាំងចម្លាក់ដែលចេញពីគល់ឈើទាំងនោះ ក៏ត្រៀមនឹងបង្ហាញខ្លួននៅលើទីផ្សារផងដែរ ។ លោក ចៅ ពិសែន ម្ចាស់សិប្បកម្មចម្លាក់បានរៀបរាប់ថា ការច្នៃប្រឌិតគល់ និងឬសឈើពីភាពបាក់បែកមកជាផ្ទាំងចម្លាក់នេះ មានរយៈពេលជាង១០ឆ្នាំមកហើយ ។ ដំបូងឡើយ រូបលោកមិនដែលគិតទេថា គល់ និងឬសឈើ ដែលអ្នកស្រុកទុកចោលតាមព្រៃចម្ការ ឬកប់ចោលក្នុងដី វាជារបស់មានតំលៃ ។ តែពេលបន្ទាប់ ឪពុករបស់លោកបានដើរប្រមូលគល់ និងឬសឈើដែលគេទុកចោល បាក់បែក យកមកច្នៃជាចម្លាក់ ហើយក៏បន្តដល់រូបលោក ។ បុរសវ័យជាង៣០ឆ្នាំរូបនេះបន្ថែមថា ការយកគល់ និងឬសឈើមកច្នៃជាចម្លាក់ ដើម្បីជាគ្រឿងលំអរ ក្នុងការតុមតែងផ្ទះ ឬសណ្ឋាគារ មិនមែនទើបមាននាពេលថ្មីៗនេះទេ ។ សំខាន់គឺទឹកដៃរបស់ជាង និងរូបភាពទាក់ទាញ ។ បើតាមដឹងក្នុងក្រុងសៀមរាបនេះ មានសិប្បកម្មចម្លាក់មិនតិចជាង៣០កន្លែងនោះទេ ។ តែថ្វីដៃជាងរបស់លោកអាចប្រជែងគ្នាបាន ចង់ឆ្លាក់ដោយដៃ ឬម៉ាស៊ីន ថ្វីត្បិតតែពួកគាត់សុទ្ធសឹងជាយុវជន ។ លោកបន្ថែមថា…

ភ្នំពេញ៖ នៅកម្ពុជាមានកំពង់ផែសរុបចំនួន១០៥ទីតាំង ដោយក្នុងនោះកំពង់ផែទន្លេមានចំនួន៧៨កំពង់ផែ ឋិតនៅតាមដងទន្លេមេគង្គ ទន្លេសាប ទន្លេបាសាក់ និងបណ្ដាខេត្តនានា ដោយឡែកកំពង់ផែសមុទ្រមានចំនួន២៧ ដោយកំពង់ផែទាំងនោះត្រូវបានបែងចែកមុខងារជាកំពង់ផែពាណិជ្ជកម្ម ឧស្សាហកម្ម ទេសចរណ៍ និងផែប្រេងជាដើម និងត្រូវបានគ្រប់គ្រងដោយរដ្ឋផង និងឯកជនផង ។ នៅទីស្តីការក្រសួងសាធារណការ និងដឹកជញ្ជូន ក្រោមវត្តមានឯកឧត្តមទេសរដ្ឋមន្ត្រី ស៊ុន ចាន់ថុល នៅថ្ងៃទី២៦ ខែកក្កដា ឆ្នាំ២០២១ បានកិច្ចប្រជុំពិភាក្សាលើសេចក្តីព្រាងច្បាប់ស្ដីពីកំពង់ផែ ដោយមានការចូលរួមដោយផ្ទាល់ និងតាមប្រព័ន្ធវីដេអូពីចម្ងាយពីថ្នាក់ដឹកនាំក្រសួង និងមន្ត្រីជំនាញពាក់ព័ន្ធជាច្រើនរូបផងដែរ ។ កិច្ចប្រជុំនេះធ្វើឡើងក្នុងគោលបំណងពិភាក្សាលើការប្រមូលធាតុចូល ក៏ដូចជាកែសម្រួលអត្ថន័យ ពាក្យពេចន៍ ឃ្លាប្រយោគ អក្ខរាវិរុទ្ធនៃសេចក្តីព្រាងច្បាប់ស្ដីពីកំពង់ផែ ដើម្បីឱ្យការរៀបចំច្បាប់នេះមានលក្ខណៈគ្រប់ជ្រុងជ្រោយបម្រើឱ្យឧត្ដមប្រយោជន៍ជាតិ ។ ឯកឧត្តមទេសរដ្ឋមន្ត្រីបានគូសបញ្ជាក់ពីភាពចាំបាច់នៃច្បាប់ស្តីពីកំពង់ផែ និងប្រព័ន្ធគ្រប់គ្រងកំពង់ផែ ដើម្បីធានាដល់ការអភិវឌ្ឍន៍វិស័យកំពង់ផែប្រកប ដោយចីរភាព និងធានាឱ្យបានកាន់តែប្រសើរនូវប្រសិទ្ធភាព និងសមត្ថភាពកំពង់ផែ ដែលអាចផ្ដល់សេវាដល់អ្នកប្រើប្រាស់ប្រកបដោយទំនុកចិត្ត មានភាពងាយស្រួល ឆាប់រហ័ស តម្លៃសមស្រប មានសន្តិសុខ និងសុវត្ថិភាពដល់នាវាទំនិញ និងអ្នកដំណើរចូលរួម ចំណែកការពារបរិស្ថាន ដើម្បីមានសមត្ថភាពប្រកួតប្រជែងជាមួយកំពង់ផែនៅក្នុងតំបន់និងអន្តរជាតិ ។ ជាមួយគ្នានេះ ឯកឧត្តមទេសរដ្ឋមន្ត្រីប្រធានអង្គប្រជុំបានជំរុញឱ្យក្រុមការងារជំនាញពាក់ព័ន្ធចូលរួមផ្តល់ធាតុចូល គំនិត មតិយោបល់ឱ្យបានផុលផុស…

ខេត្តកំពត៖ ប្រធានមន្ទីរទេសចរណ៍ និង ប្រធានមន្ទីរពាណិជ្ជកម្មខេត្តកែបបានអោយដឹងថា ថ្វីត្បិតតំបន់ទេសចរណ៍នានាទូទាំងកែបពុំសូវមានក្រុមភ្ញៀវមកទស្សនា ប៉ុន្តែបើក្រលេកមើលការលក់ដូរគ្រឿងសមុទ្រនៅក្នុងផ្សារនៃតំបន់ខាងលើ ហាក់នៅតម្លៃធម្មតា គ្មានភាពប្រែប្រួល ដែលជាកត្តាមួយបង្កភាពងាយស្រួលដល់ពលរដ្ឋមានលទ្ធភាពអាចប្រកបអាជីវកម្មរកប្រាក់ចំណូលផ្គត់ផ្គង់ជីវភាព និងចិញ្ចឹមគ្រួសារបានកាន់តែប្រសើរ ។ លោក សោម ចិន្តា ប្រធានមន្ទីរទេសចរណ៍ខេត្តកែបបានឱ្យដឹងដែរថា ដោយសារតែបញ្ហាកូវីដ-១៩ ហាក់ពុំសូវមានភ្ញៀវមកទស្សនា សម្រាកលម្ហែនៅរមណីយដ្ឋានឆ្នេរកែប ដូចមុនក៏ពិតមែន ប៉ុន្តែបើក្រលេកមើលមុខរបរ និងអាជីវកម្មប្រចាំថ្ងៃរបស់បងប្អូនប្រជាពលរដ្ឋនៅតែមានសកម្មភាពដូចមុនដដែល ។ លោក ឯម រតន៍មុន្នី ប្រធានមន្ទីរពាណិជ្ជកម្មខេត្តកែប បានបញ្ជាក់ថា ទោះជាប្រទេស​កម្ពុជា ពិសេសខេត្តកែប កំពុងរងនូវវិបត្តិកូវីដ-១៩ តែការលក់ដូរទំនិញ និងគ្រឿងសមុទ្រ គឺមានហាងឆេងធម្មតា (តម្លៃទូទៅ) ប៉ុន្តែមានពេលខ្លះតម្លៃគ្រឿងសមុទ្រអាចមានហាងឆេងឡើងចុះបន្តិចបន្តួច ។ លោកបន្ថែមថា សម្រាប់តម្លៃទូទៅកាលពីសប្តាហ៍មុន បង្គាស្រស់លេខ១ ១គីឡូក្រាមតម្លៃ៥ម៉ឺនរៀល មឹកស្រស់លេខ១ ១គីឡូក្រាមតម្លៃ ៤ម៉ឺន៥ពាន់រៀល ក្តាមសេះលេខ១ តម្លៃចាប់ពី៦ម៉ឺន៥ពាន់រៀល ទៅ៧ម៉ឺនរៀល ។ ជាមួយគ្នានេះ លោក ស្រី កុម្ភៈ ប្រធានមន្ទីរពាណិជ្ជកម្មខេត្តកំពតក៏បានបញ្ជាក់ផងដែរថា តម្លៃគ្រឿងសមុទ្រ រួមទាំងមុខទំនិញផ្សេងៗនៅទីផ្សារខេត្តកំពត ក៏មានហាងឆេងប្រហាក់ប្រហែលគ្នានឹងខេត្តកែបដែរ…

ភ្នំពេញ៖ នៅក្នុងសន្និបាត​បូកសរុបការងារឆមាសទី១ ​ឆ្នាំ២០២១ ធនាគារជាតិ​កម្ពុជា​បានបញ្ជាក់ថា​ នៅឆមាសទី១​ឆ្នាំនេះ សេដ្ឋកិច្ច​កម្ពុជា​បន្តទទួលរង​ឥទ្ធិពល​​ពីការរាលដាល​​នៃជំងឺ​កូវីដ-១៩​ទាំងក្នុងស្រុក ​និងតំបន់​ ដែលធ្វើឲ្យប៉ះពាល់​ដល់វិស័យ​ចម្បងៗ​​ដូចជា ​វិស័យ​ទេសចរណ៍​ កម្មន្តសាល ​និង វិស័យសំណង់​ តែកសិកម្ម​បន្តមាន​វឌ្ឍនភាពល្អ ។ ​ទោះបីយ៉ាងណា ទុនបំរុងអន្តរជាតិរបស់កម្ពុជា គឺបន្តស្ថិតក្នុងកម្រិតខ្ពស់២០,៨ប៊ីលានដុល្លារ ដែលធានាការនាំចូលទំនិញ និងសេវាសម្រាប់គ្រាបន្ទាន់​បានប្រមាណជាង១០ខែ ព្រមទាំងបានពង្រឹងជំនឿទុកចិត្តរបស់សាធារណជនមកលើប្រាក់រៀលផងដែរ ។ ធនាគារជាតិកម្ពុជាបានឲ្យដឹងថា អត្រាប្តូរប្រាក់នៅក្នុងប្រទេសកម្ពុជាបន្តមានស្ថិរភាពក្នុងរង្វង់៤,០៨៥រៀលក្នុង១ ដុល្លារអាមេរិក និងបានរួមចំណែកយ៉ាងសំខាន់ដល់ការរក្សាអតិផរណាឲ្យមានកំរិតទាបដែលអាចគ្រប់គ្រងបានគឺ ២,៥% ។ ចំពោះប្រព័ន្ធធនាគារ គ្រឹះស្ថានធនាគារ និងហិរញ្ញវត្ថុវិញគឺនៅបន្តមានភាពធន់ និងបានផ្តល់សេវាហិរញ្ញវត្ថុប្រកបដោយនិរន្តរភាព ។ ទ្រព្យសកម្មប្រព័ន្ធធានាគារបានកើនឡើង១៨% ឥណទានអតិថិជនមានកំណើន​២៣,៤% និងប្រាក់បញ្ញើអតិថិជនកើន២០,៧% ។ ជាមួយគ្នានេះ ស្ថានភាពដើមទុនក៏មានភាព​រឹងមាំដោយ​អនុបាតសោធនភាពមានកម្រិតខ្ពស់១៥៩,៨% សម្រាប់គ្រឹះស្ថានធនាគារ និង១៧២,៦% សម្រាប់គ្រឹះស្ថាន​មីក្រូ​ហិរញ្ញវត្ថុទទួលប្រាក់បញ្ញើ ។ ដោយឡែកអនុបាតឥណទានមិនដំណើរការមានកម្រិតទាបគឺ២,៤% សម្រាប់វិស័យធនាគារ និង ២%សម្រាប់វិស័យមីក្រូហិរញ្ញវត្ថុ ស្របពេលដែលគ្រឹះស្ថានធនាគារ និងហិរញ្ញវត្ថុបានសម្រាលបន្ទុកដល់ប្រជាពលរដ្ឋ​ដែលរងផលប៉ះពាល់ដោយកូវីដ-១៩ ដោយមានការរៀបចំឥណទានឡើងវិញចំនួន៣៦ម៉ឺន៧ពាន់២៣៩គណនី ស្មើនឹង៥,៥ប៊ីលានដុល្លារ ។ ទុនបម្រុង​អន្តរជាតិ (Foreign Exchange Reserves)…