ភ្នំពេញ៖ តម្លៃលក់រាយប្រេងឥន្ធនៈនៅបណ្តាស្ថានីយធំៗបានកើនឡើងចំនួន៣ពាន់៨រយរៀលក្នុងមួយលីត្រសម្រាប់ប្រេងសាំងធម្មតា រីឯប្រេងម៉ាស៊ូតថ្លៃ ៣ពាន់៤រយរៀលក្នុងមួយលីត្រ ដោយគិតចាប់ពីថ្ងៃទី១៦ ដល់ថ្ងៃទី៣១ ខែឧសភា ឆ្នាំ២០២១នេះ ។នៅក្នុងសេចក្តីជូនដំណឹងស្តីពីថ្លៃលក់រាយប្រេងឥន្ធនៈនៅតាមស្ថានីយ ក្រសួងពាណិជ្ជកម្មបានឱ្យដឹងថា ផ្អែកតាមតម្លៃមធ្យមប្រេងឥន្ធនៈលើទីផ្សារថ្លៃអន្តរជាតិ ថ្លៃលក់រាយប្រេងឥន្ធនៈពីថ្ងៃទី១៦ ដល់ទី៣១ ខែឧសភា ឆ្នាំ២០២១ នឹងត្រូវលក់៣ពាន់៩៦០រៀលក្នុងមួយលីត្រ សម្រាប់សាំងធម្មតា EA92 និង៣ពាន់៥៦០រៀលក្នុងមួយលីត្រសម្រាប់ប្រេងម៉ាស៊ូត ។ ទាក់ ទងនឹងការកើនឡើងតម្លៃប្រេងឥន្ធនៈនេះ ក្រសួងពាណិជ្ជកម្មបានអះអាងថា ក្រសួងមិនមែនជាអ្នកកំណត់ថ្លៃលក់រាយប្រេងឥន្ធនៈនៅកម្ពុជាទេ ពោលគឺក្រសួងគ្រាន់តែស្រង់តម្លៃឡើង-ចុះនៃប្រេងតាមទីផ្សារអន្តរជាតិមកគណនាតាមប្រកាសដូចមានក្នុងឯកសារ ។សូមរំលឹកផងដែរថា តម្លៃលក់រាយប្រេងឥន្ធនៈនៅចន្លោះថ្ងៃទី០១ ដល់ទី១៥ ខែឧសភាកន្លងទៅនេះ សម្រាប់ប្រេងសាំងធម្មតាថ្លៃ៣ពាន់៧៥០រៀល ខណៈដែលប្រេងម៉ាស៊ូតថ្លៃ៣ពាន់៣រយរៀលក្នុងមួយលីត្រ ៕

លោក ជៀប សួរ អគ្គនាយក នៃអគ្គនាយកដ្ឋានប្រេងកាត ក្រសួងរ៉ែ និងថាមពល បានបញ្ជាក់ប្រាប់  នៅថ្ងៃទី១៨ ខែឧសភា ឆ្នាំ២០២១ ថា បើមិនមានអ្វីប្រែប្រួលទេ ក្រុមហ៊ុន KrisEnergy នឹងនាំចេញប្រេងកាតរបស់កម្ពុជា ដែលបាននិងកំពុងដំណើរការបូមជាប្រចាំរៀងរាល់ថ្ងៃ នៅអណ្តូរអប្សរា ក្នុងប្លុក A ទៅកាន់ទីផ្សារអន្តរជាតិ នៅក្នុងខែឧសភា ឆ្នាំ២០២១នេះហើយ។ បើតាមលោកអគ្គនាយក ជៀប សួរ ការនាំចេញប្រេងឆៅជាលើកដំបូង និងជាប្រវត្តិសាស្ត្រសម្រាប់ប្រទេសកម្ពុជានេះ ក្នុងបរិមាណពី២៧ម៉ឺន ទៅ ៣០ម៉ឺនប៉ារែល ដែលស្ថិតក្នុងនាវាផ្ទុកប្រេង។ (១បារ៉ែលស្មើនឹង ១៥៨.៩៩លីត្រ)។ លោក ជៀប សួរ បានបញ្ជាក់យ៉ាងដូច្នេះថា «ក្រុមហ៊ុនរុករក និងបូមប្រេងរបស់សិង្ហបុរី KrisEnergy នឹងនាំចេញប្រេងរបស់កម្ពុជា ទៅលក់នៅលើទីផ្សារអន្តរជាតិ នៅអំឡុងខែឧសភានេះ។ ចំពោះដំណាក់កាលដំបូងនេះ ក្រុមហ៊ុនអាចនឹងនាំចេញប្រេងឆៅ ក្នុងបរិមាណចន្លោះពី២៧ម៉ឺនបារ៉ែល ទៅ៣០ម៉ឺនបារ៉ែល ហើយបរិមាណប្រេងនាំចេញនេះ វាប្រែប្រួលទៅតាម ការវាស់វែងជាក់ស្តែង»។ យ៉ាងណាលោកអគ្គនាយក មិនទាន់អាចបញ្ជាក់បាននោះទេ ថាការនាំចេញប្រេងឆៅលើកដំបូងរបស់កម្ពុជានេះ នឹងត្រូវបានដឹកទៅកាន់ទីផ្សារប្រទេសណា…

អាមេរិក៖ ក្រុមហ៊ុន អាម៉ាហ្សូន (Amazon) ប្រកាសជ្រើសរើសបុគ្គលិកថ្មីប្រមាណ៧ម៉ឺន៥ពាន់នាក់ នៅជុំវិញពិភពលោកដើម្បីបម្រើការងារនៅក្នុងឃ្លាំងទំនិញ និងដឹកជញ្ជូន ដោយក្នុងនោះពួកគេនឹងទទួលបានជាមធ្យម១៧ដុល្លារក្នុង១ម៉ោង ដោយបានកើនឡើងពីឆ្នាំមុនចន្លោះពី០.៥០ទៅ៣ដុល្លារ ហើយភាគច្រើនជាបុគ្គលិកបម្រើការងារនៅសហរដ្ឋអាមរិក ។បើតាមក្រុមហ៊ុនលក់ទំនិញអនឡាញយក្សរបស់អាមេរិកមួយនេះ សម្រាប់បុគ្គលិកដែលក្រុមហ៊ុន អាម៉ាហ្សូន បានប្រកាសជ្រើសរើសខាងលើ នឹងទទួលបានប្រាក់ចំនួន១០០ដុល្លារ បើសិនជាពួកបង្ហាញនូវភស្តុតាងណាមួយដែលបញ្ជាក់ថា ពួកគេបានទទួលការចាក់វ៉ាក់សាំងកូវីដរួចរាល់នោះ ។សូមបញ្ជាក់ថា ក្រុមហ៊ុន អាម៉ាហ្សូន បានពង្រីកអាជីវកម្មរបស់ខ្លួនបន្ថែមទៀត ជាពិសេសគឺពង្រីកឃ្លាំងស្តុកទំនិញ និងការផ្ដល់សេវាកម្មដឹកជញ្ជូន ដោយសារតែបច្ចុប្បន្នមានការបញ្ជាទិញតាមអនឡាញច្រើន និងប្រជាពលរដ្ឋភាគច្រើន មិនចាក់ចេញពីផ្ទះដែលតម្រូវអោយ អាម៉ាហ្សូន ត្រូវដឹកជញ្ជូនទៅដល់ផ្ទះរបស់ពួកគេ ៕ ប្រភព៖ CNBC

Video: https://fb.watch/5v7Ckc8Zz9/ សិប្បកម្មផលិតកាបូបនិងសម្ភារៈគ្រឿងអលង្ការចេញពីសូត្រ និងកន្ទេលកញ្ចូតមួយកន្លែង ស្ថិតនៅក្នុងទឹកដីតាខ្មៅ ខេត្តកណ្តាល មិនត្រឹមតែអាចរកប្រាក់ចំណូលទ្រទ្រង់ទៅដល់ដំណើរការសិប្បកម្មប៉ុណ្ណោះទេ តែថែមទាំងអាចជួយគាំទ្រទៅដល់ជីវភាពបុគ្គលិកជាស្រ្តីមានពិការភាពថែមទៀត ។ ម្ចាស់សិប្បកម្មនេះ អំពាវនាវឱ្យប្រជាពលរដ្ឋបន្តជួយគាំទ្រ ជួយទិញប្រើប្រាស់នូវផលិតផលដែលផលិតចេញពីសិប្បកម្មដើម្បីអាចឱ្យស្រ្តីពិការ និងអ្នកក្រខ្សត់ អាចបន្តមានប្រាក់ចំណូលពីការងារដែលពួកគេទទួលបានពីសិប្បកម្មមេត្រី ៕