ដោយ៖ម៉ាដេប៉ូ រាជធានីភ្នំពេញៈ តំណាងស្ថាប័នទូរទស្សន៍ចំនួន ៣ គឺ បាយ័ន CBS និង ហង្សមាស ដែលធ្លាប់បានបំពេញការងារក្នុងវិស័យផ្សព្វផ្សាយ ជាង ២០ ឆ្នាំ រៀងៗខ្លួនមកហើយ បានចុះហត្ថលេខាលើកអនុស្សរណៈយោគយល់គ្នា ( MOU ) នាថ្ងៃទី ១៨ ខែ កុម្ភៈ ឆ្នាំ ២០២១ នៅ ឯសណ្ឋាគារ កាំបូឌីយ៉ាណា ដើម្បី រួមគ្នាបង្កើត ថ្នាលទូរទស្សន៍ឌីជីថល ធំជាងគេនៅ កម្ពុជា ។ ពិតណាស់ ថ្នាលទូរទស្សន៍ឌីជីថល ដែលត្រូវបានស្ថាប័នទាំង ៣ ខាងលើរួមគ្នាបង្កើតឡើងនៅពេលនេះ មិនមែនជាទូរទស្សន៍ឌីជីថល លើកដំបូងនៅ កម្ពុជា ទេ ពោលគឺ កម្ពុជា មានទូរទស្សន៍ឌីជីថល ប៉ុន្មានឆ្នាំមកហើយ ហើយទូរទស្សន៍ឌីជីថល ទាំងនោះ មានទូរទស្សន៍ខ្លះផ្សព្វផ្សាយតាមប្រព័ន្ធផ្កាយរណប និង តាមប្រព័ន្ធទូរស័ព្ទដៃជាដើម ។ ថ្លែងក្នុងពិធីនេះ អ្នកឧកញ៉ា គិត…

ភ្នំពេញ៖ ខណៈចូលជួបសម្តែងការគួរសម និងពិភាក្សាការងារជាមួយឯកឧត្តម ប៉ាន សូរស័ក្តិ រដ្ឋមន្ត្រីពាណិជ្ជកម្ម នៅថ្ងៃទី១៧ ខែកុម្ភៈ ឆ្នាំ២០២១ លោកជំទាវ Maria Amelita C. Aquino  ឯកអគ្គរដ្ឋទូតហ្វីលីពីនប្រចាំនៅកម្ពុជា បានបញ្ជាក់ថា រដ្ឋាភិបាលហ្វីលីពិន បានទទួលស្គាល់រួចហើយនូវក្រុមហ៊ុនរកស៊ីលើវិស័យស្រូវអង្ករ មួយចំនួនកម្ពុជា។ លោកជំទាវ បានអះអាងថា នឹងណែនាំក្រុមហ៊ុនទាំងនេះឱ្យសិក្សាវិនិយោគលើវិស័យស្រូវអង្ករនេះនៅកម្ពុជា។ លោកជំទាវ លើកឡើងពីទំហំពាណិជ្ជកម្ម នៃប្រទេសទាំងពីរ កន្លងមកមានការរីកចម្រើនជាលំដាប់ ដោយសារវិបត្តិនៃជំងឺកូវីដ-១៩។ ឯកឧត្តមរដ្ឋមន្ត្រីពាណិជ្ជកម្ម បានស្នើភាគីហ្វីលីពីន ពិនិត្យមើលលទ្ធភាពក្នុងការនាំចូលអង្ករពីកម្ពុជា និងកៀរគរធុរជនហ្វីលីពីនមកបណ្ដាក់ទុនវិនិយោគនៅកម្ពុជា ដូចជាបង្កើតរោងចក្រកែច្នៃ ផលិតផល កសិ-ឧស្សាហកម្មសម្រាប់នាំចេញទៅទីផ្សារហ្វីលីពីន និងសកលលោក។ ជាការឆ្លើយតប លោកជំទាវឯកអគ្គរដ្ឋទូត បានថ្លែងថាគោលការណ៍ថ្មីរបស់ប្រទេសហ្វីលីពីន បានអនុញ្ញាតឱ្យវិស័យឯកជន របស់ខ្លួនមកទិញអង្ករដោយផ្ទាល់ ឱ្យតែអនុលោមតាមវិធានការអនាម័យ-ភូតគាមអនាម័យរបស់ហ្វីលីពីន ដោយមិនចាំបាច់ ឆ្លងកាត់តាមរយៈយន្ដការរបស់រដ្ឋាភិបាលទៀតឡើយ។ លោកជំទាវ បានបញ្ជាក់ថា រដ្ឋាភិបាលហ្វីលីពីនបានផ្ដល់ការទទួលស្គាល់ដល់ក្រុមហ៊ុនមួយចំនួនសម្រាប់ ធ្វើពាណិជ្ជកម្ម ស្រូវអង្ករ ហើយស្ថានទូតនឹងផ្ញើបញ្ជីនោះមកក្រសួងពាណិជ្ជកម្ម ដើម្បីសម្របសម្រួលជាមួយក្រុមហ៊ុន ហ្រ្គីនត្រេដ និងសហព័ន្ធស្រូវអង្ករកម្ពុជា។ ឯកឧត្តមរដ្ឋមន្រ្ដី ប៉ាន សូរស័ក្តិ…

អ្នកជំនាញផ្នែកដាំដុះកូនឈើអន្តរជាតិប្រចាំនៅកម្ពុជាបានអះអាងថា ប្រទេសកម្ពុជាមានផ្ទៃដីដែលនៅសេសសល់សម្រាប់ធ្វើការដាំឈើស្ថិតនៅក្រោមការគ្រប់គ្រងរបស់ប្រជាពលរដ្ឋ សហគមន៍ ក្រុមហ៊ុនឯកជន ក្រុមហ៊ុនដីសម្បទានសេដ្ឋកិច្ចនានា ដីសហការដាំដើមឈើជាមួយរដ្ឋមានចំនួនយ៉ាងតិច2លានហិកតា ដែលអាចផ្តល់ការងារជូនប្រជាពលរដ្ឋពី70ទៅ80 ម៉ឺននាក់។ លោក Run Peng Wei អ្នកជំនាញបច្ចេកទេសដាំកូនឈើរបស់ក្រុមហ៊ុនស៊ីង បាយអូថេក បានឱ្យដឹងថាការវិនិយោគចម្ការឈើដាំនៅកម្ពុជា មិនត្រឹមតែកាត់បន្ថយសម្ពាធនៃការប្រើប្រាស់ឈើធម្មជាតិនោះទេ ថែមទាំងផ្តល់ការងារយ៉ាងច្រើនជូនប្រជាពលរដ្ឋ។ដូច្នេះត្រូវមាន ការយកចិត្តទុកដាក់កាន់តែខ្លាំងថែមទៀត ព្រោះវានឹងផ្តល់ផលប្រយោជន៍ ច្រើនដល់បរិស្ថាន និងសេដ្ឋកិច្ចរបស់ប្រទេសកម្ពុជា។ ចម្ការឈើដាំជិត 5,000 ហិកតា ដែលក្រុមហ៊ុនស៊ីង បាយអូថេក បានដាំនៅក្នុងភូមិសាស្ត្រខេត្តក្រចេះនៅលើផ្ទៃដី 34,007ហិកតា ដែលខ្លួនទទួលបានសិទ្ធិប្រើប្រាស់ពីរាជរដ្ឋាភិបាល គឺជាក្តីសង្ឃឹមថ្មីរបស់កម្ពុជាលើការវិនិយោគលើកសិ-ឧស្សាហកម្មចម្ការឈើដាំ ហើយគេជឿជាក់ថា កម្ពុជានឹងអាចបោះជំហានទៅមុខដោយស្វាហាប់លើវិស័យនេះ និងឆ្ពោះទៅរកការប្រកួតប្រជែងជាមួយបណ្តាប្រទេសនៅក្នុងតំបន់អាស៊ានលើវិស័យចម្ការឈើដាំ។ លោក Run Peng Wei បានថ្លែងថាសម្រាប់ទិន្នផលមួយហិកតានៃចម្ការឈើដាំ គឺអាចប្រមូលបានទំហំ150ម៉ែត្រគូប ប៉ុន្តែសម្រាប់គុណភាពដើមប្រេងខ្យល់ដែលក្រុមហ៊ុនស៊ីងបាយអុថេកដាំបាននេះ គឺអាចទទួលទិន្នផលអាចលើសពី150ម៉ែត្រគូបក្នុងមួយហិកតា។ បន្ថែមពីនេះ បើតាមតម្លៃនៅលើទីផ្សារបច្ចុប្បន្ននេះអាចមានតម្លៃចាប់ពី40ដុល្លារ ឬអាចឡើងដល់60 ដុល្លារ ទៅតាមតម្រូវទីផ្សារក្នុងពេលអនាគត។ក្រោយពីផលិត និងផ្គត់ផ្គង់ទីផ្សារក្នុងស្រុកគ្រប់គ្រាន់ ក្រុមហ៊ុនក៏បានសំឡឹងមើលទីផ្សារក្រៅប្រទេសផងដែរ ដូចជាប្រទេសចិន កូរ៉េជាដើម។ល។ លោកបាន ឱ្យដឹងថាប្រទេសវៀតណាម និងប្រទេសថៃដែលនៅជាប់ប្រទេសកម្ពុជា ប្រទេសនីមួយៗមានចម្ការឈើដាំប្រមាណ 60…

បរទេស៖ នៅក្នុងរបាយការណ៍ប្រចាំឆ្នាំមួយដែលត្រូវបានបង្ហាញដោយបណ្តាញសង្គម Reddit អាចឲ្យយើងមើលឃើញថាមាតិកា និងការបង្ហោះប្រមាណជា 233 លានត្រូវបានសម្រេចលុបចោលកាលពីឆ្នាំ2020។ របាយការណ៍ដដែលបានបង្ហាញទៀតថាក្នុងចំណោមការបង្ហោះ និងមាតិកាសរុបប្រមាណជា 3.4 លានដែលត្រូវបានធ្វើឡើងកាលពីឆ្នាំទៅមានន័យថាមាតិកាព័ត៌មាន 6 ភាគរយត្រូវបានលប់ចោលហើយដោយសារតែវាត្រូវបានរកឃើញថាសុទ្ធតែជាប្រភេទមាតិកា spam (ឥតបានការ)។ 99 ភាគរយដែលជាមាតិកាឥតបានការ ឬ spam និងមាតិកាផ្សេងទៀតដែលត្រូវបានលុបចោលគឺសុទ្ធតែជាមាតិកាដែលមានទំរង់ជាការប្រមាថអំពីហិង្សា និងការស្អប់ខ្ពើមគ្នា ឬមានភាពអាសអាភាស។ចំនួនមាតិកាដែលត្រូវបានលុបចោលកាលពីឆ្នាំ2020 នោះផងដែរក៏ត្រូវបានគេដឹងថាមានអត្រាកើនឡើងជាងកាលពីឆ្នាំ2019 ដល់ទៅ 30 ភាគរយ។ ក្នុងចំណោមមាតិកាទាំង 233 លាននោះគេបានដឹងដែរថា 131 លានមាតិកាគឺត្រូវបានលុបចោលដោយស្វ័យប្រវត្តិតាមរយៈម៉ាស៊ីនស្វ័យប្រវត្តិរបស់ Reddit ដោយឡែកមាតិកាផ្សេងទៀតដែលត្រូវបានលុបចោលនោះគឺត្រូវបានធ្វើឡើងដោយក្រុមការងារគ្រប់គ្រងបណ្តាញសង្គមជាមនុស្ស។ ពាក់ព័ន្ធទៅនឹងឯកជនភាពវិញ Reddit បានបញ្ជាក់ថាកាលពីឆ្នាំកន្លងទៅថា ខ្លួនបានទទួលការស្នើសុំពីអង្គភាពរដ្ឋាភិបាលមកពីបណ្តាប្រទេសនានាចំនួន 611 ក្នុងការសុំប្រមូលយកទិន្នន័យនៃបុគ្គលមួយចំនួន ប៉ុន្តែក្នងនោះ Reddit បានយល់ព្រមប្រគល់ឲ្យតែត្រឹម 424 សំណើរប៉ុណ្ណោះដែលភាគច្រើនគឺពាក់ព័ន្ធទៅនឹងសាលដិកាចេញពីសាលក្រមតុលាការ។ គួរឲ្យដឹងដែរថា Reddit គឺជាបណ្តាញសង្គមដ៏ពេញនិយមមួយផងដែរនៅក្នុងតំបន់អ៊ឺរ៉ុប។ Reddit គឺជាទីកន្លែងប្រមូលព័ត៌មានសង្គមការវាយតំលៃមាតិកាគេហទំព័រ និងគេហទំព័រពិភាក្សា។ សមាជិកដែលបានចុះឈ្មោះបញ្ជូនមាតិកាទៅគេហទំព័រដូចជាតំណភ្ជាប់អត្ថបទ និងរូបភាពដែលបន្ទាប់មកត្រូវបានបោះឆ្នោតគាំទ្រដោយសមាជិកដទៃទៀត៕

បរទេស៖ ក្រោមការសិក្សាស្រាវជ្រាវចុងក្រោយមួយបានបង្ហាញថា បញ្ហារាតត្បាតនៃកូវីដបានធ្វើឲ្យពិភពលោក កើនឡើងនូវប្រាក់បំណុលសរុបដល់ទៅ 24 ទ្រីលានដុល្លារកាលពីឆ្នាំ2020 មានន័យថាទំហំប្រាក់បំណុលសរុបរបស់ពិភពលោកគឺបានកើនឡើងទៅដល់ 281 ទ្រីលានដុល្លារពោលស្ថិតនៅក្នុងអត្រា 355 ភាគរយដោយការធៀបគ្នារវាងបំណុលទៅនឹងGDP នៃប្រទេសនីមួយៗ។ ការព្យាករណ៍ និងគណនាដោយវិទ្យាស្ថានអន្តរជាតិនៃហិរញ្ញវត្ថុ IIF ទៅលើបំណុលជាសកលបានបង្ហាញទៀតថា ក្នុងទំហំសរុបនៃបំណុលកាលពីឆ្នាំកន្លងទៅនេះក្នុងនោះមានប្រមាណជាពាក់កណ្តាលគឺជាលុយដែលត្រូវបានយកទៅប្រើប្រាស់នៅក្នុងកម្មវិធីជំនួយរបស់រដ្ឋាភិបាលខណៈដែលបំណុលរបស់ក្រុមហ៊ុនសហគ្រាសទាំងឡាយជាបំណុលដោយធនាគារមានទំហំប្រមាណ10ទ្រីលានដុល្លារ។ កម្រិតនៃបំណុលត្រូវបានគេរំពឹងទុកថា នឹងនៅតែបន្តមានកំណើនខ្លាំងជាងគ្រាមុនកូវីដដដែលសម្រាប់បណ្តាប្រទេសទាំងអស់នៅក្នុងឆ្នាំ2021 ប៉ុន្តែដោយមានការគាំទ្រតាមរយៈការប្រាក់ទាបពាណិជ្ជកម្មទាំងឡាយអាចចាប់ផ្តើមដំណើរការឡើងវិញខ្លះៗ ហើយសង្ឃឹមថានឹងជួយរុញ GDP ឲ្យកើនឡើងវិញ។ របាយការណ៍របស់ IIF ដដែលបានសរសេរទៀតថា៖បំណុលដោយរដ្ឋាភិបាលនឹងបន្តកើនឡើងប្រមាណជា 10 ទ្រីលានដុល្លារទៀតសម្រាប់ឆ្នាំនេះដែលវានឹងធ្វើឲ្យបំណុលសរុបជាសកលដោយរដ្ឋាភិបាលកើនមានរហូតទៅដល់ 92 ទ្រីលានដុល្លារ។ IIF ក៏បានព្រមានដែរថាស្ថានភាពនយោបាយ និងសំពាធរបស់សង្គមនឹងអាចក្លាយជាឧបសគ្គសម្រាប់រដ្ឋាភិបាលក្នុងការកាត់បន្ថយឱនភាពនៃបំណុល ជាពិសេសនឹងធ្វើឲ្យសមត្ថភាពរបស់ពួកគេចុះខ្សោយក្នុងការប្រឈមមុខទៅនឹងវិបត្តិនាពេលអនាគត។ ប្រទេសដែលត្រូវបានគេមើលឃើញថាមានបំណុលខ្លាំងជាងគេរួមមានដូចជាប្រទេសក្រិក ប្រទេសអេស្បាញ ប្រទេសអង់គ្លេស និងប្រទេសកាណាដា ដោយឡែកក្នុងចំណោមបណ្តាប្រទេសជាសមាជិករបស់ IIF ទាំង 61 គេអាចមើលឃើញថាមានតែប្រទេសស្វីសមួយប៉ុណ្ណោះដែលមានអត្រាកម្ចីធ្លាក់ចុះ។ ដោយឡែកនៅក្នុងចំណោមប្រទេសដែលមានទីផ្សារកំពុងរីកលូតលាស់ខ្លាំងវិញដោយមិនរាប់បញ្ចូលកម្ចីពីធនាគារនោះមានដូចជាប្រទេសចិន តួកគី កូរ៉េ និងសហភាពអារ៉ាប់ ៕

ភ្នំពេញ៖ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ប្រធានឧត្ដមក្រុមប្រឹក្សាសេដ្ឋកិច្ចជាតិ និងជាប្រធានគណៈកម្មាធិការអន្តរក្រសួងទទួលបន្ទុករៀបចំសេចក្ដីព្រាង ក្របខណ្ឌគោលនយោបាយសេដ្ឋកិច្ចឌីជីថល និងសេចក្ដីព្រាងក្របខណ្ឌគោលនយោបាយរដ្ឋាភិបាល ឌីជីថល ថ្ងៃទី១៧ ខែកុម្ភៈ ឆ្នាំ២០២១ បានដឹកនាំកិច្ចប្រជុំគណៈកម្មាធិការអន្តរក្រសួង ដើម្បីពិនិត្យ និងពិភាក្សាទៅលើសេចក្ដីព្រាង ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ។ ស្របតាមស្មារតីនៃចក្ខុវិស័យកម្ពុជា ឆ្នាំ ២០៥០ និងការចង្អុលបង្ហាញនៃយុទ្ធសាស្ត្រចតុកោណ ដំណាក់កាល ទី៤, «ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥» ដែលត្រូវបានគិតគូរប្រកបដោយ ភាពគ្រប់ជ្រុងជ្រោយ និងប្រាកដនិយមខ្ពស់ នឹងក្លាយជាផែនទីចង្អុលផ្លូវដ៏មានសារៈសំខាន់ក្នុងការធ្វើបរិវត្ដកម្មឌីជីថល។ ក្របខណ្ឌគោលនយោបាយនេះ កំណត់នូវចក្ខុវិស័យក្នុងការ «កសាងសេដ្ឋកិច្ច និងសង្គមឌីជីថលរស់រវើក តាមរយៈ ការរៀបចំមូលដ្ឋានគ្រឹះជំរុញការទទួលយក និងបរិវត្តកម្មឌីជីថល នៅក្នុងគ្រប់តួអង្គសង្គម ទាំងរដ្ឋ ទាំងប្រជាជន និង ទាំងធុរជន ដើម្បីជំរុញសម្ទុះកំណើនសេដ្ឋកិច្ចថ្មី និងលើកកម្ពស់សុខុមាលភាពសង្គម តាមគន្លងប្រក្រតីថ្មី» ដោយផ្តោតលើអាទិភាព៥ធំៗ ក្នុងនោះរួមមាន៖ (១). ការអភិវឌ្ឍហេដ្ឋារចនាសម្ព័ន្ធឌីជីថល(២). ការកសាងទំនុកចិត្ត និងភាពជឿជាក់លើប្រព័ន្ធឌីជីថល(៣).…

បរទេស៖ យោងតាមសេចក្តីប្រកាសដែលត្រូវបានធ្វើឡើងដោយក្រសួងសាធារណៈការ និងដឹកជញ្ជុនរបស់ប្រទេសសិង្ហបុរីកាលពីថ្ងៃពុធម្សិលមិញនេះបានឲ្យដឹងថា រាល់ក្រុមហ៊ុនដែលស្ថិតនៅក្នុងវិស័យអាកាសចរទាំងអស់របស់ខ្លួននឹងអាចទទួលបានកញ្ចប់ប្រាក់ជំនួយពីកម្មវិធីរបស់រដ្ឋាភិបាលសម្រាប់ទ្រទ្រង់ដល់ប្រាក់ខែរបស់បុគ្គលិករបស់ខ្លួនដល់ទៅ 50 ភាគរយ។ លោកឧបនាយករដ្ឋមន្ត្រី Heng Swee Keat ដែលបានថ្លែងនៅក្នុងបទសន្ទរកថាមួយកាលពីថ្ងៃអង្គារកន្លងទៅអំពីកញ្ចប់ជំនួយដែលត្រូវបានអនុម័តដោយរដ្ឋសភានោះបានបញ្ជាក់ថាកញ្ចប់ប្រាក់ប្រមាណជា 870 លានដុល្លារនឹងត្រូវបានត្រៀមរួចរាល់សម្រាប់ជួយដល់វិស័យអាកាសចរដែលកំពុងរងគ្រោះធ្ងន់ធ្ងរជាងគេ។ ក្រោមគម្រោងជំនួយគាំទ្រដល់ការងារ ឬ JSS ដែលធ្លាប់បានប្រកាសនាពេលកន្លងមកក្រុមហ៊ុនអាកាសចរនានាគឺអាចទទួលបានប្រាក់ខែសម្រាប់បុគ្គលិករបស់ខ្លួនដល់ទៅ 30 ភាគរយចាប់ពីខែមេសាដល់ខែមិថុនានិង 10 ភាគរយចាប់ពីខែកក្កដាដល់ខែកញ្ញា ប៉ុន្តែនៅក្នុងសេចក្តីប្រកាសរបស់ក្រសួងកាលពីថ្ងៃពុធកញ្ចប់ប្រាក់ប្រមាណជា 330 លានដុល្លារទៀតដែលនឹងត្រូវបន្ថែមពីលើកញ្ចប់ប្រាក់ដែលមានស្រាប់មួយនេះ។ ដូចនេះអ្នកធ្វើការនៅក្នុងវិស័យអាកាសចរនឹងអាចទទួលបានប្រាក់ខែរបស់ខ្លួនដល់ទៅ 50 ភាគរយនៃប្រាក់ខែគោល ប៉ុន្តែសម្រាប់តែពលរដ្ឋជនជាតិសិង្ហបុរី ឬអ្នកដែលធ្វើការ និងស្នាក់នៅក្នុងប្រទេសសិង្ហបុរីតែប៉ុណ្ណោះ ហើយគិតចាប់រាប់ពីខែមេសាទៅដល់ខែកញ្ញាជាមួយនឹងកម្រិតប្រាក់អតិបរិមា 4,600 ដុល្លារក្នុងម្នាក់។ ក្រៅពីនោះក្រសួងក៏បានដាក់លក្ខខណ្ឌមួយចំនួនផងដែរសម្រាប់ក្រុមហ៊ុនអាកាសចរដែលអាចដាក់ពាក្យទទួលបានកញ្ចប់ប្រាក់ជំនួយនោះបានដូចជាក្រុមហ៊ុនដែលមានទីតាំងស្ថិតនៅក្នុងអាកាសយានដ្ឋានអន្តរជាតិ Changi ជាដើម លើសពីនេះក្រុមហ៊ុន និងបុគ្គលិកក៏នឹងនៅតែទទួលការគាំទ្រជាមួយនឹងកម្មវិធីបណ្តុះបណ្តាលបន្ថែមរបស់រដ្ឋាភិបាលផងដែររហូតទៅដល់ខែធ្នូ។ ប្រធានប្រតិបត្តិក្រុមហ៊ុនអាកាសចរជាច្រើនបានសំដែងការសាទរចំពោះរដ្ឋាភិបាល ហើយបាននិយាយថាក្នុងស្ថានភាពដ៏លំបាកបែបនេះកញ្ចប់ជំនួយសម្រាប់វិស័យអាកាសចរ ឬ OneAviation Support Package for Budget 2021 នេះគឺពិតជាបានជួយដល់វិស័យអាកាសចរយ៉ាងប្រសើរហើយក្រុមហ៊ុននឹងខិតខំប្រឹងប្រែងជួយថែរក្សាកេរ្ត៍ឈ្មោះជូនដល់សិង្ហបុរីសម្រាប់ការប្រកួតប្រជែងនៅក្នុងទីផ្សារធ្វើដំណើរតាមអាកាសនៅពេលខាងមុខ៕

បរទេស៖ នៅក្នុងសេចក្តីថ្លែងការណ៍ដោយលោកស្រី Ngozi Okonjo Iweala ប្រធានអង្គការពាណិជ្ជកម្មពិភពលោក WTO ថ្មីកាលពីថ្ងៃពុធម្សិលមិញនេះបានសន្យាយ៉ាងមុតម៉ាំទៅលើការងារចម្បងរបស់លោកស្រីនៅពេលនេះនឹងធ្វើយ៉ាងណាដើម្បីជំរុញឲ្យមានលទ្ធផលដ៏ជាក់លាក់មួយអំពីផលប៉ះពាល់សេដ្ឋកិច្ចសកល និងបញ្ហាវិបត្តិសុខមាលភាពពិភពលោកដោយសារកូវីដ។ លោកស្រីក៏បានបញ្ជាក់ទៀតដែរថាកិច្ចការងារចែកចាយវ៉ាក់សាំងក៏នឹងក្លាយទៅជាអាទិភាពបំផុតមួយផងដែរ ហើយលោកស្រីនឹងធ្វើឲ្យបានប្រាកដថាវានឹងត្រូវផ្តល់ឲ្យទៅកាន់បណ្តាប្រទេសនានាលើសាកលលោកដោយស្មើភាពគ្នា និងពង្រឹងឡើងវិញនូវបញ្ហាមួយចំនួនទៀតដែលនឹងអាចអនុញ្ញាតឲ្យពាណិជ្ជកម្មសេរីដំណើរការឡើងវិញ និងជួយឲ្យសេដ្ឋកិច្ចសាកលលោកងើបឡើងយ៉ាងឆាប់រហ័ស។ ត្រូវបានជ្រើសរើសដោយសមាជិកក្រុមប្រឹក្សានៃអង្គការអន្តរជាតិពាណិជ្ជកម្មពិភពលោកកាលពីថ្ងៃចន្ទដើមសប្តាហ៍ ព្រមទាំងទទួលបានការគាំទ្រពីក្រោយដោយលោកប្រធានាធិបតីអាមេរិក Joe Biden ផងដែរនោះ លោកស្រី Okonjo បានសន្យាទៀតថានឹងធ្វើឲ្យគណៈកម្មការថ្មីនៃអង្គការនេះទទួលបានអារម្មណ៍ថ្មីក្នុងការធ្វើការដែលល្អប្រសើរជាងមុនដែលកន្លងមកលោកស្រីបានពណ៌នាថា WTO បានបាត់បង់ការតាំងចិត្តក្នុងការជួយឲ្យជីវិតមនុស្សរស់នៅបានក្នុងលក្ខខណ្ឌប្រសើរជាងមុន។ លោកស្រីបានបន្តទៀតថា៖ WTO នឹងអាចចែករំលែកនូវដំណោះស្រាយដែលមានប្រសិទ្ធភាពបំផុតថ្មីសម្រាប់បញ្ហាកូវីដ ដូចជាតាមរយៈការជួយសម្រួលដល់ការចែកចាយប្រើប្រាស់វ៉ាក់សាំង ព្រមទាំងតម្លៃដ៏សមរម្យផងទៅដល់បណ្តាប្រទេសក្រីក្រទាំងឡាយ។ ឆ្លើយតបទៅនឹងបញ្ហាពាណិជ្ជកម្មរបស់សកលលោកបច្ចុប្បន្ន ជាពិសេសបញ្ហារបស់អាមេរិក និងចិននោះ លោកស្រីដែលជាអ្នកជំនាញខាងសេដ្ឋកិច្ចបទពិសោធរាប់សិបឆ្នាំ និងក៏ជារដ្ឋមន្ត្រីហិរញ្ញវត្ថុដ៏យូរបំផុតរបស់នេហ្ស៊ីរីយ៉ារូបនេះបានពន្យល់ថា លោកស្រីនឹងធ្វើឲ្យ WTO ត្រឡប់មកកាន់ទីតាំងចាស់ដែលមានឥទ្ធិពលខ្លាំងក្នុងការជួយដោះស្រាយបញ្ហាពាណិជ្ជកម្មជូនដលប្រទេសទាំងអស់លើលោក។ ជាចុងក្រោយ លោកស្រីក៏បានបង្ហាញពីផែនការក្នុងការត្រឡប់កាលវិភាគនៃកិច្ចប្រជុំថ្នាក់រដ្ឋមន្ត្រីរបស់ WTO ដែលត្រូវបានពន្យាពេលកាលពីចុងឆ្នាំកន្លងទៅឲ្យអាចចាប់ផ្តើមវិញ នឹងអាចចាប់ផ្តើមរៀបចំចាត់ចែងយុទ្ធសាស្ត្របានឆាប់ទៅលើបញ្ហាធំៗបំផុតលើលោកបច្ចុប្បន្ន៕