(ភ្នំពេញ)៖ អគ្គនាយកដ្ឋានពន្ធដារ នៅថ្ងៃទី ២៦ ខែកញ្ញា ឆ្នាំ ២០២៣នេះ បានចេញសេចក្តីជូនដំណឹងមួយដោយបានប្រាប់ដល់ម្ចាស់អចលនទ្រព្យទាំងអស់ ដែលមានអចលនទ្រព្យ ស្ថិតនៅរាជធានីភ្នំពេញ និងនៅតាមបណ្តាខេត្តទាំងអស់ស្តីពីការពន្យារពេលបង់ពន្ធលើអចលនទ្រព្យ និងពន្ធលើដីធ្លីមិនបានប្រើប្រាស់ សម្រាប់ឆ្នាំ២០២៣ រហូតដល់ថ្ងៃទី៣១ ខែតុលា ឆ្នាំ២០២៣។ ក្នុងសេចក្តីជូនដំណឹងនេះបានបញ្ជាក់ថា ដោយ អគ្គនាយកដ្ឋានពន្ធដារបានពិនិត្យឃើញថា រហូតមកទល់ពេលនេះ មានម្ចាស់អចលនទ្រព្យជាច្រើនបានមកប្រកាសបង់ពន្ធលើអចលនទ្រព្យ ឬពន្ធលើដីធ្លីមិនបាន ប្រើប្រាស់ សម្រាប់ឆ្នាំ២០២៣ ហើយក៏នៅមានម្ចាស់អចលនទ្រព្យមួយចំនួនទៀត នៅមិនទាន់បានបំពេញកាតព្វកិច្ច ប្រកាសបង់ពន្ធប្រភេទទាំងនេះនៅឡើយ។ អនុវត្តតាមច្បាប់និងបទប្បញ្ញត្តិជាធរមាន ម្ចាស់អចលនទ្រព្យត្រូវមាន កាតព្វកិច្ចប្រកាសបង់ពន្ធទាំងនេះយ៉ាងយឺតបំផុតត្រឹមថ្ងៃទី៣០ ខែកញ្ញា នៃឆ្នាំជាប់ពន្ធនីមួយៗ ផុតរយៈពេលនេះ ម្ចាស់អចលនទ្រព្យនឹងត្រូវទទួលរងទណ្ឌកម្មរដ្ឋបាល ស្របតាមច្បាប់ស្តីពីសារពើពន្ធជាធរមាន។ ដើម្បីផ្ដល់លទ្ធភាពជូនម្ចាស់អចលនទ្រព្យ ដែលមានឆន្ទៈក្នុងការបំពេញកាតព្វកិច្ចប្រកាសបង់ពន្ធទាំងនេះ ប៉ុន្តែមិនទាន់បានមកប្រកាសបង់ពន្ធ អគ្គនាយកដ្ឋានពន្ធដារសម្រេចពន្យារកាលបរិច្ឆេទផុតកំណត់ប្រកាសបង់ពន្ធលើ អចលនទ្រព្យ និងពន្ធលើដីធ្លីមិនបានប្រើប្រាស់ សម្រាប់ឆ្នាំ២០២៣ រហូតដល់ថ្ងៃទី៣១ ខែតុលា ឆ្នាំ២០២៣ ដោយរួចផុតពីទណ្ឌកម្មរដ្ឋបាលដោយសារការប្រកាសបង់ពន្ធយឺតយ៉ាវ។ អគ្គនាយកដ្ឋានពន្ធដារសូមជម្រាបជូនដល់ម្ចាស់អចលនទ្រព្យទាំងអស់ ដែលមិនទាន់បានបំពេញកាតព្វកិច្ច ចុះបញ្ជីអចលនទ្រព្យ ឬធ្វើបច្ចុប្បន្នភាពព័ត៌មានអចលនទ្រព្យនិងប្រកាសបង់ប្រាក់ពន្ធនៅឡើយ សូមអញ្ជើញទៅចុះបញ្ជី ឬធ្វើបច្ចុប្បន្នភាពព័ត៌មានអចលនទ្រព្យរបស់ខ្លួន នៅសាខាពន្ធដារខេត្ត-ខណ្ឌដែលអចលនទ្រព្យស្ថិតនៅ ។ ចំពោះម្ចាស់…

ភ្នំពេញ៖​ គណៈប្រតិភូសភាពាណិជ្ជកម្មកម្ពុជា បាននិង​កំពុងបន្តការងារសិក្សាពីនីតិវិធី និងលក្ខខណ្ឌនានា ក្នុងការនាំ​ចេញផលិតផលកសិ​កម្មដែលកែច្នៃរួចទៅកាន់ទីផ្សារសហរដ្ឋអាមេរិក ហើយនិង​ការ​ពិនិត្យមើលទីតាំងសម្រាប់ការរៀ​បចំ​ការតាំងពិ​ព័រណ៍ ​​ នៅក្នុងទីក្រុងឡុងប៊ិច នាខែវិច្ឆិ​កាខាងមុខ។ ​លោក ហ៊ុន ឡាក់ សមាជិកសភាពាណិជ្ជកម្មកម្ពុជា បានប្រាប់ឱ្យដឹងនៅថ្ងៃទី២៥ ខែកញ្ញា ឆ្នាំ២០២៣ថា គណៈប្រតិភូស​ភា​ពាណិជ្ជកម្ម​ មិនទាន់បានវិលត្រឡប់មកកាន់កម្ពុជាវិញជាមួយនឹង​​សម្ដេចធិបតី​នាយករដ្ឋមន្រ្តី​ ហ៊ុន ម៉ាណែត ​ទេ ដោយ​ត្រូវនៅ​បន្តនៅសហរដ្ឋ​អាមេរិកប៉ុន្មានថ្ងៃទៀត ដើម្បីធ្វើការ​សិក្សាឱ្យបានច្បាស់លាស់ពីគោលការណ៍​ និងនីតិវិធីនានា ក្នុងការនាំចេ​ញផលិតផលកសិកម្មដែលកែច្នៃរួចទៅកាន់សហរដ្ឋអាមេរិក ខណៈដែលកន្លងទៅកម្ពុជានាំចេញភាគច្រើនទៅអាមេរិក ជាផលិតផលវាយនភណ្ឌកាត់ដេរសម្លៀកបំពាក់ កាបូប ស្បែកជើង និងផលិតផលធ្វើដំណើរ និងកង់ជាដើម។ លោកបានបញ្ជាក់បន្តថា ៖ «យើងនៅបន្ត ដើម្បីពិភាក្សាការងារមួយចំនួនទៀត ជាមួយខាងវិនិយោគិនអាមេរិក ព្រោះយើ​ងមានបំណងក្នុងការនាំចេញផលិតផលកសិកម្មដែលកែច្នៃរួចទៅកាន់អាមេរិក ។ដូចនេះយើងត្រូវសិក្សាពីលក្ខខណ្ឌ និងនី​តិវិធីមួយចំនួន ធ្វើយ៉ាងណាដើម្បីឱ្យយើងអាចនាំចេញផលិតផលកែច្នៃរបស់យើងមកទីផ្សាមួយនេះបាន»។ លោកបានបន្តថា ក្រៅពីការសិក្សាពីនីតិវិធី និងទីផ្សារហើយ ដោយមានការសម្របសម្រួលពីសហគមន៍ខ្មែរប្រចាំទីក្រុងឡុ​ង​ប៊ិច និងក្រុមការងាររបស់សភាពាណិជ្ជកម្មកម្ពុជា ប្រចាំសហរដ្ឋអាមេរិក នឹងមានការ​ពិនិត្យមើលទីតាំង សម្រាប់ការរៀ​ប​ចំ ​ការ​តាំងពិ​ព័រណ៍​និងជំនួប​ពាណិជ្ជកម្ម នៅក្នុងទីក្រុងឡុងប៊ិច នាខែវិច្ឆកាខាងមុខ។ លោក ហ៊ុន ឡាក់ បានបញ្ជាក់បន្ថែមថា…