(ភ្នំពេញ)៖ ក្រសួងអប់រំ យុវជន និងកីឡាបានរៀបចំទិវាកីឡាសម្រាប់ទាំងអស់គ្នា (SPORT FOR ALL ) នៅពហុកីឡដ្ឋានជាតិអូឡាំពិក ខណៈមន្ត្រីជាន់ខ្ពស់បំផុសផ្សព្វផ្សាយឲ្យមនុស្សគ្រប់វ័យចូលរួមហាត់ប្រាណ និងលេងកីឡា ដែលជាផ្នែកមួយចាំបាច់ និងមានសារៈសំខាន់សម្រាប់មនុស្សគ្រប់រូប ដើម្បីលើកកម្ពស់សុខភាពផ្លូវកាយ ផ្លូវចិត្ត និងជាផ្នែកមួយជួយដល់ការអភិវឌ្ឍសង្គមជាតិ។ ឯកឧត្តម កែ ប៊ុនខៀង រដ្ឋលេខាធិការ ក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្រ្តីក្រសួងអប់រំ យុវជន និងកីឡាមានប្រសាសន៍ថា ទិវាកីឡាសម្រាប់ទាំងអស់គ្នាឆ្នាំ២០២៣ សំដៅដល់ទស្សនវិជ្ជាទូលំទូលាយ ក្នុងការជំរុញលើកទឹកចិត្តឱ្យមនុស្សគ្រប់ភេទ គ្រប់វ័យចូលរួមក្នុងសកម្មកីឡា ដើម្បីទទួលបានសុខភាព និងសុខុមាលភាពល្អ។ «ការហាត់ប្រាណ និងលេងកីឡាជាផ្នែកមួយចាំបាច់ និងមានសារៈសំខាន់សម្រាប់មនុស្សគ្រប់រូប ដើម្បីលើកកម្ពស់សុខភាពផ្លូវកាយ ផ្លូវចិត្ត សមត្ថភាពសរីរាងកាយ និងជាផ្នែកមួយជួយដល់ការអភិវឌ្ឍសង្គមជាតិ»។ រាជរដ្ឋាភិបាលអាណត្តិទី៧ បានដាក់ចេញនូវយុទ្ធសាស្រ្តបញ្ចកោណដំណាក់កាលទី១ នៅក្នុងបញ្ចកោណទី១ផ្តោតលើការអភិវឌ្ឍមូលធនមនុស្ស និងក្រសួងអប់រំ យុវជន និងកីឡា ក៏បានធ្វើកំណែទម្រង់អនុវិស័យអប់រំកាយ និងកីឡា ជំរុញចលនា “ប្រជាជនម្នាក់លេងកីឡាមួយប្រភេទប្រចាំជីវិត”។ កីឡាបានដើរតួយ៉ាងសំខាន់ នៅ…

(ភ្នំពេញ)៖ ចាប់ពីដើមខែសីហា ឆ្នាំ ២០២៣មក ប្រជាសហគមន៍តំបន់ការពារធម្មជាតិអូរជាំ បានរួមដៃគ្នាដាំ ស្តារពូជក្រវាញក្នុងព្រៃធម្មជាតិ ស្ថិតក្នុងភូមិអូជាំលើ ឃុំកំពង់ល្ពៅ ស្រុកសំឡូត ខេត្តបាត់ដំបង ។ ការដាំក្រវាញនេះគឺដើម្បីបង្កើនចំនួនពូជក្រវាញនៅតាមសហគមន៍សំដៅធ្វើយ៉ាងណាចូលរួមអភិរក្សពូជក្រវាញ និងក៏ដូចជាផ្គត់ផ្គង់តម្រូវការទីផ្សារពីម្ហូបអាហារធ្វើពីក្រវាញពិសេសផ្ញៀវទេសចរណ៍ដែលធ្វើដំណើរចូលកម្សាន្តនៅទឹកធ្លាក់អូរជាំនេះដោយផ្ទាល់តែម្តង។ លោក គីម សុង ប្រធានសហគមន៍តំបន់ការពារធម្មជាតិអូរជាំ បានឱ្យដឹងថា៖ ចាប់ពីដើមខែសីហា មក សហគមន៍របស់លោកបានចាប់ផ្តើមដាំដើមក្រវាញដែលប្រជាសហគមន៍បានរួមគ្នាបណ្តុះពូជកូនក្រវាញពីធម្មជាតិ។គិតមកដល់ពេលនេះក្រវាញដែលបានដាំមួយចំនួនបានលូតលាស់ល្អ តែមួយចំនួនទៀត ក៏មិនសូវល្អផងដែរដោយសារតែឆ្នាំនេះមានការខ្សត់ខ្សោយទឹកភ្លៀង ហើយភ្លៀងចាប់ផ្តើមធ្លាក់ជោគជាំទើបតែចុងខែសីហា ប៉ុណ្ណោះ ។ លោកប្រធានសហគមន៍បានឱ្យដឹងបន្ថែមថា៖ក្រៅពីដាំក្រវាញតាមសហគមន៍ ក៏នៅមានប្រជាពលរដ្ឋមួយចំនួនបានដាំតាមផ្ទះសម្បែងរបស់ពួកគាត់ ដោយសង្ឃឹមថា អាចរកប្រាក់កម្រៃពីការលក់ក្រវាញនេះផងដែរ ។ លោក គីម សុងបានបន្តឱ្យដឹងថា៖ ប្រជាជនសហគមន៍របស់លោកបច្ចុប្បន្នមានជាង ៣០០គ្រួសារ ដោយក្នុងនេះភាគច្រើនជាអ្នកប្រកប របរស្រែចំការ និងមួយផ្នែកបានពឹងផ្អែកបម្រើលើសេវាទេសចរណ៍ ប៉ុន្តែការដាំ ក្រវាញនេះ លោកបានដាក់ក្ដីរំពឹងថា វាអាចជាមុខរបរថ្មីបន្ថែមសម្រាប់លើកស្ទួយជីវភាពប្រជាសហគមន៍ ។ ដោយឡែក លោក វឹង វីន អនុប្រធានសហគមន៍តំបន់ការពារធម្មជាតិអូរជាំ បានឱ្យដឹងថាលោកបានសាកល្បងដាំកូនក្រវាញជិត ១០០ដើមកាលពីជាងមួយឆ្នាំមុន ពេលនេះឃើញថាវាលូតលាស់បានល្អ ហើយក្រវាញមួយចំនួនកំពុងបែកគុម្ពល្អ ។…

(សៀមរាប)៖ ក្រោយពីរោងចក្រប្រព្រឹត្តកម្មទឹកស្អាត «ជ្រាវ» ត្រូវបានសាងសង់រួចរាល់ ក្រោមឥណទានពីរដ្ឋាភិបាលជប៉ុន ប្រជាពលរដ្ឋនៅក្នុងក្រុងសៀមរាប និងតំបន់ជាយក្រុងជាង ២ម៉ឺន២ពាន់គ្រួសារ បានទទួលទឹកស្អាតប្រើប្រាស់ប្រកបដោយស្តង់ដារ និងសុវត្ថិភាព។ រោងចក្រប្រព្រឹត្តកម្មទឹកស្អាត «ជ្រាវ» មានសមត្ថភាព ផលិតទឹកស្អាតប្រើប្រាស់បានប្រមាណ ៦ម៉ឺនម៉ែត្រគីប នៅក្នុងមួយថ្ងៃ។ក្នុងដំណើរទស្សនកិច្ចស្វែងយល់ គម្រោងផលិតទឹកស្អាតជ្រាវ ក្នុងខេត្តសៀមរាប នៅថ្ងៃទី០៤ ខែតុលា ឯកឧត្តម ចាន់ សេងឡា អគ្គនាយករដ្ឋាករទឹកស្វយ័តសៀមរាប បានឲ្យដឹងថា រោងចក្រប្រព្រឹត្តកម្មទឹកស្អាត «ជ្រាវ» បាននឹងកំពុងផ្គត់ផ្គង់ទឹកស្អាតប្រកបដោយ ស្តង់ដារខ្ពស់សម្រាប់ប្រជាពលរដ្ឋ ដើម្បីបំពេញតម្រូវការរបស់ប្រជាពលរដ្ឋ ជាង ២០ម៉ឺននាក់ នៅក្នុងទីក្រុងសៀមរាប ដូចជានៅតំបន់អភិវឌ្ឍរុនតាឯក និងតំបន់អភិវឌ្ឍពាក់ស្នែង ។ ឯកឧត្តម ចាន់ សេងឡា បន្តថា បច្ចុប្បន្ន រដ្ឋាករទឹកស្វយ័តសៀមរាប បានបង្កើនការផលិតពី ៣ម៉ឺនម៉ែត្រគុប ដល់៩ម៉ឺនមែត្រគុប ក្នុងមួយថ្ងៃ ជាមួយនឹងការតបណ្តាញប្រព័ន្ធបង្ហូរទឹក ពី ២៤០គីឡូម៉ែត្រ ដល់ទៅ ៥៣១គីឡូម៉ែត្រ ដោយគ្របដណ្តប់តំបន់កើនឡើងពី៣៥ ភាគរយ ដល់ ៥៩ភាគរយ…

(កំពង់ស្ពឺ)៖ ឯកឧត្ដម វ៉ី សំណាង អភិបាលខេត្តកំពង់ស្ពឺ បានប្រាប់ពលរដ្ឋឱ្យនាំគ្នាដាំពោតក្រហម ខណៈក្រុមហ៊ុនផលិតចំណីសត្វស៊ីភី(CPF)ប្រមូលទិញប្រម៉ាណ ៥០ម៉ឺនតោនក្នុងមួយឆ្នាំ ។ ឯកឧត្ដមអភិបាលខេត្តលើកឡើងនេះគ្រាដែលដឹកនាំមន្ទីរជំនាញពាក់ពន្ធ័ និងអាជ្ញាធរស្រុកចុះពិនិត្យការប្រមូលផលពោតក្រហមរបស់ក្រុមហ៊ុន យេឡូហ្វៀល ស្ថិតក្នុងឃុំតាសាល ស្រុកឱរ៉ាល់ ខេត្តកំពង់ស្ពឺ នាថ្ងៃទី៤ ខែតុលា ឆ្នាំ២០២៣។ ឯកឧត្ដម វ៉ី សំណាង បានលើកឡើងថា ពលរដ្ឋទាំងអស់មិនគួរទុកដីឱ្យទំនេរចោលទេ គួរនាំគ្នាដាំដុះដំណាំគ្រប់ប្រភេទដើម្បីទាញយកប្រាក់ចំណូលបន្ថែមផ្គត់ផ្គង់គ្រួសារ ។ មួយវិញទៀតដំណាំពោតក្រហមកំពុងមានទីផ្សារល្អ មួយតោនអាចលក់បានតំលៃជាមធ្យម ៨០ម៉ឺនរៀល ឬអាចលើសពីនេះ។ ហើយអ្វីដែលធ្វើឱ្យកសិករអ្នកផលិតកាន់តែមានទំនុកចិត្តនោះគឺមានក្រុមហ៊ុននៅចាំទទួលទិញដោយមិនឱ្យអ្នកផលិតពិបាករកទីផ្សារនោះទេ។ ជាមួយនោះដែរអភិបាលខេត្តកំពង់ស្ពឺ បានប្រាប់ក្រុមហ៊ុនស៊ីភី ដែលទទួលទិញកសិផលពីកសិករ សូមរក្សាតំលៃ ពេលពួកគាត់ធ្វើបាន។ ប្រការនេះគឺដើម្បីជួយលើកទឹកចិត្តដល់អ្នកដាំ អ្នកផលិតឱ្យពួកគាត់ខិតខំបន្ត និយាយរួមអាចផលិតផ្គត់ផ្គង់តម្រូវការក្រុមហ៊ុន។ ហើយក្នុងនោះក្រុមហ៊ុនត្រូវងាកទៅប្រើប្រាស់ត្រូនកសិកម្មវិញ ដើម្បីបាញ់ថ្នាំសម្លាប់សត្វល្អិតចង្រៃជំនួសការប្រើមនុស្សដែលនាំឱ្យប៉ះពាល់ដល់សុខភាព។ លោក កៅ តុលា ប្រធានបច្ចេកទេសដាំរបស់ក្រុមហ៊ុនស៊ីភី(CPF)បានឱ្យដឹងថា ក្រុមហ៊ុនបានធ្វើការដាំសាកល្បងលើផ្ទៃដី ៣០០ហិកតា លើការគ្រោងទុក ៣០០០ហិកតា ដោយដាំពោតក្រហមប្រភេទ៥០១ ។នៅក្នុងគម្រោងសាកល្បងនេះ ក្នុងមួយហិកតាទទួលផលបាន ៨តោនទៅជិត ១០តោន គិតជាប្រាក់បានប្រមាណជិត ៧លានរៀល…

ភ្នំពេញ: ក្រសួងពាណិជ្ជកម្ម បានជំរុញឱ្យផលិតករ ឬអ្នកនាំចេញអនុវត្តតាមវិធានដើមកំណើតទំនិញ របស់ចក្រភពអង់គ្លេសដើម្បីទទួលបានការអនុគ្រោះពន្ធ ក្រោមប្រព័ន្ធអនុគ្រោះពន្ធថ្មី UK’s Developing Countries Trading Scheme (DCTS) ទៅ ទីផ្សារអង់គ្លេស។ តាមសេចក្តីជូនដំណឹងរបស់ក្រសួងពាណិជ្ជកម្ម ដែលបានចេញផ្សាយកាលពីល្ងាចថ្ងៃទី ៣ ខែតុលា ឆ្នាំ២០២៣ បានឱ្យដឹ ងថា រដ្ឋាភិបាលនៃចក្រភពអង់គ្លេសបានប្រកាសអំពីការផ្តល់នូវប្រព័ន្ធអនុគ្រោះពន្ធថ្មី UK’s Developing Countries Trading Scheme (DCTS) ជំនួស UK’s Generalized Scheme of Preference (GSP) ក្នុងគោលបំណងគាំទ្រដល់កំណើនសេដ្ឋកិច្ចប្រកបដោយ ចីរភាពក្នុងបណ្ដាប្រទេសកំពុងអភិវឌ្ឍ រួមទាំងប្រទេសអភិវឌ្ឍតិចតួចក្នុងនោះក៏មានប្រទេសកម្ពុជាផងដែរ។ ក្រសួងបញ្ជាក់ថា បន្ថែមលើអត្រាពន្ធសូន្យ និងមិនកម្រិតបរិមាណ (duty-free & quota-free) ដែលប្រទេសអភិវឌ្ឍតិចតួ ច រួមទាំងប្រទេសកម្ពុជាធ្លាប់ទទួលបាន, ប្រព័ន្ធអនុគ្រោះពន្ធថ្មីនេះ (DCTS) នឹងផ្ដល់ភាពងាយស្រួលបន្ថែមទៀត តា ម រយៈការធ្វើសេរីភាវូបនីយកម្មវិធានដើមកំណើតទំនិញ និងការធ្វើសាមញ្ញកម្មលើលក្ខខណ្ឌតម្រូវ។ប្រភពដដែលបន្តថា ក្នុងនោះបានអ…

(ភ្នំពេញ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី០២ ខែតុលា ឆ្នាំ២០២៣ បានទទួលជួបជាមួយ ឯកឧត្តម Datuk Eldeen Husaini Mohd Hashim ឯកអគ្គរដ្ឋរាជទូតម៉ាឡេស៊ីប្រចាំ កម្ពុជា នៅទីស្តីការក្រសួងកសិកម្ម ។ នៅក្នុងជំនួបនេះ ឯកឧត្តមរដ្ឋមន្ដ្រី បានលើកឡើងពីកិច្ចសហប្រតិបត្តិការនៅក្នុងវិស័យកសិកម្មរវាងប្រទេសទាំងពីរ តាមរយៈអនុសារណៈនៃការយោគយល់គ្នា (MOU) ដែលបានចុះហត្ថលេខាតាំងពីឆ្នាំ២០១៦មក។ ទាក់ទងនឹង MOU នេះ ឯកអគ្គរដ្ឋរាជទូតម៉ាឡេស៊ី បានបង្ហាញពីបំណងជំរុញការអនុវត្ត MOU នេះឱ្យមានប្រសិទ្ធភាពខ្ពស់ ដើម្បីផ្ដល់ជាប្រយោជន៍សម្រាប់ប្រទេសទាំងពីរ ។ ក្នុងពាណិជ្ជកម្មកសិកម្ម ឯកឧត្តមរដ្ឋមន្ដ្រី ឌិត ទីណា បានសម្ដែងការស្វាគមន៍ចំពោះភាគីម៉ាឡេស៊ី ដែលចង់បញ្ជាទិញអង្ករពីកម្ពុជា ជាពិសេសប្រភេទអង្ករស និងប្រភេទអង្ករក្រអូប។ មិនត្រឹមតែប៉ុណ្ណោះ ភាគីទាំងពីរបានព្រមព្រៀងគ្នាជាគោលការណ៍ ក្នុងការបើកផ្លូវដល់វិនិយោគិនម៉ាឡេស៊ី ដែលមានបំណងចង់មកវិនិយោគលើដំណាំស្វាយ ម្នាស់ និងអំពៅ នៅកម្ពុជា ។ ចំពោះការវិនិយោគនេះទៀតសោត ឯកឧត្តមរដ្ឋមន្ដ្រីលើកទឹកចិត្តដល់វិនិយោគិនម៉ាឡេស៊ី បាញ់ឆ្ពោះទៅកាន់ខ្សែច្រវាក់ផលិតកម្ម…