វិស័យសហគ្រាសធុនតូច និងមធ្យម(SMEs)ក្នុងប្រទេសកម្ពុជានៅឆ្នាំ2021នេះនឹងមានឱកាសទទួលបានការអភិវឌ្ឍ និងទុនសម្រាប់ពង្រឹងអាជីវកម្មរបស់ខ្លួនបន្ទាប់ពីធនាគារដ៏ធំចំនួន2បានត្រៀមកញ្ចប់មូលនិធិរាប់រយលានដុល្លារសម្រាប់ជួយដល់ពួកគេ។ លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា ភីអិលស៊ី បានមានប្រសាសន៍ថានៅក្នុងឆ្នាំ2021នេះ ធនាគារអេស៊ីលីដា បានត្រៀមមូលនិធិជិត600លានដុល្លារអាមេរិក សម្រាប់យកទៅគាំទ្រ លើវិស័យសហគ្រាសធុនតូច និងមធ្យម (SMEs) ក្នុងប្រទេសកម្ពុជា។ លោកបណ្ឌិតបានបន្តដឹងថា អេស៊ីលីដា បានចូលរួមចំណែកធំក្នុងវិស័យ SMEរបស់រាជរដ្ឋាភិបាល ព្រោះអេស៊ីលីដាយល់ឃើញថា វិធានការរបស់រាជរដ្ឋាភិបាលមានភាពត្រឹមត្រូវក្នុងការជួយឲ្យ SMEs បានប្រើប្រាស់នូវមូលនិធិដែលមានតម្លៃសមរម្យ។ លោកបណ្ឌិត អ៊ិន ចាន់នី បានលើកឡើងថា៖ « ប្រទេសដែលមានការអភិវឌ្ឍហើយ ឬក៏កំពុងអភិវឌ្ឍន៍ វិស័យ SMEs គឺជាគ្រឿងមាស៊ីន ដើម្បីជំរុញការលូតលាស់ ព្រោះកាលណា មាន SME កាន់តែច្រើន SME ខ្លួនឯងផ្ទាល់ នឹងផ្ដល់ឱកាសការងារកាន់តែច្រើន។ SMEs អាចទ្រទ្រង់ខ្លួនឯងបាន ព្រោះមូល និធិចំណូល ជំរុញចូលទៅក្នុងផលទុនជាតិ និងបំពេញកាតព្វកិច្ចពន្ធ ដូចសហគ្រាសដទៃ ដែលចូលរួមកំណើនសេដ្ឋកិច្ច ជាតិសម្រាប់ឱ្យជាតិយកទៅប្រើប្រាស់ក្នុងគោលដៅ អភិវឌ្ឍន៍ផ្សេងៗ។ បើ SMEs មានសុខភាពល្អ…

ផលប៉ះពាល់ផ្នែកសេដ្ឋកិច្ចនៃជំងឺ Covid-19 លើតំបន់ដែលមានប្រជាជនច្រើនបំផុតនៅលើពិភពលោក កំពុងគំរាមកំហែងដល់ការទទួលបានអាហារូបត្ថម្ភល្អសម្រាប់ប្រជាជនជិត2 ពាន់លាននាក់នៅអាស៊ី និងប៉ាស៊ីហ្វិករួមទាំងប្រទេសកម្ពុជាផងដែរ។ នេះបើតាមរបាយការណ៍របស់អង្គការធំ4នៃអង្គការសហប្រជាជាតិ។ ការសន្និដ្ឋាននៃរបាយការណ៍នេះត្រូវបានចេញផ្សាយដោយអង្គការយូនីសេហ្វ UNICEF អង្គការស្បៀងអាហារ និងកសិកម្មនៃអង្គការសហប្រជាជាតិ the Food and Agriculture Organisation of the United Nations កម្មវិធីស្បៀងអាហារពិភពលោក World Food Programme និងអង្គការសុខភាពពិភពលោក World Health Organisation។ របាយការណ៍បានរកឃើញថា ប្រជាជនចំនួន 1.9 កោដិនាក់មិនមានលទ្ធភាពគ្រប់គ្រាន់ក្នុងការទទួលបានរបបអាហារដែលមានសុខភាពល្អមុនពេលការរីករាលដាលនៃជំងឺ Covid-19 ដែលជាស្ថានភាពមួយកាន់តែអាក្រក់ទៅ ៗ ដោយសារការខូចខាតដែលរាតត្បាតដោយជំងឺ។ តម្លៃស្បៀងអាហារបានកើនឡើងចាប់ពីដើមឆ្នាំ2020 ជាពិសេសចំពោះសាច់ ស៊ុត និងត្រី ក៏ដូចជាបន្លែស្រស់ៗនៅទីផ្សារតាមបណ្តាខេត្តផងដែរ។ ទោះបីជាតម្លៃឡើងថ្លៃក៏ ដោយក៏គ្រួសារជាច្រើនបានកាត់បន្ថយការទទួលទានអាហារ និងភាពចម្រុះនៃរបបអាហារនៅក្នុងប្រភេទអាហារសំខាន់ៗដូចជាផលិតផលដែលសំបូរទៅដោយជាតិប្រូតេអ៊ីនវីតាមីន A និងជាតិដែក។ ផលប៉ះពាល់ទាំងនេះគឺជាការព្រួយបារម្ភបំផុតសម្រាប់សមាជិកគ្រួសារដែលងាយរងគ្រោះជាពិសេសស្ត្រីមានផ្ទៃពោះ និងកុមារ។ បញ្ហាបានកើនឡើងក្នុងរយៈពេលដែលត្រូវបានស្ទង់មតិ៖ នៅក្នុងខែសីហារបបអាហាររបស់ស្ត្រី 30% មិនបានឈានដល់ភាពចម្រុះអប្បបរមាទេ ប៉ុន្តែបញ្ហានេះបានកើនឡើងដល់ 50%គិតត្រឹមខែវិច្ឆិកា។គ្រួសារក៏បានប្រើយុទ្ធសាស្រ្តដោះស្រាយជីវភាពរស់នៅដែលមានលក្ខណៈរ៉ាឌីកាល់ច្រើនជាងមុនដូចជាកាត់បន្ថយការចំណាយចាំបាច់លើការអប់រំ និងសុខភាពការលក់ទ្រព្យសម្បត្តិដែលមានផលិតភាពនិងការបញ្ជូនសមាជិកគ្រួសារទៅខេត្តផ្សេងទៀតដើម្បីស្វែងរកការងារធ្វើ។…

បរទេស៖ក្រុមហ៊ុនផលិតរថយន្តយក្ស GM ក្រៅតែពីធ្លាប់បានបង្ហាញផែនការក្នុងការងាកមកចាប់ទីផ្សាររថយន្តអគ្គសនីឲ្យបានកាន់តែច្រើននៅពេលប៉ុន្មានឆ្នាំខាងមុខហើយនោះ មកដល់ពេលនេះក្រុមហ៊ុនទើបតែបានបញ្ជាក់ថាក៏នឹងត្រៀមបញ្ចប់ទៅការផលិតរថយន្តដែលប្រើប្រាស់ថាមពលឥន្ធនៈទាំងអស់ផងដែរ។ ថ្លែងទៅកាន់ក្រុមអ្នកយកព័ត៌មានរបស់ CNBC ក្រុមហ៊ុនផលិតរថយន្តរបស់អាមេរិកមួយនេះបានបង្ហាញពីមហិច្ឆិតាដ៏ធំមួយរបស់ខ្លួនឲ្យបានត្រឹមឆ្នាំ2035 រថយន្តទាំងអស់របស់ខ្លួនគឺសុទ្ធតែជារថយន្តដែលដើរដោយថាមពលអគ្គិសនីជំនួសវិញ។ ការសម្រេចចិត្តនេះគឺជាផ្នែកមួយនៃផែនការដ៏ធំរបស់ខ្លួនក្នុងការក្លាយខ្លួនទៅជាក្រុមហ៊ុនដែលមិនបញ្ចេញឧស្ម័ន កាបូន ត្រឹមឆ្នាំ2040 ស្ថិតនៅក្រោមការប្តេជ្ញាចិត្តរបស់សកលលោកក្នុងការងាកទៅប្រើប្រាស់ថាមពលកើតឡើងវិញ 100 ភាគរយឲ្យបានក្នុងឆ្នាំ2035 និងការប្តេជ្ញាចិត្តរបស់អាមេរិកធ្វើឲ្យបានក្នុងឆ្នាំ2030 ។ សេចក្តីប្រកាសនេះផងដែរក៏ត្រូវបានគេមើលឃើញថាបានធ្វើឡើងនៅក្រោយការដាក់តាំងបង្ហាញរថយន្តអគ្គិសនីរបស់ខ្លួនជាច្រើនម៉ូដេល ដូចជា Hummer EV, Chevy Bolts និង Cadillac Celestiq ជាដើមខណៈដែល GM មកដល់ពេលនេះបានដាក់គោលដៅក្នុងការផលិតឲ្យបានរថយន្តអគ្គិសនីម៉ូដេលថ្មីសរុបឲ្យបាន 30 ប្រភេទឲ្យបានក្នុងឆ្នាំ 2025ហើយក្នុងនោះម៉ូដេល Cadillacs ទាំងអស់នឹងក្លាយជារថយន្តអគ្គិសនីទាំងអស់ឲ្យបាននៅក្នុងឆ្នាំ 2030។ កន្លងមក GM ធ្លាប់បានបង្ហាញពីការគាំទ្រដល់ការអភិវឌ្ឍ និងផលិតរថយន្តអគ្គិសនីផងដែរ ប៉ុន្តែស្ថិតនៅក្រោមរដ្ឋបាលរបស់លោក Donald Trump អាមេរិកហាក់ដូចជាមិនមានសកម្មភាពខ្លាំងក្លាឡើយក្នុងការចាប់ផ្តើម។ ប៉ុន្តែពេលនេះ ការប្រកាសរបស់ GM គឺត្រូវបានធ្វើឡើងក្នុងរយៈពេលតែ 1 ថ្ងៃប៉ុណ្ណោះក្រោយពេលដែលប្រធានាធិបតីថ្មីលោក Joe Biden បានស្បថចូលកាន់តំណែង ខណៈដែលក្រុមហ៊ុនធំៗផ្សេងទៀតដូចជា Ford និង Fiatគឺនៅតែមិនទាន់បានចាប់ផ្តើមការងារនេះនៅឡើយទេ៕

បរទេស ៖ ទោះបីជាលោក Donald Trump បានចាកចេញពីតំណែងទៅហើយក្តី ប៉ុន្តែ 4 ឆ្នាំកន្លងមកនេះលោកពិតជាបានជួយដល់អាមេរិកមិនតិចនោះទេ ជាពិសេសមហាសេដ្ឋីពាន់លានទាំង 10នាក់ដូចមានរាយឈ្មោះនៅខាងក្រោមនេះ។ ពួកគេមានទ្រព្យសម្បតិ្តបញ្ចូលគ្នាសរុបដល់ទៅប្រមាណ 2.9 ទ្រីលានដុល្លារនៅមុនពេលដែលលោក Trump ឡើងកាន់តំណែងនៅក្នុងឆ្នាំ 2016 ហើយមកដល់បច្ចុប្បន្នត្រូវបាន Forbes ជឿជាក់ថាទ្រព្យសម្បតិ្តរបស់ពួកគេទាំង 10 នាក់នេះបានកើនឡើងដល់ទៅ 1 ទ្រីលានដុល្លារដែលភាគច្រើនគឺបានមកពីទីផ្សារភាគហ៊ុន មានសន្ទុះកើនឡើងដល់ទៅ 60 ភាគរយក្នុងរយៈពេលសរុប 4 ឆ្នាំ។ មហាសេដ្ឋីទាំង 10 ដែលត្រូវបាន Forbes ចេញផ្សាយថាគឺជាអ្នកដែលអាចប្រមូលបានទ្រព្យសម្បត្តិច្រើនបំផុតក្នុងរយៈពេល4 ឆ្នាំនេះ រួមមាន ៖ 10.លោក Larry Ellison មានទ្រព្យសរុបមុនឆ្នាំ 2016 ប្រមាណជា 79 ពាន់លានដុល្លារ។លោកកើនទ្រព្យសម្បត្តិបានច្រើនជាង 30 ពាន់លានដុល្លារក្នុងរយៈពេល 4 ឆ្នាំនេះ។ 9.លោក Rob Walton មានទ្រព្យសរុបមុនឆ្នាំ 2016 ប្រមាណជា…

បរទេស៖ យោងតាមការប្រកាសរបស់អជ្ញាធរក្រុមប្រឹក្សាជាតិទទួលបន្ទុកកិច្ចការងារទេសចរណ៍របស់ថៃឬ TCT នៅសប្តាហ៍នេះបានធ្វើបញ្ជាក់ថាការស្ទាបស្ទង់មួយរបស់ខ្លួនរកឃើញថាពលរដ្ឋក្នុងស្រុកព្រមទាំងក្រុមប្រតិបត្តិករទេសចរណ៍ក្នុងស្រុកគឺមានបំណងចង់ឲ្យរដ្ឋាភិបាលបើកច្រកព្រំដែនអន្តរជាតិរបស់ខ្លួនឡើងវិញដោយមានការដាក់ឲ្យធ្វើចត្តាឡីស័ករយៈពេល 14 ថ្ងៃគឺជាកាតព្វកិច្ចផង។ ប្រធាន TCT លោក Chamnan Srisawat បាននិយាយថា ការស្ទាបស្ទង់ដែលធ្វើឡើងដោយ TCT ផ្ទាល់មើលឃើញថាពលរដ្ឋក្នុងស្រុកប្រមាណជា 60 ភាគរយ និងប្រតិបត្តិករទេសចរណ៍ប្រមាណជា 50 ភាគបានព្រមព្រៀងទៅលើផែនការមួយនេះប៉ុន្តែការធ្វើចត្តាឡីស័ក 14 ថ្ងៃគឺនៅតែជារឿងដែលសំខាន់បំផុតមិនអាចខ្វះបានឡើយ។ ដោយឡែកប្រតិបត្តិករទេសចរណ៍ប្រមាណជា 53 ភាគរយទៀតបានយល់ព្រមក្នុងការស្វាគមន៍ភ្ញៀវទេសចរឯករាជ្យមកពីបណ្តាប្រទេសដែលមានហានិភ័យទាបផងដែរដោយរំពឹងទុកថាពួកគេគួរតែត្រូវបានដាក់ឲ្យធ្វើចត្តាឡីស័កត្រឹមតែ 10 ទៅ 14 ថ្ងៃប៉ុណ្ណោះ ប៉ុន្តែទោះជាយ៉ាងណាក្តីប្រតិបត្តិករទេសចរណ៍ចង់ឲ្យពួកគេទិញយកកញ្ចប់ទេសចរណ៍ VIP ដែលនឹងធ្វើដំណើរស្ថិតនៅក្រោមការគ្រប់គ្រងយ៉ាងយកជិតទុកដាក់បានត្រឹមតែរយៈពេល 7 ទៅ 10 ថ្ងៃប៉ុណ្ណោះ។ គួរឲ្យដឹងដែរថាការស្ទាបស្ទង់របស់ TCT បានធ្វើឡើងតាំងតែពីថ្ងៃទី11 ខែវិច្ឆិកាដល់ថ្ងៃទី 10 ខែធ្នូទៅលើប្រតិបត្តិករទេសចរណ៍ថៃប្រមាណជា 785 កន្លែង និងទៅលើពលរដ្ឋថៃចំនួន 1,444 នាក់។ ក្នុងគ្រាដែលបុណ្យសាសនាជាច្រើននឹងឈានចូលមកដល់នាពេលខាងមុខដូចជាចូលឆ្នាំចិននៅថ្ងៃទី 12 ខែកុម្ភៈ និងបុណ្យឈប់សម្រាកផ្សេងទៀតដូចជាថ្ងៃបុណ្យនៃសេចក្តីស្រលាញ់ព្រមទាំងមាឃបូជាផងដែលសុទ្ធតែជាបុណ្យដែលថៃធ្លាប់ទទួលបានភ្ញៀវទេសចរណ៍ធ្វើដំណើរកំសាន្តខ្លាំងជារៀងរាល់ឆ្នាំនោះព្រឹត្តិការណ៍ទាំងនេះត្រូវបានគេព្យាករណ៍ថានឹងធ្លាក់ចុះទេសចរដល់ទៅ 61 ភាគរយនៅក្នុងឆ្នាំនេះ៕

ដោយសារជួបនូវវិបត្តិជំងឺកូវីដ-19 កម្ពុជាទទួលបានភ្ញៀវទេសចរអន្តរជាតិតែ 1.31 លាននាក់ប៉ុណ្ណោះ មានការថយចុះប្រមាណ80ភាគរយ និងទទួលបានភ្ញៀវទេសចរផ្ទៃក្នុងប្រមាណ9 លាននាក់ ថយចុះ 20ភាគរយ បើធៀបនឹងឆ្នាំ2019 កន្លងទៅ។ នេះបើតាមការឱ្យដឹងពីរដ្ឋមន្ត្រីក្រសួងទេសចរណ៍។ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍បានមានប្រសាសន៍ថា ទោះស្ថិតក្នុងបរិការណ៍ប្រឈមខាងលើ ដែលធ្វើឱ្យកម្ពុជាទទួលបានភ្ញៀវទេសចរអន្តរជាតិត្រឹមតែប្រមាណ 1.31 លាននាក់ប៉ុន្តែសកម្មភាពទេសចរណ៍ផ្ទៃក្នុងបានបង្ហាញសញ្ញានៃការងើបឡើង ដែលអាចទទួលបានភ្ញៀវទេសចរផ្ទៃក្នុងចំនួនប្រមាណ9 លាននាក់ គឺមានការថយចុះ20ភាគរយប៉ុណ្ណោះ។ ទោះជាយ៉ាងណា និន្នាការនេះបានជួយទ្រទ្រង់វិស័យទេសចរណ៍កម្ពុជាមួយផ្នែក ពិសេសបានជួយឱ្យមូលដ្ឋានអាជីវកម្មទេសចរណ៍មួយចំនួនបើកដំណើរការឡើងវិញ ស្របតាមវិធានសុវត្ថិភាពទេសចរណ៍ និងបានបង្កើតប្រាក់ចំណូលដោយផ្ទាល់ជូនប្រជាពលរដ្ឋមូលដ្ឋានផងដែរ។ ឯកឧត្តម ថោង ខុន ក៏បានលើកឡើងថា កម្ពុជាសម្បូរទៅដោយសក្តានុពលធម្មជាតិ និងអេកូទេសចរណ៍នៅទូទាំងប្រទេស រាប់ចាប់ពីតំបន់ឆ្នេរសមុទ្រដែលជាសមាជិក «ក្លិបឆ្នេរសមុទ្រដែលស្អាតបំផុតលើសាកលលោក» តំបន់ជួរភ្នំក្រវាញ រួមបញ្ចូលទាំងតំបន់អារ៉ែង តំបន់បឹងទន្លេសាប និងតំបន់ភូមិភាគឦសានដែលមានសត្វផ្សោតដ៏កម្រជាដើម។ ក្នុងន័យនេះ ការអភិវឌ្ឍជាសហគមន៍ទេសចរណ៍ និងអេកូទេសចរណ៍ ពិតជាបានរួមចំណែកសំខាន់ក្នុងការអភិវឌ្ឍនៅតាមមូលដ្ឋាន ជាពិសេសជំរុញការចូលរួមរបស់ប្រជាពលរដ្ឋក្នុងដំណើរការនៃការអភិវឌ្ឍប្រទេសជាតិ តាមរយៈការផ្តល់សិទ្ធិអំណាចជូនពួកគាត់ក្នុងការរៀបចំចាត់ចែង និងអភិវឌ្ឍន៍សហគមន៍របស់ខ្លួនដោយផ្ទាល់ (Local Empowerment)។ ចលនាទេសចរណ៍ផ្ទៃក្នុងទៅកាន់តំបន់អេកូទេសចរណ៍ សហគមន៍ទេសចរណ៍ និងតំបន់ទេសចរណ៍ផ្សងព្រេងក្នុងដំណាក់កាលវិបត្តិជំងឺកូវីដ-19 កាន់តែមានសន្ទុះកើនឡើងខ្លាំង បង្កើតបានជាប្រាក់ចំណូលដោយផ្ទាល់ជូនប្រជាពលរដ្ឋក្នុងសហគមន៍ និងបានធ្វើឲ្យវិស័យអេកូទេសចរណ៍…