ដោយសារជួបនូវវិបត្តិជំងឺកូវីដ-19 កម្ពុជាទទួលបានភ្ញៀវទេសចរអន្តរជាតិតែ 1.31 លាននាក់ប៉ុណ្ណោះ មានការថយចុះប្រមាណ80ភាគរយ និងទទួលបានភ្ញៀវទេសចរផ្ទៃក្នុងប្រមាណ9 លាននាក់ ថយចុះ 20ភាគរយ បើធៀបនឹងឆ្នាំ2019 កន្លងទៅ។ នេះបើតាមការឱ្យដឹងពីរដ្ឋមន្ត្រីក្រសួងទេសចរណ៍។ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍បានមានប្រសាសន៍ថា ទោះស្ថិតក្នុងបរិការណ៍ប្រឈមខាងលើ ដែលធ្វើឱ្យកម្ពុជាទទួលបានភ្ញៀវទេសចរអន្តរជាតិត្រឹមតែប្រមាណ 1.31 លាននាក់ប៉ុន្តែសកម្មភាពទេសចរណ៍ផ្ទៃក្នុងបានបង្ហាញសញ្ញានៃការងើបឡើង ដែលអាចទទួលបានភ្ញៀវទេសចរផ្ទៃក្នុងចំនួនប្រមាណ9 លាននាក់ គឺមានការថយចុះ20ភាគរយប៉ុណ្ណោះ។ ទោះជាយ៉ាងណា និន្នាការនេះបានជួយទ្រទ្រង់វិស័យទេសចរណ៍កម្ពុជាមួយផ្នែក ពិសេសបានជួយឱ្យមូលដ្ឋានអាជីវកម្មទេសចរណ៍មួយចំនួនបើកដំណើរការឡើងវិញ ស្របតាមវិធានសុវត្ថិភាពទេសចរណ៍ និងបានបង្កើតប្រាក់ចំណូលដោយផ្ទាល់ជូនប្រជាពលរដ្ឋមូលដ្ឋានផងដែរ។ ឯកឧត្តម ថោង ខុន ក៏បានលើកឡើងថា កម្ពុជាសម្បូរទៅដោយសក្តានុពលធម្មជាតិ និងអេកូទេសចរណ៍នៅទូទាំងប្រទេស រាប់ចាប់ពីតំបន់ឆ្នេរសមុទ្រដែលជាសមាជិក «ក្លិបឆ្នេរសមុទ្រដែលស្អាតបំផុតលើសាកលលោក» តំបន់ជួរភ្នំក្រវាញ រួមបញ្ចូលទាំងតំបន់អារ៉ែង តំបន់បឹងទន្លេសាប និងតំបន់ភូមិភាគឦសានដែលមានសត្វផ្សោតដ៏កម្រជាដើម។ ក្នុងន័យនេះ ការអភិវឌ្ឍជាសហគមន៍ទេសចរណ៍ និងអេកូទេសចរណ៍ ពិតជាបានរួមចំណែកសំខាន់ក្នុងការអភិវឌ្ឍនៅតាមមូលដ្ឋាន ជាពិសេសជំរុញការចូលរួមរបស់ប្រជាពលរដ្ឋក្នុងដំណើរការនៃការអភិវឌ្ឍប្រទេសជាតិ តាមរយៈការផ្តល់សិទ្ធិអំណាចជូនពួកគាត់ក្នុងការរៀបចំចាត់ចែង និងអភិវឌ្ឍន៍សហគមន៍របស់ខ្លួនដោយផ្ទាល់ (Local Empowerment)។ ចលនាទេសចរណ៍ផ្ទៃក្នុងទៅកាន់តំបន់អេកូទេសចរណ៍ សហគមន៍ទេសចរណ៍ និងតំបន់ទេសចរណ៍ផ្សងព្រេងក្នុងដំណាក់កាលវិបត្តិជំងឺកូវីដ-19 កាន់តែមានសន្ទុះកើនឡើងខ្លាំង បង្កើតបានជាប្រាក់ចំណូលដោយផ្ទាល់ជូនប្រជាពលរដ្ឋក្នុងសហគមន៍ និងបានធ្វើឲ្យវិស័យអេកូទេសចរណ៍…

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានថ្លែងថា រាជរដ្ឋាភិបាលបានចាត់ទុកវិស័យកសិកម្មជាវិស័យអាទិភាពមួយនាគ្រប់កាលៈទេសៈ ហើយវិស័យទេសចរណ៍គឺជាមាសបៃតងដែលមានការរីកចម្រើនយ៉ាងខ្លាំង និងប្រកបដោយសក្តានុពល ដែលវេទិកានេះ ពិតជាបានឆ្លើយតបយ៉ាងសមស្របទៅនឹងចក្ខុវិស័យរបស់រាជរដ្ឋាភិបាលលើការប្តេជ្ញាចិត្តក្នុងការបន្តអភិវឌ្ឍវិស័យទេសចរណ៍កម្ពុជាថាជា« ទេសចរណ៍វប្បធម៌ និងធម្មជាតិ» និងជា ពិសេសគោលនយោបាយជាតិ អេកូទេសចរណ៍ 2019-2030។ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានថ្លែងថា ស្ថិតក្នុងស្ថានភាពនៃការរីករាលដាលជាសកលជំងឺកូវីដ-19សម្រាប់វិស័យកសិកម្មយើងត្រូវចូលរួមគាំទ្រ និងជំរុញដើម្បីប្រែក្លាយកសិកម្មកម្ពុជាទៅជាកសិកម្មទំនើប មានលក្ខណៈប្រកួតប្រជែង បរិយាប័ន្ន ធន់នឹងការប្រែប្រួលអាកាសធាតុ និងនិរន្តរភាពដើម្បីបង្កើនប្រាក់ចំណូលគ្រួសារលុបបំបាត់ភាពអត់ឃ្លាន សម្រេចបានសន្តិសុខស្បៀងធើ្វឱ្យប្រសើរឡើងអាហារូបត្ថម្ភ និងជំរុញការអភិវឌ្ឍកសិកម្មប្រកបដោយនិរន្តរភាព ។ ឆ្លើយតបទៅនឹងគោលដៅអភិវឌ្ឍន៍ដោយចីរភាពតាមអភិក្រម និងវិសាលភាពថ្មីលើកកម្ពស់ពិពិធភាវូបនីយកម្មដំណាំដែលមានសក្តានុពល និងមានតម្រូវការទីផ្សាររួមទាំងការចិញ្ចឹមសត្វ និងវារីវប្បកម្មជាលក្ខណៈពាណិជ្ជកម្ម ដែលយើងទាំងអស់គ្នាត្រូវចូលរួមឱ្យបានសកម្មថែមទៀត។ ការអនុវត្តគោលនយោបាយពិពិធកម្មវិស័យទេសចរណ៍ដើម្បីកែប្រែជីវភាពរបស់បងប្អូនដែលប្រកបមុខរបរកសិកម្មឱ្យទៅជា “កសិ-ពាណិជ្ជករ” និងទទួលបានតម្លៃបន្ថែមក្នុងជីវភាពរស់នៅ ជាពិសេសធានាបាននូវអាហារូបត្ថម្ភ និងមានអតិរេកសម្រាប់ការនាំចេញ ដោយមិនត្រូវមើលរំលងអំពីការបង្កើនប្រសិទ្ធភាពគ្រប់គ្រង អភិវឌ្ឍធនធានព្រៃឈើ និងជលផល ដើម្បីនិរន្តរភាពនៃភពផែនដី ប្រកបដោយភាតរបរិស្ថាន និងភាពទាក់ទាញពីភ្ញៀវទេសចរផងដែរ។ ភ្ជាប់ទៅនឹងប្រធានបទនាថ្ងៃនេះដែរឯកឧត្តម ក៏បានជម្រាបជូនថា បច្ចុប្បន្នសហគមន៍នេសាទចំនួន 131 ក្នុងចំណោមសហគមន៍នេសាទទាំងអស់516 មានសក្តានុពលភាពអាចបង្កើតជាសហគមន៍ទេសចរណ៍ធម្មជាតិ ដើម្បីរួមចំណែកក្នុងការលើកកម្ពស់កម្រិតជីវភាពរស់នៅរបស់ប្រជាពលរដ្ឋនៅមូលដ្ឋានក្នុងគោលដៅជុំរុញកំណើនសេដ្ឋកិច្ចគ្រួសារ ក៏ដូចជាសេដ្ឋកិច្ចជាតិជាចម្បង។ជាក់ស្តែង…

បរទេស៖យោងតាមការចេញផ្សាយរបស់កាសែតចិនដេលី CNA នៅថ្ងៃព្រហស្បតិ៍នេះបានឲ្យដឹងថា ទីផ្សារការងាររបស់ប្រទេសសិង្ហបុរីបានបង្ហាញសញ្ញាកើនឡើងវិញជាថ្មីធៀបទៅនឹងតួលេខកាលពីត្រីមាសចុងក្រោយកាលពីឆ្នាំ2020 ហើយជឿជាក់ថាចំនួននៃអ្នកអត់ការងារធ្វើនៅក្នុងខែធ្នូកន្លងទៅនៅតែបន្តធ្លាក់ចុះ ជាពិសេសពលរដ្ឋក្នុងស្រុកកំពុងទទួលបានការងារវិញកាន់តែច្រើនឡើង។ យោងតាមការទិន្នន័យដែលត្រូវបានចេញផ្សាយដោយក្រសួងទទួលបន្ទុកកិច្ចការងារធនធានមនុស្សនៃប្រទេសបានបង្ហាញថា ចំនួននៃអ្នកអត់ការងារបានធ្លាក់ចុះក្នុងរយៈពេល 2 ខែចុងក្រោយបន្តបន្ទាប់គ្នាសរុបដោយនៅក្នុងខែធ្នូបានធ្លាក់ចុះមកត្រឹមតែ 3.2ភាគរយខណៈដែលតួលេខសម្រាប់ខែវិច្ឆិកាមាន 3.3 ភាគរយ។ ដោយឡែកតួលេខសម្រាប់តែពលរដ្ឋសិង្ហបុរីនិងពលរដ្ឋដែលរស់នៅអចិន្ត្រៃយ៍ដែលអត់ការងារធ្វើបានធ្លាក់ចុះមកត្រឹមតែ 4.4 ភាគរយធៀបទៅនឹងតួលេខកាលពីខែវិច្ឆិកា 4.6 ភាគរយ ហើយសម្រាប់អ្នកដែលចូលសញ្ជាតិវិញក៏ធ្លាក់ចុះពី 4.5 ភាគរយដែរសម្រាប់ខែធ្នូពី 4.7 ភាគរយកាលពីខែវិច្ឆិកា។ ទោះបីជាយ៉ាងណាក្តីតួលេខដដែលក៏បានបង្ហាញទៀតដែរថាអត្រាអ្នកអត់ការងារធ្វើជាមធ្យមសម្រាប់ឆ្នាំ2020 គឺមានចំនួនកើនឡើងធៀបទៅនឹងអត្រាកាលពីឆ្នាំ 2019 ពោលគឺពី 2.3 ភាគរយមកដល់ 3.0 ភាគរយប៉ុន្តែសម្រាប់ឆ្នាំ2020 នេះអត្រាអ្នកអត់ការងារធ្វើគឺមានកម្រិតអាក្រក់ដូចទៅនឹងអត្រាអ្នកអត់ការងារកាលពីសម័យជំងឺរាតត្បាតសារ SARS កាលពីឆ្នាំ2003 និងវិបត្តិហិរញ្ញវត្ថុកាលពីឆ្នាំ2009 នៅឡើយ៕

សូចនាករសេដ្ឋកិច្ចបានបង្ហាញថា សេដ្ឋកិច្ចកម្ពុជានៅឆ្នាំ2021ត្រូវបានព្យាករណ៍ថាអាចនឹងងើបឡើងវិញ ដោយរំពឹងសម្រេចបានកំណើនរង្វង់3.5ភាគរយ។ នេះបើតាមការលើកឡើងរបស់ឯកឧត្តម វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ ថ្លែងក្នុងវេទិកាសាធារណៈស្តីពី«ការគ្រប់គ្រងម៉ាក្រូសេដ្ឋកិច្ច និង ច្បាប់ថវិកាឆ្នាំ2021 ថ្ងៃទី27 ខែមករា ឆ្នាំ2021 ។ សូចនាករសេដ្ឋកិច្ចបានបង្ហាញទៀតថា ស្របពេលដែលផលិតផលក្នុងស្រុកសរុបសម្រាប់មនុស្សម្នាក់ត្រូវបានរំពឹងថា នឹងកើនឡើងដល់1,771ដុល្លារអាមេរិក បើប្រៀបធៀបនឹង 1,683ដុល្លារអាមេរិកក្នុងឆ្នាំ2020។ ចំណែកឯអត្រាប្តូរប្រាក់រៀលគឺនៅតែបន្តស្ថិតនៅក្នុងរង្វង់ 4,065រៀល ក្នុងមួយដុល្លារអាមេរិកក្នុងឆ្នាំ2021។ ឱនភាពគណនីចរន្តត្រូវបានព្យាករថា នឹងរួមតូចបន្តិចមកត្រឹម17.3ភាគរយនៃផលិតផលក្នុងស្រុកសរុបដោយសារការរំពឹងនៃការងើបឡើងវិញសន្សឹមៗនូវការនាំចេញ និង វិស័យទេសចរណ៍។ ទុនបម្រុងអន្តរជាតិសរុប ត្រូវបានរំពឹងថា នឹងកើនឡើងដល់ 16,981លានដុល្លារអាមេរិក។ ជាមួយគ្នានេះឯកឧត្តម វង្សី វិស្សុត បានឱ្យដឹងថា ក្នុងឆ្នាំ2020 កន្លងទៅនេះ រាជរដ្ឋាភិបាលកម្ពុជា ប្រមូលចំណូលក្នុងស្រុកបានប្រមាណ 5,700 លានដុល្លារអាមេរិក សម្រេចក្នុងផែនការបាន 88ភាគរយ បើទោះបីជាជួបវិបត្ដិសេដ្ឋកិច្ចយ៉ាងណាក្ដីក៏ដោយ ។ ឯកឧត្តមបញ្ជាក់ថា យើងបានចំណាយថវិកាអស់ប្រមាណ96ភាគរយនៃច្បាប់ យើងបានផ្លាស់ប្ដូរការចំណាយបានល្អតម្រង់ទិសទៅការទ្រទ្រង់ជីវភាពប្រជាជន សេដ្ឋកិច្ច ធុរកិច្ច និងការទប់ទល់ជំងឺកូវីដ-19 គឺយើងធ្វើបានល្អ។ អ្វីយើងគ្រោង 1,664…

បរទេស ៖ យោងតាមការចេញផ្សាយរបស់ the business insider នៅព្រឹកថ្ងៃព្រហស្បតិ៍នេះបានឲ្យដឹងថា ក្រុមហ៊ុនផលិតស្មាតហ្វូនដ៏ល្បីល្បាញ Apple បានបង្ហាញទិន្នន័យនៃការលក់បំបែកកំណត់ត្រារបស់ខ្លួននៅត្រឹមត្រីមាសទីដំបូងឆ្នាំ2021 នេះពោលគឺរហូតទៅដល់ 111.4 ពាន់លានដុល្លារ។ ម៉ូដេល iPhone 12 បច្ចេកវិទ្យា 5G លើកដំបូងគឺជាផលិតផលដែលបានជំរុញតួលេខលក់របស់ Apple ខ្លាំងបំផុតចាប់តាំងតែពីវាបានបង្ហាញវត្តមានដំបូងកាលពីខែតុលាគឺក្រោយមួយខែដែលជាធម្មតា Apple និយមដាក់បង្ហាញផលិតផលថ្មីរបស់ខ្លួនជារៀងរាល់ឆ្នាំ។ ប្រាក់ចំណេញ 111,4 ពាន់លានដុល្លារនេះមានទំហំលើសការរំពឹងទុករបស់អ្នកជំនាញដែលធ្លាប់បានព្យាករណ៍ថា Apple នឹងរកបានប្រមាណជា 103.3 ពាន់លានដុល្លារ។ បើនិយាយពីភាគហ៊ុនរបស់ Apple វិញនៅពេលនេះគឺមានប្រមាណជា 1.68 ដុល្លារក្នុងមួយហ៊ុនខណៈដែលនៅលើ Wall Street វាមានទំហប្រមាណជា 1.41 ដុល្លារក្នុងមួយហ៊ុន។ ក្នុងនោះ Apple រកបានប្រាក់ចំណេញពីការលក់បានស្មាតហ្វូនរហូតទៅដល់ 65.6 ពាន់លានដុល្លារធៀបទៅនឹងការព្យាករណ៍របស់អ្នកជំនាញត្រឹមតែ 60.33 ពាន់លានដុល្លារខណៈដែលប្រាក់ចំណេញនៃការលក់ស្មាតហ្វូនកាលពីឆ្នាំទៅក្នុងត្រីមាសទីមួយដូចគ្នាមានត្រឹមតែ 55.96 ពាន់លានដុល្លារ។ ប្រាក់ចំណេញដែលបានមកពីសេវាកម្មឬ Service Revenue មានចំនួន 15.76 ពាន់លានដុល្លារធៀបទៅនឹងការព្យាករណ៍របស់អ្នកជំនាញមានត្រឹមតែ…

បរទេស៖នៅសប្តាហ៍នេះក្រុមប្រឹក្សាជាតិថៃទទួលបន្ទុកកិច្ចការងារទេសចរណ៍ ឬ TCT បានប្រកាសអំពីបំណងក្នុងការបង្កើតកម្មវិធីជំនួយមួយសម្រាប់អ្នកធ្វើការនៅវិស័យទេសចរណ៍នៅក្នុងខែមីនាខាងមុខនេះដើម្បីអាចជួយដល់ពលរដ្ឋរបស់ខ្លួនដែលបានបន្តបាត់បង់ការងារនៅក្នុងវិស័យទេសចរណ៍និងជឿជាក់ថាអាចកើនឡើងទៅដល់ 2 លាននាក់។ លោក Chamnan Srisawat ប្រធាន TCT បានបញ្ជាក់ថាក្រុមប្រឹក្សានឹងចាប់ផ្តើមបង្កើតទិន្នន័យជាមូលដ្ឋានមួយដែលមិនត្រឹមតែអាចវិភាគគ្រប់គ្រង និងជួយស្វែងរកវិធីដោះស្រាយជាច្រើនជូនទៅដល់អ្នកធ្វើការនៅក្នងវិស័យទេសចរណ៍ដោយសារឥទ្ធិពលនៃវិបត្តិកូវីដនោះទេវានឹងអាចជួយការពារការកើនឡើងនៃការបាត់បង់ការងារនៅក្នុងវិស័យនេះបន្ថែមទៀតផងដែរ។ លោកបន្តថាបុគ្គលិកដែលមិនមានការងារធ្វើទាំងនោះត្រូវចុះឈ្មោះជាមួយនឹងកម្មវិធីនេះ ហើយទទួលយកការបណ្តុះបណ្តាលមួយចំនួនដូចជាការបង្កើនជំនាញថ្មីៗ និងអភិវឌ្ឍជំនាញឡើងវិញនៅក្នុងផ្នែកសំខាន់ដូចជា Online Marketing និងការប្រើប្រាស់ភាសាបរទេសជាដើមដោយក្នុងនោះពួកគេនឹងទទួលបានប្រាក់ចំណាយចាំបាច់ប្រចាំថ្ងៃពីគម្រោង។ ក្រៅពីនេះផងដែរពួកគេខ្លះក៏នឹងអាចមានឱកាសក្នុងការទទួលបានការងារពេញសិទ្ធិមួយចំនួនពីអាជីវកម្មផ្នែកទេសចរណ៍ដែលកំពុងមានតម្រូវការបុគ្គលិកដែលនេះនឹងធ្វើឲ្យអ្នកជំនាញទេសចរណ៍មិនចាំបាច់ផ្លាស់ប្តូរអាជីពរបស់គេទៅធ្វើការងារផ្សេងឡើយ។ លោក Srisawat បានពន្យល់ទៀតថារដ្ឋាភិបាលអាចមានលទ្ធភាពក្នុងការការពារការងារក្នុងវិស័យទេសចរណ៍ដោយអនុវត្តគម្រោងទូទាត់ប្រាក់ខែប្រចាំខែរហូតទៅដល់ 15,000 បាត ហើយក្នុងនោះរដ្ឋាភិបាលនឹងផ្តល់ប្រាក់ឧបត្ថម្ភនេះចំនួនពាក់កណ្តាល។ យោងតាមការធ្វើការស្រាវជ្រាវបុគ្គលិកធ្វើការផ្នែកទេសចរណ៍ប្រមាណជា 1.04 លាននាក់ដែលបានបាត់បង់ការងារកាលពីឆ្នាំទៅដោយឡែកក្រុមហ៊ុនទេសចរណ៍ប្រមាណជា 3 ភាគរយបានប្រកាសបិទអាជីវកម្មរបស់ខ្លួនបណ្តោះអាសន្ន និងប្រមាណជា 10 ភាគរយទៀតបានប្រកាសបិទអាជីវកម្មជាអចិន្ត្រៃយ៍ដែលមានន័យថា 85 ភាគរយនៅបន្តដំណើរការអាជីវកម្មប៉ុន្តែពាក់កណ្តាលបានកាត់ចំនួនបុគ្គលិកចន្លោះពី 30 ទៅ 40 ភាគរយ៕

ដោយសារតែការវិនិយោគលើគម្រោងហេដ្ឋារចនាសម្ព័ន្ឋរបស់រដ្ឋាភិបាល រួមគ្នាជាមួយវិស័យឯកជនជាតិ និងអន្តរជាតិ បានធ្វើឱ្យខេត្តមណ្ឌលគីរីក្លាយជាគោលដៅវិនិយោគ និងអភិវឌ្ឍបន្ថែមទៅលើវិស័យអចលនទ្រព្យបែបអេកូទេសចរណ៍ជាច្រើនគម្រោង។ ខេត្តមណ្ឌលគិរី ដែលមានចម្ងាយផ្លូវគោកជិត 500 គីឡូម៉ែត្រ ពីរាជធានីភ្នំពេញ លែងឯកោ និងឈានទៅរកការបញ្ចប់បញ្ហាលើការធ្វើដំណើរទៀតហើយ ដោយសាររដ្ឋាភិបាលបានអនុញ្ញាតឱ្យក្រុមហ៊ុនPowerchina Group វិនិយោគនៅក្នុងខេត្តនេះ រួមទាំងគម្រោងសាងសង់ព្រលានយន្តហោះថ្នាក់តំបន់ផងដែរ។ បច្ចុប្បន្នខេត្តមួយនេះកំពុងបង្ហាញនូវភាពទាក់ទាញ និងរីកចម្រើនជាបន្តបន្ទាប់ជាមួយនឹងការទទួលបានលំហូរទុនវិនិយោគពីវិនិយោគិនក្នុងស្រុក ដែលកាន់តែជំរុញឱ្យតម្រូវការនៃការប្រើប្រាស់ដី ក៏ដូចជាតម្លៃដីធ្លីមានការកើនឡើង ខណៈដែលរាជរដ្ឋាភិបាលកម្ពុជាក៏មានបំណងរៀបចំអភិវឌ្ឍន៍តំបន់មួយចំនួនក្នុងខេត្តឱ្យក្លាយជាតំបន់ឧស្សាហកម្មទេសចរណ៍ និងសេដ្ឋកិច្ចបែបពហុបំណងផងដែរ។ លោកស្រី ហ្ក្រែស រចនី ហ្វុង នាយិកាក្រុមហ៊ុន Century 21 Cambodia បានប្រាប់ AMSថា ក្រុមហ៊ុនលោកស្រីបានចាប់អារម្មណ៍ទៅលើការអភិវឌ្ឍនៃវិស័យទេសចរណ៍ គឺអេកូទេសចរណ៍ ដោយក្រុមហ៊ុនលោកស្រីបានរៀបចំចាប់ផ្ដើមធ្វើការងារទៅលើសំណង់អចលនទ្រព្យបែបអេកូទេសចរណ៍នៅក្នុងខេត្តមួយនេះ។ លោកស្រី ហ្ក្រែស រចនី ហ្វុងបានមានប្រសាសន៍ថា៖«ខេត្តមណ្ឌលគីរី បានក្លាយទៅជាគោលដៅរបស់ក្រុមហ៊ុន ដោយសារក្នុងស្ថានភាពកូវីដនេះ ប្រជាពលរដ្ឋមិនអាចធ្វើដំណើរទៅក្រៅប្រទេសបាន។ ដូច្នេះខេត្តមណ្ឌលគីរីបានក្លាយទៅជាទីតាំងទាក់ទាញមួយដែលក្រុមហ៊ុនយើងមើលឃើញថាខេត្តនេះនឹងអាចក្លាយទៅជាខេត្តដែលរីកចម្រើនខាងអចលនទ្រព្យបែបអេកូទេសចរណ៍បាន ដូចជា រីស្សត ផ្ទះលំហែ និងបឹងកាឡូជាដើម ដែលទាំងអស់នេះស្ថិតនៅក្នុងគម្រោងរបស់ក្រុមហ៊ុនយើង»។ លោកស្រីបានបញ្ជាក់បន្ថែមថា ការសម្លឹងឃើញការសាងសង់អចលទ្រព្យបែបអេកូទេសចរណ៍នេះបាន ដោយសារទី1 ក្រុមហ៊ុនបានផ្ដោតទៅលើអនាគតផ្នែកទេសចរណ៍ដែលជាគម្រោងរបស់រាជរដ្ឋាភិបាលបានបង្កើតឡើងនៅព្រលានយន្តហោះថ្មីក្នុងតំបន់, ទី 2 គឺសក្តានុពលនៃខេត្តមណ្ឌលគិរី…