ភ្នំពេញ៖ ធនាគារជាតិនៃកម្ពុជា និងរដ្ឋករទឹកស្វយ័តក្រុងភ្នំពេញ បានចុះអនុស្សរណៈយោគយល់គ្នា (MoU) ស្ដីពីការផ្លាស់ប្ដូរព័ត៌មានទាក់ទង ការសម្អាតប្រាក់ និងហិរញ្ញប្បទានភរវកម្ម ដោយមានការចូលរួមពីថ្នាក់ដឹកនាំ និងមន្ត្រីពាក់ព័ន្ធ ដែលមកពីស្ថាប័នទាំងពីរ។ MoU ជាសក្ខីភាពមួយដ៏សំខាន់ក្នុងការពង្រឹង និងពង្រីកកិច្ចសហប្រតិបត្តិការ ក្នុងស្រុកជាមួយអាជ្ញាធរពាក់ព័ន្ធ ដែលជា កិច្ចខិតខំប្រឹងប្រែងរួមក្នុងការស្វែងរក ទប់ស្កាត់ និងបង្ក្រាប រាល់សកម្មភាពសម្អាតប្រាក់ និងហិរញ្ញប្បទានភេរវកម្ម ដើម្បី ធានាសន្ដិសុខ ជំនឿទុកចិត្ត និងសុវត្ថិភាពជូនប្រជាពលរដ្ឋ និងចូលរួមចំណែកជាមួយសហគមន៍អន្ដរជាតិ ក្នុងការប្រឆាំង សម្អាតប្រាក់ និងហិរញ្ញប្បទានភេរវកម្ម៕

ការវិនិយោគនៅក្នុងទីផ្សារអចលនទ្រព្យកម្ពុជាត្រូវបានធ្វើឡើងច្រើនរូបភាព ច្រើនសណ្ឋាន និងមានទំហំផ្សេងៗពីគ្នាក្នុងគោលបំណងរួមតែមួយគត់គឺការទទួលបានផលចំណេញពីការវិនិយោគត្រឡប់មកវិញទាំងអស់។ ស្ថិតនៅក្នុងគោលបំណងរួមនេះ អ្នកជំនាញនៅក្នុងវិស័យអចលនទ្រព្យបានធ្វើការកត់សម្គាល់ឃើញថា ការវិនិយោគនៅក្នុងទីផ្សារមួយនេះត្រូវបានធ្វើឡើងជា3ប្រភេទ ដែលមានលក្ខណៈខុសពីគ្នា។ លោក សន សៀប ជាស្ថាបនិក និងជានាយកក្រុមហ៊ុនអចលនទ្រព្យ Key Real Estate បានប្រាប់ AMS ស្ថានភាពសេដ្ឋកិច្ចក្នុងឆ្នាំ2020 មិនសូវជាល្អទេ ទើបធ្វើឱ្យទីផ្សារអចលនទ្រព្យមានភាពថមថយ។ ស្ថានភាពនេះអ្នកជំនាញអចលនទ្រព្យក៏បានធ្វើការអង្កេតទៅលើវិស័យអចលនទ្រព្យជាទូទៅនៅភ្នំពេញនៅមានលំនឹងល្អ ដោយសារមានការអភិវឌ្ឍហេដ្ឋរចនាសម្ព័ន្ធ ជាពិសេសគម្រោងផ្លូវក្រវាត់ក្រុងដែលកំពុងបន្តភាពទាក់ទាញក្នុងការទិញលក់ដីធ្លី និងលំនៅដ្ឋានកម្រិតមធ្យម ប៉ុន្តែសម្រាប់ខេត្តមួយចំនួនដូចជាព្រះសីហនុ និងខេត្តសៀមរាបមានការធ្លាក់ចុះនូវតម្លៃដីធ្លី ហើយការទិញលក់ក៏ត្រូវបានកាត់បន្ថយ។ លោក សន សៀប បានសម្លឹងឃើញថា ការវិនិយោគក្នុងទីផ្សារអចលនទ្រព្យនៅពេលបច្ចុប្បន្នមាន3ប្រភេទ ដោយក្នុងនោះរួមមាន ៖ អ្នកវិនិយោគទី1- អ្នកមិនសូវហ៊ានប្រថុយប្រថាន ដោយច្រើនជាការវិនិយោគតែទៅលើតំបន់ដែលមានការអភិវឌ្ឍស្រាប់។ អ្នកវិនិយោគបែបនេះមានផលតបស្នងមានប្រហែល 10% ទៅ 15%ប៉ុណ្ណោះ ដែលរត់ស្របទៅនឹងស្ថានភាពសេដ្ឋកិច្ច មានន័យថាពេលសេដ្ឋកិច្ចកើនការវិនិយោគក៏ទទួលបានផលចំណេញច្រើន ប៉ុន្តែពេលសេដ្ឋកិច្ចធ្លាក់ ផលចំណេញក៏ថមថយដូចគ្នា។ អ្នកវិនិយោគទី2- ជាអ្នកវិនិយោគនៅក្នុងគម្រោងអភិវឌ្ឍន៍ណាមួយដែលចេញដំណើរហើយ មានន័យថា នៅពេលដែលឃើញគម្រោងកំពុងដំណើរការ ហើយចាប់ឱកាសតែម្ដង ដែលភាគច្រើនគឺជាអ្នកទិញដី។ ការឆ្លើយតបនឹងការវិនិយោគបែបនេះ តែងបានផលតបស្នងក្នុងចន្លោះ 20% ទៅ…

ភ្នំពេញ ៖ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានគូសបញ្ជាក់ថា យុវជនត្រូវមានគំនិតច្នៃប្រឌិត និងមានឆន្ទៈការលះបង់ខ្ពស់ ដើម្បីចូលរួមចំណែកក្នុងការអភិវឌ្ឍសង្គម និងប្រទេសជាតិឱ្យមានការរីកចម្រើនទៅមុខ ។ ឯកឧត្តម  សាយ សំអាល់ រដ្ឋមន្ត្រីក្រសួងបរិស្ថានបានមានប្រសាសន៍ថា «បរិស្ថានជាបញ្ហារួមរបស់យើងទាំងអស់គ្នា ហើយទាមទារចាំបាច់នូវការចូលរួមរបស់យើងទាំងអស់គ្នា ក្នុងការថែរក្សាអនាម័យបរិស្ថានជុំវិញខ្លួនយើងឱ្យបានល្អស្អាត បង្កើតបរិយាកាសល្អ និងមានផាសុកភាព សម្រាប់ការរស់នៅរស់យើង។ សង្គមកម្ពុជាមាន បរិស្ថានស្អាត និងមានភពបៃតងគឺកើតចេញពីពលរដ្ឋកម្ពុជាម្នាក់ៗចូលរួមក្នុងសកម្មភពបរិស្ថាន មានមេត្រីភាពបរិស្ថានប្រកបដោយ ការទទួលខុសត្រូវ និងដោយស្មារតីស្រឡាញ់បរិស្ថានខ្ពស់»។ ឯកឧត្តមរដ្ឋមន្រ្តី បញ្ជាក់បន្ថែមថា ដោយឈរលើមូលដ្ឋានសុខសន្តិភាព និងស្ថេរភាពនយោបាយពេញលេញ កំណើនសេដ្ឋកិច្ចខ្ពស់ជាបន្តបន្ទាប់ និងស្ថេរភាពម៉ាក្រូសេដ្ឋកិច្ចរឹងមាំ ក៏ដូចជាមូលដ្ឋានគ្រឹះនៃគោលនយោបាយយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលនីតិកាលទី៦នៃរដ្ឋសភា និងមតិដឹកនាំប្រកបដោយគតិបណ្ឌិតរបស់ សម្តេច តេជោនាយករដ្ឋមន្ត្រី ក្រសួងបរិស្ថាន បានកំណត់យកការកែទម្រង់ស៊ីជម្រៅ ការកសាងសមត្ថភាពស្ថាប័ននិងធនធានមនុស្ស និងការពង្រឹងប្រសិទ្ធភាពគ្រប់គ្រងហិរញ្ញវត្ថុសាធារណៈ ជាអាទិភាពខ្ពស់ ស្របទៅតាមទស្សនាទាននៃ «រដ្ឋបាលទំនើប» សំដៅលើប្រព័ន្ធការងារមួយ ដែលដំណើរការងារដោយបែបបទនីតិវិធីប្រកប ដោយប្រសិទ្ធភាព និងធនធាន មនុស្សប្រកបដោយគុណភាព ដែលក្នុងនោះទាំងថ្នាក់ដឹកនាំ ទាំងមន្ត្រីរាជការគ្រប់លំដាប់ថ្នាក់យល់ច្បាស់អំពីបេសកកម្ម ចក្ខុវិស័យ គោលបំណងរបស់ស្ថាប័ន…

ទំហំពាណិជ្ជកម្មទ្វេភាគីរវាងព្រះរាជាណាចក្រកម្ពុជា និងព្រះរាជាណាចក្រថៃមានតម្លៃ 7,236លានដុល្លារអាមេរិកកាលពីឆ្នាំមុន ពោលគឺធ្លាក់ចុះពីមួយឆ្នាំទៅមួយឆ្នាំគឺធ្លាក់ចុះ23% ។ នេះបើយោងតាមតួលេខពីក្រសួងពាណិជ្ជកម្មថៃ។ ចាប់ពីខែមករាដល់ខែធ្នូ ឆ្នាំ20202 ប្រទេសកម្ពុជាបាននាំចេញផលិតផលមានតម្លៃ 1,148លានដុល្លារទៅកាន់ប្រទេសថៃគឺធ្លាក់ចុះ 49%បើប្រៀបធៀបទៅនឹងឆ្នាំមុន។ទន្ទឹមនឹងនេះដែរប្រទេសកម្ពុជាបាននាំចូលផលិតផលមានតម្លៃពីប្រទេសថៃចំនួន 6.089 លានដុល្លារពោលគឺធ្លាក់ចុះ 14.8% បើធៀបទៅនឹងរយៈពេលដូចគ្នាកាលពីឆ្នាំ2019។ ការធ្លាក់ចុះនូវទំហំពាណិជ្ជកម្មទាំងនេះ បណ្តាលមកពីការទទួលរងនូវផលប៉ះ ពាល់ដោយការរីករាល ដាលជំងឺ កូវីដ-19។ ឯកអគ្គរដ្ឋទូតថៃប្រចាំនៅប្រទេសកម្ពុជា ឯកឧត្តម Panyarak Poolthup បានមានប្រសាសន៍កាលពីពេលថ្មីៗនេះថានៅក្នុងវិបត្តិ Covid-19 នេះពាណិជ្ជកម្មរវាងប្រទេសទាំងពីរមានភាពតានតឹងដោយសារការឆ្លងកាត់ព្រំដែន ត្រូវបានរឹតបន្តឹង ដែលធ្វើឱ្យមានការលំបាកសម្រាប់លំហូរទំនិញរវាងប្រទេសទាំងពីរ។បើនិយាយអំពីការវិនិយោគទោះបីពិភពលោកកំពុងរងផលប៉ះពាល់ដោយ Covid-19 ក្រុមហ៊ុនថៃនៅកម្ពុជាបានបន្តខ្សែសង្វាក់ផលិតកម្មធម្មតា ក៏ដោយដោយបន្ថែមថាក្រុមហ៊ុន និងអាជីវកម្មថៃជាច្រើនបានស្វែងរកឱកាសវិនិយោគនៅកម្ពុជា។ ស្ថានទូតនៃព្រះរាជាណាចក្រកម្ពុជាប្រចាំនៅប្រទេសថៃបានបង្ហើបឱ្យដឹងកាលពីពេលថ្មីៗនេះថាខ្លួននឹងបង្កើតការិយាល័យតំណាងសម្រាប់ក្រុមប្រឹក្សាធុរកិច្ចកម្ពុជា នៅទីក្រុងបាងកក ដើម្បីធ្វើជាកន្លែងតែមួយសម្រាប់អាជីវកម្ម និងពាណិជ្ជកម្មរវាងប្រទេសទាំងពីរ។ ដោយឡែក ផលិតផល និងទំនិញដែលកម្ពុជាធ្វើការនាំចូលមកពីប្រទេសថៃភាគច្រើនជាប្រភេទទំនិញ មានតម្រូវការចាំបាច់ ដូចជា ចំណីអាហារ សម្ភារៈប្រើប្រាស់ប្រចាំថ្ងៃ សម្លៀកបំពាក់ស្បែកជើង ផលិត ផលគ្រឿងសំអាង គ្រឿងចក្រកសិកម្ម គ្រឿងអគ្គិសនី និងគ្រឿងសំណង់ជាដើម៕

រដ្ឋមន្ត្រីក្រសួងពាណិជ្ជកម្មបានបង្ហាញអំពីលទ្ធផលដែលទទួលបានក្នុងការអនុវត្ដជាក់ស្ដែងការងារផ្តល់សេវាសាធារណៈដោយក្រសួងបានអនុវត្តន៍ការចេញវិញ្ញាបនបត្រប្រភពដើមទំនិញជាអេឡិចត្រូនិកសម្រាប់ការធ្វើពាណិជ្ជកម្មក្នុងតំបន់អាស៊ាន និងការផ្តល់អាជ្ញាប័ណ្ណនាំចេញនាំចូលវិញ្ញាបនបត្រ ត្បូងពេជ្រមិនទាន់កែច្នៃ (គឹមប័រលីប្រូសេស) ជាពិសេសចូលរួមចុះបញ្ជីពាណិជ្ជកម្ម តាមថ្នាលបច្ចេក វិទ្យារួម(CAM DX) ដែលអាចភ្ជាប់ព័ត៌មានជាមួយអគ្គនាយកដ្ឋានពន្ធដារ និងក្រសួងការងារ។ រដ្ឋមន្រ្តីក្រសួងពាណិជ្ជកម្ម ឯកឧត្ដម ប៉ាន សូរស័ក្តិ បានមានប្រសាសន៍ក្នុងពិធីសំណេះសំណាលជាមួយមន្រ្តីពាណិជ្ជកម្មនៅខេត្តឧត្តរមានជ័យកាលពីថ្ងៃទី25មករា ម្សិលមិញនេះថា ក្រសួងពាណិជ្ជកម្មសម្រេចបានលទ្ធផលល្អប្រសើរទាំងការងារផ្តល់សេវាសាធារណៈ និងការងារពាណិជ្ជកម្មក្រៅប្រទេស និងរកទីផ្សារ ក្នុងនោះការចេញវិញ្ញាបនបត្រប្រភពដើមទំនិញជាអេឡិចត្រូនិកក៏បានចូលរួមចុះបញ្ជីពាណិជ្ជ កម្មតាមថ្នាលបច្ចេក វិទ្យារួម(CAM DX)ដែលអាចភ្ជាប់ព័ត៌មានជាមួយអគ្គនាយកដ្ឋានពន្ធដារ ក្រសួងការងារ និងបណ្តុះបណ្តាលវិជ្ជាជីវៈ ដោយទទួលបានការចុះបញ្ជីតែក្នុងរយៈពេល 3ថ្ងៃប៉ុណ្ណោះ។ ឯកឧត្ដមរដ្ឋមន្ត្រីបានបន្តថា ក្រសួងពាណិជ្ជកម្ម ក៏បានជួយដល់ការចុះបញ្ជីម៉ាកវិញ្ញាតកម្ម “MALYS ANGKOR” ម៉ាកសម្គាល់ភូមិសាស្ត្រ “ម្រេចកំពត” បានចូលជាសមាជិកនៃច្បាប់ទីក្រុងហ្សឺណែវ នៃកិច្ចព្រមព្រៀងលីស្បោន ស្តីពីម៉ាកសម្គាល់ភូមិសាស្រ្តទំនិញ និងបានសម្របសម្រួលចុះបញ្ជីសម្គាល់ភូមិសាស្ត្រទំនិញ “ទឹកឃ្មុំព្រៃមណ្ឌលគិរី” “អំបិលនិងផ្កាអំបិលកំពត” ក្រូចពោធិ៍សាត់-ខេត្តពោធិ៍សាត់”។ ជាមួយគ្នានេះ ក្រសួងក៏បានជំរុញការប្រើប្រាស់រូបសញ្ញាជាតិនៃម៉ាកសម្គាល់ភូមិសាស្រ្តទំនិញ “ម្រេចកំពត” “ស្ករត្នោតកំពង់ស្ពឺ” ក្រូចថ្លុងកោះទ្រង់” និងម៉ាកសមូហភាព “គុយទាវភ្នំពេញ” ព្រមទាំងរៀបចំចុះបញ្ជីម៉ាកសមូហភាព “អំបុកកំពង់ធំ” “ពងទាកូនខេត្តតាកែវ” “នំបញ្ចុកខេត្តសៀមរាប” “ចម្លាក់ប្រាក់-ស្ពាន់ ខេត្តកណ្តាល” “ស្មូនឆ្នាំងដី”…

បរទេស៖ យោងតាមការចេញផ្សាយរបស់កាសែតចិនដេលី CNA នៅថ្ងៃចន្ទម្សិលមិញបានឲ្យដឹងថា ប្រទេសសិង្ហបុរីបានធ្វើការបង្ហាញផែនការថ្មីមួយដែលនឹងធ្វើយ៉ាងណាឲ្យវិស័យផលិតកម្មរបស់ខ្លួនមានចំនួនកើនឡើងដល់ទៅ 50 ភាគរយក្នុងរយៈពេល 10 ឆ្នាំខាងមុខ ហើយធានាឲ្យបានទៀតថាវិស័យនេះនឹងស្ថិតនៅតែជាបង្គោលសេដ្ឋកិច្ចធំបំផុតទី 5 ប្រទេស។ រដ្ឋមន្ត្រីក្រសួងពាណិជ្ជកម្ម និងឧស្សាហកម្មលោក Chan Chun Sing បានបញ្ជាក់ថា នេះមិនត្រឹមតែជាគោលដៅដែលប្រកបទៅដោយមហិច្ឆតានោះទេ ប៉ុន្តែវាក៏នឹងក្លាយទៅជាវិធីត្រួសត្រាយផ្លូវសម្រាប់ធ្វើកំណែប្រែចំនួនដែលនឹងអាចអនុញ្ញាតឲ្យផលិកម្មនឹងមានទំហំធំជាងមុនផងដែរ។ លោករដ្ឋមន្ត្រីបានបន្តថា៖កាលពីអតីតកាលវិស័យផលិតកម្ម និងរោងចក្រគឺត្រូវពឹងផ្អែកទាំងស្រុងទៅលើតម្លៃថ្លៃដើម និងការប្រកួតប្រជែងគ្នាលើតម្លៃនាំចេញបើមិនដូច្នេះទេវានឹងមានការផ្លាស់ប្តូរទីតាំងរោងចក្រទៅកាន់ប្រទេសផ្សេងដែលមានតម្លៃធូរថ្លៃជាងជាមិនខាន។ លោកបន្ថែមថា ៖ មិនត្រឹមតែធ្វើឲ្យមានកំណើនដល់ទៅ 50 ភាគរយនោះទេ សិង្ហបុរីក៏នឹងបង្កើនតម្លៃរបស់ផលិតកម្មដែរ ដោយសង្ឃឹមថាការប្រកួតប្រជែងតម្លៃថ្លៃដើមនឹងមិនស្ថិតនៅជាមូលដ្ឋានទៀតឡើយ ប៉ុន្តែគួរតែផ្អែកទៅលើគុណភាពនៃផលិតផលដែលយើងអាចផ្តល់ឲ្យជំនួសវិញ។ បច្ចុប្បន្ន វិស័យផលិតកម្មរបស់សិង្ហបុរីគឺមានសមត្ថភាពធ្វើបានទៅដល់ 21 ភាគរយឬប្រមាណជា 106 ពាន់លានដុល្លារនៃទំហំផលិតផលក្នុងស្រុក GDP ហើយតាមទិន្នន័យកម្មករដែលធ្វើការនៅក្នុងវិស័យនេះមានចំនួនប្រមាណជា 450,000 នាក់ឬ 12 ភាគរយនៃកម្លាំងពលកម្មក្នុងស្រុកទាំងអស់។ កម្មករដែលធ្វើការនៅក្នុងវិស័យនេះអាចទទួលបានប្រាក់កម្រៃជាមធ្យម 4,700 ដុល្លារអាមេរិក៕