ក្រុមប្រឹក្សាអភិវឌ្ឍន៍កម្ពុជា នៅថ្ងៃទី២២មករាឆ្នាំ២០២១ បានចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុន CITY PRINTING (CAMBODIA) COMPANY LIMITED លើគម្រោងបង្កើតរោងចក្រផលិតប្រអប់ក្រដាសកាតុង និងផលិតផលវេចខ្ចប់ពីក្រដាសគ្រប់ប្រភេទ។ គម្រោងរបស់ក្រុមហ៊ុន ស្ថិតនៅ របស់ក្រុមហ៊ុន គណៈកម្មាធិការ វិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេច ផ្លូវជាតិលេខ៤ ភូមិតាកេរ្តិ៍ សង្កាត់កំបូល ខណ្ឌកំបូល រាជធានីភ្នំពេញ ដោយមានទុនវិនិយោគប្រមាណ ២លាន៣សែនដុល្លារអាមេរិក និងអាចបង្កើតការងារបានចំនួន ២១៤កន្លែង៕កឹម ទៀង

សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា ការចាក់វ៉ាក់សាំងកូវីដ-19 ក៏នឹងផ្តល់ជំនឿចិត្តដល់អ្នកវិនិយោគ ដោយមិនចាត់ទុកកម្ពុជា ជាប្រទេសគ្រោះថ្នាក់ ឬមានហានិភ័យទាប។ សម្តេចតេជោ ហ៊ុន សែន បានមានប្រសាសន៍ថា៖«ការចាក់វ៉ាក់សាំងប្រឆាំងជំងឺកូវីដ-19 ក៏ជាផ្នែកមួយនៃការទាក់ទាញអ្នកវិនិយោគបរទេសមកកម្ពុជាបន្ថែម ព្រោះគេមិនចាត់ទុកកម្ពុជាជាកន្លែងចម្លងជំងឺកូវីដ-19»។ ទោះបីជាយ៉ាងណាក៏ដោយ សម្តេចតេជោ បានប៉ាន់ស្មានថានឹងដើរតាមគន្លងដូចការតម្រូវឱ្យចាក់វ៉ាក់សាំងជំងឺគ្រុនចាញ់មុនទៅចូលទៅអាហ្វ្រិក។ សម្តេចបានលើកឡើងថា ការចាក់វ៉ាក់សាំងនេះ ទៅថ្ងៃមុខបណ្តាប្រទេសនានាលើពិភពលោកអាចទាមទាររកលិខិតស្នាមបញ្ជាក់ពីការចាក់វ៉ាក់សាំងកូវីដ-19 លើបុគ្គលណាម្នាក់ មុននឹងអនុញ្ញាតឱ្យចូលប្រទេសរបស់គេ។ សូមបញ្ជាក់ថាក្រោយពីមានជំនួបជាមួយអគ្គរដ្ឋទូតចិនប្រចាំនៅកម្ពុជាដើម្បីស្វែងរកមធ្យោបាយដើម្បីទទួលបានវ៉ាក់សាំងពីប្រទេសចិនភា្ជប់ជាមួយនឹងជំនួយឥតសំណង ឬកម្ចីបន្ថែមពីចិនជាទឹកប្រាក់ទិញវ៉ាក់សាំងពីចិនវិញ។ សម្តេចបានថ្លែងថាក្រៅពីជំនួយ ឬកម្ចីទាំងនេះទឹកប្រាក់ដែលកម្ពុជាទទួលបានពីការចូលរួមរបស់ពលរដ្ឋ និងសប្បុរសជនក្នុងការទិញវ៉ាក់សាំងប្រមាណជាង៥៤លានដុល្លារក៏ត្រូវយកទៅទិញវ៉ាក់សាំងពីចិនផងដែរ។ សម្តេចតេជោ ហ៊ុន សែន បានថ្លែងថា ការរកវ៉ាក់សាំងកូវីដ-19នេះ សម្តេចប្រើច្រក3 រួមមាន៖ ទី1-ច្រកកូវ៉ាក់Covax ដែលជាច្រកអង្គការសុខភាពពិភពលោក ទី2- ជាមួយប្រទេសជាមិត្ត(ចរចាទេ្វភាគីជាមួយដៃគូ)ទី3-ចរចាផ្ទាល់ជាមួយក្រុមហ៊ុនផលិតវ៉ាក់សាំង។ ទាក់ទងនឹងវ៉ាក់សាំងនេះផងដែរ វ៉ាក់សាំងដែលប្រទេសកម្ពុជាទទួលបានគឺអាចមានវ៉ាក់សាំងរបស់ប្រទេសចិន ឥណ្ឌា ដែលសម្តេចបានជួប និងធ្វើលិខិតរួចហើយ ព្រោះតែប្រទេសឥណ្ឌាបានផលិតវាក់សាំងកូវីដ19 បានដោយខ្លួនឯង ហើយឥណ្ឌាក៏នឹងចាក់ជូនប្រជាពលរដ្ឋរបស់ខ្លួនជាង 300 លាននាក់នៅក្នុងឆ្នាំនេះផងដែរ។ សម្រាប់ប្រទេសកូរ៉េខាងត្បូង រដ្ឋាភិបាលក៏កំពុងពិចារណាសរសេរលិខិតស្នើសុំវ៉ាក់សាំងពីកូរ៉េខាងត្បូងផងដែរ។ រីឯប្រទេសរុស្ស៊ី ក៏បានបើកភ្លើងខៀវ ហើយក៏កំពុងតែពិចារណាលើសំណើនេះផងដែរ…

ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានថ្លែងថា ក្នុងកំឡុងពេលកម្ពុជាកំពុងរងការយាយីដោយជំងឺកូវីដ-19 នេះ គឺមិនអាចរង់ចាំទៀតទេ គឺត្រូវតែស្វះស្វែងរកវ៉ាក់សាំងចាក់ជូនប្រជាពលរដ្ឋដោយឥតគិតថ្លៃ និងស្ម័គ្រចិត្ត។ វ៉ាក់សាំងស៊ីណូហ្វាមរបស់ប្រទេសចិន នឹងមកដល់កម្ពុជាដំបូងនៅខែកុម្ភៈ ហើយសម្តេចនឹងចេញទៅទទួលវ៉ាក់សាំងដល់ព្រលានយន្តហោះតែម្តង ព្រោះថាវ៉ាក់សាំងជំងឺកូវីដ-19 គឺជាទំនិញយុទ្ធសាស្ត្រ។ សម្តេចតេជោ ក៏ចង់ឱ្យឯកឧត្តម ម៉ម ប៊ុនហេង ធ្វើជំរឿនដើម្បីស្វែងរកអ្នកចង់ចាក់ និងអ្នកមិនចង់ចាក់ដោយសម្តេចតេជោបានបញ្ជាក់ជាថ្មីថា ការចាក់វ៉ាក់សាំង គឺឈរលើគោលការណ៍ស្ម័គ្រ ចិត្តដូច្នេះបើនរណាចង់ចាក់ក៏ចាក់បើមិនចង់ចាក់ក៏មិនបង្ខំឡើយ។ សូមជម្រាបថាទាក់ទងវាក់សាំងជំងឺកូវីដ19 នេះកាលពីថ្ងៃទី15 ខែមករាឆ្នាំ2021 សម្តេចតេជោ ហ៊ុនសែន ក៏បានប្រកាសឱ្យដឹងថារដ្ឋាភិបាលចិនបានផ្ដល់វ៉ាក់សាំងជំងឺកូវីដ-19 ចំនួន1លានដូសដល់រាជរដ្ឋាភិបាលកម្ពុជា ដើម្បីចាក់ជូនប្រជាពលរដ្ឋប្រមាណ 50ម៉ឺននាក់ដែលវ៉ាក់សាំងប្រឆាំងជាមួយកូវីដ-19 របស់ចិននឹងផ្ដល់មកកម្ពុជានេះគឺជាវ៉ាក់សាំងស៊ីណូហ្វាម ។ បើធៀបជាមួយវ៉ាក់សាំងប្រទេសខ្លះតម្រូវឱ្យរក្សានៅក្នុងសីតុណ្ហភាព 70អង្សាក្រោមសូន្យ វ៉ាក់សាំងស៊ីណូហ្វាមរបស់ប្រទេសចិននេះ អាចរក្សាត្រឹមសីតុណ្ហភាពពី 2-8 អង្សា ហើយងាយស្រួលនឹងរក្សាទុកទៀតផង ។ សម្តេចតេជោក៏បានមានប្រសាសន៍ថា នៅពេលវ៉ាក់សាំងដឹកមកដល់កម្ពុជា សម្តេចនឹងចុះទៅទទួលផ្ទាល់ ហើយក៏ជាអ្នកចាក់ដំបូងគេ។ បន្ទាប់ពីចាក់រួច សម្តេចនឹងធ្វើសន្និសីទកាសែតនៅមន្ទីរពេទ្យកាល់ម៉ែតតែម្តង ដើម្បីជូនដំណឹងថាកម្ពុជាចាប់ផ្តើមចាក់វ៉ាក់សាំងហើយ។ ទោះជាយ៉ាងណាសម្តេចតេជោ ហ៊ុន សែន បានថ្លែងឱ្យដឹងថា សម្តេចបានផ្ញើលិខិតមួយច្បាប់ទៅកាន់នាយករដ្ឋមន្ត្រីចិន…

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ថ្ងៃទី២២ ខែមករា ឆ្នាំ២០២១ ប្រកាសដាក់ឲ្យដំណើរការ ផ្លូវតភ្ជាប់ចរាចរចំនួន២ខ្សែ នៅទីតាំងស្ពានអាកាស និងផ្លូវក្រោមដីចោមចៅ ដើម្បីសម្រួលការធ្វើដំណើររបស់ប្រជាពលរដ្ឋ។ ផ្លូវទាំង២ខ្សែដែលត្រូវបានប្រកាសឲ្យដំណើរការ ថ្ងៃទី២២ ខែមករា រួមមាន៖ ១-ផ្លូវតភ្ជាប់ចរាចរឯកទិស ពីផ្លូវជាតិលេខ៤ ឆ្ពោះទៅមហាវិថី ចោមចៅ មានប្រវែង ៤៥៨ម៉ែត្រ ទទឹង ៨.៥ម៉ែត្រ ជាផ្លូវក្រោមដីមានជំរៅ ៣.៧ម៉ែត្រធៀបនឹង កំពស់នីវ៉ូមហាវិថីចោមចៅ និង២-ផ្លូវតភ្ជាប់ចរាចរឯកទិស ពីផ្លូវជាតិលេខ៤ បត់ស្តាំឆ្ពោះទៅផ្លូវជាតិលេខ៣ មានប្រវែង ១១៦ម៉ែត្រ ទទឹង ៥.៥ម៉ែត្រ ជាផ្លូវក្រោមដីមានជំរៅ ១.៨៦ម៉ែត្រ ធៀបនឹងកំពស់នីវ៉ូផ្លូវជាតិលេខ៣។ សម្តេចតេជោ ហ៊ុន សែន ថ្លែងថា «សូមឯកឧត្តម ឃួង ស្រេង ដាក់ឲ្យដំណើរការផ្លូវទាំង២ខ្សែនេះ ចាប់ពីពេលនេះតទៅ ដែលនេះនឹងជួយកាត់បន្ថយការលំបាក ក្នុងការធ្វើដំណើររបស់ប្រជាពលរដ្ឋរបស់យើង»។ ស្ពានអាកាស និងផ្លូវក្រោមដីរង្វង់មូលចោមចៅ សាងសង់ដោយក្រុមហ៊ុនក្រុមហ៊ុនវិនិយោគទុនអាណិកជនកម្ពុជា (OCIC) ដោយចំណាយថវិកាប្រមាណ ២២លានដុល្លារអាមេរិក…

កោះកុង៖ លោក ជា បូរ៉ា រដ្ឋលេខាធិការក្រសួងទេសចរណ៍ និងលោក សោម សុគន្ធ រដ្ឋលេខាធិការក្រសួងវប្បធម៌ និងវិចិត្រសិល្បៈ បានចូលរួមក្នុងពិធីចុះហត្ថលេខាលើកិច្ចព្រមព្រៀងសហប្រតិបត្តិការ រវាងក្រុមហ៊ុនអភិវឌ្ឍន៍ ទីក្រុងតំបន់ឆ្នេរ និងវិទ្យាស្ថានទេសចរណ៍គួយលីន ដែលប្រារព្ធឡើងរួមគ្នាតាមរយៈអនឡាញនៅទីតាំងបីកន្លែងផ្សេងគ្នា គឺខេត្តកោះកុង ទីក្រុងធានជីង និងទីក្រុងគួយលីន។ កិច្ចព្រមព្រៀងសហប្រតិបត្តិការ ផ្តោតសំខាន់លើការជំរុញ និងពង្រឹងកិច្ចសហប្រតិបត្តិការ នៃភាពជាដៃគូក្នុងការជំរុញ ការបណ្តុះបណ្តាលជំនាញវិជ្ជាជីវៈទេសចរណ៍ ការអភិវឌ្ឍធនធានមនុស្ស និងការសិក្សាស្រាវជ្រាវក្នុងវិស័យទេសចរណ៍ តាមរយៈការរៀបចំឲ្យមានកម្មវិធីហ្វឹកហ្វាត់ការងារសម្រាប់សិស្ស និស្សិត និងបុគ្គលិក ព្រមទាំងការបង្កើតឲ្យមាន មជ្ឈមណ្ឌលផ្លាស់ប្តូរ និងស្រាវជ្រាវនវានុវត្តន៍ទេសចរណ៍-វប្បធម៍កម្ពុជា-ចិន ដែលនឹងចូលរួមជំរុញការអភិវឌ្ឍវិស័យ ទេសចរណ៍ និងប្រែក្លាយកម្ពុជាឲ្យក្លាយជាគោលដៅទេសចរណ៍ដ៏ទាក់ទាញលំដាប់ថ្នាក់ពិភពលោក និងផ្តល់ភាពកក់ក្តៅដល់ភ្ញៀវទេសចរ។ លោក ជា បូរ៉ា បន្តថា វិស័យទេសចរណ៍កម្ពុជាត្រូវបានចាត់ទុកជាវិស័យអាទិភាពមួយដើរតួជាមាសបៃតង រួមចំណែកដល់ ការអភិវឌ្ឍសេដ្ឋកិច្ច-សង្គម និងការការពារបរិស្ថាន ពោលគឺចូលរួមដល់ការកសាងសេដ្ឋកិច្ចបៃតងនៅកម្ពុជា ដែលជាផ្នែក គាំទ្រដល់ការសម្រេចបាននូវគោលដៅអភិវឌ្ឍប្រកបដោយចីរភាព (SDGs) ឆ្នាំ២០៣០ របស់អង្គការសហប្រជាជាតិ (UN)៕

ផែនការហិរញ្ញវត្ថុគឺជាកិច្ចការងារទាំងឡាយណាដែលអាចកំណត់បាននូវគោលដៅនៃជំនួញរបស់ក្រុមហ៊ុន ឬសេដ្ឋកិច្ចផ្ទាល់ខ្លួនរបស់មនុស្សម្នាក់ៗ។ ក្រៅតែកំណត់បាននូវគោលដៅអនាគតហើយនោះ ផែនការហិរញ្ញវត្ថុក៏មានសរសេររៀបរាប់យ៉ាងលំអិតអំពីដំណើរការសកម្មភាពនីមួយៗនៅក្នុងផែនការលំអិតចាប់រាប់ពីលុយ ធនធាន សំភារៈ ជាពិសេសពេលវេលាដែលបានកំណត់ផងដែរ។ ផែនការហិរញ្ញវត្ថុ និងអាចជួយឲ្យអ្នកកំណត់បាននូវគោលដៅរយៈពេលវែង និងពេលខ្លី ពីរបៀបធ្វើយ៉ាងណាដើម្បីឲ្យអ្នកអាចថ្លឹងថ្លែងក្នុងការសម្រេចឲ្យបានតាមការចង់បាន។ ក្រៅតែពីអាចជួយឲ្យអ្នកមានស្ថិរភាពក្នុងសេដ្ឋកិច្ចគ្រួសារ វាក៏នឹងជួយឲ្យអ្នកអាចសន្សំលុយបានទៀងទាត់ ឬអាចពង្រីកសេដ្ឋកិច្ចរបស់អ្នកផងតាមរយៈការសម្រេចចិត្តដ៏ត្រឹមត្រូវទៅលើហិរញ្ញវត្ថុ។ ខាងក្រោមនេះគឺជាមូលហេតុសំខាន់ៗទាំង 9 ដែលអ្នកនឹងអាចដឹងបានថា តើផែនការហិរញ្ញវត្ថុពិតជាចាំបាច់យ៉ាងណាសម្រាប់ជីវិតរបស់អ្នក៖ 1.ប្រាក់ចំណូល៖ ការបែងចែកប្រាក់ចំណាយប្រចាំខែ ប្រាក់ចំណូលប្រចាំខែព្រមទាំងប្រាក់សន្សំឱ្យបានច្បាស់លាស់នឹងធ្វើឲ្យអ្នកអាចមើលឃើញពីប្រាក់ចំណូលវិជ្ជមានជាប្រចាំខែ ពីព្រោះថាអ្នកនឹងធ្វើការបែកចែកខ្ទង់ចំណាយ និងខ្ទង់ចំណេញបានត្រឹមត្រូវជាងមុនតាមរយៈផែនការហិរញ្ញវត្ថុ 2.គ្រប់គ្រងលំហូរសាច់ប្រាក់៖ការសិក្សាលំអិតទៅលើសាច់ប្រាក់ជាប្រចាំថ្ងៃនឹងធ្វើឲ្យអ្នកកាន់តែយល់ច្បាស់ថាការរកលុយមិនមែនជារឿងងាយស្រួលនោះទេ ដូចនេះអ្នកចាំបាច់ប្រើប្រាស់ផែនការហិរញ្ញវត្ថុរបស់អ្នកមកគ្រប់គ្រងវាឲ្យមានប្រសិទ្ធភាពជាងមុន 3.ប្រាក់ទុន៖នៅក្រោយពេលដែលអ្នកអាចមានចំណូល និងលំហូសាច់ប្រាក់ដ៏ច្បាស់លាស់នៅក្នុងដៃ នោះអ្នកនឹងអាចបង្កើតចេញជាប្រាក់ទុកដែលវានឹងអាចយកទៅប្រើប្រាស់សម្រាប់បង្កើនលុយវិញបានក្នុងគម្រោងវិនិយោគណាមួយ ឬច្រើន 4.សន្តិសុខផ្នែកសេដ្ឋកិច្ចសម្រាប់គ្រួសារអ្នក៖គឺជារឿងសំខាន់បំផុតនៃការរៀបចំផែនការហិរញ្ញវត្ថុរាប់ចាប់តាំងតែពីលុយសម្រាប់បង់ធានារ៉ាប់រងលុយសម្រាប់កូនរៀនសូត្រព្រមទាំងលុយសម្រាប់ត្រៀមទុកកិច្ចការងារចំបាច់ និងបន្ទាន់ណាមួយ 5.ឧិកាសវិនិយោគ៖ផែនការហិរញ្ញវត្ថុអាចជួយបង្រៀនអ្នកឲ្យចេះមើលពីឱកាសនៃការយកលុយទៅបណ្តាក់ទុកយកលុយមកវិញដោយការជួយកាត់បន្ថយហនិភ័យ និងសមស្របទៅតាមពេលវេលា និងជំនាញរបស់អ្នក 6.គុណភាពជីវិត៖ទោះបីជាមិនអាចធ្វើឲ្យអ្នកក្លាយជាអ្នកមានភ្លាមក្តី ប៉ុន្តែផែនការហិរញ្ញវត្ថុនឹងជួយឲ្យអ្នកអាចរស់នៅប្រកបដោយភាពគ្រប់គ្រាន់សម្រាប់តម្រូវការចាំបាច់ក្នុងជីវិត ដូចជា លំនៅដ្ឋាន សម្លៀកបំពាក់ និងការទទួលទានអាហារជាដើម 7.យល់ដឹងច្បាស់ពីហិរញ្ញវត្ថុ៖ តើអ្នកមានផែនការអាជីវកម្ម ឬមានអាជីវកម្ម ឬទេ?បើអ្នកមានហើយអ្នកអាចរៀបចំផែនការហិរញ្ញវត្ថុផ្ទាល់ខ្លួនបានល្អនោះអ្នកនឹងយល់កាន់តែច្បាស់ផងដែរអំពីការរៀបចំផែនការហិរញ្ញវត្ថុសម្រាប់អាជីវកម្មរបស់អ្នកដូចគ្នា 8.ទ្រព្យ៖អ្នកអាចបែងចែកកាន់តែច្បាស់អំពីទ្រព្យសម្បត្តិដែលអ្នកកំពុងមានសិទ្ធិកាន់កាប់។ដូចនេះអ្នកប្រាកដជានឹងអាចត្រៀមខ្លួនរួចជាស្រេចដើម្បីធ្វើឲ្យកាន់តែប្រសើរចំពោះទ្រព្យសម្បត្តិទាំងនោះមិនថាជាផ្ទះរថយន្ត ឬគ្រឿងអលង្ការ 9.សន្សំ ៖មនុស្សជាច្រើនយល់ថា ការសន្សំគឺជាសកម្មប្រចាំថ្ងៃដើម្បីអាចទទួលបានលុយក្នុងទំហំធំណាមួយមកវិញ ប៉ុន្តែវាមិនដូច្នេះទេ គ្រប់ការវិនិយោគក៏ត្រូវបានគេចាត់ទុកថាជាការសន្សំប្រាក់ផងដែរនៅក្នុងផែនការហិរញ្ញវត្ថុ៕

បច្ចេកវិទ្យាអនាគត៖រ៉ូបូតបានក្លាយទៅជាប្រធានបទដែលត្រូវបានមនុស្សមួយចំនួនលើកយកមកពិភាក្សារាប់តាំងពីពលរដ្ឋធម្មតាដល់ទៅមនុស្សជំនាញខាងផ្នែកវិទ្យាសាស្ត្រ ព្រមទាំងមេដឹកនាំប្រទេសផងដែរថា ការកើនឡើងនៃពួកមនុស្សគ្រឿងយន្តនេះនឹងអាចធ្វើឲ្យមានវិបត្តិការងារកើតឡើងជាមិនខានសម្រាប់មនុស្សលោកនាពេលអនាគត។ តាមការស្រាវជ្រាវចុងក្រោយមួយដោយ WEForum បានអះអាងផ្ទុយស្រឡះពីការលើកឡើងទាំងនេះដោយក្នុងនោះបានសរសេរថា មិនត្រឹមតែអាចជួយការងារមនុស្សយ៉ាងខ្លាំងនោះទេ ប៉ុន្តែសម័យកាលរបស់រ៉ូបូតនឹងអាចជួយបង្កើតការងារថ្មីច្រើនជាងការងាររបស់ពួកវាទៀតផងដែរ។ WEForum បានបញ្ជាក់ទៀតថា នៅត្រឹមឆ្នាំ2025 កម្លាំងធ្វើការងាររបស់មនុស្ស និងកម្លាំងធ្វើការរបស់រ៉ូបូតនឹងមានទំហំម៉ោងដូចគ្នា ហើយនៅប្រទេសចំនួន26 រ៉ូបូតនឹងអាចជំនួសកន្លែងធ្វើការងាររបស់មនុស្សប្រមាណជា 86 លាននាក់ ប៉ុន្តែទន្ទឹមគ្នានោះដែរ រ៉ូបូតក៏នឹងអាចបង្កើតការងារប្រភេទថ្មីសម្រាប់មនុស្សច្រើនជាង 97 លានកន្លែងផងដែរ។ មកដល់បច្ចុប្បន្នទីផ្សារការងារជាសកលគឺកំពុងទទួលរងផលប៉ះពាល់ពីកត្តាធំៗចំនួន 2 ផ្ទួនគ្នាតែម្តង ដែលទីមួយនោះគឺវិបត្តិសេដ្ឋកិច្ចដែលកើតឡើងដោយសារបញ្ហារាតត្បាតនៃវិរុសកូវីដ19ហើយទី2 នោះគឺដោយសារតែកើនឡើងនៃអត្រាការងារដែលកើតឡើងដោយក្រុមរ៉ូបូត។ ការស្រាវជ្រាវក៏បាននិយាយដែរថា 43 ភាគរយនៃនិយោជកមើលឃើញថាការសម្របខ្លួនទៅនឹងបច្ចេកវិទ្យាថ្មីនឹងអាចធ្វើឲ្យកម្លាំងធ្វើការរបស់គេថមថយខណៈដែល 34 ភាគរយទៀតគឺបានត្រៀមផែនការរើសបុគ្គលិកបន្ថែមដោយសារមូលហេតុដូចគ្នា ប៉ុន្តែក្នុងនោះដល់ទៅ 83 ភាគរយសង្ឃឹមថានឹងអាចដំណើរការការងារកាន់តែលឿនដោយសារបច្ចេកវិទ្យាស្វ័យប្រវត្តិដែលក្នុងនោះបុគ្គលិកជិតពាក់កណ្តាលរបស់ខ្លួននឹងធ្វើការពីផ្ទះជំនួសវិញ។ ប៉ុន្តែអ្វីដែលត្រូវត្រៀមខ្លួនខ្លាំងបំផុតសម្រាប់បុគ្គលិកទាំងអស់នៅទូទាំងពិភពលោកនៅពេលនេះគឺថាពួកគេជាងពាក់កណ្តាលត្រូវការចាំបាច់ត្រូវស្វែងរកការបណ្តុះបណ្តាលទៅលើជំនាញថ្មីឲ្យបានក្នុងរយៈពេល 5 ឆ្នាំខាងមុខនេះ៕

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា នៅថ្ងៃស២១មករាឆ្នាំ២០២១ បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុន NEW ERA (CAMBODIA) CASHMERE TEXTILE CO., LTD ដែលស្នើសុំវិនិយោគលើគម្រោងបង្កើតរោងចក្រចាក់ និងកាត់ដេរសម្លៀកបំពាក់។ រោងចក្រនោះ មានទីតាំង វិនិយោគស្ថិតនៅផ្លូវជាតិលេខ ២១A ភូមិព្រែកត្រែង សង្កាត់សិត្បូ ក្រុងតាខ្មៅ ខេត្តកណ្តាល មានទុនវិនិយោគប្រមាណ ៥លាន៧សែនដុល្លារអាមេរិក និងអាចបង្កើតការងារបានចំនួន៩៥១កន្លែង៕