ជំងឺរាតត្បាតកូវីដ-19 បានជះឥទ្ធិពលយ៉ាងធ្ងន់ធ្ងរទៅលើគ្រប់ទិដ្ឋភាពនៃជីវិតរស់នៅក្នុងឆ្នាំ2020 ហើយសេដ្ឋកិច្ចពិភពលោកក៏បានទទួលរងនូវផលប៉ះពាល់យ៉ាងខ្លាំងផងដែរ ដោយក្នុងនោះ បញ្ហាសំខាន់ៗចំនួន4 ត្រូវបានរដ្ឋាភិបាលនៃប្រទេសបង្ខំចិត្តអនុវត្ត និងទទួលរងនូវផលប៉ះពាល់ធ្ងន់ធ្ងរបំផុត។ 1- ការបិទប្រទេស និងការបិទព្រំដែន ៖ ដើម្បីទប់ស្កាត់ការរីករាលដាល រដ្ឋាភិបាលនៃប្រទេសនីមួយៗបានបង្ខំចិត្តសម្រេចបិទព្រំដែន បិទប្រទេស ដែលបង្កឱ្យមានការជាប់គាំងនៅក្នុងវិស័យពាណិជ្ជកម្ម ធ្វើឱ្យមានការរំខានដល់សង្វាក់ផ្គត់ផ្គង់ និងធ្វើឱ្យមានរលកនៃការក្ស័យធនជំនួញនៅទូទាំងពិភពលោក ជាពិសេសនៅក្នុងវិស័យអាកាសចរណ៍ ទេសចរណ៍ និងផ្នែកលក់រាយ។ បន្ថែមពីនេះ បណ្តាប្រទេសនានាបានដាក់ចេញនូវកញ្ចប់ថវិកាជំរុញសេដ្ឋកិច្ចដែលមានទឹកប្រាក់សរុបរាប់ពាន់លានដុល្លារអាមេរិក ក៏ដូចជាវិធានការរូបិយវត្ថុមិនធ្លាប់មាន និងប្រាក់កម្ចីបន្ទាន់ផងដែរ។ មូលនិធិរូបិយវត្ថុអន្តរជាតិ (IMF) បានព្យាករថា GDP សកលលោកនៅក្នុងឆ្នាំ2020 នឹងមានការធ្លាក់ចុះចំនួន 4.4% ។ 2- វិបត្តិនៅក្នុងទីផ្សារការងារសកលលោក ៖ ទីផ្សារការងារសកលលោកបានរងនូវផលប៉ះពាល់យ៉ាងខ្លាំងពីជំងឺកូវីដ-19 ដែលបណ្តាលឱ្យបាត់បង់ការងារ ឬមានការកាត់បន្ថយប្រាក់ខែនៅជុំវិញពិភពលោក។ នៅក្នុងរបាយការណ៍ស្តីពី «ជំងឺកូវីដ-19 និងពិភពការងារ» របស់អង្គការពលកម្មអន្តរជាតិ (ILO) បានឱ្យដឹងថា ការងារជាង 81លាននៅអាស៊ី និងប៉ាស៊ីហ្វិក រួមនឹងការងារចំនួន30លានផ្សេងទៀតនៅអាមេរិកឡាទីនត្រូវបានបាត់បង់នៅក្នុងឆ្នាំ2020។ នៅក្នុងរយៈពេល3ត្រីមាសដំបូងនៃឆ្នាំ2020 ប្រាក់ចំណូលបានធ្លាក់ចុះ 10.7% ឬស្មើនឹង 3.5ទ្រីលានដុល្លារអាមេរិកនៅលើមូលដ្ឋានសកលលោក។ វិបត្តិនៅក្នុងទីផ្សារការងារអាចមានផលវិបាករយៈពេលវែងក្នុងទម្រង់នៃភាពក្រីក្រ និងភាពមិនប្រាកដប្រជាផ្នែកសង្គមសេដ្ឋកិច្ច។…

បរទេស៖ យោងតាមការចេញផ្សាយរបស់កាសែត the Bloomberg នៅថ្ងៃចន្ទនេះបានឲ្យដឹងថា ប្រទេសប៉ាគីស្ថាននឹងចាប់ផ្តើមសាងសង់បំពង់បង្ហូរហ្គាសមួយនៅក្នុងខែកក្កដា ឆ្នាំ2021ខាងមុខនេះ ដែលមានប្រវែងដល់ទៅ 1,100 គីឡូម៉ែត្រតភ្ជាប់ទៅដល់ប្រទេសរុស្សី។ ថ្លែងនៅក្នុងបទសម្ភាសន៍មួយកាលពីខែធ្នូកន្លងទៅ លោក Nadeem Babar ដែលជាប្រឹក្សាផ្ទាល់របស់នាយករដ្ឋមន្ត្រីប៉ាគីស្ថានទទួលបន្ទុកកិច្ចការងារថាមពលឥន្ធនៈបានបញ្ជាក់ថា ប្រទេសអាស៊ីខាងត្បូងមួយនេះនឹងអាទទួលបានផលចំណែកចន្លោះពី 51 ទៅដល់ទៅ 74 ភាគរយខណៈដែលរុស្សីនឹងទទួលបានចំណែកដែលនៅសេសសល់។ ប្រភពដដែលបានសរសេរទៀតថា ក្រុមហ៊ុនចែកចាយហ្គាសរបស់ប៉ាគីស្ថាន Sui Southern Gas Co. និង Sui Northern Gas Pipelines Ltd.,ដែលបានចាប់ផ្តើមដើរទិញដីសម្រាប់គម្រោងនេះក៏នឹងក្លាយទៅជាផ្នែកមួយនៃគម្រោងយក្សនេះដែរ ហើយក្នុងនោះក្រុមហ៊ុនសម្ព័ន្ធរបស់រុស្សីនឹងក្លាយទៅជាអ្នកដឹកនាំការដ្ឋានសាងសង់។ គួរឲ្យដឹងដែរថា ប្រទេសប៉ាគីស្ថាននៅប៉ុន្មានឆ្នាំចុងក្រោយនេះត្រូវបានគេមើលឃើញថាបានក្លាយទៅជាទីផ្សារដ៏ធំសម្រាប់ធនធាននេះដោយសារតែតម្រូវការក្នុងស្រុកដ៏ច្រើនលើសលប់ ហើយថែមទាំងបានបង្ខំឲ្យរដ្ឋាភិបាលប៉ាគីស្ថានសម្រេចចិត្តទិញជាច្រើនរួចមកហើយ។ ប៉ាគីស្ថានក៏បានអនុញ្ញាតឲ្យមានការដេញថ្លៃទៅលើប្លុករុករកប្រេងនិងហ្គាសចំនួន20 កន្លែងផងដែរដោយសង្ឃឹមថាអាចបង្កើនចំនួននៃការផ្គត់ផ្គង់បន្ថែមទៀតបានពេញលេញ៕

បរទេស៖ យោងតាមការចេញផ្សាយរបស់សារព័ត៌មានក្នុងស្រុកមួយរបស់ស៊ុយអែត Dagens Nyheterបានសរសេរថា លោក Borje Ekholm ប្រធានប្រតិបត្តិនៃក្រុមហ៊ុនយក្ស Ericsson និងជាក្រុមហ៊ុនក្នុងស្រុករបស់ប្រទេសស៊ុយអែតនោះបានកំពុងតែព្យាយាមក្នុងការបញ្ចុះបញ្ចូលរដ្ឋាភិបាលនៃប្រទេសស៊ុយអែតដើម្បីលុបចោលបំរាមក្នុងការប្រើប្រាស់បច្ចេកវិទ្យាអ៊ិនធឺណេត 5G របស់ក្រុមហ៊ុន Huawei និង ZTE ។ នៅក្នុងសារជាច្រើនដែលលោកប្រធានប្រតិបត្តិរូបនេះផ្ញើរទៅកាន់លោកស្រីរដ្ឋមន្ត្រីក្រសួងពាណិជ្ជកម្មបរទេសAnna Hallberg បានអំពាវនាវសុំឲ្យរដ្ឋាភិបាលពិចារណាឡើងវិញក្នុងការដកបំរាមរបស់រដ្ឋាភិបាលស៊ុយអែតដែលកន្លងមកបានប្រកាសច្បាស់ថា នឹងទាមទារចាំបាច់ឲ្យប្រតិបត្តិករក្នុងស្រុកទាំងអស់ក្នុងការដកខ្លួនឲ្យបានដាច់ចេញពីការប្រើប្រាស់បច្ចេកវិទ្យា 5G របស់ក្រុមហ៊ុនចិនទាំងអស់ឲ្យបានត្រឹមខែមករាឆ្នាំ2025។ នៅក្នុងសារមួយដែលត្រូវបានចេញផ្សាយដោយកាសែតដដែលក៏បានអះអាងទៀតថា លោក Ekholm បានធ្វើការព្រមានថា ក្រុមហ៊ុន Ericsson នឹងសម្រេចចិត្តចាកចេញពីក្នុងប្រទេសស៊ុយអែត ប្រសិនបើអាជ្ញាធរនៅតែបន្តដាក់បំរាមបែបនេះទៅលើក្រុមហ៊ុន Huawei និង ZTE។ ទោះបីជាយ៉ាងណាក្តីឆ្លើយតបទៅនឹងកាសែត Dagens លោក Hallberg បាននិយាយថា លោកស្រីនឹងមិនជ្រៀតជ្រែកទៅនឹងការសម្រេចចិត្តណាមួយពាក់ព័ន្ធទៅនឹងបំរាមទាំងនេះឡើយ ហើយបានបញ្ជាក់ទៀតថា លោកស្រីមិនទាន់បានជួបជាមួយនឹងលោក Ekholm នៅឡើយទេ៕

បរទេស៖ ពលរដ្ឋអូស្ត្រាលីទាំងអស់ត្រូវបានគេដឹងថានឹងត្រូវធ្វើការប្រើប្រាស់បទចម្រៀងភ្លេងជាតិក្នុងគំរូកំណែទម្រង់ថ្មីចាប់តាំងតែពីដើមខែមករា ឆ្នាំ2021នេះ នៅក្រោយពេលដែលលោកនាយករដ្ឋមន្ត្រីអូស្ត្រាលី Scott Morrison បានប្រកាសកែតម្រូវនិងផ្លាស់ប្តូរពាក្យពេជមួយចំនួននៅក្នុងបទចម្រៀងភ្លេងជាតិនេះតាំងតែពីថ្ងៃព្រហស្បតិ៍សប្តាហ៍មុន។ ទូរទស្សន៍ BBC បានចេញផ្សាយអំពីព័ត៌មានមួយនេះបានសរសេរថាភ្លេងជាតិថ្មីរបស់អូស្ត្រាលីដែលជាយូរមកហើយបានច្រៀងសំដៅលើអត្ថន័យថា ពលរដ្ឋវ័យក្មេង និងសេរីភាព (young and free) នោះនឹងត្រូវប្តូរអត្ថន័យដែលសំដៅគោរពដល់ជនជាតិដើមរបស់ខ្លួនដែលមានដើមកំណើតអស់រយៈពេលរាប់ពាន់ឆ្នាំមកហើយនោះជំនួសវិញ។ ទោះបីជាយ៉ាងណាក្តីការប្រកាសផ្លាស់ប្តូរអត្ថន័យភ្លេងជាតិនេះគឺត្រូវបានស្វាគមន៍យ៉ាងពេញទំហឹងពីសំណាក់មន្ត្រីគ្រប់ជាន់ថ្នាក់នៃរដ្ឋាភិបាលអូស្ត្រាលី ហើយក្នុងនោះផងដែរលោក Morrison បាននិយាយផងដែរថា លោករំពឹងទុកថាអត្ថន័យថ្មីនៃភ្លេងជាតិនឹងអាចជួយបង្កើតឲ្យបាននូវការសាមគ្គីភាពគ្នា ឬ “spirit of unity”។ គួរឲ្យដឹងដែរថា ពលរដ្ឋជាជនជាតិដើមអូស្ត្រាលីមានដើមកំណត់នៅទឹកដីនេះអស់រយៈរាប់ពាន់ឆ្នាំមកហើយ ពោលគឺមុនពេលដែលពលរដ្ឋអង់គ្លេសស្បែកសបានធ្វើដំណើរចូលមករស់នៅកាលពីអំឡុងសតវត្សរ៍ទី 18 ម្ល៉េះ។ ភ្លេងជាតិរបស់អូស្ត្រាលីដែលមានចំណងជើងថា Advance Australia Fair នឹងត្រូវផ្លាស់ប្តូរឃ្លាដ៏សំខាន់មួយពី For we are young and free ទៅជា For We are one and free និងក៏ដូចជាពាក្យពេជមួយចំនួនផ្សេងទៀតផងដែរ។ លោក Morrison បានសង្កត់ធ្ងន់ដែរថា អត្ថន័យថ្មីនឹងក្លាយទៅជាការទទួលស្គាល់ថាអូស្ត្រាលីគឺជាប្រជាជាតិដែលបានធ្វើដំណើរអស់រយៈពេលជាយូរមកហើយ។ ប្រវត្តិដូនតាដល់ទៅ 300…