បរទេស៖ទូរទស្សន៍ BBC ចេញផ្សាយនៅព្រឹកថ្ងៃចន្ទនេះបានសរសេរថា​ លុយផោនរបស់អង់គ្លេសត្រូវបានគេមើលឃើញថាមានការធ្លាក់ចុះជាងមុនធៀបទៅនឹងលុយដុល្លាររបស់អាមេរិកនៅចំពេលដែលបណ្តាប្រទេសក្នុងតំបន់អឺរ៉ុបមួយចំនួនគឺ ចាប់ផ្តើមធ្វើការបិទព្រំដែនរបស់ខ្លួនជាមួយនឹងអង់គ្លេសដោយសារតែបញ្ហារីករាលដាលកូវីដ19។ គិតត្រឹមថ្ងៃចន្ទនេះរូបិយបណ្ណវត្ថុរបស់អង់គ្លេសមួយនេះបានធ្លាក់ចុះប្រមាណជា 1,2ភាគរយខណៈដែលលុយដុល្លាររបស់អាមេរិកវិញគឺកំពុងហក់ឡើង។ ការងើបឡើងយ៉ាងខ្លាំងនៃលុយដុល្លារនេះផងដែរត្រូវបានគេដឹងថាដោយសារតែរដ្ឋាភិបាលអាមេរិកទើបតែបានអនុម័តកញ្ចប់ប្រាក់ប្រមាណជា 900 ពាន់លានដុល្លារដើម្បីយកទៅប្រើប្រាស់ក្នុងកិច្ចការងារស្រាចស្រង់សេដ្ឋកិច្ចរបស់ជាតិឡើងវិញក្រោយចប់កូវីដ19។ ប្រភពដដែលបានសរសេរទៀតថា​ ការធ្លាក់ចុះនៃលុយផោននេះក៏បានបណ្តាលមកពីបញ្ហាយឺតយ៉ាវ​ និងការជាប់គាំងនៃកិច្ចពិភាក្សាគ្នារវាងរដ្ឋាភិបាលក្រុងឡុងនិងសហភាពអឺរ៉ុបអំពីកិច្ចព្រមព្រៀងពាណិជ្ជកម្មក្រោយចប់កូវីដផងដែរទោះបីជាការចរចានៅតែត្រូវបានបន្តធ្វើនៅថ្ងៃចន្ទនេះក្តី។ គួរឲ្យដឹងដែរអង់គ្លេស​ និងសហភាពអឺរ៉ុបកំពុងតែព្យាយាមធ្វើយ៉ាងណាដើម្បីអាចឈានទៅដល់កិច្ចព្រមព្រៀងគ្នាចុងក្រោយមួយទៅលើវិស័យពាណិជ្ជកម្មរវាងភាគីទាំងពីរនៅក្រោយការចាកចេញជាគ្នាជាផ្លូវការដែលមានសុពលភាពត្រឹមថ្ងៃទី 31 ខែធ្នូឆ្នាំ 2020 ខាងមុខនេះហើយ។ លើសពីនេះ​ បណ្តាប្រទេសអឺរ៉ុបបានចាប់ផ្តើមដាក់បំរាមលើការធ្វើដំណើរពីចក្រភពអង់គ្លេសបន្ទាប់ពីប្រទេសនេះបានរាយការណ៍ពីករណីឆ្លងកាន់តែអាក្រក់​ និងកាន់តែមិនអាចគ្រប់គ្រងបានកាលពីចុងសប្តាហ៍កន្លងមក៕

កំពត៖ការនាំស្រូវចេញតាមច្រកព្រំដែនទ្វេរភាគីទន់ហន់ស្ថិតនៅក្នុងឃុំព្រែកក្រឹស ស្រុកកំពង់ត្រាច ខេត្តកំពត បានដំណើរការទៅយ៉ាងរលូន ក្រោយពេលមានការសម្របសម្រួលពីអភិបាលខេត្តកំពតរួចមក។ ហើយរដ្ឋមន្ត្រីក្រសួងកសិកម្មបានកោតសរសើរយ៉ាងខ្លាំងចំពោះចំណាត់ការ ព្រោះវាជួយជំរុញដល់ ការនាំស្រូវចេញទៅក្រៅប្រទេស តាមការចង់បានរបស់ប្រមុខរាជរដ្ឋាភិបាល។ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ព្រមទាំងសហការី បានចុះត្រួតពិនិត្យស្ថានភាពការនាំស្រូវចេញទៅប្រទេសវៀតណាម នៅទីស្នាក់ការត្រួតពិនិត្យច្រក ទ្វារព្រំដែនទ្វេរភាគីតន់ហន់ ស្ថិតក្នុងឃុំព្រែកក្រឹស ស្រុកកំពង់ត្រាច ខេត្តកំពត។ ឯកឧត្តមរដ្ឋមន្ត្រី វេង សាខុន មានប្រសាសន៍ថា  គិតមកដល់ពេលនេះការនាំស្រូវចេញស្រូវអង្ករ ទៅក្រៅប្រទេសបានជាង២លានតោន  ជាមោទនភាពសម្រាប់កម្ពុជា ដូចជាខេត្តកំពត ដែលប្រជាពលរដ្ឋអាចផលិតស្រូវ លើសពីតម្រូវការផ្គត់ផ្គង់ក្នុងគ្រួសារ និងសល់សម្រាប់នាំចេញក្រៅប្រទេស ក្នុងតម្លៃខ្ពស់សមរម្យទៀតផង  និងបានឆ្លើយតបទៅនឹងតាមគោលនយោបាយរបស់រាជរដ្ឋាភិបាល ដែលមានសម្ដេចតេជោ ហ៊ុន សែន ជាប្រមុខដឹកនាំ ដែលបានដាក់ចេញនូវនយោបាយការនាំស្រូវអង្ករចេញលក់ក្រៅប្រទេសឲ្យបាន១លានតោនក្នុងមួយឆ្នាំ។ មន្ទីរកសិកម្មខេត្តកំពត ឲ្យដឹងថា ការនាំស្រូវចេញតាមច្រកទ្វេរភាគីទាន់ហន់នាពេលបច្ចុប្បន្ន ក្នុងមួយថ្ងៃបានជាងមួយពាន់តោន លក់ក្នុងតម្លៃចន្លោះពី ១០០០ទៅ ១២០០ក្នុងមួយគីឡូក្រាម ។ ប្រភពស្រូវដែលនាំចេញតាមច្រកនេះ យកមកពីតាមបណ្តាខេត្តនានា ដូចជាកំពង់ឆ្នាំង ពោធិ៍សាត់ បាត់ដំបង កណ្តាល តាកែវ…

គម្រោងបង្កើតរោងចក្រផលិតសម្ភារសត្វចិញ្ចឹមគ្រប់ប្រភេទ របស់ក្រុមហ៊ុន CAMBODIAN TIANYUAN DINGWANG PET PRODUCTS CO., LTD ត្រូវបានគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ឲ្យវិនិយោគ។ គម្រោងវិនិយគរបស់ក្រុមហ៊ុននោះ មានទីតាំងវិនិយោគស្ថិតនៅភូមិក្របីត្រាំ ឃុំជង្រុក ស្រុកគងពិសី ខេត្តកំពង់ស្ពឺ ដែលមានទុនវិនិយោគប្រមាណ ២លាន៣សែនដុល្លារអាមេរិក និងអាចបង្កើតការងារបានចំនួន ៣៣៨កន្លែង៕កឹម ទៀង

អាជីវកម្មថ្មី ៖ចាត់ទុកថាជារឿងមួយដ៏អស្ចារ្យសម្រាប់ស្ថាបនិកក្រុមហ៊ុនអាជីវកម្មកើតថ្មីដែលជាជនជាតិឆេកម្នាក់បានក្លាយទៅជាមហាសេដ្ឋីខ្ទង់ពាន់លានដុល្លារទាំងដែលលោកមិនបានទម្លាក់ប្រាក់ធ្វើជាដើមទុនវិនិយោគនោះឡើយសម្រាប់ក្រុមហ៊ុនរបស់ខ្លួនដែលមានឈ្មោះថា JetBrains s.r.o។ ជាធម្មតាក្រុមហ៊ុនអាជីវកម្មដែលទើបកើតថ្មី ឬ Startup Business ត្រូវការចាំបាច់នូវដើមទុនវិនិយោគបន្ថែមដើម្បីឲ្យពួកគេអាចសម្រេចបាននូវភាពជោគជ័យតាមផែនការ ប៉ុន្តែសម្រាប់លោក Maxim Shafirov វិញគឺខុសពីគេ ហើយបច្ចុប្បន្នជឿជាក់ថា JetBrains មានទំហំរហូតទៅដល់ 7 ពាន់លានដុល្លាររួចមកហើយដែលមិនធ្លាប់ត្រូវបានទទួលការវិនិយោគណាមួយឡើយ។ JetBrains មានមូលដ្ឋាននៅក្នុងទីក្រុងប្រាកប្រទេសឆេកដែលមានជំនាញខាងសរសេរកម្មវិធីកូដរបស់កំព្យុទ័រនោះគឺបានក្លាយទៅជាឧបករណ៍ដ៏សំខាន់សម្រាប់ក្រុមហ៊ុនយក្ស Google ប្រើប្រាស់នៅក្នុងកម្មវិធីអភិវឌ្ឍន៍របស់ Android។ ក្រៅតែពីលោក Maxim ក៏មានសហស្ថាបនិក 2 រូបទៀតគឺលោក SergeyDmitirev និងលោក Valentin Kipiatkov ក៏បានជាប់ឈ្មោះជាមហាសេដ្ឋីខ្ទង់ពាន់លានផងដែរ។ យោងតាមការបញ្ជាក់របស់លោក Shafirov បាននិយាយថាមុខជំនួញដ៏ជោគជ័យរបស់ខ្លួនមកលដល់ពេលនេះគឺមានអតិថិជនភាគច្រើនជាអ្នកដែលធ្វើការនៅក្នុងវិស័យព័ត៌មានវិទ្យាដោយក្នុងនោះលោកបានបង្ហាញតួលេខថាក្រុមអ្នកសរសេរកម្មវិធីកំព្យុទ័រដល់ទៅ 9,5 លាននាក់កំពុងប្រើប្រាស់កម្មវិធីរបស់ JetBrains ហើយក្នុងនោះ២០ភាគរយជាអ្នកដែលតែងតែបង់ប្រាក់ដើម្បីទទួលបានសេវាកម្មបន្ថែម។ ដោយឡែកអតិថិជនធំៗរបស់ខ្លួនទាំង 500 ក្នុងនោះមានចំនួន 430 មានប្រភពមកពីក្រុមហ៊ុនបច្ចេកវិទ្យា និងអាជីវកម្មល្បីៗលើសាកលលោក ដូចជា Citigroup Inc., Google និង Volkswagen ជាដើមហើយការិយាល័យធំក្នុងការសរសេរកម្មវិធីរបស់ JetBrains បច្ចុប្បន្នគឺមានទីតាំងស្ថិតនៅក្នុងទីក្រុង…

តាកែវ ៖ សព្វថ្ងៃនេះគិតជាមធ្យមឃុំស្រែរនោងទាំងមូល អាចផ្គត់ផ្គង់ពងទាកូនឲ្យទីផ្សារបានចំនួន 200,000គ្រាប់/ថ្ងៃ (ជ្រកក្រោមម្លប់ឈើត្រូវនឹកដល់អ្នកដាំ ផឹកទឹកអណ្តូងត្រូវនឹកដល់អ្នកជីក បរិភោគពងទាកូនត្រូវនឹកដល់ឃុំស្រែរនោង)។ រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ ឯកឧត្តម វេង សាខុន បានសរសេរនៅក្នុងបណ្តាញទំនាក់ទំនងអេឡិចត្រូនិកថា បច្ចុប្បន្ននៅទូទាំងឃុំ មានឡភ្ញាស់ពងទាកូនចំនួន27 និងមានអ្នកចិញ្ចឹមទាហ្វូងចំនួន 56គ្រូសារ។ ក្នុងនោះមានឡភ្ញាស់ដោយប្រើអង្កាមចំនួន12 និងឡភ្ញាស់ដោយប្រើចរន្តអគ្គីសនីចំនួន15 ហើយពួកគាត់ក៏បានចងក្រងជាសមាគមអាជីវកម្មភ្ញាស់ពងទាកូនស្រែរនោង រួចហើយដែរ។ របាយការណ៍ពិស្តាររបស់មន្ទីរកាលពីថ្ងៃចុងសប្ដាហ៍កន្លងទៅនេះបានឲ្យដឹងថាឃុំស្រែរនោង ស្រុកត្រាំកក់ ខេត្តតាកែវ គឺជាឃុំមួយមានបងប្អូនប្រជាកសិករជាច្រើនគ្រួសារនិយមចូលចិត្តចិញ្ចឹមទា និងភ្ញាស់ពងទាជាលក្ខណៈប្រពៃណីតៗគ្នាមក ដោយចាត់ទុកថាអាចជួយបង្កើនប្រាក់ចំណូល ក្នុងជីវភាពគ្រួសាររបស់ពួកគាត់បានយ៉ាងល្អប្រសើរ។ លោក សូត សុផល និងភរិយា នូ សាវឿន មានកូនប្រុស3នាក់ រស់នៅភូមិសាមគ្គី ឃុំស្រែរនោងបានឲ្យដឹងថា៖ គ្រួសារលោកបានចាប់ផ្តើមប្រកបរបរទិញលក់ពងទា និងកូនទានៅឆ្នាំ2003 ដោយរដូវវស្សាដឹកកូនទាលក់នៅរដូវប្រាំងស៊ីឈ្នួលដឹកពងទាអាចរកចំណូលបានត្រឹមតែ 500,000-600,000រៀលក្នុងមួយខែ។ តាំងពីឆ្នាំ2007 លោកចាប់ផ្តើមបង្កើតឡភ្ញាស់អង្កាមចំនួន1 អាចដាក់ពងភ្ញាស់បានចំនួន1, 200គ្រាប់ ក្នុងរយៈពេល 4ថ្ងៃ ហើយទទួលបានចំណូល 2, 000, 000-3,000,000រៀលក្នុងមួយខែ។ ដោយពិនិត្យឃើញថារបរនេះមានចំណូលខ្ពស់ និងមានទីផ្សារច្រើន…

ខេត្តកែប៖ ឯកឧត្តម សោម ពិសិដ្ឋ អភិបាល នៃគណអភិបាលខេត្តកែប អមដំណើរ ឯកឧត្តម  វេង  សាខុន  រដ្ឋមន្រ្តីក្រសួងកសិកម្ម  រុក្ខាប្រម៉ាញ់  និង នេសាទ  និងសហការី  ពិនិត្យ ពីដំណើរការផលិតផ្នែកកសិកម្ម  របស់ប្រជាកសិករ នៅរសៀលថ្ងៃទី១៩  ខែធ្នូ  ឆ្នាំ២០២០ ក្នុងគោលបំណង  តាមដានចលនាជម្រុញផលិតកម្មស្បៀង  តាមរយៈការចិញ្ចឹមត្រីអណ្តែង និងកង្កែប  និងដំណាំផ្សេងៗ  ។ លោក  សារ៉េន ជាកសិករម្នាក់ បានឲ្យដឹងថា លោកទើបចាប់ចូលរួមក្នុងចលនា ជម្រុញផលិតកម្មស្បៀងតាមរយ:ការចិញ្ចឹមត្រីអណ្តែង និងកង្កែបក្នុងវគ្គទី១  មកដល់ពេលនេះ  ត្រីអណ្តែង  និងកង្កែបរបស់ គាត់  អាចលក់បានជាបណ្តើរៗហើយ  ក្នុងតម្លៃត្រីអណ្តែង ១២០០០៛/គ.ក្រ  និងកង្កែប ១៥០០០៛/គ.ក្រ។ លោកថា ថ្ងៃខ្លះរកចំណូលបាន ២៥-៣០ម៉ឺនរៀលក្នុងមួយថ្ងៃ ទាំងត្រីអណ្តែង និងកង្កែប  ក្រៅពីនេះលោក  អាចរកចំណូលបានពីផលស្រូវ ដូង និងមាន់ ដែលអាចទ្រទ្រង់ជីវភាពបាន។ ឯកឧត្តមរដ្ឋមន្ត្រី និង…

ភ្នំពេញ ៖ ចក្រភពអង់គ្លេស និងអៀរឡង់ខាងជើងបានសម្រេចមិនបន្តការអនុវត្តព្យួរមួយផ្នែកនៃប្រព័ន្ធអនុគ្រោះពន្ធរបស់សហភាពអឺរ៉ុបក្នុងក្របខ័ណ្ឌប្រព័ន្ធអនុគ្រោះពន្ធលើគ្រប់មុខទំនិញទាំងអស់លើកលែងតែសព្វាវុធ EBA មកលើប្រទេសកម្ពុជាទៀតនោះទេ ពោលគឺចក្រភពអង់គ្លេស នឹងអនុវត្តន៍នូវគោលនយោបាយពាណិជ្ជកម្មឯករាជ្យចាប់ពីដើមខែមករា ឆ្នាំ2021តទៅ។ ដោយហេតុថា ចក្រភពអង់គ្លេសបានមើលឃើញពីផលប៉ះពាល់នៃជំងឺកូវីដ-19 មកលើក្រុមមនុស្សងាយរងគ្រោះជាច្រើននៃសង្គមកម្ពុជា ជាពិសេសកម្មកររោងចក្រកាត់ដេរនោះ រដ្ឋាភិបាលចក្រភពអង់គ្លេស និងអៀរឡង់ខាងជើងបានសម្រេចមិនបន្តការអនុវត្តព្យួរមួយផ្នែកនៃប្រព័ន្ធអនុគ្រោះពន្ធរបស់សហភាពអឺរ៉ុបមកលើប្រទេសកម្ពុជាទៀតនោះទេ។ លោកបណ្ឌិត ហុង វណ្ណៈប្រធាននាយកដ្ឋាននៃវិទ្យាស្ថានទំនាក់ទំនងអន្តរជាតិកម្ពុជាបានប្រាប់ភ្នាក់ងារព័ត៌មាន AMSថា កាលពីពេលកន្លងទៅអង់គ្លេសបានសន្យាជាមួយកម្ពុជាច្រើនដែរ ប៉ុន្តែវាផ្អែកទៅលើការផ្តាច់ខ្លួនពីសហភាពអឺរ៉ុបរបស់អង់គ្លេស។ ដូច្នេះទំនាក់ទំនងទ្វេភាគីកម្ពុជា- អង់គ្លេសនៅមានចរន្តល្អមែនទែន។ លោកបណ្ឌិតបានមានប្រសាសន៍ថា ៖« ទំហំពាណិជ្ជកម្មកម្ពុជា- អង់គ្លេសទោះបីមិនធំដូចជាមួយសហរដ្ឋអាមេរិក តែអង់គ្លេសបានទទួលយកទំនិញពីកម្ពុជានូវផលិតផលវាយនភ័ណ្ឌ វិស័យកសិកម្ម និងផលិតផល កសិ-ឧស្សាហកម្មផ្សេងៗទៀតរបស់កម្ពុជា។ បើប្រៀបធៀបទៅនឹង EBA វាសមាមាត្រគ្នាដែរ ដូចគ្នានឹងកិច្ចព្រមព្រៀងពាណិជ្ជកម្មជាមួយនឹងបណ្តាប្រទេសផ្សេងដូចជា ចិន កូរ៉េ ជប៉ុន និងបណ្តាប្រទេសអាស៊ានមួយចំនួន»។ លោកបណ្ឌិត ហុង វណ្ណៈបានបញ្ជាក់ថា ៖ «ជាសញ្ញាណល្អ ព្រោះអង់គ្លេស ជាសមាជិកសហភាពអឺរ៉ុប ដែលយើងសង្ឃឹមថាការនាំចេញេ- នាំចូល នៅបន្តកិច្ចសហប្រតិបត្តិការ នោះជាការល្អ ព្រោះអង់គ្លេសជាប្រទេសមានឥទ្ធិពលខាងសេដ្ឋកិច្ចល្អជាមួយបណ្តាប្រទេសធំៗ។ ដូច្នេះវាជារឿងល្អសម្រាប់កម្ពុជាយើងនៅ ឆ្នាំ2021ខាងមុខនេះ ដែលយើងអាចបង្កើតកិច្ចព្រមព្រៀងពាណិជ្ជកម្មសេរីជាមួយគ្នា ក្រោយពីកូវីដ។យើងនឹងទទួលបានកំណើននៃការធ្វើពាណិជ្ជកម្មពិសេសប្រសិនបើយើងអាចជំរុញការនាំចេញរបស់យើងក្នុងវិស័យសហគ្រាសធុនតូច…

Forbes ៖ អស់រយៈពេលជិត 1 ឆ្នាំំមកហើយដែលវិរុសរាតត្បាតកូវីដ19 បានធ្វើឲ្យពិភពលោកស្ទើរតែជាប់គាំង។ វិស័យនានាត្រូវបានរាំងស្ទះជាពិសេសការធ្វើដំណើរ និងធ្វើឲ្យមនុស្សរាប់លាននាក់បាត់បង់ការងារ និងរាប់រយលាននាក់ទៀតបានធ្លាក់ចុះទៅក្នុងកម្រិតជីវភាពក្រីក្រកាន់តែខ្លាំង។ ប៉ុន្តែគួរឲ្យភ្ញាក់ផ្អើលនៅពេលដែលយើងងាកមកមើលតួលេខដែលត្រូវបានចេញផ្សាយដោយកាសែត The Forbes នៅសប្តាហ៍នេះវិញបានបង្ហាញថាក្នុងរយៈពេល 1ឆ្នាំដូចគ្នានេះ បែរជាក្រុមកំពូលមនុស្សដែលមានទ្រព្យសម្បត្តិច្រើនបំផុតលើពិភពលោកវិញគឺកំពុងតែកើបលុយយ៉ាងច្រើនសន្ធឹកសន្ធាប់។ Forbes បានបញ្ជាក់ថា មហាសេដ្ឋីពាន់លានដុល្លារប្រមាណជាជាង 2.200 នាក់នៅទូទាំងពិភពលោកអាចប្រមូលបានលុយទាំងអស់បញ្ចូលគ្នាទៅដល់ 1.9 ទ្រីលានដុល្លារសម្រាប់ឆ្នាំ 2020 នេះ។ការរាប់បញ្ចូលទាំងស្តុកភាគហ៊ុរបស់ពួកគេផងដោយ Forbes គិតត្រឹមថ្ងៃសុក្រទី11 ខែធ្នូ បានបង្ហាញទៀតថាទ្រព្យសម្បតិ្តរបស់មហាសេដ្ឋីពាន់លានទាំងអស់បញ្ចូលគ្នាគឺមានរហូតទៅដល់ 11,4 ទ្រីលានដុល្លារ។ ទំហំនេះគឺមានការកើនឡើងប្រមាណជា 20 ភាគរយពីតួលេខកាលពីឆ្នាំចាស់ដែលគិតត្រឹមថ្ងៃទី31 ខែធ្នូ ឆ្នាំ2019 ទ្រព្យសម្បត្តិរបស់ពួកគេគឺមានត្រឹមតែ 9.5 ទ្រីលានដុល្លារប៉ុណ្ណោះ។ ក្នុងនោះក្រុមមហាសេដ្ឋីពាន់លានរបស់អាមេរិកដែលត្រូវបានគេជឿមានចំនួនប្រមាណជា 600 នាក់គឺជាអ្នកដែលមានទ្រព្យសម្បត្តិច្រើនជាងគេបំផុតដល់ទៅ 4 ទ្រីលានដុល្លារ ពោលក្រោយអាចប្រមូលបានប្រាក់ចំណេញដល់ទៅជាង 560 ពាន់លានដុល្លារគិតចាប់តាំងពីដើមឆ្នាំ2020 មក។ គ្មានមហាសេដ្ឋីរូបណាដែលអាចធ្វើបានល្អជាងមហាសេដ្ឋីពាន់លាន និងជាម្ចាស់ក្រុមហ៊ុន Telsa លោក Elon Musk នោះឡើយ។ ភាគហ៊ុនរបស់…