ឥណ្ឌា ៖ VerSe Innovation ក្រុមហ៊ុនបច្ចេកវិទ្យាមួយរបស់ឥណ្ឌាដែលបានផលិតកម្មវិធីទូរស័ព្ទថ្មីមួយដែលមានលក្ខណៈស្រដៀងទៅនឹង Tik Tok នោះត្រូវបានគេដឹងថាទើបតែទទួលបានប្រាក់វិនិយោគដល់ទៅជាង 100 លានដុល្លារពីក្រុមអ្នកវិនិយោគល្បីៗដូចជា Google និង Microsoft ជាដើមផងពោលគឺតែប៉ុន្មានខែប៉ុណ្ណោះបន្ទាប់ពី Tik Tok ត្រូវបានឥណ្ឌាបិទដំណើរការនៅក្នុងប្រទេសរបស់ខ្លួន។ កម្មវិធីដែលត្រូវបានគេស្គាល់ឈ្មោះថា Josh គឺជាកម្មវិធីមួយក្នុងចំណោមកម្មវិធីស្រដៀងគ្នាទៅនឹង Tik Tok មួយចំនួនទៀតដែលត្រូវបានបង្កើតឡើងដោយក្រុមហ៊ុនបច្ចេកវិទ្យាក្នុងស្រុកហើយវាកំពុងបានទទួលការគាំទ្រយ់ាងខ្លាំងដើម្បីជំនួសកម្មវិធី Tik Tok ដែលត្រូវបានរដ្ឋាភិបាលឥណ្ឌាប្រកាសបិទដំណើរការតាំងតែពីខែមិថុនាជុំវិញបញ្ហាព្រំដែនជាមួយគ្នារវាងចិន និងឥណ្ឌា។ ដោយសារតែភាពពេញនិយមបែបនេះទើបធ្វើឲ្យ Josh បានទាក់ទាញចំណាប់អារម្មណ៍ពីអ្នកវិនិយោគបរទេសជាច្រើនហើយសង្ឃឹមថាកម្មវិធីនេះនឹងអាចបំពេញចន្លោះប្រហោងទីផ្សារដែល Tik Tok ធ្លាប់មានមុនពេលចាកចេញទៅ។ មកដល់ពេលនេះក្រុមហ៊ុន VerSe Innovation ដែលជាក្រុមហ៊ុនមេរបស់ Josh ត្រូវបានគេដឹងថាមានតម្លៃខ្លួនរហូតទៅដល់ 1 ពាន់លានដុល្លាររួចទៅហើយក្រោយការវិនិយោគលើកនេះ។ កាលពីខែកញ្ញាកន្លងមកនេះ កម្មវិធីចែករំលែកវីដេអូមួយទៀតដែលមានឈ្មោះថា Moj ដែលជាផលិតផលរបស់ក្រុមហ៊ុន ShareChat ក៏ទើបតែទទួលបានកញ្ចប់វិនិយោគប្រមាណជា 40 លានដុល្លារផងដែរពីសំណាក់ក្រុមហ៊ុនដូចជា Twitter Inc និង Lightspeed Ventures។ ទាំង…

បរទេស ៖ ជាអត្ថបទគួរឲ្យចាប់អារម្មណ៍មួយនៅពេលដែលយើងអាចនឹងដឹងដំណឹងបានថាក្រុមហ៊ុនផលិតស្មាតហ្វូនដ៏ល្បី Appleពេលនេះកំពុងតែមានផែនការងាកមកផលិតរថយន្តបើកបរដោយស្វ័យប្រវត្តិវិញហើយក្នុងនោះគេជឿជាក់ទៀតថារថយន្តដំបូងរបស់ខ្លួននឹងចាប់ផ្តើមមានវត្តមានចាប់ពីឆ្នាំ2024 ខាងមុខនេះហើយ។ យោងតាមប្រភពដ៏ច្បាស់ការមួយដែលបានផ្តល់ទៅឲ្យក្រុមអ្នកយកព័ត៌មានរបស់រ៉យទ័របានបញ្ជាក់កាលពីពេលថ្មីៗនេះថាកិច្ចខំប្រឹងប្រែងរបស់ Apple សម្រាប់រថយន្តបើកបរស្វ័យប្រវត្តិនេះត្រូវបានគេស្គាល់ឈ្មោះថាជាគម្រោង Titan Project ដែលវាត្រូវបានគេបង្ហើបប្រាប់ដំបូងតាំងតែពីឆ្នាំ2014 មកម្ល៉េះនៅពេលដែល Apple ចាប់ផ្តើមឌីសាញរូបរាងពីគំនូសគូសដោយដៃ។ មកដល់បច្ចុប្បន្ននេះគេជឿជាក់ថា Apple បានកំពុងព្យាយាមយកការងារនេះមកចាប់ផ្តើមវាយតម្លៃឡើងវិញហើយដោយផ្តោតយកចិត្តទុកដាក់ជាពិសេសទៅកម្មវិធីនៃបច្ចេកវិទ្យារបស់រថយន្ត​ និងជាពិសេសជាមួយនឹងបច្ចេកវិទ្យាថ្មរបស់ខ្លួនដែលមានស្រាប់តែម្តង។ លោក Doug Field បុគ្គលិកចាស់របស់ក្រុមហ៊ុន Apple ដែលធ្លាប់បានធ្វើការជាមួយនឹងក្រុមហ៊ុនផលិតរថយន្តអគ្គិសនីដ៏ល្បី​ Telsa បានមួយរយៈធំនោះក៏ត្រូវបានគេដឹងដែរថាបានវិលត្រឡប់មកចូលរួមជាមួយនឹង Apple វិញកាលពីឆ្នាំ2018 ហើយនឹងធ្វើជាអ្នកគ្រប់គ្រងគម្រោងនេះតែម្តងផងដែរ​ ហើយមួយឆ្នាំបន្ទាប់ប៉ុណ្ណោះគាត់បានជម្រុះបុគ្គលិកប្រមាណជា190 នាក់ចេញ។ បើទោះបីជា Apple មិនដែលមានផែនការប្រកាសវាជាសាធារណៈនៅឡើយក្តី​ ប៉ុន្តែប្រភពមនុស្សពីររូបដែលជិតស្និទ្ធទៅនឹងគម្រោងនេះបានបញ្ជាក់ថាក្រុមហ៊ុនមានមហិច្ចិតាក្នុងការផលិតឲ្យបានរថយន្តនេះដើម្បីអាចប្រកួតប្រជែងទីផ្សារជាមួយនឹងរថយន្ត Waymo របស់ក្រុមហ៊ុន Alphabet Inc’s ព្រមទាំង Tesla ផង៕

ភ្នំពេញ ៖ ប្រទេសបារាំង តាមរយៈទីភ្នាក់ងារអភិវឌ្ឍន៍បារាំង (AFD) បានផ្តល់ហិរញ្ញប្បទានរហូតដល់ចំនួន៧៥លានអឺរ៉ូ ស្មើនឹងប្រមាណជាង៩១លានដុល្លារ សម្រាប់ពង្រឹងវិស័យកសិកម្ម និងប្រយុទ្ធប្រឆាំងនឹងបម្រែបម្រួលអាកាសធាតុនៅកម្ពុជា។ ទីស្ថានទូតបារាំងប្រចាំនៅកម្ពុជាបានបញ្ជាក់ថា នៅថ្ងៃទី២១ ខែធ្នូ ឆ្នាំ២០២០ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ លោកជំទាវអេវ៉ា ង្វៀន ប៊ិញ ឯកអគ្គរដ្ឋទូតបារាំងប្រចាំកម្ពុជា រួមជាមួយលោកស្រី អូហ្វេលី បួរីស នាយិកាទីភ្នាក់ងារអភិវឌ្ឍន៍បារាំងប្រចាំកម្ពុជា បានចុះហត្ថលេខាលើអនុសញ្ញាហិរញ្ញប្បទានចំនួន២ ដើម្បីគាំទ្រដល់ដល់ការអភិវឌ្ឍវិស័យកសិកម្ម និងជនបទប្រកបដោយចីរភាព ក៏ដូចជាការអភិវឌ្ឍដែលធន់នឹងបម្រែបម្រួលអាកាសធាតុនៅកម្ពុជា។ តាមរយៈសេចក្ដីប្រកាសរបស់ស្ថានទូតបារាំងប្រចាំនៅកម្ពុជាបានបញ្ជាក់ថា គម្រោង Rural Infrastructure Development for Camdodia (RID4CAM) នឹងជួយកែលម្អសេវាមូលដ្ឋានសម្រាប់ប្រជាជននៅតាមជនបទ និងចូលរួមចំណែកតភ្ជាប់តំបន់ដាច់ស្រយាល។ ចំណែកកម្មវិធី Agriculture Value Chain Competitiveness and Safety Enhancement (ACSEP) នឹងបង្កលក្ខណៈងាយស្រួលដល់ពិពិធកម្មវិស័យកសិកម្ម តាម រយៈការគាំទ្រផ្នែកដ៏មានសក្តានុពលទាំងប្រាំ (រួមមានគ្រាប់ស្វាយ ចន្ទី…

បរទេស ៖ យោងទៅតាមការប្រកាសជូនដំណឹងពីសំណាក់ក្រុមហ៊ុនផលិតអាវុធដ៏ល្បីរបស់អាមេរិក Lockheed Martin Corp កាលពីថ្ងៃចុងសប្ដាហ៍កន្លងទៅថ្មីៗនេះបានឲ្យដឹងថាកិច្ចព្រមព្រៀងគ្នាមួយដើម្បីទិញយកក្រុមហ៊ុនផលិតម៉ាស៊ីនសម្រាប់ដំណើរការគ្រាប់រ៉ូកែតដែលមានឈ្មោះថា Aerojet Rocketdyne Holdings Inc ត្រូវបានធ្វើឡើងរួចរាល់ហើយ។ សេចក្តីប្រកាសដដែលបានបញ្ជាក់ទៀតថាកិច្ចព្រមព្រៀងទិញលក់នេះមានតម្លៃប្រមាណជា 4,4 ពាន់លានដុល្លារដែលរាប់បញ្ចូលទាំងបំណុល និងប្រាក់សុទ្ធផង ហើយវាត្រូវបានគេមើលឃើញថាគឺជាកុងត្រាទិញលក់ដ៏ធំបំផុតរបស់ Lockheed ចាប់តាំងតែពីមានវត្តមានរបស់ប្រធានប្រតិបត្តិថ្មីកាលពីខែមិថុនាកន្លងមក។ អ្វីដែលគេអាចមើលឃើញពីគោលបំណងធំរបស់ប្រធានប្រតិបត្តិក្រុមហ៊ុនថ្មីរូបនេះនោះគឺថាលោកមានមហិច្ឆិតាធំក្នុងការប្រកួតប្រជែងនៅក្នុងវិស័យស្រាវជ្រាវ និងដឹកជញ្ជូនទៅកាន់លំហអាកាសជាមួយនឹងក្រុមហ៊ុនយក្សទាំង 2 ទៀតដូចជា SpaceX របស់លោក Elon Musk និង Blue Origin របស់លោក Jeff Bezos ផងដោយរំពឹងទុកយ៉ាងជឿជាក់ថានឹងអាចប្រមូលបានកុងត្រាសំខាន់ៗពីសំណាក់រដ្ឋាភិបាលអាមេរិកនាពេលខាងមុខ។ Lockheed បានបន្តទៀតដែរថាដំណើរការផ្ទេរប្រតិបត្តិការដែលនឹងត្រូវត្រួតពិនិត្យដោយផ្ទាល់ពីក្រុមនិយ័តកររបស់អាមេរិកក្នុងនាមជាក្រុមហ៊ុនដែលនាំមុខគេបំផុតនៅក្នុងវិស័យការពារជាតិហើយរំពឹងទុកថាវានឹងចប់សព្វគ្រប់នៅក្នុងពាក់កណ្តាលឆ្នាំ2021 ខាងមុខនេះជាមិនខាន៕

បរទេស៖ នៅដើមសប្តាហ៍នេះលោកនាយករដ្ឋមន្ត្រីអង់គ្លេស Boris Johnson បានធ្វើការប្រកាសបដិសេធមិនទទួលយកការអំពាវនាវដែលនឹងសុំឲ្យមានការពន្យាពេលចំពោះកាលកំណត់ចុងក្រោយនៃកិច្ចព្រមព្រៀងពាណិជ្ជកម្មក្រោយ Brexit នោះទេ ទោះបីជាពេលនេះទាំងកិច្ចពិភាក្សាគ្នាក៏ជាប់គាំងចំណែកឯប្រទេសក៏កំពុងជួបបញ្ហាប្រឈមមុខនឹងកូវីដ19កាន់តែខ្លាំងផងនោះ។ មេដឹកនាំនៃគណបក្ស SNP គឺលោក Nicola Sturgeon ព្រមទាំងអភិបាលក្រុងឡុងលោក Sadiq Khan ផងបានស្នើសុឲ្យអង់គ្លេសគួរតែចាប់ផ្តើមកិច្ចចរចាជាមួយនឹងអឺរ៉ុបឡើងវិញនៅក្រោយថ្ងៃទី៣១ ខែធ្នូជំនួសវិញដើម្បីអាចឲ្យភាគីទាំងសងខាងមានពេលវេលាគ្រប់គ្រាន់ក្នុងការសម្រេចចិត្តទៅលើកិច្ចព្រមព្រៀងនេះ។ ប៉ុន្តែទោះបីជាយ៉ាងណាក្តីលោកនាយករដ្ឋមន្ត្រីអង់គ្លេសបានឆ្លើយតបវិញថាជំហរបស់គាត់គឺនឹងមិនផ្លាស់ប្តូរឡើយ ហើយលោកចង់ឲ្យអង់គ្លេសសហការគ្នា និងដោះស្រាយបញ្ហាដ៏លំបាកនេះតែម្តងដោយមិនចាំបាច់រងចាំពេលវេលាបន្ថែមទៀតនោះទេ។ គួរឲ្យដឹងដែរថាកិច្ចព្រមព្រៀងរវាងអង់គ្លេស និងសហភាពអឺរ៉ុបមកដល់ពេលនេះនៅតែបន្តនៅឡើយទាំងដែលកាលកំណត់សម្រាប់ឲ្យអង់គ្លេសចេញពីប្លុកអឺរ៉ុបឬ Brexit នៅសល់តែរយៈពេល១០ថ្ងៃទៀតប៉ុណ្ណោះ ពោលគឺត្រឹមថ្ងៃទី៣១ខែធ្នូខាងមុខនេះ។ នេះមានន័យថាប្រសិនបើមិនមានកិច្ចព្រមព្រៀងពាណិជ្ជកម្មណាមួយត្រូវបានធ្វើឡើងទេនោះទាំងប្រទេសអង់គ្លេស និងសហភាពអឺរ៉ុបនឹងប្រើប្រាស់គោលការណ៍ដាក់ពន្ធទៅលើទំនិញនិងតម្លៃរៀងៗខ្លួនជាមិនខាន៕

ក្រុមហ៊ុនចំនួន 4 មានទីតាំងនៅខេត្តកំពង់ស្ពឺ បាននឹងកំពុងត្រៀមលក្ខណៈសម្បត្តិលើការងារបច្ចេកទេសបានត្រឹមត្រូវ ដើម្បីឆ្លើយតបតាមលក្ខខណ្ឌតម្រូវភូតគាមអនាម័យសម្រាប់ការនាំចេញស្វាយកែវរមៀតស្រស់ពីកម្ពុជាទៅកាន់សាធារណរដ្ឋប្រជាមានិតចិន។ យោងតាមកម្មវិធីវាយតម្លៃលើវឌ្ឍនភាពរបស់ក្រុមហ៊ុនទាំង 4 ទាំងនោះគឺ ៖ទី1- ក្រុមហ៊ុន Green Centric Farm Co., Ltd ទី2- ក្រុមហ៊ុន បឹងកេត ហ្វេសហ៊្រូត ឯ.ក ទី3- ក្រុមហ៊ុន Long Wo Agriculture (Cambodia) និងទី4- ក្រុមហ៊ុនបាមីន អេហ្គ្រីខលឈ័រ ហាយ-ថេក ឌីវេឡុបមិន ឯ.ក ។ រដ្ឋមន្ត្រីកសិកម្ម រុក្ខប្រមាញ់ និងនេសាទ ឯកឧត្តម វេង សាខុន បានស្នើឱ្យក្រុមហ៊ុនជួយបណ្តុះបណ្តាលបច្ចេកទេសដល់ម្ចាស់ចម្ការ ដើម្បីឱ្យពួកគាត់ទទួលយកបច្ចេកវិទ្យាទៅអនុវត្តក្នុងចម្ការ ឬអនុវត្តតាមស្តង់ដារ GAP ធ្វើយ៉ាងណាធានាបាននូវស្តង់ដារចម្ការ មានអនាម័យ គុណភាព និងសុវត្ថិភាព ដើម្បិឱ្យផលិតផលស្វាយ អាចធានាបាននូវតម្លៃ លើវត្ថុធាតុដើមនេះ។ ឯកឧត្តម វេង សាខុន ក៏បានប្រាប់ឱ្យក្រុមហ៊ុន ត្រូវសហការជាមួយមន្ទីរកសិកម្ម…

តាមបទបញ្ជារបស់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា អាជ្ញាធរខេត្តទាំង7 ស្ថិតនៅតំបន់ព្រំដែន បានធ្វើការរឹតបន្តឹង និងពង្រឹងការអនុវត្តការត្រួតពិនិត្យ និងធ្វើចត្តាឡីស័ករយៈពេល14ថ្ងៃ ដើម្បីទប់ស្កាត់ការរាលដាលជំងឺឆ្លងដែលកំពុងកើតមាននៅក្នុងខេត្តសាមុតសាខបប្រទេសថៃ។ សម្តេចតេជោ បានបញ្ជាឱ្យរាល់ពលករទាំងអស់ដែលត្រឡប់មកពីប្រទេសថៃពេលនេះ ត្រូវធ្វើចត្តាឡីស័ករយៈពេល14ថ្ងៃពេញ ពេលចូលមកកម្ពុជា។សម្តេចតេជោ ក៏បានជំរុញ ឱ្យអភិបាលខេត្តទាំង7 ដែលនៅជាប់ព្រំដែនថៃ រឹតបន្តឹង និងពង្រឹងការធ្វើចត្តាឡីស័ក ឱ្យបានរយៈពេល14ថ្ងៃ ទាំងពលករខ្មែរទៅធ្វើការនៅប្រទេសថៃនិងត្រឡប់មកវិញ ដើម្បីទប់ស្កាត់ការចម្លង កូវីដ-19 ហើយការធ្វើចត្តាឡីស័កនេះ ត្រូវធ្វើឡើងនៅព្រំដែនតែម្តង។ ខេត្តសាមុតសាខននៃប្រទេសថៃនេះ មានចម្ងាយមកប្រទេស កម្ពុជា ប្រហែលជា 300 គីឡូម៉ែត្រ និងមានខេត្តដែលមានច្រកចេញ-ចូលជាមួយប្រទេសថៃ ដូចជា ខេត្តកោះ កុង ពោធិ៍សាត់ បាត់ដំបង បន្ទាយមានជ័យ និងឧត្តរមានជ័យ ជាដើមនោះ និងដើម្បី ការពារ ការចម្លង វីរុសកូវីដ-19 ចូលមកក្នុងប្រទេសកម្ពុជាជាយថាហេតុ ដោយសារ ការចល័ត របស់បុគ្គល ឬរបស់អ្នកដំណើរដែលមានផ្ទុកនូវវីរុសកូវីដ-19 ។ យប់ថ្ងៃទី20 ខែធ្នូឆ្នាំ2020 សម្ដេចតេជោ ថ្លែងថា៖« ទាក់ទងនឹងការផ្ទុះឡើងនូវជំងឺឆ្លងកូវីដ-19…

បរទេស៖ពេលវេលាកំណត់ដែលធ្លាប់បានប្រកាសរបស់រថយន្តបើកបរដោយស្វ័យប្រវត្តិ 100 ភាគរយនៃក្រុមហ៊ុន Tesla គឺកាន់តែខិតជិតមកដល់ហើយ​ ប៉ុន្តែនៅថ្ងៃនេះប្រធានប្រតិបត្តិរបស់ក្រុមហ៊ុនគឺលោក Elon Musk បានសរសេរសារបង្ហោះនៅលើគណនី​ បណ្ដាញ Twitter របស់លោកដោយបញ្ជាក់អំពីពេលវេលាថ្មីមួយទៅវិញ។ លោក Musk បានបញ្ជាក់ថា​ ការចុះឈ្មោះដើម្បីអាចបញ្ជាទិញ​ និងបង់ប្រាក់ប្រចាំខែសម្រាប់ម៉ូឌែលថ្មីរបស់ Tesla នេះគឺ អាចនឹងចាប់ផ្តើមធ្វើឡើងនៅដើមឆ្នាំក្រោយនេះ ហើយលើសពីនេះសម្រាប់អ្នកដែលបានបង់ប្រាក់ប្រចាំខែសម្រាប់រថយន្តពាក់កណ្តាលស្វ័យប្រវត្តិទៅហើយនោះគឺនឹងនៅតែអាចមានសិទ្ធិក្នុងការបញ្ជាទិញម៉ូដេលថ្មីនេះដដែលក្នុងទំហំបង់ដដែលដោយគ្រាន់តែចំណាយការបង់ច្រើនខែបន្ថែមប៉ុណ្ណោះ។ គួរឲ្យដឹងដែរថាកាលកំណត់ដំបូងឡើយដែល Tesla ធ្លាប់បានសន្យានោះគឺនៅចុងឆ្នាំ2020 ប៉ុន្តែច្បាស់ណាស់នៅពេលនេះគឺ Tesla នឹងមិនអាចធ្វើបានតាមការព្រៀងទុកឡើយ​ប៉ុន្តែវាក៏អាចអនុញ្ញាតឲ្យអតិថិជនរបស់ខ្លួនមានពេលវេលាកាន់តែច្រើនក្នុងការសម្រេចចិត្តទិញម៉ូឌែលថ្មីនេះផងដែរ។ ក្រៅតែពីនោះសម្រាប់អ្នកដែលកំពុងប្រើប្រាស់រថយន្តពាក់កណ្តាលស្វ័យប្រវត្តិរបស់ Tesla នឹងនៅតែអាចមានឱកាសក្នុងការសាកល្បងនូវមុខងារថ្មីមួយចំនួនដែលរថយន្តស្វ័យប្រវត្តិ 100 ភាគរយបានបំពាក់ផងដែរប្រសិនបើអតិថិជនរបស់ខ្លួនមិនចង់ចំណាយលុយប្រមាណជា100.000 ដុល្លារសម្រាប់ម៉ូឌែលថ្មីនេះទេនោះ៕