ភ្នំពេញ៖ ក្នុងចំណោមយុវជនអ្នកស្វែងរកការងារធ្វើចំនួន៣៤៥ នាក់ដែលបានចូលរួមដាក់ពាក្យស្វែងរកការងារ ក្នុងវេទិកាការងាររបស់ទីភ្នាក់ងារជាតិមុខរបរ និងការងារ(NEA)កាលពីថ្ងៃទី២៤ ខែសីហា ឆ្នាំ ២០២៣ក្នុងនេះមានយុវជនអ្នកសម្ភាសន៍ជាប់បឋមចំនួន ១៥១នាក់។នេះបើតាមការបញ្ជាក់ឱ្យដឹងពីសំណាក់ទីភ្នាក់ងារជាតិមុខរបរ និងការងារ(NEA)របស់ក្រសួងការងារ និង បណ្តុះបណ្តាលវិជ្ជាជីវៈ។ វេទិកាការងាររបស់ NEA សហការជាមួយនឹង សសយក វិស័យការងារ និងបណ្តុះបណ្តាលវិជ្ជាជីវៈបានផ្តល់ឱកាសការងារសរុបចំនួន ៧៩៩កន្លែង ពីក្រុមហ៊ុនធំៗចំនួន១0 នឹងត្រូវបានផ្តល់ជូនយុវជន សិស្ស/និស្សិត និងអ្នកស្វែងរកការងារធ្វើក្នុងវេទិកាការងារ កាលពីថ្ងៃម្សិលម៉ិញ។ កញ្ញា ជាវ មួយគីម មកវិទ្យាស្ថានបណ្តុះបណ្តាលបច្ចេក ជំនាញវិស្វកម្មអគ្គីសនី ដែលបានសម្ភាសជាប់បឋមនៅក្រុមហ៊ុន DDD មើលឃើញថា វេទិកាការងារនេះគឺពិតជាបានរួមចំណែកយ៉ាងធំធេងក្នុងការជួយដល់អ្នកមានបំណងចង់ស្វែងរកការងារធ្វើ ឬចង់ផ្លាស់ប្តូរការងារ ឲ្យបានជួបជាមួយនឹងនិយោជក។ មួយគីម បន្ថែមថា កន្លងមកខ្លួនមិនដែលដឹងថា NEA មានរៀបចំវេទិកាដូចនេះទេ ពេលដែល«ខ្ញុំចង់រកការងារធ្វើ ខ្ញុំតែងតែមើលលើវេបសាយផ្សេង ហើយក៏ដាក់ពាក្យទៀតសោតក៏មានក៏មានការរង់ចាំយូរដែរ ទំរាំតែគេតែហៅទៅសម្ភាសន៍ ហើយពេលខ្លះក៏អត់មានអ្នកតេហៅទៅសម្ភាសដែរ។ កញ្ញា ពិតជាអរគុណណាស់ដែល NEA រៀបចំវេទិកាការងារនេះឡើង ហើយកញ្ញាពិតជារំភើបណាស់ក្រោយទទួលបានដំណឹងថាជាប់ការងារនៅក្រុមហ៊ុន DDD។ ក្រសួងការងារបានបញ្ជាក់ថា សម្រាប់យុវជន សិស្ស-និស្សិត ដែលមិនបានចូលរួមក្នុងវេទិកាការងារក្នុងថ្ងៃនេះ…

ភ្នំពេញ៖ ស្របតាមយុទ្ធសាស្ត្របញ្ចកោណដំណាក់កាលទី១ ដែលបានដាក់ចេញ ដោយ រាជរដ្ឋាភិបាលកម្ពុជា ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និង នេសាទ កាលពីរសៀលថ្ងៃទី២៣ ខែសីហា ឆ្នាំ២០២៣ បានអញ្ជើញជួប សំណេះសំណាលជាមួយថ្នាក់ដឹកនាំក្រសួងកសិកម្ម និងមន្ត្រីរាជការក្រោមឱវាទ នាទីស្តីការក្រសួង ។ ឯកឧត្តមរដ្ឋមន្ត្រី ឌិត ទីណា បានសម្តែងនូវការអបអរសាទររដ្ឋាភិបាលអាណត្តិថ្មី នីតិកាលទី៧ និងបានចាប់ផ្តើមពិភាក្សា ជំរុញគោលនយោបាយវិស័យកសិកម្ម ស្របតាមយុទ្ធសាស្ត្របញ្ចកោណដំណាក់កាលទី១ ដែលបានដាក់ចេញដោយរាជរដ្ឋាភិបាលកម្ពុជា ក្រោមការដឹកនាំរបស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃកម្ពុជា។ ចំណុចយុទ្ធសាស្ត្រចំនួន២ ដែលទាក់ទងនឹងវិស័យកសិកម្ម គឺការដាក់ចេញនូវយន្តការសម្របសម្រួលនិងកម្មវិធីហិរញ្ញប្បទាន សំដៅលើកស្ទួយផលិតកម្មរកទីផ្សារ និងរក្សាលំនឹងថ្លៃកសិផលសំខាន់ៗក្នុងកម្រិតសមរម្យ និងការដាក់ពង្រាយមន្ត្រីបច្ចេកទេសកសិកម្មទៅគ្រប់ឃុំ-សង្កាត់ ដែលមានសកម្មភាពកសិកម្ម នៅទូទាំងប្រទេស និងការរៀបចំឱ្យមានសមាគមកសិករនៅតាមទីជនបទ។ ឯកឧត្តមរដ្ឋមន្ត្រី បន្តថា ប្រការចាំបាច់គឺត្រូវក្តាប់ស្ថានភាពកសិកម្មឱ្យបានច្បាស់លាស់តាមជំហាននៃគោលនយោបាយ ដោយក្នុងនោះឆ្នាំ២០២៧ ត្រូវមានភាពម្ចាស់ការនិងលទ្ធភាពខ្ពស់ ក្នុងការគ្រប់គ្រងដើម្បីធានាឱ្យបាននូវសន្តិសុខស្បៀង និងរក្សាស្ថិរភាពតម្លៃនៅទូទាំងប្រទេស។ ជាមួយគ្នានេះដែរ ត្រូវមានយុទ្ធសាស្ត្រកាត់បន្ថយថ្លៃដើម កាត់បន្ថយការចំណាយផ្សេងៗ ដើម្បីជួយឱ្យកសិករទទួលបានផលចំណេញ មានប្រសិទ្ធភាព និងនិរន្តរភាពសេដ្ឋកិច្ច…

រដ្ឋបាលជលផល សូមប្រកាសពីការប្រទះឃើញកូនផ្សោតកើតថ្មីមួយក្បាល ដែលមានអាយុកាលប្រមាណជាពីរសប្តាហ៍ នៅវេលាម៉ោងប្រមាណជា១០:៣០នាទីព្រឹក នាថ្ងៃទី២១ ខែសីហា ឆ្នាំ២០២៣ ត្រង់ចំណុចដើមក្តុល ក្នុងភូមិសាស្ត្រភូមិព្រែកគ្រៀង ឃុំវឌ្ឍនៈ ស្រុកសំបូរ ខេត្តក្រចេះ ។ ការប្រទះឃើញនេះ ត្រូវបានរាយការណ៍ដោយអ្នកបើកទូកទេសចរណ៍នៅអន្លង់ផ្សោតកាំពី ក្នុងពេលកំពុងជូនភ្ញៀវទេសចរមើលសត្វផ្សោត។ ភ្លាមៗបន្ទាប់ពីបានទទួលសេចក្ដីរាយការណ៍ មន្ត្រីប៉ូលីសទេសចរណ៍ប្រចាំនៅរម្មណីយដ្ឋានអន្លង់ផ្សោតកាំពី និងក្រុមការងារអង្គការ WWF ប្រចាំខេត្តក្រចេះ បានចុះទៅពិនិត្យ និងស្វែងរកកូនសត្វផ្សោតនោះ ហើយក៏បានប្រទះឃើញកូនផ្សោតនោះ ហែលលេងនៅក្នុងក្រុមហ្វូងផ្សោតធំប្រមាណជាប្រាំពីរក្បាល។ សូមបញ្ជាក់ជូនថា កូនផ្សោតដែលបានប្រទះឃើញនេះ គឺជាកូនផ្សោត ទី ៦ ហើយ ដែលត្រូវបានកត់ត្រានៅក្នុងឆ្នាំ២០២៣ ចាប់ពី ខែមករា ដល់ខែសីហានេះ៕ ប្រភព ៖ មន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ

ភ្នំពេញ៖ សោមជារុក្ខជាតិនៅក្នុងអម្បូរជាមួយផ្តៅ មានកម្ពស់ប្រមាណ ៧-១០ម៉ែត្រ ព្រមទាំងមានអង្កត់ផ្ចិត ៤-៥សង់ទីម៉ែត្រ ហើយច្រើនដុះជិតប្រភពទឹកដូចជា៖ ជាប់ស្ទឹង អូរ តាមតំបន់ព្រៃភ្នំ។ ដើមសម្បូរបន្លាធំវែង ដែលនៅខ្នងធាង ឯស្លឹកវិញមើលទៅស្រដៀងស្លឹកដូង ។ សោម ឬ អ្នកស្រុកហៅថា ចុងសោមជារុក្ខជាតិត្រូវបានពលរដ្ឋខ្មែរចេះកែច្នៃមកធ្វើម្ហួបអាហារបរិភោគ និងខ្លះទៀតគេបានកែច្នៃមកធ្វើជាសម្ភារប្រើប្រាស់ទៀតផង ។ ទាក់ទិនក្នុងរឿងនេះលោក ប្រាក់ សុផាត រស់នៅភូមិសេដ្ឋកិច្ច ឃុំឈានមុខ ស្រុកត្បែងមានជ័យ ខេត្តព្រះវិហារដែលបាន មកកាប់សោមនៅលើកំពូលភ្នំត្បែងបានប្រាប់ឱ្យដឹងថា៖លោកតែងនាំកូនមករកកាប់សោមនេះទៅធ្វើម្ហូបនៅពេលណាដែលគ្រួសាររបស់លោកចង់បរិភោគ។សម្លដែលលោកតែងយកស្នូល សោមមកបរិភោគនោះគឺធ្វើសម្ល កកូរ សម្លប្រហើរ ធ្វើអន្លក់ និងធ្វើជាបន្លែផ្សេងៗទៀតដែលមានរស់ជាតិឆ្ងាញ់គួរជាគាប់ចិត្ត។សម្រាប់បណ្តូលសោមដែលគេយកមកស្លជាមួយសម្លកកូរវិញមានរស់ជាតិឆ្ងាញ់ជាងគេបំផុត។ បុរសវ័យ ៥៩ឆ្នាំជាអ្នកស្រុកតែងតែដើររកសោមទុកសម្រាប់បរិភោគតាំងតែពីវ័យក្មេងដល់ចាស់រូបនេះបានប្រាប់ដែរថា៖ជាធម្មតាសោមតែងដុះតាមមាត់អូរ។ទោះវាមានបន្លាពិបាកក្នុងការកាប់បន្តិចក្តីតែនៅពេលយកទៅធ្វើម្ហូបមានរស់ជាតិឆ្ងាញ់ពិសារធ្វើឱ្យអ្នកស្រុកតែងតែនឹកចង់បរិភោគវាជាញឹកញាប់។ គួរបញ្ជាក់ថាបើយោងតាមឯកសារស្រាវជ្រាវវិញបានឱ្យដឹងថាគេអាចប្រើសោមជាប្រយោជន៍ច្រើនយ៉ាង ដូចជាច្រៀកដើមចាស់យកមកចាក់សង្រែក,ចងកណ្តាប់ចង្អេរ ល្អី កញ្ជើ ធ្វើដងកណ្តបស្លឹកឃុនមាប្រក់ផ្ទះ ឬធ្វើសង្ហារិមខ្លះដូចជាផ្តៅផ្សេងៗទៀតផង។ ក្រៅពីដើម ស្លឹកក៏មានប្រយោជន៍ដែរ គឺគេកាត់យកទាំងធាង ហើយតម្រៀបគ្នា ដោយយកចម្រៀកដើមរបស់វាមកក្រងដើម្បីប្រក់ផ្ទះដ៏សក្តិសម ។ក្នុងការយកមកធ្វើម្ហូបនេះគេសកសម្បកក្រៅចោលទាំងអស់ ហើយយកតែបណ្តូលខ្ចីខាងក្នុង ។ សម្រាប់ បណ្តូលខ្ចីៗរបស់វានេះដែរអាចយកមកបុកជាមួយអំបិលលាយម្ទេសនិងល្ង ហូប, ស្រុះឬដុត ប្រើជាអន្លក់ជ្រលក់ប្រហុកឬទឹកគ្រឿង ឬទុកជ្រក់ក្រៅឆ្នាំង។…

កំពង់ចាម៖ ចេក គឺជាដំណាំ​មួយ​ប្រភេទដ៏ពេញនិយម និងជាតម្រូវការ​សម្រាប់មនុស្សគ្រប់រូប​ទាំងនៅ​កម្ពុជា និង​បរទេស​។ ផ្លែចេកតែងត្រូវបានពលរដ្ឋខ្មែរ យកទៅកែច្នៃ​ជាបង្អែម និងអាហារ​ជាច្រើនប្រភេ​ទ​ទៅ​តាមតម្រូវការ និងចំណង់​ចំណូលចិត្ត​។ ប្រើប្រាស់អត្ថប្រយោជន៍នៃផ្លែចេក បុរសម្នាក់​នៅឃុំ​តាអុង​ ស្រុក​ចម្ការលើ ខេត្តកំពង់ចាម បានកែច្នៃចេក ទៅ​ជាផលិតផលស្ករចេកដែលអាចនាំចេញទៅបរទេស និងស្រាចេកដែលអាចដាក់លក់​ក្នុងផ្សារ​ទំនើបធំៗទូទាំងប្រទេសផងដែរ។ លោក លឹម ផារ៉ា ​នាយក​ប្រតិបត្តិ​សហគ្រាស​គំនិត​ថ្មីដែលកែច្នៃចេកទៅជាស្ករ និងស្រា បានប្រាប់​ឱ្យដឹងថា ​មូលហេតុ​​ដែល​នាំ​ឱ្យលោក​​ឈាន​ដល់​ការ​បង្កើត​សហគ្រាស​នេះ​ឡើង ​​ដោយ​សារ​បញ្ហា​កកស្ទះ​កសិផល​ចេក​ខ្មែរ ទើប​លោក​ស្វែង​រក​គំនិត​ក្នុង​ការ​កែច្នៃ​កសិផល​ទាំង​នោះ។ ម្យ៉ាងគឺ​ដោយ​សារ​តែ​លោក​​ផ្ទា​ល់ និង​គ្រួសារ​មាន​បទពិសោធន៍​ច្រើន​ជាមួយនឹង​​កសិផល​ប្រភេទ​នេះ​ ដ្បិត​​នៅ​ឃុំ​តាអុង​ ស្រុក​ចម្ការលើ​ជា​តំបន់​ដែល​ដាំដុះ​ចេក​ច្រើន​​។ សហគ្រាសមួយនេះបានបង្កើតឡើងតាំង​ពី​ឆ្នាំ ២០១៣ ដោយដើម​ឡើយ គឺ​មាន​ការ​កែច្នៃ​ត្រឹម​តែ​ផលិ​តផល​ស្ករ​ចេក​ប៉ុណ្ណោះ​។ លុះដល់ឆ្នាំ ២០១៥​ ដោយ​ហេតុថា​បន្ទាប់​ពី​គាប​យក​ទឹកចេក​ដើម្បី​ផលិត​ស្ករ​ចេ​ក​រួច​ កាក​របស់​វា​គឺ​ត្រូវ​ចោល​ ដូចនេះហើយ​ទើប​ម្ចាស់សហគ្រាសរូបនេះ​យក​សាច់​ចេក​ទាំង​នោះ​បន្ត​កែច្នៃ​ទៅ​ជា​ស្រា​ដែល​មាន​គុណ​ភាព​មួយ​មុខ​ថែម​ទៀត​។ ទាក់ទិនទៅនឹង ការ​កែច្នៃ​ស្ករ​ចេក​ លោក លឹម ផារ៉ា បានឱ្យដឹងថា  ​មាន​ផល​វិបាក​ខ្លាំងនៅគ្រាដំបូង​ ពោល​ទាំង​ការ​ផលិត​ម៉ាស៊ីន​ដើម្បី​កែច្នៃ ហើយ​វា​ក៏​ទាមទារ​ពេល​ក្នុង​ការ​ស្រាវជ្រាវ​យូរ​ដោយ​ហេតុ​ថា​ពុំ​មាន​ប្រទេ​ស​​ផ្សេង​ផលិត​ផលិតផល​ប្រភេទ​នេះ​ឡើយ។ ការស្រាវជ្រាវ និងផលិតម៉ាស៊ីន បាន​ចាយ​ពេល​អស់​រយៈ​ប្រ​មា​ណ​ពីរឆ្នាំ​ទើប​អាច​ចាប់​ផ្ដើម​ដំណើរការ​កែច្នៃ​បាន ។ លោក លឹម ផារ៉ា បានរៀបរាប់ឱ្យដឹងថា…