ភ្នំពេញ៖​ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ គ្រោងនឹងរៀបចំពិព័រណ៍ការងារ និងផលិតភាពជាតិ រយៈពេលពីរថ្ងៃ គឺចាប់ពីថ្ងៃទី១០-១១ ខែវិច្ឆិកា ឆ្នាំ២០២៣ នៅអគារពាណិជ្ជកម្ម និងពិព័រណ៍កោះពេជ្រ រាជធានីភ្នំពេញ  ដោយរំពឹងថានឹងនាំយកឱកាសការងាររាប់ម៉ឺនកន្លែងជូនដល់យុវជន។ NEA នៅថ្ងៃទី​៣១ ខែសីហា បានឱ្យដឹងថា ការរៀបចំពិព័រណ៍នេះ ដោយមានកិច្ចសហការជាមួយសហភាពសហព័ន្ធយុវជនកម្ពុជាឬស.ស.យ.ក (UYFC) រាជធានីភ្នំពេញ, សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) និងគាំទ្រដោយដៃគូពាក់ព័ន្ធជាច្រើនទៀត។ NEA បានបញ្ជាក់ថា៖«ពិព័រណ៍ការងារថ្នាក់ជាតិដ៏ធំនេះ នឹងអាចទាក់ទាញ និងកៀរគរអ្នកចូលរួមទស្សនាយ៉ាងច្រើនកុះករ និងនំាមកនូវក្រុមហ៊ុន សហគ្រាស គ្រឹះស្ថានអប់រំបណ្តុះបណ្តាលល្បីឈ្មោះ អង្គការជាតិ-អន្ដរជាតិ ព្រមទាំងក្រសួង ស្ថាប័នរដ្ឋាភិបាល ចូលរួមដាក់តាំងបង្ហាញអំពីតម្រូវការជ្រើសរើសកម្លាំងពលកម្មប្រមាណជាង២ម៉ឺនកន្លែង ដែលនឹងចូលរួមតាំងបង្ហាញអំពី តម្រូវការជ្រើសរើសកម្លាំងពលកម្ម មគ្គទេសក៍ និងបទពិសោធន៍សម្រាប់ឈានចូលទីផ្សារការងារព្រមទាំងឱកាសបណ្តុះបណ្តាលជំនាញ»។ ទន្ទឹមនឹងនេះ កម្មវិធីនេះក៏នឹងមានរួមបញ្ចូលនូវសិក្ខាសាលាស្តីពីផលិតភាពថ្នាក់ជាតិក្នុងគោលបំណងដើម្បីលើកកម្ពស់ការយល់ដឹង និងបំផុសគំនិតទាក់ទងនឹងផលិតភាព តាមរយៈការចែករំលែកចំណេះដឹង បទពិសោធន៍ល្អៗ និងគន្លឹះសំខាន់ៗ ពីសំណាក់វាគ្មិនជំនាញៗ និងផ្សព្វផ្សាយលើកកម្ពស់ការយល់ដឹងពីសារសំខាន់នៃការបង្កើនផលិតភាពការងារ។ ទាក់ទងនឹងព្រឹត្តិការណ៍ពិព័រណ៍ការងារនេះដែរ លោក ​ឆោម​…

(ភ្នំពេញ) ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅរសៀលថ្ងៃទី២៩ ខែសីហា ឆ្នាំ២០២៣ បានចូលរួមកិច្ចប្រជុំពិភាក្សាការងារជាមួយក្រុមការងាររបស់វិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) នាទីស្តីការក្រសួងកសិកម្ម ។ ក្នុងកិច្ចប្រជុំនេះ ឯកឧត្តមរដ្ឋមន្ត្រី បានណែនាំឱ្យពិនិត្យលទ្ធភាព និងកិច្ចសហការគ្នារវាងក្រសួងកសិកម្ម និង CDRI ក្នុងការសិក្សាអំពីស្ថានភាពរបស់កសិករទូទាំងប្រទេស ដោយមានការវិភាគសេដ្ឋកិច្ច នៃផលិតភាពកសិកម្មធៀបនឹងផ្ទៃដី និងខ្សែច្រវាក់ផលិតកម្មគ្រប់ដំណាំទាំងអស់។ ចំពោះការងារទាក់ទងនឹងកម្មវិធីគំរូនវានុវត្តន៍ក្នុងវិស័យកសិកម្ម ឯកឧត្តមរដ្ឋមន្ត្រី បានណែនាំ CDRI ឱ្យមានការសហការជាមួយសាកលវិទ្យាល័យកសិកម្មទាំង៣ ដើម្បីឱ្យសិស្សនិស្សិតទទួលបាននូវគំនិតថ្មីៗបន្ថែមក្នុងការច្នៃប្រឌិតនេះ ។ បើតាម ឯកឧត្តមរដ្ឋមន្ត្រី ឌិត ទីណា ក្រសួងនឹងជួយគាំទ្របច្ចេកទេស និងជំរុញឱ្យមានសហគមន៍កសិកម្មគំរូថ្មី ដែលអាចមានលទ្ធភាពពង្រឹងខ្សែច្រវាក់តម្លៃ មានភាពម្ចាស់ការពិតប្រាកដ និងមានទុនគ្រប់គ្រាន់ ដើម្បីបង្កើនផលិតភាព គុណភាព សុវត្ថិភាព កាត់បន្ថយថ្លៃដើម មានប្រសិទ្ធភាព និងនិរន្តរភាពសេដ្ឋកិច្ច ដើម្បីសម្រេចនូវគោលនយោបាយ និងចក្ខុវិស័យរួម ក្នុងការចូលរួមជំរុញសេដ្ឋកិច្ចប្រទេសកម្ពុជាឱ្យក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ ៕ ប្រភព ៖ ក្រសួងកសិកម្ម

ភ្នំពេញ៖ គណៈកម្មាធិការជំរុញចលនាភូមិ១ ផលិតផល១ បានឱ្យដឹងថា នាពេលឆាប់ខាងមុខនេះ ក្រុមការងារពាក់ព័ន្ធគ្រោងនឹងរៀបចំវេទិកាផ្គូផ្គងអ្នកផលិត និងអ្នកទិញ នៅក្នុងខេត្តកណ្តាល ដើម្បីស្វែងរកដៃគូអាជីវកម្ម និងកៀរគរសក្ដានុពលសេដ្ឋកិច្ចក្នុងស្រុកនៃផលិតផល និងសេវាកម្មរបស់កម្ពុជា។ នេះបើតាមការឱ្យដឹងពីរដ្ឋបាលខេត្តកណ្តាលកាលពីថ្ងៃទី៣០ ខែសីហា ឆ្នាំ២០២៣។ លោក គ្រុយ ម៉ាឡែន អភិបាលរងខេត្តកណ្តាល ដែលបានដឹកនាំកិច្ចប្រជុំពិភាក្សារបស់គណៈកម្មាការជំរុញចលនាភូមិ១ ផលិតផល១ បានឱ្យដឹងថា វេទិកាផ្គូផ្គងអ្នកផលិតនិងអ្នកទិញ ដែលគ្រោងនឹងរៀបចំធ្វើនៅខេត្តកណ្តាលនាពេលខាងមុខនឹងមានចូលរួមពីបណ្ដាមន្ទីរជំនាញពាក់ព័ន្ធ។  វេទិកាផ្គូផ្គងរវាងអ្នកផលិតនិងអ្នកទិញ គឺបានចូលរួមចំណែកក្នុងការអនុវត្តយុទ្ធសាស្ត្រជាតិសម្រាប់ការកាត់បន្ថយភាពក្រីក្ររបស់ប្រជាពលរដ្ឋ។ លោកបញ្ជាក់ថា ៖«វេទិកានេះ គឺការកៀរគរសក្ដានុពលសេដ្ឋកិច្ចក្នុងស្រុកនៃផលិតផល និងសេវាកម្ម ដើម្បីលើកកម្ពស់ជីវភាព រស់នៅរបស់ប្រជាពលរដ្ឋ និងសហគមន៍មូលដ្ឋាន ដើម្បីបង្កើនគុណភាព និងទីផ្សារនៃផលិតផលក្នុងស្រុកលើការកសាង បណ្តាញទីផ្សារ ដើម្បីអោយប្រទាក់ក្រឡាគ្នារវាងអ្នកផលិត និងអ្នកទិញយកទៅប្រើប្រាស់សំដៅធ្វើឱ្យមានការអភិវឌ្ឍសេដ្ឋកិច្ចប្រកបដោយនិរន្តរភាពក្នុងប្រទេសជាដើម»។ ឆ្លៀតឱកាសនោះ លោកអភិបាលរងខេត្តកណ្ដាល ក៏បានស្នើដល់មន្ទីរជំនាញពាក់ព័ន្ធត្រូវធ្វើការសិក្សា និងទំនាក់ទំនងជាមួយដៃគូពាក់ព័ន្ធនានាឱ្យបានល្អ និងត្រូវធ្វើការផ្សព្វផ្សាយឱ្យបានទូលំទូលាយដល់សាធារណ:ជនឱ្យគាត់បានដឹងអំពីផលិតផល ក៏ដូចជាសមិទ្ធផលក្នុងខេត្តកណ្ដាលផងដែរ។ ទា​ក់​ទិ​ន​រឿងនេះដែរ ​ អ្ន​ក​​ជំ​នា​ញ​​​សេ​ដ្ឋ​កិ​ច្ច​នៃ​វិទ្យាស្ថាន​ទំនាក់ទំនង​​​អន្ត​រ​ជាតិ​ នៃ​​រាជ​ប​ណ្ឌិត្យ​ស​ភាក​ម្ពុ​ជា​​លោ​ក ​ហុង​ ​វ​ណ្ណៈ នៅថ្ងៃទី៣១ ខែសីហា ​បា​ន​ថ្លែង​​​គាំទ្រ​​​ឱ្យមាន​រៀបចំវេទិការផ្គូផ្គងរវាង អ្នកផលិត អ្នកលក់ និងអ្នកទិញនេះឡើង…