ដោយ៖ម៉ាដេប៉ូ រាជធានីភ្នំពេញ៖ស្ថានភាពនៃប្រភេទសត្វព្រៃសំខាន់ៗនៅក្នុងដែនជម្រកសត្វព្រៃកែវសីមាឆ្នាំ២០១០-២០២០ បានបង្ហាញថា មួយចំនួននៅថេរ ឯមួយចំនួនបានកើនឡើង ប៉ុន្តែក្នុងខណៈសត្វព្រៃមួយចំនួនទៀតមានការថយចុះគួរឱ្យព្រួយបារម្ភ។           នេះបើតាមការឱ្យដឹងពីអង្គការសមាគមន៍អភិរក្សសត្វព្រៃកម្ពុជា(WCS)ដែលបានចេញផ្សាយរបាយការណ៍១០ឆ្នាំស្តីពីស្ថានភាពនៃចំនួនសត្វព្រៃសំខាន់ៗចំនួន១៣ប្រភេទដែលបានរកឃើញនៅក្នុងដែនជម្រកសត្វព្រៃកែវសីមាដែលជាតំបន់មានជីវៈចម្រុះច្រើនជាងគេបំផុតនៅក្នុងប្រទេសកម្ពុជា។           បើយោងតាមរបាយការណ៍ដែលបានចេញផ្សាយនិងការធ្វើសន្និសិទ្ធសារព័ត៌មាននៅថ្ងៃទី២៦ខែតុលាឆ្នាំ២០២០នាទីស្តីការក្រសួងបរិស្ថានបានបញ្ជាក់ថា បើគេយោងតាមទិន្នន័យប្រមូលបានដោយប្រើប្រាស់មួលទិន្ន តាមបទដ្ឋានវិទ្យាសាស្រ្តចំនួន សត្វក្ងោកនិងស្វាត្រោសកំពុងមានការកើនឡើង។ចំនួនសត្វស្វាកន្ទុយស ទោចថ្ពាល់លឿង ស្វាក្តាម និងជ្រូកព្រៃនៅថេរ។ចំណែក ចំនួនស្វាព្រាម ស្វាអង្គត់ និងថនិកសត្វក្រចកពាមមាឌធំ លើកលែងជ្រូកព្រៃ កំពុងមានការថយចុះ។           គួរបញ្ជាក់ថាដែនជម្រកសត្វព្រៃកែវសីមាមានចំនួនប្រភេទជីវៈចម្រុះច្រើនគេបំផុតបើធៀបទៅនឹងតំបន់ការពារធម្មជាតិផ្សេងៗទៀតនៅក្នុងប្រទេសកម្ពុជា និងជាទីជម្រកសម្រាប់ប្រភេទសត្វព្រៃសំខាន់ៗជាច្រើនប្រភេទទៀតនៅលើពិភពលោក រួមទាំសត្វទោចថ្ពាល់លឿងនិងស្វាកន្ទុយស ដែលជាប្រភេទជិតផុតពូជនិងជិតផុតពូជបំផុតនៅលើពិភពលោក ហើយដែលពពួកពានរទាំងពីរប្រភេទនេះមានតែនៅក្នុងតំបន់នេះតែប៉ុណ្ណោះ។           លោកអូលីហ្រ្គី ហ្វឺន (Olly Griffin)អ្នកវិភាគទិន្នន័យនិងជាទីប្រឹក្សាបច្ចេវិទ្យានៃអង្គការwcs បានបញ្ចាក់ថា “លទ្ធផលទាងនេះបានឆ្លុះបញ្ចាំងអំពីផលវិជ្ជមានច្រើនកើតចេញពីកិច្ចខិតខំប្រឹងប្រែងក្នុងការអភិរក្សជីវចម្រុះសំខាន់ៗជាសាកលនៅក្នុងដែនជម្រកសត្វព្រៃកែវសីមាដូចជាការថែរក្សាចំនួនពពួកពានរដែលជិតផុតពូជបំផុតឱ្យនៅថេរ និងការធ្វើចំនួនសត្វកោ្ងកដែលជាប្រភេទជិតផុតកើនឡើងវិញ។លទ្ធផលទាំងនេះក៏បានបង្ហាញអំពីទំហំនៃការគំរាមកំហែងលើសត្វព្រៃនៅទូទាំងប្រទេសកម្ពុជាផងដែរ ដែលជាក់ស្តែង ប្រភេទសត្វក្តាន់ រមាំង និងពពួកសត្វចូលចិត្តរកស៊ីលើដីក្នុងដែនជម្រកសត្វព្រៃកែវសីមាគឺកំពុងមានការថយចុះ”។ ដោយឡែក ឯកឧត្តម នេត្រ ភក្ត្រា មន្រ្តីនាំពាក្យនិងជារដ្ឋលេខាធិការក្រសួងបរិស្ថានបានថ្លែងក្នុងសន្និសីទសារព័ត៌មានស្តីពីស្ថានភាពនៃប្រភេទសត្វព្រៃសំខាន់ៗនៅក្នុងដែនជម្រកសត្វព្រៃកែវសីមាឆ្នាំ២០១០-២០២០ឱ្យដឹងថា តំបន់ព្រៃការពារសីមាត្រូវបានបង្កើតជាតំបន់ដែនជម្រកសត្វព្រៃកែវសីមានៅខែឧសភាឆ្នាំ២០១៦ ស្ថិតនៅក្រោមការការពារនិងអភិរក្សរបស់ក្រសួងបរិស្ថាន។ ដែនជម្រកសត្វព្រៃកែវសីមាគឺជាតំបន់ការពារធម្មជាតិមានសារៈសំខាន់កម្រិតអន្តរជាតិ នៅក្នុងការអភិរក្សសត្វព្រៃនិងជីវៈចម្រុះជាច្រើនទៀត។ ដែនជម្រកសត្វព្រៃកែវសីមា មានសារៈសំខាន់កម្រិតអន្តរជាតិក្នុងការអភិរក្សសត្វដំរីអាស៊ី សត្វពានរ រួមមានទោចថ្ពាល់លឿង ស្វាកន្ទុយស ប្រភេទមាំសាសី និងប្រភេទសត្វស្លាបជាច្រើនប្រភេទដែលប្រភេទសត្វនិងរុក្ខជាតិ…

ក្រសួងការងារជូនដំណឹងឱ្យកម្មករ-និយោជិតឈប់សម្រាក បាន៤ថ្ងៃក្នុងថ្ងៃអុំទូកខាងមុខនេះ  ដោយ៖ម៉ាដេប៉ូ ភ្នំពេញ៖ បើម្បីចូលរួមអបអរសាទរនាឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក រយៈពេល៤ថ្ងៃពោលគឺចាប់ពីថ្ងៃទី៣០-៣១-០១ខែតុលា និងថ្ងៃទី០២ ខែវិច្ឆិកាឆ្នាំ ២០២០ជំនួសឱ្យថ្ងៃទី០១ដែលត្រូវចំថ្ងៃអាទិត្យខាងមុខនេះកម្មករនិយោជិតនឹងអនុញ្ញាតឱ្យបានឈប់សម្រាកចំនួន៤ថ្ងៃ។          បើយោងតាមសេចក្តីជូនដំណឹងរបស់ក្រសួងការងារនិងបណ្តុះបណ្តាលវិជ្ជាជីវៈដែលបានចុះហត្ថលេខាដោយឯកឧត្តមអ៊ិតសំហេងរដ្ឋមន្រ្តីក្រសួងកាងារនៅថ្ងៃទី២៦ខែតុលាឆ្នាំ២០២០នេះបានបញ្ជាក់ថាក្នុងថ្ងៃឈប់សម្រាកខាងលើនេះដែរកម្មករនិយោជិតដែលឈប់សម្រាកថ្ងៃបុណ្យនេះនឹងមានសិទ្ធិទទួលបានប្រាក់បំណាច់បន្ថែមដែលមានចំនួនស្មើនឹងប្រាក់ឈ្នួលថ្ងៃធ្វើការធម្មតា៕(សូមមើលសេចក្តីជូនដំណឹងក្រោម)

ដោយ៖ម៉ាដេប៉ូ រាជធានីភ្នំពេញ៖សត្វផ្សោតឬសត្វផ្សោតទន្លេមេគង្គគឺជាសត្វផ្សោតទឹកសាបមួយប្រភេទក្នុងចំណោមសត្វផ្សោតទឹកសាបសរុបចំនួនតែ៧ប្រភេទគត់ក្នុងពិភពលោកយើងនេះ។ ដោយមើលឃើញពីចំនួនកាន់តែថមថយចុះបន្តបន្ទាប់នៃសត្វប្រភេទនេះហើយទើប មន្រ្តីនៃរដ្ឋបាលជលផលបានអំពាវនាវឱ្យគ្រប់ភាគីរួមគ្នាអភិរក្សសត្វផ្សោតទន្លេមេគង្គនៅកម្ពុជាឱ្យបានគង់វង្សសំដៅធ្វើយ៉ាងណាឱ្យសត្វប្រភេទនេះរស់នៅកម្ពុជាឱ្យបានជាប់គង់វង្សយូរអង្វែង ខណៈដែលសត្វប្រភេទនេះកំពុងទទួលរងការប្រឈមជាបន្តបន្ទាប់ដែលអាចឈានទៅរកការផុតពូជណាមួយនៅថ្ងៃខាងមុខ។           ការអំពាវនាវបែបនេះធ្វើឡើងដោយលោក ស្រ៊ុនលឹមសុង អគ្គលេខាធិការរង នៃគណៈកម្មាធិការជាតិESCAP និងអគ្គនាយករងនៃរដ្ឋបាលជលផល នាកិច្ចប្រជុំផ្សព្វផ្សាយរបាយការណ៍បច្ចេកទេសអំពីការសិក្សាលើចំនួនសរុបនៃសត្វផ្សោតទន្លេមេគង្គក្នុងឆ្នាំ២០២០នៅថ្ងៃទី២២ខែតុលាឆ្នាំ២០២០នេះ។           ថ្លែងក្នុងកិច្ចប្រជុំនេះលោក ស្រ៊ុនលឹមសុងបានបញ្ជាក់ថាចំនួនប៉ាន់ប្រមាណសរុបក្នុងឆ្នាំ២០១៧សត្វផ្សោតមានប្រមាណ៩២ក្បាល។ចំណែកចំនួនប៉ាន់ប្រមាណថ្មីដែលទទួលបានក្នុងឆ្នាំ២០២០គឺមានប្រមាណ៨៩ក្បាល។ចំពោះការចេះតែថយចុះនៃចំនួនសត្វផ្សោតនេះដែរដោយសារថាវាប្រឈមការគំរាមកំហែងជាច្រើនដូចជា ការទាក់ជាប់ទៅនឹងមងនេសាទនៅក្នុងតំបន់គ្រប់គ្រងសត្វនិងការពារសត្វ សកម្មភាពនេសាទខុសច្បាប់ដោយប្រើ ឧបករណ៍ នុយនេសាទដែលមានជាតិពុល និងការនេសាទហួសកម្រិត អាស្រ័យដោយកំណើនប្រជាជននិងទំបន់ វារីអគ្គិសនីនៅចរន្តទឹកខាងលើ។           ដោយឡែកលោក សេង ទៀក នាយកអង្គការមូលនិធិសកលសម្រាប់ធម្មជាតិហៅកាត់ WWF ប្រចាំកម្ពុជា បានបញ្ជាក់ថា តាមការសិក្សាទៅលើចំនួនសត្វផ្សោតទន្លេមេគង្គ នៅឆ្នាំ២ ០២០នេះ បានបង្ហាញថា ចំនួនសត្វផ្សោតមេគង្គនៅកម្ពុជាហាក់ពុំមានការធ្លាក់ចុះ នោះឡើយ បើធៀបនឹងចំនួនដែលបានកត់ត្រានៅក្នុងឆ្នាំ២០១៧ មានប្រហែល ៩២ក្បាល។ លោកថា”អត្រានៃចំនួនសត្វផ្សោត អាចរស់រានមានជីវិត អត្រានៃកំណើន សត្វផ្សោត និងអត្រានៃចំនួនសត្វផ្សោតថ្មី ដែលបានកត់ត្រាបញ្ចូលទៅក្នុងចំនួនសរុប ត្រូវបានប៉ាន់ប្រមាណដោយផ្អែកលើចំនួនសត្វផ្សោតដែលអ្នកជំនាញស្គាល់ភិនភាគដូចជាស្នាមឆែកនៃព្រុយខ្នងជាដើម”។           លោកសេងទៀកបានឱ្យដឹងដែរថាបើទោះបីចំនួនសត្វផ្សោតឆ្នាំ២០១៧ដល់ឆ្នាំ២០២០មានការថយចុះតិចតួចក្តី ប៉ុន្តែយ៉ាងណាលោកមានប្រសាសន៍ដែរថាចំនួនសត្វផ្សោតបច្ចុប្បន្ននេះមានកាន់តែតិចតួចដែលនាំឱ្យក្តីព្រួយបារម្ភ ហើយយើងចំបាច់ត្រូវតែនាំគ្នាអភិរក្សឱ្យខានតែបាន។ លោកបានធ្វើការប្រៀបធៀបថាកាលពីមុននេះបើយោងតាមលទ្ធផលជំរឿន សត្វផ្សោតប្រចាំឆ្នាំ២០១៧ យើងមានផ្សោត៩២ក្បាល ចំនួននេះ គឺជាការកើនឡើងប្រមាណ១៥ភាគរយ…