លោក ង៉ែត ជូ អ្នកជំនាញផ្នែកហិរញ្ញវត្ថុ នៅថ្ងៃទី​១៤ ខែកក្កដានេះ បានលើកឡើងចំនួន៦​ចំណុចដែលធ្វើឱ្យអ្នកវិនិយោគលើដីធ្លីបរាជ័យដើម្បីចែករំលែកដល់អ្នកវិនិយោគលើដីធ្លីត្រូវគិតពិចារណា។ ១) ចង់បានផលចំណេញក្នុងរយៈពេលខ្លី៖ តាមគោលការណ៍គណនេយ្យ ដីធ្លី និងប្រភេទអចលនទ្រព្យទាំងអស់ត្រូវបានចាត់ទុកថាជាទ្រព្យរយៈពេលវែងដែលអាចបង្វិលជាសាច់ប្រាក់វិញក្នុងរយៈពេលយ៉ាងតិច១ឆ្នាំ។ ប៉ុន្តែមានអ្នកវិនិយោគជាច្រើនមិនយល់ពីគោលការណ៍នេះហើយបន្ទាប់ពីវិនិយោគរួចតែងទន្ទឹងចង់បានផលចំណេញភ្លាមៗ។ ហើយជារើយៗយើងតែងឮពាក្យថា រកស៊ីអចលនទ្រព្យឬដីធ្លីមិនល្អទេព្រោះកប់លុយ។ តាមពិតមិនកប់លុយទេមកពីអ្នកវិនិយោគរំពឹងខុស និងគ្មានផែនការវិនិយោគរយៈពេលវែង។ ២) ចង់បានលំហូរសាច់ប្រាក់ (ចំណូល) ពីការវិនិយោគ៖ បន្ថែមលើពេលវេលារយៈពេលវែង ការវិនិយោគលើដីធ្លីត្រូវការដើមទុនច្រើន អ្នកវិនិយោគខ្លះមានទុនតិចតួចហើយប្រាថ្នាចង់បានលំហូរសាច់ប្រាក់ពីការជួលដី ការណ៍នេះមិនអាចសំរេចបាននោះទេ។ ទោះបីជួលជាដីទទេ ធ្វើជាឃ្លាំង ឬជាតូបជួល ក៏ត្រូវការដើមទុនយ៉ាងតិចចន្លោះពី១០-២០ម៉ឺនដុល្លាដែរ។ ៣) ខ្វះផែនការហិរញ្ញវត្ថុ៖ ដោយសារតែចង់បានចំណូល និងផលចំណេញរយៈពេលខ្លី អ្នកវិនិយោគជាច្រើនមិនបានធ្វើផែនការហិរញ្ញវត្ថុសំរាប់រយៈពេលវែងនោះទេ។ ការណ៍នេះហើយដែលនាំអោយពួកគេឆ្លាក់ក្នុងវិបត្តិលំហូរសាច់ប្រាក់ និងឈានដល់ដំណាក់កាលបង្ខំចិត្តលក់ខាតផងក៏មាន។ ៤) ខ្វះយន្តការទប់ទល់នឹងហានិភ័យ៖ ការវិនិយោគលើដីធ្លីត្រូវការដើមទុនច្រើន និងរយៈពេលវែង ដូច្នេះអ្នកវិនិយោគត្រូវកំណត់នូវយន្តការនានាដើម្បីទប់ទល់នឹងហានិភ័យដែលកើតឡើងជាយថាហេតុ។ យន្តការរួមមានបង្កើតចំណូលពីប្រភពផ្សេងៗ អភិវឌ្ឍគំរោងនានា ឬត្រៀមលក់ទ្រព្យសម្បត្តិដែលមិនកើនតម្លៃនាពេលអនាគត។ ៥) មិនមានចំណេះដឹងគ្រប់គ្រាន់៖ អ្វីដែលបានរៀបរាប់ក្នុងចំណុចទី១ ទី២ ទី៣ និងទី៤ ខាងលើសុទ្ធតែជាចំណេះដឹងចាំបាច់។ ប៉ុន្តែបន្ថែមលើនេះ អ្នកវិនិយោគត្រូវមានការយល់ដឹងផ្សេងៗទៀតដូចជាប្រភេទដី ទំហំ ទំរង់…

បណ្ឌិតប៊ុន មុនី​ ​អនុប្រធានសមាគមមីក្រូហិរញ្ញវត្ថុ និងជាប្រធានក្រុមប្រឹក្សាភិបាលនៃវិថីមាយក្រូហ្វាយនែន បានចែករំលែកចំណុចគន្លឹះ៣សំខាន់សម្រាប់អ្នកកំពុងបម្រើការងារដើម្បីអាចក្លាយទៅជាអគ្គនាយករបស់ក្រុមហ៊ុន (CEO)គ្រប់ស្ថាប័ន។ ទី១ យើងត្រូវហាមខ្លួនឯងកុំឱ្យធ្វើរឿងដែលមិនត្រឹមត្រូវនិងមិនគប្បី ហើយត្រូវដឹកនាំខ្លួនឯងធ្វើនូវរឿងអ្វីដែលរីកចម្រើន និងមានប្រយោជន៍សម្រាប់ខ្លួនឯង និងសម្រាប់សង្គមជាតិ។ យើងត្រូវចៀសវាសពីភាពខ្ជិលច្រអូសដោយប្តូរយកទម្លាប់ឧស្សាហ៍ព្យាយាម។ ទី២ យើងត្រូវយកចិត្តទុកដាក់ ព្យាយាមទទួលខុសត្រូវ តស៊ូអត់ធ្មត់ ទ្រាំទ្រនឹងការលំបាកនៅក្នុងការងារនោះ ទើបយើងអាច​ទទួលបានជោគជ័យ។​ ជោគជ័យមិនមែន សម្រាប់នរណាម្នាក់នោះទេ តែវាសម្រាប់មនុស្សទាំងអស់គ្នា ជាពិសេស​សម្រាប់អ្នកដែលមានទឹកចិត្តមោះមុតឆ្ពោះទៅរកភាពជោគជ័យ។ ទី៣ ជម្រើសក្នុងការទទួលបានជោគជ័យរបស់មនុស្សម្នាក់ៗ គឺមិនដូចគ្នាទេ ប៉ុន្តែអ្វីដែលជាចំណុចរួមសំខាន់បំផុតនោះ គឺយើងម្នាក់ៗត្រូវមានការទទួលខុសត្រូវ​ មានការតស៊ូ និងមានភាពស្មោះត្រង់។ ភាពស្មោះត្រង់គឺជាកិត្តិយស និងជាកេរ្តិ៍ឈ្មោះរបស់អ្នកដឹកនាំ៕