ស្វាយរៀង៖ ការកើនឡើងនៃតម្រូវការប្រេងឥន្ធនៈក្នុងប្រទសកម្ពុជាបានឆ្លុះបង្ហាញអំពីវឌ្ឍនភាពសេដ្ឋកិច្ចជាតិដែលក្នុងនោះវិស័យថាមពល មានតួនាទីសំខាន់។ នេះជាការលើកឡើងរបស់លោក ឃួន សាវុធ អគ្គនាយករងនៃអគ្គនាយដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ ថ្លែងនៅក្នុងសិក្ខាសាលាស្តីពីការយល់ដឹងអំពីខ្លឹមសារនៃច្បាប់ស្ដីពីការគ្រប់គ្រងគុណភាពសុវត្ថិភាព លើផលិតផលទំនិញ និងសេវាច្បាប់ស្ដីពីកិច្ចការពារអ្នកប្រើប្រាស់ និងបទប្បញ្ញត្តិផ្សេងទៀតពាក់ព័ន្ធនឹងការធ្វើអាជីវកម្មប្រេងឥន្ធនៈដល់អាជីវករម្ចាស់ស្ថានីយ និងដេប៉ូប្រេងឥន្ធនៈក្នុងខេត្តស្វាយរៀងនាព្រឹកថ្ងៃទី ២៨ខែតុលា ឆ្នាំ២០២០។ សិក្ខាសាលានេះមានការចូលរួមពីលោកសុខេ រស់អភិបាលរងខេត្តស្វាយរៀង មន្ទីរពាណិជ្ជកម្មខេត្ត និងលោក ផឹង និលប្រធានសាខា ក.ប.ប ខេត្ត និងម្ចាស់ស្ថានីយប្រេងឥន្ធនៈ និងដេប៉ូចែកចាយនៅក្នងខេត្តស្វាយរៀងព្រមទាំងមន្ទីរជុំវិញខេត្តផងដែរ។ លោក ឃួន សាវុធ បានបន្តថាការប្រកួតប្រជែងមិនស្មោះត្រង់នៅក្នុងទូរកិច្ចវិស័យប្រេងឥន្ធនៈអាចបង្កផលប៉ះពាល់ដល់ជីវភាពសេដ្ឋកិច្ច របស់អ្នកប្រើប្រាស់។ ហើយដើម្បីធានាការពារអ្នកប្រើប្រាស់ពីការក្លែងបន្លំផ្នែកសេដ្ឋកិច្ច ក៏ដូចជាការប៉ះពាល់សុខុមាលភាពសង្គម ការពង្រឹង ការអនុវត្តច្បាប់គឺជាការងារអាទិភាព។ ការផ្គត់ផ្គង់ប្រេងឥន្ធនៈនៅប្រទេសកម្ពុជា ត្រូវបានចាត់ចូលក្នុងវិស័យសហគ្រាសធុនតូច និងមធ្យមដែលជាផ្នែកមួយនៃឆ្អឹងខ្នងសេដ្ឋកិច្ចជាតិដូច្នេះការធ្វើអធិការកិច្ច លើស្ថានីយចែកចាយប្រេងឥន្ធនៈត្រូវបានក្រសួងពាណិជ្ជកម្មចាត់ទុកជាកម្មវិធីមួយយ៉ាងសំខាន់សំដៅធានា ការដាក់លក់ឲ្យបានត្រឹមត្រូវលើបរិមាណគុណភាព និងថ្លៃលក់រាយ។ លោកបានបញ្ជាក់ថាគោលបំណងសិក្ខាសាលានេះដើម្បីជំរុញការអនុវត្តស្មោះត្រង់ក្នុងអាជីវកម្មធានាទីផ្សារ ក្នុងស្រុកប្រកបដោយទំនុកចិត្តពីអ្នកប្រើប្រាស់ និងលើកស្ទួយកិត្យានុភាពជាតិ។ ការធានាការធ្វើជីវកម្មប្រកបដោយសុចរិត មិនមែនជាការដាក់បន្ទុកដល់វិស័យឯកជន(មិនមានតម្រូវឲ្យបង់ថ្លៃសេវាត្រួតពិនិត្យ)ហើយគោលដៅដែលត្រូវអធិការកិច្ច គឺស្ថានីយ៍និងដេប៉ូចែកចាយប្រេងឥន្ធនៈនៅទូទាំងប្រទេស។ និងអនុវត្តន៍ច្បាប់ចំពោះអ្នកបំពានតាមរយៈការពិន័យអន្តរការណ៍ ឬវិធានការតុលាការក្នុងករណីមិនរាងចាល។ លោកបានបញ្ជាក់ថាអាជីវករមានកាតព្វកិច្ចទទួលខុសត្រូវចម្បងលើសកម្មភាពអាជីវកម្មរបស់ខ្លួនក្នុងការដាក់លក់ ចែកចាយនិងផ្ដល់ព័ត៌មានឲ្យបានត្រឹមត្រូវលើផលិតផល ឬសេវារបស់ខ្លួនចៀសវាងអ្នកប្រើមានការភាន់ច្រឡំឬប៉ះពាល់ដល់ការប្រកួតប្រជែង(មាត្រា៤ច្បាប់ស្ដីការគ្រប់គ្រងគុណភាព  សុវត្ថិភាពលើផលិតផលទំនិញនិងសេវា)។ ហើយមិនត្រូវពាក់ព័ន្ធទៅនឹងអំពើមិនសុចរិត ដែលមានលក្ខណៈជាការបំភាន់ឬបោកបញ្ឆោតដល់សាធារណៈជនទាក់ទងទៅនឹងប្រភេទចរិតលក្ខណៈភាព សមតាមបំណងបរិមាណស្តង់ដារ…

ភ្នំពេញ៖ តាមសំណើសុំវិនិយោគរបស់ក្រុមហ៊ុន គណ:កម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញ “វិញ្ញាបនបត្រចុះបញ្ជីជាស្ថាពរ” ជូនដល់ក្រុមហ៊ុនដូចខាងក្រោម៖ ១- ក្រុមហ៊ុន Southeast Asia Paint Chemical Industry Co., Ltd.: គម្រោងបង្កើតរោងចក្រផលិតថ្នាំលាប កាវទឹក និងសារធាតុរំលាយ, មានទីតាំងស្ថិតនៅក្នុងតំបន់សេដ្ឋកិច្ចពិសេស ហាយផាក ខេត្តស្វាយរៀង, មានទុនវិនិយោគចំនួន ៥០ម៉ឺនដុល្លារអាមេរិក និងអាចបង្កើតការងារបានចំនួន ៧០កន្លែង។ ២- ក្រុមហ៊ុន Ying Hai Coating (Cambodia) Co., Ltd.: គម្រោងបង្កើតរោងចក្រផលិតសម្ភារ:បរិក្ខារទោចក្រយាន ទឹកថ្នាំ បោះពុម្ភតែម និងសម្ភារ:វេចខ្ចប់, មានទីតាំងស្ថិតនៅក្នុងតំបន់សេដ្ឋកិច្ចពិសេស តាយសេង បាវិត ខេត្តស្វាយរៀង, មានទុនវិនិយោគចំនួន ១លាន៩សែន៤ម៉ឺនដុល្លារអាមេរិក និងអាចបង្កើតការងារបានចំនួន ១៣០កន្លែង។ ៣- ក្រុមហ៊ុន Flying Feather (Cambodia) Wood Industry Co., Ltd.:…

ខេត្តបន្ទាយមានជ័យ នឹងចាប់ផ្ដើមអនុវត្តន៍យុទ្ធនាការស្ដារស្រូវស្រាល នៅដើមខែវិច្ឆិកាខាងមុខ តាមរយៈចែកពូជស្រូវ ដល់ប្រជាកសិករ ដើម្បីឱ្យកសិករនៅតែមានលទ្ធភាពបង្កបង្កើនផល បន្ទាប់ពីរងការខូចខាតដោយជំនន់ទឹកភ្លៀង។  លោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់និងនេសាទខេត្តបន្ទាយមានជ័យ បានមានប្រសាសន៍ថា  បន្ទាយមានជ័យ ជាខេត្តដែលរងផលប៉ះពាល់ដោយសារគ្រោះជំនន់ទឹកភ្លៀងខ្លាំងជាងគេ ក្នុងចំណោមរាជធានី-ខេត្តចំនួន១៩ ដែលធ្វើឱ្យប៉ះពាល់ផលដំណាំស្ទើរតែទាំងស្រុង ពិសេសដំណាំស្រូវរងការខូចខាតប្រមាណជា ៦៧.០០០ហិកតា។ តាមរយៈនេះទើបមន្ទីរកសិកម្មខេត្តសម្រេចបង្កើតយុទ្ធនាការដាំដុះស្រូវស្រាល ដើម្បីស្ដារឡើងវិញក្នុងជំហានដំបូងនេះ។ លោកបានបន្តថា យុទ្ធនាការស្តារផលដំណាំ ពិសេសការដាំដុះស្រូវនេះ ធ្វើឡើងក្រោមការសហការរបស់ក្រសួងកសិកម្ម រុក្ខាប្រមាញ់ និងនេសាទ និងក្រុមការងារនៃមន្ទីរកសិកម្មខេត្ត រួមទាំងអាជ្ញាធរពាក់ព័ន្ធ ដើម្បីធ្វើយ៉ាងណាជួយដល់កសិករ ដែលរងផលប៉ះពាល់ធ្ងន់ធ្ងរ ឱ្យចាប់ផ្តើមធ្វើជំហានដំបូង ពីស្រុកមង្គលបុរី ដោយមានការសិក្សាពីមន្ត្រីជំនាញ ទាក់ទងទៅនឹងប្រភពទឹក និងផលប៉ះពាល់ក្នុងពេលខាងមុខឱ្យបានច្បាស់លាស់ ។  សម្តេចតេជោហ៊ុនសែន នាយករដ្ឋមន្រ្តីនៃព្រះរាជាណាចក្រកម្ពុជាបានសម្រេចផ្តល់ស្រូវពូជ១គ្រួសារៗចំនួន១០០គីឡូក្រាម ដល់ប្រជាពលរដ្ឋដែលរងការខូចខាតដំណាំស្រូវពីគ្រោះទឹកជំនន់ ដើម្បីជួយសម្រាលទុក្ខលំបាកក្រោយទឹកជំនន់ស្រកទៅវិញឱ្យកសិករមានលទ្ធភាពនៅតែអាចបង្កបង្កើនផលបាន។ សម្តេចតេជោបានណែនាំឱ្យក្រសួងពាក់ព័ន្ធ ត្រូវតែចុះវាយតម្លៃលើការខូចខាតដំណាំស្រូវរបស់ពលរដ្ឋចាប់ពីថ្នាក់ខេត្តតែម្ដង ថាតើប៉ុន្មានគ្រួសារដែលរងការខូចខាតដំណាំស្រូវ ព្រោះមិនមែនខូចទាំងអស់នោះទេ ដោយសារស្រូវខ្លះក៏នឹងអាចល្អ លើសដើម ដោយសារវាត្រូវទឹកបានជីល្អជាងមុន ។  ចំណែកឯប្រជាពលរដ្ឋដទៃទៀតដែលមិនបានបង្កបង្កើនផលស្រូវ ក៏អាចទទួលបានពូជដំណាំ៦មុខពីក្រសួងកសិកម្ម រុក្ខាប្រមាញ់និងនេសាទផងដែរ  ដើម្បីដាំដុះសម្រាប់ផ្គត់ផ្គង់តម្រូវការហូបចុកក្នុង ក្រុមគ្រួសារ និងការលក់ដូរទៅកាន់ទីផ្សារ។…