(ភ្នំពេញ)៖ អង្គការពាណិជ្ជកម្មក្រៅស្រុកជប៉ុន (JETRO) និងទីភ្នាក់ងាររុករកអវកាស ជប៉ុន (JAXA) បាននឹងកំពុងសហការគ្នាក្នុងការរៀបចំសន្និសិទ នាថ្ងៃទី១១ ខែសីហា ឆ្នាំ២០២៣ នៅសណ្ឋាគារ Hyatt Regency Phnom Penh ដែលជាការប្ដេជ្ញា នាំយក កម្ពុជា ឆ្ពពោះទៅកាន់បច្ចេកវិទ្យា និងនវានុវត្តន៍ចុងក្រោយបង្អស់ ។ ដើម្បីធ្វើឱ្យខួបលើកទី៧០ឆ្នាំ នៃមិត្តភាពរវាងកម្ពុជា-ជប៉ុន ក៏ដូចជាខួបលើកទី៥០ឆ្នាំ នៃមិត្តភាពរវាងអាស៊ាន- ជប៉ុន កាន់តែឱឡារឹក និងដើម្បីជាការរឹតបន្តឹងមិត្តភាព យូរអង្វែងនឹងគ្នាបន្តទៀត អង្គការពាណិជ្ជកម្មក ស្រុកជប៉ុន (JETRO) និងទីភ្នាក់ងាររុករកអវកាសរជប៉ុន (JAXA) បានផ្តួចផ្តើមគំនិតក្នុងការណែនាំក្រុមហ៊ុនបចេ្ចកវិទ្យា ដែលមានសមត្ថភាព និងមុខងារធ្វើឱ្យប្រសើរឡើងនូវវិស័យកសិកម្ម ការរកឃើញ និងតាមដានការបំភាយឧស្ម័ន ការកាត់បន្ថយការបំភាយឧស្ម័ន និងការអភិរក្សព្រៃឈើ មកធ្វើការចែករំលែក និងណែនាំអំពីសេវាកម្ម និងកម្មវិធីរបស់ពួកគេសម្រាប់ចលនោះទៅរកភាពបៃតង ដោយប្រើបច្ចេកវិទ្យា ចុងក្រោយបំផុត ទៅដល់រដ្ឋាភិបាលកម្ពុជា អង្គការនានា និងតំណាងក្រុមហ៊ុនឯកជននៅកម្ពុជា ។ ជាមួយគ្នានេះដែរ កម្មវិធីនឹងផ្តល់ឱ្យអ្នកចូលរួមឬភាពជាដៃគូ និងឱកាសក្នុងការបង្កើត បណ្តាញរវាងក្រុមហ៊ុនកម្ពុជា-ជប៉ុន ដែលស្ថិតនៅក្នុងវិស័យមួយចំនួនរួមមាន…

ភ្នំពេញ៖ អគ្គលេខាធិការដ្ឋាននៃគណៈកម្មាធិការសេដ្ឋកិច្ច និង ធុរកិច្ចឌីជីថល (គ.ស.ធ.ឌ.) បានសម្របសម្រួល និង រៀបចំកម្មវិធីកិច្ចពិភាក្សាតាមក្រុមអំពីទស្សនៈរបស់ភាគីពាក់ព័ន្ធលើសក្តានុពលរបស់ប្រទេសកម្ពុជា ក្នុងការចរចាកិច្ចព្រមព្រៀងសេដ្ឋកិច្ចឌីជីថល (Digital Economy Agreement)។ កិច្ចពិភាក្សានេះគឺជាផ្នែកមួយនៃការប្រមូលទិន្នន័យរបស់ការសិក្សាស្រាវជ្រាវរបស់អគ្គលេខាធិការដ្ឋាន គ.ស.ធ.ឌ. ទៅលើការវិភាគភាពខ្លាំង ភាពខ្សោយ កាលានុវត្តភាព និងការគំរាមកំហែងសម្រាប់កម្ពុជា ក្នុងការត្រៀមខ្លួនចូលរួមក្នុងកិច្ចចរចា ក៏ដូចជាការរៀបចំកិច្ចសហប្រតិបត្តិការសេដ្ឋកិច្ចឌីជីថលនាពេលអនាគត។ កម្មវិធីនេះដែរ បានជជែកពិភាក្សាលើប្រធានបទចំនួន ៤ ធំៗ រួមមាន ទី១. ពាណិជ្ជកម្មឌីជីថល និងពាណិជ្ជកម្មតាមប្រព័ន្ធអេឡិចត្រូនិកឆ្លងកាត់ព្រំដែន (Digital trade and Cross-border E-commerce) ទី២. ការការពារទិន្នន័យ ឯកជនភាព សុវត្ថិភាពតាមប្រព័ន្ធអនឡាញ និង សន្តិសុខសាយប័រ (Data protection and privacy, Online safety and cybersecurity) ទី៣. បម្លាស់ទីរបស់អ្នកមានទេពកោសល្យឌីជីថល និង កិច្ចសហប្រតិបត្តិការ (Talent mobility and cooperation)…

(ភ្នំពេញ)៖ នៅព្រឹក ថ្ងៃសុក្រទី ១១ ខែសីហា ឆ្នាំ ២០២៣ អគ្គនាយក ដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ ក.ប.ប បានឱ្យដឹងថា មានស្ថានីយ និងដេប៉ូប្រេងឥន្ធនៈដែលបានកំពុងបំពាននឹងច្បាប់ កេងបន្លំលើអ្នកប្រើប្រាស់ត្រូវបានសមត្ថកិច្ចជំនាញ ក.ប.ប. បន្តស្វែងរកនិងចាត់វិធានការច្បាប់។ គួរបញ្ជាក់ថា ក្នុង រយៈពេល ពីរ ថ្ងៃ គឺថ្ងៃទី៩-១០ ខែសីហា ឆ្នាំ២០២៣កន្លងទៅថ្មីៗនេះ មន្រ្តីជំនាញ ក.ប.ប. សាខាខេត្តកំពង់ចាម ពោធិ៍សាត់ កំពត សៀមរាប កណ្ដាល កំពង់ធំ ព្រៃវែង និងរាជធានីភ្នំពេញ បានចុះអនុវត្តវិធានការច្បាប់ស្របនឹងការត្រួតពិនិត្យស្វែងរកភាពមិនមានអនុលោមភាពលើសា្ថនីយ/ដេប៉ូប្រេងឥន្ធនៈស្ថិតក្នុងរាជធានី ខេត្ត ៨ខាងលើ។ មន្រ្តីជំនាញ បានបញ្ជាក់បន្ថែមថា ការស្រាវជ្រាវ និងត្រួតពិនិត្យគឺការពារសិទ្ធិអ្នកប្រើប្រាស់ស្របនឹងច្បាប់ដែលមានចែង បំបាត់អំពើមិនសុចរិតភាពក្នុងពាណិជ្ជកម្ម ជំរុញការប្រកួតប្រជែងដោយស្មើភាពគ្នារវាងធុរជននិងធុរជន និងការពារសិទ្ធិរបស់អ្នកប្រើប្រាស់។ ការត្រួតពិនិត្យនេះគឺមន្រ្តីជំនាញបានរកឃើញភាពមិនអនុលោមលើដេប៉ូប្រេងឥន្ធនៈចំនួន ៤ទីតាំង និងពិន័យតាមច្បាប់ដែលមានចែងផងដែរ ៕ ដោយ ៖ ភារ៉ា និងប៊ុនធី

ភ្នំពេញ៖ក្រសួងកសិកម្ម រុក្ខាប្រមាញ់ និងនេសាទបានចុះបញ្ជីការពារពូជចន្ទីចំនួន​បួនប្រភេទ រួមមាន ពូជចន្ទីM-23, ពូជ M-10  ពូជ​IM-4 និងពូជH-09 ដែលអ្នកជំនាញខាងដំណាំស្វាយ​ចន្ទី​របស់កម្ពុជាបានរកឃើញ។សមាគមស្វាយចន្ទីកម្ពុជា បានប​ញ្ជាក់ថា ពូជទាំងនេះ ជាពូជចន្ទីដ៏មានតម្លៃរបស់កម្ពុជា។ លោក  វ៉ា រុតសាន ជាអ្នកជំនាញស្រាវជ្រាវ និងដាំដុះដំណាំស្វាយចន្ទី បានប្រាប់ឱ្យដឹងថា លោកជាអ្នករកឃើញពូជចន្ទីM-23 និង​M-10 និងជាតំណាងលោកស្រី​ តាល់ ណៃអ៊ីម និងលោក កាំង សៀកហោ ដែលជាអ្នករកឃើញពូជចន្ទីIM-4 និងH-09។ លោកបាន​ឱ្យដឹងទៀតថា ការស្នើសុំចុះបញ្ជីការពារពូជចន្ទីចំនួនបួនប្រភេទ បានធ្វើឡើងយូរឆ្នាំហើយ តែទើបត្រូវបានក្រ​សួ​ងកសិកម្ម សម្រេចចុះបញ្ជីជាផ្លូវការកាលពីកំលុងខែឧសភាឆ្នាំ២០២៣នេះ ដោយពូជនីមួយៗមានលក្ខណៈពិសេសរៀង​ៗខ្លួន។ លោក វ៉ា រុតសាន បានបញ្ជាក់ថា  ​ឆ្លងតាមការយកចិត្តទុកដាក់ និងផ្តល់តម្លៃពីក្រសួង យើងខ្ញុំជាកសិករដាំដំណាំស្វា​យចន្ទី នឹងខិតខំស្វែងរកពូជស្វាយចន្ទីថ្មីៗថែមទៀត ដែលធន់នឹងបម្រែបម្រួលអាកាសធាតុ និងផ្តល់ទិន្នផលខ្ពស់ ក្នុងគោ​លបំណងចូលរួមចំណែកធ្វើឱ្យ​កម្ពុជាយើងក្លាយជាអធិរាជស្វាយចន្ទីដូចប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន​​។ លោកបានបន្ថែមថា ការចុះបញ្ជីការពារពូជចន្ទីនេះ មានសារៈសំខាន់ណាស់ ក្នុងការការពារកុំឱ្យគេលួច ខណៈដែលកន្លងទៅមានប្រទេសជិតខាងធ្លាប់លួចយកធ្វើជារបស់គេរួចហើយ។ «ដូច្នេះការយកចិត្តទុកដាក់ ពីសំណាក់ឯកឧត្តម…

ភ្នំពេញ៖ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានណែនាំដល់ពាណិជ្ជករចិន ដោយ​ត្រូវសិក្សា​នូវ​ស​ក្តា​​នុពលនៃវិស័យកសិ-ឧស្សាហកម្មកម្ពុជា ខ្សែច្រវាក់នៃការផ្គត់ផ្គង់និងខ្សែច្រវាក់តម្លៃឱ្យបានច្បាស់លាស់ ដើម្បីជំរុញទីផ្សា​រតម្រង់ទិសការវិនិយោគឱ្យត្រូវទិសដៅ មានប្រសិទ្ធភាព និងនិរន្តភាព។ អនុសាសន៍របស់រដ្ឋមន្ត្រីក្រសួងកសិកម្មដូច​នេះ ​ក្នុងពេលដែលឯកឧត្តមទទួលការជួបសម្តែងការគួរសម និងពិភាក្សាកា​រងារជាមួយពាណិជ្ជករចិនរបស់ក្រុមហ៊ុន Danong Development Group លើការងារវិនិយោគកសិ-ឧស្សាហកម្មនៅកម្ពុជាកាលពីថ្ងៃទី​៨ ខែសីហា នាទីស្តីការក្រសួង​។ ប្រភពក្រសួងកសិកម្មឱ្យដឹងថា គោលបំណងសំខាន់នៃកិច្ចប្រជុំរវាងរដ្ឋមន្រ្តីក្រសួងកសិកម្ម ជាមួយពាណិជ្ជករចិនរបស់ក្រុមហ៊ុន Danong Development Group នាពេលនេះ គឺដើម្បីជំរុញការបង្កើតកសិដ្ឋានបណ្តុះគ្រាប់ពូជ ការដាំស្មៅចំណីសត្វ ការចិញ្ចឹមសត្វគោនិងជ្រូកការសាងសង់ឃ្លាំងស្តុកចំណី និងកំពង់ផែដឹកជញ្ជូន សម្រាប់ការនាំចេញទៅប្រទេសចិន ព្រមទាំងហេដ្ឋារចនាសម្ព័ន្ធនានាបន្ថែមទៀត។ ក្នុងកិច្ចពិភាក្សាឯកឧត្តម ឌិត ទីណា បានលើកឡើងថា  ភាគីចិនត្រូវបន្តធ្វើការជាមួយអង្គភាពជំនាញរបស់ក្រ​សួង សហការធ្វើការឱ្យល្អិតល្អន់ជាមួយគ្នា ហើយសំខាន់ជាងនេះទៀត ត្រូវបង្កើនទំនុកចិត្តជាមុនសិន។ ទាក់ទិននឹងការរៀបចំកំពង់ផែដឹកជញ្ជូន សម្រាប់ការនាំចេញទៅប្រទេសចិននេះផង​ដែរ លោក ស៊ិន ចន្ធី ប្រធានសមាគមភស្តុ​ភារកម្មកម្ពុជា បានប្រាប់ឱ្យដឹងនៅថ្ងៃទី​៩ ខែសីហាថា កង្វល់របស់ក្រុមហ៊ុនចិនមួយចំនួន ដែលចាប់អារម្មណ៍លើការវិនិ​យោគនៅកម្ពុជា ភាគច្រើនទាក់ទងនឹងការដឹកជញ្ជូន ដោយក្រុមហ៊ុនចិនភាគច្រើនជួបបញ្ហាពេលដឹកជញ្ជូនឆ្លងកាត់ប្រ​ទេ​សជិតខាងកម្ពុជា ឆ្ពោះទៅកាន់ប្រទេសចិន។…

(ភ្នំពេញ)៖ លោក ផន សុភី អ្នកចាត់ការទូទៅក្រុមហ៊ុនហ្វេមីលីកាកាវ បានអះអាងថា ចាប់តាំងពីក្រុមហ៊ុនដំណើរការរយៈពេល៣ឆាំ្នកន្លងមកនេះ ក្រុមហ៊ុនបានបណ្តុះបណ្តាលប្រជាកសិករឲ្យចេះដាំដុះដំណាំកសិឧស្សាហកម្មកាកាវ ដោយធ្វើការពង្រីកបាន២៥រាជធានី-ខេត្តក្រុង សរុបប្រមាណជាជាង៥០០គ្រួសារ។ អ្នកគ្រប់គ្រងទូទៅរូបនេះ ពន្យល់ទៀតថា ៥០០គ្រួសារដែលកំពុងដាំដុះនេះ ភាគច្រើនដាំជាលក្ខណៈគ្រួសារនៅឡើយទេ ដោយ១គ្រួសារៗមានចាប់ពី២០០ដើមចុះក្រោម ខណៈការដាំដុះជាផ្ទៃដីទំហំធំៗដែលមានចាប់ពី៥ហិចតាឡើងទៅកំពុងដំណើរការដាំដុះមិនទាន់ទទួលបានទិន្នផល ដើម្បីប្រមូលចូលក្រុមហ៊ុននូវឡើយនោះទេ។ លោកថា ចាប់តាំងពីការកកើតក្រុមហ៊ុនមករយៈពេល៣ឆ្នាំគិតពីឆ្នាំ២០២០ដល់ឆ្នាំ២០២៣នេះ ក្រុមហ៊ុនអាចប្រមូលទិញផ្លែកាកាវស្រស់ពីប្រជាកសិករពី២៥រាជធានីខេត្តក្រុង ក្នុង១ឆ្នាំបានត្រឹមមរិមាណចំនួន២០ទៅ៣០តោន ហើយក្រុមហ៊ុនបានផលិតជាគ្រប់កាកាវក្រៀមផ្តល់ជូនក្រុមហ៊ុនដៃគូថៃនិងផលិតផលសម្រេចសម្រាប់ចែកចាយតែលើទីផ្សារក្នុងស្រុកប៉ុណ្ណោះ។ ប្រធានរដ្ឋបាល និងជាអ្នកគ្រប់គ្រងទូទៅក្រុមហ៊ុនហ្វេមីលីកាកាវខាងលើ បានអះអាទៀតថា ក្នុងឆ្នាំ២០២៥ខាងមុខនេះ ក្រុមហ៊ុនហ្វេមីកាកាវគ្រោងនឹងប្រមូលទិញដំណាំកសិឧស្សាហកម្មពីប្រជាកសិករពី១០០តោនទៅ២០០តោន ដើម្បីកែច្នៃនាំចេញទៅទីផ្សារអន្តរជាតិដូចជា ប្រទេសចិន ជប៉ុន និងអឺរ៉ុបជាដើម។សម្រាប់ដំណាំកសិឧស្សាហកម្មកាកាវនេះ បច្ចុប្បន្នក្រុមហ៊ុនកាកាវហ្វេមីបានប្រមូលទិញពីប្រជាកសិករក្នុងតម្លៃកុងត្រា១២៥០រៀលសម្រាប់ផ្លែកាកាវស្រស់១គីឡូក្រាម។ សូមបញ្ជាក់ ដំណាំកសិឧស្សាហកម្មកាកាវ គឺជាដំណាំមួយដែលផ្តល់ផលជារៀងរាល់ខែដល់អ្នកដាំ ដោយក្នុងមួយខែ សម្រាប់អ្នកដាំខ្នាតតូចចាប់២០០ដើមចុះក្រោមប្រមូលផលយ៉ាងហោចពី១០០ទៅ២០០គីឡូក្រាម៕ អត្ថបទ៖ ជាវ ចន្ធូរូបភាព រិន រចនា+ងីម ឆៃហួត