(ភ្នំពេញ) ៖ យោងតាម សេចក្តីជូនដំណឹងរបស់ក្រសួង ពាណិជ្ជកម្ម បានប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានានៅកម្ពុជា នៅ ព្រឹកថ្ងៃ ទី០១ ខែសីហា ឆ្នាំ ២០២៣នេះ គិតចាប់ពីថ្ងៃទី០១ ដល់ថ្ងៃទី១០ ខែសីហា ឆ្នាំ២០២៣នេះ សាំង (ឡើងថ្លៃ ៤០០៛)ខណៈ ប្រេងម៉ាស៊ូត (ឡើងថ្លៃ ៤៥០៛)។ ដូច្នេះ ត្រូវលក់សាំងធម្មតាតម្លៃ ៤,៥៥០រៀល និងម៉ាស៊ូតត្រូវលក់ ៤,៤៥០រៀលក្នុង១លីត្រ ។ គួរបញ្ជាក់ថា នៅក្នុង សេចក្តីជូនដំណឹងរបស់ក្រសួង បានបញ្ជាក់បន្ថែមថា ផ្អែក តាម តម្លៃ មធ្យម ប្រេងឥន្ធនៈ លើ ទីផ្សារ អន្តរជាតិ ថ្លៃ លក់រាយ ប្រេងឥន្ធនៈ ចាប់ពី ថ្ងៃទី ០១ ដល់ ថ្ងៃទី១០ ខែសីហា ឆ្នាំ ២០២៣ នឹងត្រូវ លក់ ៤.៨១៨រៀល…

(ភ្នំពេញ)៖ ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា បានលើកឡើងថា ក្នុងបរិការណ៍ដែលសេដ្ឋកិច្ចកម្ពុជា កំពុងទទួលរងឥទ្ធិពលពីការថមថយ នៃសកម្មភាពសេដ្ឋកិច្ចពិភពលោក ធនាគារជាតិនៃកម្ពុជា បានបន្តរក្សាស្ថិរភាពថ្លៃ និងស្ថិរភាពហិរញ្ញវត្ថុ អភិវឌ្ឍប្រព័ន្ធធនាគារ និងប្រព័ន្ធទូទាត់ ជួយជ្រោងកំណើនសេដ្ឋកិច្ច និងការអភិវឌ្ឍវិស័យនានា ឱ្យប្រព្រឹត្តទៅដោយរលូន។ ឯកឧត្តម ទេសាភិបាល បានថ្លែងដូច្នេះនៅក្នុងសន្និបាតបូកសរុបលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២៣ របស់ធនាគារជាតិនៃកម្ពុជា នៅសណ្ឋាគារសុខា ខេត្តព្រះសីហនុ នារសៀលថ្ងៃទី៣០ ខែកក្កដា ឆ្នាំ២០២៣ ។ ឯកឧត្ដមបានបញ្ជាក់ថា ជុំវិញរូបិយវត្ថុការរក្សាស្ថិរភាពថ្លៃនយោបាយរូបិយវត្ថុ និងអត្រាប្តូរប្រាក់ធនាគារជាតិនៃកម្ពុជា ត្រូវបានអនុវត្តប្រកបដោយភាពបត់បែន និងប្រុងប្រយ័ត្នខ្ពស់។ ជាក់ស្តែងសន្ទនីយភាពត្រូវបានបញេ្ចញទៅក្នុងទីផ្សារ និងស្រូបយកមកវិញ តាមរយៈឧបករណ៍នយោបាយរូបិយវត្ថុនានា ផ្អែកលើការប្រែប្រួលនៃតម្រូវការជាក់ស្តែង ក្នុងគោលដៅធានាឱ្យគ្រឹះស្ថានធនាគារ និងហិរញ្ញវត្ថុមានសន្ទនីយភាពគ្រប់គ្រាន់ សម្រាប់ផ្តល់ឥណទានក្នុងអត្រាការប្រាក់មួយសមរម្យ និងបញ្ចៀសសម្ពាធទៅលើអត្រាប្តូរប្រាក់ផងដែរ។ ឯកឧត្តមថា ក្នុងស្ថានភាពដែលតម្លៃប្រាក់ដុល្លារអាមេរិកនៅលើទីផ្សារអន្តរជាតិមាននិន្នាការកើនឡើង ប្រាក់រៀល ត្រូវបានរក្សាឱ្យមានស្ថិរភាពក្នុងកម្រិតជាមធ្យម ៤.០៩៤រៀល ក្នុង ១ដុល្លារអាមេរិក ប្រហាក់ប្រហែលនឹងគ្នានឹងឆ្នាំមុនដែរសំដៅការពារអំណាចទិញរបស់ប្រាក់រៀល ក៏ដូចជាប្រាក់ចំណូលរបស់ប្រជាពលរដ្ឋងាយរងគ្រោះ ។ ឯកឧត្តមទេសាភិបាល បានបន្តថា ក្រៅពីការធ្លាក់ថ្លៃប្រេងឥន្ធនៈ…

(ពោធិ៍សាត់)៖ ត្រឹមរយៈពេលជិតមួយឆ្នាំដែលធ្លាប់តែដើរស៊ីឈ្នួលគេ រកប្រាក់សម្រាប់ចិញ្ចឹមគ្រួសារជួបការលំបាក ទីបំផុតប្តីប្រពន្ធមួយគ្រួសារបានសម្រេចចិត្តផ្លាស់ប្តូរមកចាប់មុខរបរចិញ្ចឹមកង្កែបវិញ បានជួយឱ្យជីវភាពគ្រួសារ អាចរកចំណូលជាប់ជាប្រចាំថ្ងៃ,មិនចាំបាច់ដើរស៊ីឈ្នួលគេ និងមិនចំណាកស្រុក។ លោក ហ៊ុន សិលា រស់នៅ ភូមិឆាយលូក ឃុំ អូរសោម ស្រុកវាលវែង ខេត្ត ពោធិ៍សាត់ដែលបានជ្រើសរើសមុខរបរថ្មីមកចិញ្ចឹមកង្កែបប្រាប់ឱ្យដឹងថា៖មុននេះលោកជាអ្នកស៊ីឈ្នួលដើរកាត់ស្មៅតាមចំការ ឱ្យគេដែលប្រាក់ឈ្នួលចាយមិនគ្រប់សម្រាប់គ្រួសារ ប៉ុន្តែចាប់ពីចុងឆ្នាំ ២០២២មក លោកបានចាប់ផ្តើមចិញ្ចឹមកង្កែបដែលមានអ្នកជំនាញគម្រោងអភិវឌ្ឃន៍សហគមន៍អង្គការសម្ព័ន្ធមិត្តសត្វព្រៃមកជួយជ្រោមជ្រែង ពេលនេះបានហុចលទ្ធផលរកស្មានមិនដល់។ ក្នុងការចិញ្ចឹមកង្កែប ពិសេសការបង្កាត់ពូជកូនកង្កែបដែលមានអ្នកជំនាញជួយជ្រោមជ្រែងធ្វើឱ្យគ្រួសារលោក ហ៊ុន សិលា អាចរកចំណូលពីការលក់កូនកង្កែប និងលក់កង្កែបធំយកសាច់បានថវិការអាចជួយឱ្យសេដ្ឋកិច្ចគ្រួសារល្អប្រសើរជាងមុនឆ្ងាយណាស់។ បុរសវ័យ ២៩ឆ្នាំរូបនេះបានប្រាប់ថា”ការចិញ្ចឹមកង្កែបត្រឹមរយៈពេល៣ខែបានលក់ហើយ ដោយក្នុងនេះកង្កែបធំលក់បានក្នុងមួយគីឡូក្រាម ១៥.០០០ ដល់ ២០.០០០រៀល ។ មួយថ្ងៃខ្ញុំអាចលក់កូនកង្កែប និង កង្កែបធំតិចបំផុត ៣ម៉ឺនរៀល” ។ អ្នកស្រី សួង ស្រីណែត ជាភរិយាបានប្រាប់ថា៖គ្រួសាររបស់ខ្លួនកន្លងមកជួបការលំបាកដោយសារចេញទៅស៊ីឈ្នួលកាត់ស្មៅឱ្យគេបានត្រឹមមួយថ្ងៃ៣ម៉ឺនរៀល ហើយជួនមានការងារ និងជួនថ្ងៃខ្លះទៀតគ្មានការងារ។ក្នុងរយៈពេលប៉ុន្មានខែមកនេះក្រោយចាប់មុខរបរចិញ្ចឹមកង្កែបលក់ មិនត្រឹមតែជួយដោះស្រាយថវិការប្រចាំថ្ងៃបានងាយស្រួលទេ ថែមទាំងមានពេលវេលាច្រើននៅផ្ទះសម្បែងក្នុងការថែទាំកូនចៅបានថែមទៀត។ អ្នកនាង ផេង សោភា ប្រធានដឹកនាំគម្រោង ជីវភាព សហគមន៍នៃអង្គការសម្ព័ន្ធមិត្តសត្វព្រៃបានឱ្យដឹងថាអង្គការអ្នកនាងតែងផ្តល់បច្ចេកទេសក្នុងការធ្វើអាងចិញ្ចឹមកង្កែប ធ្វើទ្រុងចិញ្ចឹមមាន់…

ភ្នំពេញ៖ សមាគមវារីវប្បករកម្ពុជាបានឱ្យដឹងថា ប្រភេទត្រីប្រា ត្រីពោរ ត្រីឆ្ដោ និងត្រីមួយចំនួនទៀត នាពេលបច្ចុប្បន្ន ចាប់ផ្តើមមា​នតម្លៃល្អឡើងវិញនៅលើទីផ្សារក្នុងស្រុក បើធៀបទៅនឹងកំលុងមានការរាតត្បាតនូវជំងឺកូវីដ១៩។ ប៉ុន្តែសមាគមមានក្តីបា​រម្ភចំពោះការផ្អាកចិញ្ចឹមរបស់វារីវប្បករមួយចំនួន ដោយសារកន្លងមកវិស័យនេះបានជួបបញ្ហាប្រឈមខ្លាំងក្នុងខ្សែច្រវាក់ផលិតកម្ម។ លោក ឡែមផូរ វរិទ្ធិ មន្រ្តីអភិវឌ្ឍន៍សមាគមនិងជាអ្នកនាំពាក្យសមាគមវារីវប្បករកម្ពុជាបានប្រាប់ឱ្យដឹងនៅថ្ងៃទី​២៣ ខែកក្កដាថា ទីផ្សារត្រីក្នុងស្រុកមួយចំនួនចាប់ផ្ដើមប្រសើរឡើងវិញ ក្រោយបានរងការរង្គោះរង្គើយ៉ាងខ្លាំងក្នុងកំលុងវិបត្តិកូវីដ១៩ នាពេលកន្លងមក។ ជាក់ស្ដែងទីផ្សារត្រីប្រា ត្រីពោរ និងត្រីឆ្ដោបច្ចុប្បន្ន សុទ្ធតែមានការកើនឡើងបើធៀបទៅនឹងអំឡុងមានការរាតត្បាតនូវជំងឺកូវីដ១៩។ ប៉ុន្តែបើទោះទីផ្សារតម្លៃមានភាពល្អប្រសើរ តែលោក វរិទ្ធិ  បានបង្ហាញក្តីព្រួយបារម្ភខ្លាំងចំពោះស្ថានភាពនៃវិស័យវារីវប្បកម្មនៅកម្ពុជា ដែលអាចប្រឈមនឹងការបន្តធ្លាក់ចុះ ខណៈនៅឆ្នាំ២០២៣នេះ វិស័យវារីវប្បកម្មនៅមិនទាន់មានសញ្ញា​​វិជ្ជមាននៅឡើយ ស្របពេលក្រុមអ្នកចិញ្ចឹមត្រីក្នុងស្រុកមួយចំនួនបានផ្អាកការចិញ្ចឹមដោយសារកន្លងមកវិស័យនេះបានជួបបញ្ហាប្រឈមខ្លាំងក្នុងខ្សែច្រវាក់ផលិតកម្ម។ លោក វរិទ្ធិ បានបញ្ជាក់ថា ៖ «កំលុងពេលការរីករាលដាលនៃជំងឺកូវីដ១៩ វិស័យវារីវប្បកម្មរបស់កម្ពុជាបានរងការរង្គោះរង្គើយ៉ាងខ្លាំង ដែលធ្វើឱ្យអ្នកចិញ្ចឹមមួយចំនួនបានសម្រេចចិត្តផ្អាកនិងបោះបង់ការចិញ្ចឹមត្រី ព្រោះតែបញ្ហាប្រឈមក្នុងខ្សែច្រវាក់ផលិតកម្ម ជាពិសេសពាក់ព័ន្ធចំណីត្រីឡើងថ្លៃ ខណៈត្រីលក់បានថោក»។ លោកបន្តថា ៖ «បច្ចុប្បន្នវិស័យវារីវប្បកម្មនៅកម្ពុជាទាំង​មូលហាក់មិនទាន់មានសញ្ញាវិជ្ជមាននៅឡើយទេ បើទោះបីតម្លៃត្រីក្នុងស្រុកមួយចំនួន ដូចជាត្រីប្រា ត្រីពោរ និងត្រីឆ្ដោហាក់មានទីផ្សារល្អប្រសើរ បើធៀបទៅនឹងកំលុងមានរាតត្បាតជំងឺកូវីដ១៩ក៏ដោយ»។ លោកបានបន្ថែមថា សព្វថ្ងៃ ត្រីប្រា មានតម្លៃចាប់ពី៥.០០០រៀល ទៅ៥.៥០០រៀលក្នុងមួយគីឡូក្រាម ខណៈកន្លងមកអាចលក់បានក្នុងតម្លៃត្រឹមតែ៤.០០០រៀលប៉ុណ្ណោះក្នុងមួយគីឡូក្រាម។…

ភ្នំពេញ: ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា នៅឆ្នាំ២០២៣នេះ តម្លៃស្រូវនៅទីវាល ជាពិសេសប្រភេទពូជស្រូវប្រាំងអ៊ីអ៊ែរ (IR) និងស្រូវប្រភេទអូអឹម (OM) មានតម្លៃខ្ពស់មិនធ្លាប់មាននៅក្នុងរយៈពេល៣ឆ្នាំចុងក្រោយនេះ ខណៈតម្លៃជីកសិកម្ម និងថ្នាំកសិកម្មមួយចំនួនក៏បានថយចុះផងដែរ។ យោងតាមតម្លៃស្រូវនៅទីវាលដែលប្រមូលដោយសហព័ន្ធស្រូវអង្ករកម្ពុជា នៅក្នុងឆ្នាំ២០២៣នេះ ស្រូវ ប្រភេទ IR មានតម្លៃ ១ ០៤៧រៀល/គ.ក្រ ខណៈស្រូវប្រភេទ OM មានតម្លៃ ១ ០២៩រៀល/គ.ក្រ។ ចំណែកឯប្រភេទពូជស្រូវសែនក្រអូបវិញ គឺមានតម្លៃខ្ពស់ជាងគេ បើធៀបនឹង ប្រភេទពូជស្រូវ IR និង OM ប៉ុន្តែតម្លៃស្រូវសែនក្រអូបមិនសូវមានការប្រែប្រួលទេ ក្នុងរយៈពេល៣ឆ្នាំចុងក្រោយនេះ ដោយជាមធ្យម មានតម្លៃចន្លោះពី ១០០០-១២៦០រៀល/គ.ក្រ។ នេះបើយោងតាមសេចក្ដីប្រកាសព័ត៌មានរបស់ក្រសួងកសិកម្ម ចុះថ្ងៃទី ២១ ខែកក្កដា ឆ្នាំ ២០២៣។ក្រសួងកសិកម្ម ក៏បានគូសបញ្ជាក់ថា៖«ក្រៅតែពីតម្លៃស្រូវមានស្ថានភាពល្អប្រសើរ តម្លៃជីកសិកម្ម ចាប់តាំងពីខែមករា ឆ្នាំ២០២៣ រហូតមក ទល់ពេលនេះ មានការធ្លាក់ចុះជាបន្តបន្ទាប់ ក្នុងនោះ ជីអ៊ុយរ៉េ ធ្លាក់ថ្លៃពី…