ភ្នំពេញ៖ ក្រសួងកសិកម្ម និងស្ថានទូតអូស្រ្តាលីប្រចាំកម្ពុជា បានបង្ហាញការជឿជាក់ថា ពូជស្រូវក្រអូបមានឈ្មោះថា “ចំប៉ីស៧០”( CPS70) ដែលជាពូជស្រូវថ្មីបង្កាត់ចេញពីពូជស្រូវកម្ពុជាដែលទទួលបានពានរង្វាន់ចំនួនប្រាំដងគឺ​ពូជស្រូវ “ផ្ការំដួល”នោះ នឹងមានចរន្តទិញលក់ នៅទីផ្សារនាពេលឆាប់ៗខាងមុខ ខណៈបច្ចុប្បន្នពូជស្រូវនេះកំពុងត្រូវបានដាំដុះយ៉ាងយកចិត្តទុកដាក់។ ការរំពឹងទុកនេះ បានបង្ហាញឡើងតាមរយៈវីដេអូ ដែលផ្សាយចេញដោយស្ថានទូតអូស្រ្តាលីប្រចាំកម្ពុជាកាលពីថ្ងៃទី១៩ ខែកក្កដា ឆ្នាំ២០២៣។ តាមរយៈវីដេអូ ដែលមានរយៈពេលជាងបីនាទី លោក ចាស្ទីន វ៉ាយអេត ឯកអគ្គរាជទូតអូស្រ្តាលីប្រចាំកម្ពុជា បានលើកឡើងថា ប្រទេសអូស្ត្រាលីមានមោទកភាព ដែលបានធ្វើការជាមួយរាជរដ្ឋាភិបាលកម្ពុជា តាមរយៈ CARDI ដើម្បីអភិវឌ្ឍន៍ពូជស្រូវ«ចំប៉ីស៧០»នេះឡើង។ «ចំប៉ីស៧០» គឺជាពូជមានផលប្រយោជន៍ជាច្រើន វាធន់នឹងការប្រែប្រួលអាកាសធាតុ ទឹកជំនន់ និងគ្រោះរាំងស្ងួតជាដើម ហើយវាមានគុណភាពខ្ពស់រស់ជាតិឆ្ងាញ់។ហេតុនេះ អូស្រ្តាលី ជឿជាក់ថា ពូជស្រូវ«ចំប៉ីស៧០» នឹងរួមចំណែកចូលអភិវឌ្ឍន៍វិស័យកសិកម្មកម្ពុជា តាមរយៈការផ្គត់ផ្គង់ទីផ្សារក្នុងស្រុក និងអន្តរជាតិផងដែរ។ ជាមួយគ្នានេះ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងដែរថា ចំប៉ីស៧០ គឺជាពូជស្រូវថ្មី កើតចេញពីពូជស្រូវដែលជាប់ចំណាត់ថ្នាក់លេខ១ ចំនួនប្រាំដងគឺពូជស្រូវផ្ការំដួល។ ក្នុងនាមរាជរដ្ឋាភិបាលសូមថ្លែងអំណរគុណអូស្រ្តាលី ដែលបានគាំទ្រលើការស្រាវជ្រាវពូជស្រូវនេះ…

ភ្នំពេញ៖ មជ្ឈមណ្ឌលអ៊ិនធ័រឃែរបើកដំណើរការមជ្ឈមណ្ឌលពិនិត្យសុខភាពសំរាប់ទិដ្ឋាការថ្មីរបស់ខ្លួន ដើម្បីផ្តល់ជូននូវការវាយតម្លៃសុខភាពយ៉ាងត្រឹមត្រូវដល់អ្នកដែលកំពុងដាក់ពាក្យសុំទិដ្ឋាការ ដើម្បីធ្វើដំណើរ, ធ្វើការ, សិក្សា ឬធ្វើចំណាកស្រុកទៅកាន់ប្រទេសផ្សេងៗ។ មជ្ឈមណ្ឌលពិនិត្យសុខភាពសំរាប់ទិដ្ឋាការ នឹងផ្តល់សេវាសុខភាពជាច្រើន ដើម្បីធានាអោយត្រូវនូវតម្រូវការសុខភាពសម្រាប់ប្រទេសគោលដៅ។ ជាការចាប់ផ្តើម មជ្ឈមណ្ឌលនឹងផ្តល់សេវាដើម្បីបំពេញតម្រូវការពិនិត្យសុខភាព សម្រាប់អ្នកធ្វើដំណើរទៅប្រទេសអូស្ត្រាលី។ លោក Jason Harrison នាយកគ្រប់គ្រងទូទៅនៃមជ្ឈមណ្ឌលអ៊ិនធ័រឃែរ បានមានប្រសាសន៍ថា យើងរីករាយក្នុងការប្រកាសពីការចាប់ផ្តើម នៃមជ្ឈមណ្ឌលពិនិត្យសុខភាពសំរាប់ទិដ្ឋាការថ្មីរបស់យើង។ លោកនាយកបន្តថា ក្នុងនាមជាមជ្ឈមណ្ឌលផ្តល់សេវាថែទាំសុខភាពប្រកបដោយគុណភាព ពួកយើងប្តេជ្ញាធានាថា អ្នកធ្វើដំណើរទទួលបានការថែទាំល្អបំផុតតាមដែលអាចធ្វើបាន។ ក្រុមអ្នកជំនាញថែទាំសុខភាពរបស់យើង នឹងផ្តល់នូវការវាយតម្លៃសុខភាពយ៉ាងត្រឹមត្រូវ ដើម្បីធានាថា អ្នកដំណើរបំពេញតាមតម្រូវការសុខភាពសម្រាប់ប្រទេសគោលដៅរបស់ពួកគេ។ កម្មវិធីនេះមានការចូលរួមពីដៃគូសាជីវកម្ម រួមមានក្រុមហ៊ុន OCIC, ធនាគារកាណាឌីយ៉ា, តារាធានារ៉ាប់រង និង ខេមតិច ក្នុងចំណោមក្រុមហ៊ុនដទៃទៀត។ ជាមួយគ្នានេះ លោក Ben Cumming លេខាទីមួយនៃស្ថានទូតអូស្ត្រាលីប្រចាំនៅកម្ពុជា បានសម្តែងនូវមោទនភាពចំពោះការដាក់បញ្ចូលអ៊ិនធ័រឃែរនៅក្នុងដំណើរការនេះ និងថា មជ្ឈមណ្ឌលនេះជាអ្នកផ្តល់សេវាដែលយើងស្គាល់ និងជឿទុកចិត្ត ជាអ្នកផ្តល់សេវាដែលយើងមានទំនុកចិត្តក្នុងការធ្វើការជាមួយស្តង់ដារ។សូមបញ្ជាក់ថា មជ្ឈមណ្ឌលអ៊ិនធ័រឃែរគ្រោងនឹងពង្រីកសេវាពិនិត្យសុខភាពទិដ្ឋាការរបស់ខ្លួនទៅកាន់ប្រទេសផ្សេងទៀត រួមទាំងសហរដ្ឋអាមេរិក កាណាដា នូវែលសេឡង់ និងជាច្រើនទៀត។ ជាមួយនឹងការបើកដំណើរការនាយកដ្ឋានថ្មីនេះ អ៊ិនធ័រឃែរមានគោលបំណងផ្តល់ជូនអ្នកដំណើរនូវភាពងាយស្រួល និងប្រសិទ្ធភាព ក្នុងការចូលទៅកាន់សេវាសុខភាពដែលពួកគេត្រូវការ…

(ភ្នំពេញ)៖ កូនជ្រូកសន្សំលុយ គឺជារបស់សម្រាប់ទុកសន្សំប្រាក់សម្រាប់ពលរដ្ឋខ្មែរយើង តាំងតែពីដូនតាមក ហើយបើទោះបីបច្ចុប្បន្នមានធនាគារ មីក្រូហិរញ្ញវត្ថុ គណីបញ្ញើ សេវាសន្សំប្រាក់ គណនីសន្សំ និងអ្វីៗផ្សេងៗជាច្រើនទៀតបើកព្រោងព្រាតក្តី តែកូនជ្រូកសន្សំប្រាក់នៅតែពេញនិយម ក្នុងស្រទាប់ពលរដ្ឋខ្មែរ ។ ពលរដ្ឋខ្មែរ មួយចំនួននៅតែមានភាពកក់ក្តៅជាមួយនឹងការទុកប្រាក់កាសជាប់ខ្លួន ជាជាងការផ្ញើទុកនៅធនាគារ ការមានប្រាក់ក្នុងគណនី ឬម៉ាស៊ីនដកប្រាក់ដូចបច្ចុប្បន្ន ។ គួរបញ្ជាក់ថា បើគេធ្វើដំណើរតាមផ្លូវជាតិលេខ ៦A ត្រង់ក្បែរ ស្ពាន ជ្រោយចង្វា ស្ថិតនៅ ភូមិគៀនឃ្លាំង គេនឹងបានឃើញអ្នកផលិត និងអ្នកលក់កូនជ្រូក សន្សំលុយ បែបសម័យថ្មីដាក់លក់ច្រើនកន្លែងដែលមើលទៅគួរជាទីស្រឡាញ់ និង គួរជាទីចាប់ចិត្ត ។ អ្នកស្រី ឆុត នី ម្ចាស់សិប្បកម្ម ស្រី លៀប ស្ថិតនៅភូមិគៀនឃ្លាំង សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ បានឱ្យដឹងថា អ្នកស្រី ចាប់ផ្តើមបង្កើតរបរនេះ រយៈពេលជាង ២០ឆ្នាំហើយ និងមានផលិតកូនជ្រូកសន្សំលុយប្រមាណជិត ២០ប្រភេទ ។ កន្លែងអ្នកស្រីបានចាប់ផ្តើមធ្វើមុនគេ និងបច្ចុុប្បន្នអ្នកដែលធ្លាប់ស៊ីឈ្នួលអ្នកស្រី មួយចំនួនក៏បានចេញទៅផលិតកូនជ្រូកដាក់លក់ដូចអ្នកស្រីជាបន្តបន្ទាប់ដែរ។…

ភ្នំពេញ៖ អគ្គលេខាធិការដ្ឋានព្រឹទ្ធសភា (អ.ពស) និងក្រុមហ៊ុន ហូវៃ បានរៀបចំសិក្ខាសាលាស្តីពី ការពន្លឿនហេដ្ឋារចនាសម្ព័ន្ធឌីជីថល និងការបង្កើតតម្លៃថ្មីសម្រាប់សេដ្ឋកិច្ចឌីជីថល ដើម្បីចែករំលែកចំណេះដឹង និងបទពិសោធន៍ថ្មីៗជូនដល់មន្ត្រីរាជការនៃអគ្គលេខាធិការដ្ឋានព្រឹទ្ធសភា។ ឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភាបានសាទរ ដែលអគ្គលេខាធិការដ្ឋានព្រឹទ្ធសភា និងក្រុមហ៊ុន ហូវៃ ប្រចាំកម្ពុជា បានសហការរៀបចំសិក្ខាសាលានេះឡើង ពិតជាមានសារៈសំខាន់ណាស់សម្រាប់មន្ត្រីរាជការ នៃអគ្គលេខាធិការដ្ឋានព្រឹទ្ធសភា ក្នុងការឈ្វេងយល់បន្ថែមពីគោលគំនិតនៃក្របខណ្ឌសេដ្ឋកិច្ចឌីជីថល និងទស្សន៍ឌីជីថល, និយ័តកម្មឧស្សាហកម្ម, ការអនុវត្តយុទ្ធសាស្រ្តឌីជីថល, ការវាយតម្លៃ និងអនុវត្តគំរូល្អៗ ក្នុងការជំរុញការអភិវឌ្ឍសេដ្ឋកិច្ចឌីជីថលនៅក្នុងប្រទេសកម្ពុជា។ ឯកឧត្តមអគ្គលេខាធិការបន្ថែមថា ព្រឹទ្ធសភាកម្ពុជាមានឆន្ទៈ និងការប្តេជ្ញាចិត្តប្រកបដោយការទទួលខុសត្រូវ ក្នុងការចូលរួមចំណែកកសាងសង្គមកម្ពុជា ឆ្ពោះទៅរកសង្គមសេដ្ឋកិច្ចឌីជីថលដ៏រស់រវើក ព្រមទាំងចូលរួមយ៉ាងសកម្ម និងភាពជាដៃគូរជាមួយរាជរដ្ឋាភិបាលកម្ពុជាគ្រប់ដំណាក់កាល ឆ្ពោះទៅរកការពង្រឹង និងការកសាងខឿនសេដ្ឋកិច្ចដ៏រឹងមាំមួយ ក្រោមទស្សនវិស័យជាប្រទេសចំណូលកម្រិតមធ្យមត្រឹមឆ្នាំ ២០៣០ និងជាប្រទេសចំណូលកម្រិតខ្ពស់ក្នុងឆ្នាំ ២០៥០។ ក្នុងន័យនេះ ព្រឹទ្ធសភាកម្ពុជាបានកំណត់ចក្ខុវិស័យ និងទស្សនវិស័យ ក្នុងការប្រែក្លាយខ្លួនជាសភាទំនើប ដោយបានរៀបចំចងក្រងក្របខណ្ឌយុទ្ធសាស្រ្ត និងផែនការសកម្មភាពសម្រាប់ពង្រឹងសមត្ថភាពរបស់ព្រឹទ្ធសភាក្នុងរយៈពេល ១០ឆ្នាំ ឆ្នាំ ២០២១-២០៣០ និងផែនការមេស្តីពីបដិវត្តកម្មព្រឹទ្ធសភាអេឡិចត្រូនិច ឆ្នាំ ២០២២-២០៣០ ឱ្យស្របតាមគោលនយោបាយរាជរដ្ឋាភិបាលឌីជីថលកម្ពុជា ឆ្នាំ…