មិនត្រឹមតែជាភេសជ្ជៈប៉ូវកម្លាំងដែលមានគុណភាព និងទទួលបានពានរង្វាន់មេដាយមាសបញ្ជាក់ពីគុណភាពល្អប្រណិតពីកម្មវិធី Monde Selection Awards ឆ្នាំ ២០២៣ ប៉ុណ្ណោះទេ ភេសជ្ជៈប៉ូវកម្លាំង គ្រុឌ និងគ្រុឌអាយស៍ នឹងផ្តល់មហារង្វាន់ដ៏ច្រើនសន្ធឹកសន្ធាប់ជូនដល់អតិថិជនរបស់យើងគ្រប់ទិសទីទូទាំងប្រទេសកម្ពុជា។ រង្វាន់មានដូចជា រថយន្ត Pick Up ទំនើបថ្មីស្រឡាង ម៉ូតូ ស៊េរីថ្មី ប្រាក់សុទ្ធរហូតដល់ 100លានរៀល និងរង្វាន់ផ្សេងៗជាច្រើនទៀត។ រាល់ពេលដែលលោកអ្នកគាស់ភេសជ្ជៈប៉ូវកម្លាំងគ្រុឌ និងគ្រុឌអាយស៍ សូមកុំភ្លេចពិនិត្យមើលនៅលើក្រវិលកំប៉ុង ព្រោះថាអ្នកអាចក្លាយជាអ្នកមានសំណាងឈ្នះមហារង្វាន់ពីភេសជ្ជៈប៉ូវកម្លាំងគ្រុឌ! កុំភ្លេចទទួលយកថាមពល និងមានឱកាសឈ្នះរង្វាន់ជាមួយគ្រុឌ!

ភ្នំពេញ៖ សណ្ឋាគារ រ៉ូសវូដ ភ្នំពេញ បានទទួលពានរង្វាន់ “សណ្ឋាគារល្អបំផុតនៅអាស៊ី” ពី Travel + Leisure’s Luxury Awards Asia Pacific ឆ្នាំ ២០២៣។ ពានរង្វាន់នេះ ក៏ឆ្លុះបញ្ជាំងឱ្យឃើញផងដែរថា រ៉ូសវូដកំពុងក្លាយជាសណ្ឋាគារមួយដែលកំពុងតែមានប្រជាប្រិយភាពខ្លាំង ហើយក៏ជាគោលដៅស្នាក់នៅដ៏ទាក់ទាញមួយនៅក្នុងប្រទេសកម្ពុជា។ លោក Daniel Simon នាយកគ្រប់គ្រងសណ្ឋាគារ រ៉ូសវូដ ភ្នំពេញ មានប្រសាសន៍ថា ពានរង្វាន់ “សណ្ឋាគារល្អបំផុតនៅអាស៊ី” ឆ្លុះបញ្ចាំងពីការបំពេញការងារមិនចេះហត់នឿយ ដែលបានប្រកាន់ខ្ជាប់នូវបេសកកម្មរួមគ្នា ក្នុងការផ្លាស់ប្តូររបៀបដែលអ្នកធ្វើដំណើរទទួលបានបទពិសោធន៍នៅប្រទេសកម្ពុជានាពេលបច្ចុប្បន្ននេះ។ លោក Daniel Simon បន្តថា ជាមួយសោភ័ណភាពដ៏ល្អប្រណីត រួមនឹងទីតាំងដ៏គួរឱ្យទាក់ទាញនៅលើកំពូលអគារវឌ្ឍនៈ កាពីតាល់ និងសេវាកម្មបំពេញតម្រូវការផ្ទាល់ខ្លួននានាប្រកបដោយការយកចិត្តទុកដាក់ សណ្ឋាគារ រ៉ូសវូដ ភ្នំពេញ បានក្លាយជាទីកន្លែងមួយដ៏មានកិត្យានុភាពបំផុតរបស់ពិភពលោក ចាប់តាំងពីបើកដំណើរការក្នុងឆ្នាំ ២០១៨ រហូតមកទល់ពេលបច្ចុប្បន្ន។លើសពីការផ្តល់កន្លែងស្នាក់លំហែកាយលំដាប់ពិភពលោក សណ្ឋាគារនេះក៏បានប្រែក្លាយខ្លួនទៅជាតួអង្គគន្លឹះក្នុងការផ្សព្វផ្សាយអំពីវប្បធម៌របស់ប្រទេសកម្ពុជាផងដែរ។ លោកនាយកបន្ថែមថា ដោយបូកផ្សំជាមួយនឹងបទពិសោធន៍បដិសណ្ឋារកិច្ចដ៏ប្រណីត និងសម្ភារបរិក្ខារទំនើបៗប្រកបដោយភាពសម្បូរបែបរបស់ខ្លួន គំនិតផ្តួចផ្តើមទាំងនេះបានជំរុញឱ្យសណ្ឋាគារ រ៉ូសវូដ ភ្នំពេញ ទទួលបានពានរង្វាន់ជាច្រើន…

កោះកុង៖ គណៈប្រតិភូសភាពាណិជ្ជកម្មខេត្តត្រាតនៃប្រទេសថៃ បានមកទស្សនកិច្ចស្វែងយល់ពីសក្ដានុពលផ្សេងៗនៅកំពង់ផែទេសចរណ៍ ខេត្តកោះកុង ដើម្បីពិភាក្សាក្នុងការជំរុញសេដ្ឋកិច្ច តាមរយៈការផ្សារភ្ជាប់ផ្លូវពាណិជ្ជកម្ម ការវិនិយោគ និងទេសចរណ៍រវាងខេត្តទាំងពីរ។ ប្រភពរដ្ឋបាលខេត្តកោះកុង បានឱ្យដឹងនៅថ្ងៃទី១១ ខែកក្កដាថា គណៈប្រតិភូសភាពាណិជ្ជកម្មខេត្តត្រាត សហការជាមួយសភាពាណិជ្ជកម្មខេត្តកោះកុង បានអញ្ជើញមកទស្សនា និងធ្វើទស្សនកិច្ចស្វែងយល់ពីសក្ដានុពលផ្សេងៗ នៅកំពង់ផែទេសចរណ៍និងទំនិញរាយដងទង់ ស្ថិតនៅក្រុងខេមរភូមិន្ទ ខេត្តកោះកុង ដើម្បីពិភាក្សាក្នុងការជំរុញសេដ្ឋកិច្ច តាមរយៈការផ្សារភ្ជាប់ផ្លូវពាណិជ្ជកម្ម ការវិនិយោគ និងវិស័យទេសចរណ៍រវាងខេត្តទាំងពីរ (កោះកុង-ត្រាត)។ ប្រភពដដែលឱ្យដឹងទៀតថា ក្រៅពីការពិភាក្សាក្នុងការជម្រុញផ្នែកសេដ្ឋកិច្ចហើយ ភាគីទាំងពីរក៏បានពិភាក្សាគ្នាដើម្បីផ្លាស់ប្ដូរបទពិសោធន៍ ក្នុងការប្រើប្រាស់ឱ្យបានជាប្រយោជន៍នូវកំពង់ផែខេត្តទាំងពីរ (កំពង់ផែទេសចរណ៍ និងទំនិញរាយដងទង់ ខេត្តកោះកុង-កំពង់ផែពហុបំណងខ្លងយ៉ៃ ខេត្តត្រាត) ក្នុងការធ្វើចរាចរណ៍ដឹកជញ្ជូនទំនិញ និងភ្ញៀវទេសចរណ៍ទៅវិញទៅមកផងដែរ។ លោក សុខ សុទ្ធី អភិបាល​រង​ខេត្ត​កោះកុង បានឱ្យដឹងថា ដំណើរទស្សនកិច្ចរបស់គណៈប្រតិភូសភាពាណិជ្ជកម្មខេត្តត្រាតនាពេលនេះ គឺជាការចូលរួមមួយក្នុងការជំរុញសេដ្ឋកិច្ចក្នុងខេត្ត តាមរយៈការវិនិយោគ ការធ្វើពាណិជ្ជកម្ម និងលំហូរភ្ញៀវទេសចរណ៍មកកម្សាន្តរវាងខេត្តទាំងពីរផងដែរ។ បន្ថែមពីនេះ លោកបញ្ជាក់ថា ខេត្តកោះកុង គឺជាជាខេត្តមួយដែលមានកន្លែងកម្សាន្ត និងមានកោះធម្មជាតិដ៏ស្រស់ស្អាតៗជាច្រើន។ ក្រៅពីនេះទៀតលោកថា នៅពេលដែលខេត្តកោះកុងមានទំនាក់ទំនងល្អជាមួយខេត្តត្រាតនេះ វាក៏ជាការពង្រឹងទំនាក់ទំនងព្រំដែនរវាងខេត្តទាំងពីរ ជាពិសេសវាជួយពង្រឹងទំនាក់ទំនងល្អខាងផ្នែកនយោបាយ​​ថែមទៀតផង បើទោះបីជាកន្លងមកខេត្តទាំងពីរមានទំនាក់ទំនងល្អលើវិស័យទាំងនោះស្រាប់ក៏ដោយ។ លោក សុខ…

ភ្នំបេញ៖មន្រ្តីជាន់ខ្ពស់​ក្រសួងកសិកម្ម រុក្ខាប្រមាញ់ និងនេសាទ បានប្រាប់ឱ្យដឹងថា ក្រសួងកំពុងពិភាក្សាជាមួយនាយកដ្ឋានពាក់ព័ន្ធដើម្បីបន្តរៀបចំផែនការពង្រាយមន្រ្តីកសិកម្មឃុំ ១ ៦០០ នាក់ក្នុងបេសកកម្មធ្វើការបម្រើកសិករ ១,៦ លានគ្រួសារ ឬស្មើនឹងចំនួនប្រជាជន ៧,៥ លាននាក់ នៅគ្រប់ភូមិឃុំទូទាំងប្រទេសចាប់ពីឆ្នាំ ២០២៣ ដល់ឆ្នាំ​២០២៨។ កញ្ញា អ៊ឹម រចនា អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានប្រាប់ឱ្យដឹងនៅថ្ងៃទី១១ ខែកក្កដា​​ថា ការដាក់ព​ង្រា​យមន្រ្តីកសិកម្មឃុំយ៉ាងដូច្នេះគឺជាគោលនយោបាយសំ​ខាន់របស់ក្រសួងកសិកម្មសម្រាប់អាណត្តិក្រោយនេះ បើសិនជារាជរដ្ឋាភិបាលថ្មី នីតីកាលទី៧ ដឹកនាំដោយគណបក្សប្រ​ជា​ជនកម្ពុជា។ កញ្ញាបាន​ថ្លែងថា ៖ «គម្រោងនេះ ត្រូវបានអនុម័តដោយមហាសន្និបាតគណបក្សប្រជាជនកម្ពុជា ដោយរាជរដ្ឋាភិបាលអា​ណ​ត្តិថ្មីនេះ មានគម្រោងនឹងទម្លាក់ថវិកា ១០០ លានដុល្លារបន្ថែមទៀត សម្រាប់ទ្រទ្រង់ និងគាំទ្រគម្រោនេះ។ កន្លងទៅ ក្រ​សួ​​ងបានដាក់ពង្រាយមន្រ្តីកសិកម្ម ធ្វើជាគម្រោងសាកល្បងនៅស្រុកជើងព្រៃ ខេត្តកំពង់ចាម រួចមកហើយ»។ ​ អ្នកនាំក្រសួងកសិកម្មបានបន្តថា មន្រ្តីកសិកម្ម ដែលដាក់ពង្រាយនៅតាមឃុំទូទាំងប្រទេស មានតួនាទីក្នុងការជួយគាំទ្រលើ​កការងារបច្ចេកទេស ទាំងបច្ចេកកសិកម្ម និងបច្ចេកទេសគ្រប់គ្រងហិរញ្ញវត្ថុ ជាពិសេសការណែនាំពីរបៀបប្រើប្រាស់ទឹ​ក ដើម្បីឱ្យសមស្របនឹងប្រភេទដំណាំដែលកសិករបានដាំដុះ។ កញ្ញា រចនា បានបញ្ជាក់បន្ថែមថា…