ភ្នំពេញ៖ មជ្ឈមណ្ឌលវេជ្ជសាស្រ្ត Intercare នៅកម្ពុជា និងមជ្ឈមណ្ឌលវេជ្ជសាស្រ្ត Sunway មកពីប្រទេសម៉ាឡេស៊ី បានសហការគ្នាជំរុញកែលម្អសេវាថែទាំសុខភាពនៅកម្ពុជា។ កិច្ចសហការរួមគ្នានេះ នឹងផ្តោតលើការផ្តល់សេវាថែទាំសុខភាពជាស្តង់ដារអន្តរជាតិដល់ប្រជាជនកម្ពុជា។ លោក Jason Harrison អ្នកគ្រប់គ្រងទូទៅនៃមជ្ឈមណ្ឌលវេជ្ជសាស្រ្ត Intercare បានមានប្រសាសន៍ថា រូបលោកជឿជាក់ថា ជាមួយនឹងការអនុវត្តតាមស្តង់ដារអន្តរជាតិ និងក្រមសីលធម៌ នឹងអាចផ្តល់ឱ្យប្រជាជន និងសង្គមកម្ពុជានូវសេវាវេជ្ជសាស្រ្តមានគុណភាពខ្ពស់។ លោកបន្តថា កម្ពុជាជាប្រទេសដែលមានចំនួនប្រជាជនកើនឡើង និងធនធានមានកម្រិត យើងជឿជាក់ថា កិច្ចសហការរួមគ្នានេះ នឹងជួយកែលម្អហេដ្ឋារចនាសម្ព័ន្ធការលើកកម្ពស់ប្រព័ន្ធថែទាំសុខភាពក្នុងស្រុក ហើយថែមទាំងទទួលបាននូវការគាំទ្រពីអន្តរជាតិផងដែរ។ ប្រការនេះនឹងធានាបានថា ប្រជាជនកម្ពុជាទទួលបានការព្យាបាលប្រកបដោយគុណភាពកាន់តែប្រសើរឡើង។ នាឱកាសនោះដែរ អ្នកនាង Faith Tang ជំនួយការនាយកផ្នែកអភិវឌ្ឍន៍ពាណិជ្ជកម្មអន្តរជាតិ នៃមជ្ឈមណ្ឌលវេជ្ជសាស្ត្រ Sunway បានបញ្ជាក់ថា យើងមានមោទនភាពក្នុងការធ្វើជាដៃគូជាមួយ Intercare នៅក្នុងគំនិតផ្តួចផ្តើមដ៏សំខាន់នេះ។ រួមគ្នា យើងអាចបង្កើតលទ្ធផលល្អលើសេវាសុខភាព និងសុខុមាលភាពរបស់ប្រជាជនកម្ពុជា ហើយយើងទន្ទឹងរង់ចាំធ្វើការឆ្ពោះទៅរកអនាគតដ៏ត្រចះត្រចង់សម្រាប់ប្រទេសជាតិលើវិស័យវេជ្ជសាស្រ្ត។ នាឱកាសនោះដែរ គណៈគ្រប់គ្រងមជ្ឈមណ្ឌលវេជ្ជសាស្រ្ត Intercare នៅកម្ពុជា និងមជ្ឈមណ្ឌលវេជ្ជសាស្រ្ត Sunway មកពីម៉ាឡេស៊ី បានរៀបចំពិធីចុះហត្ថលេខាលើអនុស្សារណៈយោគយល់គ្នាលើកិច្ចព្រមព្រៀងកិច្ចសហប្រតិបត្តិការជាយុទ្ធសាស្រ្ត ព្រមជាមួយការរំពឹងទុកថា ភាពជាដៃគូនេះ…

(ភ្នំពេញ)៖ គិតចាប់ពីថ្ងៃទី១១ ដល់ថ្ងៃទី២០ ខែកក្កដា ឆ្នាំ២០២៣នេះ សាំង (តម្លៃ នៅដដែល) ខណៈ ប្រេងម៉ាស៊ូត (ឡើងថ្លៃ ៥០៛)។ ដូច្នេះ ត្រូវលក់សាំងធម្មតាតម្លៃ ៤,១៥០រៀល និងម៉ាស៊ូតត្រូវលក់ ៤,០០០រៀលក្នុង១លីត្រ។ នេះបេីយោងតាម សេចក្តីជូនដំណឹងរបស់ ក្រសួង ពាណិជ្ជកម្ម នៅព្រឹកថ្ងៃ ទី១១ ខែកក្កដា ឆ្នាំ ២០២៣ បានចេញសេចក្តីជូនដំណឹង ប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានានៅកម្ពុជា ។ ជាក់ស្ដែង នៅក្នុងសេចក្តីជូនដំណឹងរបស់ក្រសួង បានបញ្ជាក់បន្ថែមថា ផ្អែក តាម តម្លៃ មធ្យម ប្រេងឥន្ធនៈ លើ ទីផ្សារ អន្តរជាតិ ថ្លៃ លក់រាយ ប្រេងឥន្ធនៈ ចាប់ពី ថ្ងៃទី ១១ ដល់ ថ្ងៃទី២០ ខែកក្កដា ឆ្នាំ ២០២៣ នឹងត្រូវ លក់ ៤.៤១៨រៀល…

(ភ្នំពេញ)៖ លោកជំទាវ ជា សិរី ទេសាភិបាលរង ធនាគារជាតិនៃកម្ពុជា បានចាត់ទុកការចុះហត្ថលេខាលើអនុស្សរណៈនៃការយោគយល់គ្នា រវាងធនាគារជាតិនៃកម្ពុជា ជាមួយក្រុមហ៊ុន Union Pay International ស្តីពីកិច្ចសហប្រតិបត្តិការទូទាត់សងប្រាក់ឆ្លងដែនតាម ឃ្យូអរ កូត (QR Code) នឹងជំរុញដល់ការទូទាត់រូបីយវត្ថុ នៃប្រទេសទាំងពីរទៅវិញទៅមក ហើយវាគឺជាផ្នែកមួយដ៏សំខាន់ក្នុងការរួមចំណែករួមបង្កើនការប្រើប្រាស់ប្រាក់រៀលខ្មែរ ឲ្យកាន់តែទូលំទូលាយ ខណៈកម្ពុជា កំពុងបន្តធ្វើការជាមួយធនាគារកណ្តាល ចិន ដើម្បីអាចចូលជាសមាជិកប្រព័ន្ធទូទាត់អន្តរធនាគារចិន ។ ពិធីចុះហត្ថលេខាលើអនុស្សរណៈនេះ ធ្វើឡើងនាថ្ងៃទី១០ ខែកក្កដា ឆ្នាំ២០២៣ នៅមណ្ឌលសិក្សា បច្ចេកទេសធនាគារ ដើម្បីជំរុញនវានុវត្តន៍ និងបច្ចេកវិទ្យាហិរញ្ញវត្ថុ លើការប្រើប្រាស់សេវាធនាគារ និងហិរញ្ញវត្ថុ ប្រកបដោយជំនឿទុកចិត្ត សុវត្ថិភាព ប្រសិទ្ធភាព ស្ថិរភាព និងបរិយាបន្ន សំដៅគាំទ្រដល់ គោលនយោបាយរបស់រាជរដ្ឋាភិបាលកម្ពុជាក្នុងការអភិវឌ្ឍសេដ្ឋកិច្ច និងសង្គមឌីជីថល។ សេចក្ដីប្រកាសព័ត៌មានរបស់ធនាគារជាតិ បានឱ្យដឹងថា អនុស្សរណៈ នៃការយោគយល់គ្នានេះ មានគោលបំណងផ្តល់នូវក្របខ័ណ្ឌជាក់លាក់សម្រាប់កិច្ចសហប្រតិបត្តិការ ដើម្បីលើកកម្ពស់ដល់ប្រតិបត្តិការទូទាត់ឆ្លងប្រទេសរវាង KHQR នៃប្រព័ន្ធបាគង ជាមួយនឹងបណ្តាញ QR Code…

(ភ្នំពេញ) ៖ សហភាពសហព័ន្ធយុវជនកម្ពុជាខណ្ឌច្បារអំពៅ បានបើកវគ្គបណ្តុះបណ្តាលស្តីពីក្រមសីលធម័សម្រាប់អ្នកសង្កេតការណ៍ សហភាពសហព័ន្ធយុវជនកម្ពុជាខណ្ឌ ចូលរួមក្នុងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ ។ វគ្គបណ្តុះបណ្តាលស្តីពីក្រមសីលធម៌សម្រាប់អ្នកសង្កេតការណ៍ នេះបានធ្វើឡើងនៅព្រឹកថ្ងៃទី១០ ខែកក្កដា ឆ្នាំ២០២៣ ក្រោមអធិបតីភាព លោក ឃុត ចាន់ដារ៉ា អនុប្រធានប្រចាំការសហភាពសហព័ន្ធយុវជនកម្ពុជារាជធានីភ្នំពេញ តំណាងឯកឧត្តម សាយ សំអាល់ ប្រធានសហភាពសហព័ន្ធយុវជនកម្ពុជារាជធានីភ្នំពេញ ,លោកចេង មុនីរ៉ា ប្រធានសហភាពសហព័ន្ធយុវជនកម្ពុជាខណ្ឌច្បារអំពៅ , លោក-លោកស្រី ជាអនុប្រធាន ស.ស.យ.ក ខណ្ឌ និងមានការចូលរួមក្នុងវគ្គបណ្តុះបណ្តាលពីកម្លាំងយុវជនសហភាពសហព័ន្ធយុវជនកម្ពុជាខណ្ឌជិត ៤០០នាក់ ។ លោក ចេង មុនីរ៉ា អភិបាលខណ្ឌ និងជាប្រធានសហភាពសហព័ន្ធយុវជនកម្ពុជាខណ្ឌច្បារអំពៅបានថ្លែងថា វគ្គបណ្តុះបណ្តាលស្តីពីក្រមសីលធម៌សម្រាប់អ្នកសង្កេតការណ៍ ជាតិរបស់សហភាពសហព័ន្ធយុវជនកម្ពុជាខណ្ឌច្បារអំពៅ ចូលរួមក្នុងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ ពិតជាមានសារៈសំខាន់ណាស់ និងសូមកោតសរសើរដោយស្មោះចំពោះវត្តមានលោក លោកស្រី សមាជិក សមាជិការ ជាពិសេសប្អូនៗយុវជនសហភាពសហព័ន្ធយុវជនកម្ពុជាខណ្ឌ-សង្កាត់ ដែលបានឆ្លៀតពេលដ៍មមាញញឹកពីការងារ ការសិក្សារបស់ខ្លួន មកចូលរួមវគ្គបណ្តុះបណ្តាលនេះ ។ ឯកឧត្តម ឃុត ចាន់ដារ៉ា អនុប្រធាន…

ខេត្តសៀមរាប៖ ដើមឫស្សីគឺជារុក្ខជាតិម្យ៉ាង ដែលបានផ្ដល់អត្ថប្រយោជន៍ សម្បូរបែបបម្រើ​ដល់​តម្រូវការរបស់ប្រជាកសិករខ្មែរ នៅតាមស្រុកស្រែចម្ការ។ដើមឫស្សី តែងត្រូវបានប្រជាកសិករកែច្នៃទៅ ជាបង្អោង ធ្វើជាបំពង់ ធ្វើជាបង្អោង ធ្វើជាទ្រូ ធ្វើជាលប ធ្វើជាលាយ លាន់ដាក់អន្ទង់ អង្រុត ឈ្នាង និងធ្វើជាទ្រុងដាក់ត្រីជាដើម។បច្ចុប្បន្ននេះ ឫស្សីត្រូវបានគេពង្រីកការកែច្នៃទៅជាសម្ភារប្រើប្រាស់ ថ្មីៗ ជាបន្តបន្ទាប់​​។  នៅ​ឃុំ​ព្រះដាក់ ស្រុក​បន្ទាយស្រី ខេត្ត​សៀមរាប ​បុរសម្នាក់បាន​យក​ដើម​ឫស្សី​មក​កែ​ច្នៃធ្វើជា​អង្រឹង​បាន​យ៉ាង​ល្អ​ប្រណិត​សម្រាប់លក់រកប្រាក់ចំណូលដើម្បីផ្តត់ផ្គង់គ្រួសារដែលមានភរិយានិងកូនបីនាក់។​ លោក ឈិញ ស្រឹប ជាអ្នកកែច្នៃឫស្សីទាំងនោះបានឱ្យដឹងថាលោកបានចាប់ផ្តើមរបរកែច្នៃដើមឫស្សី នេះតាំងពីឆ្នាំ២០០៣ មកម្ល៉េះ ដោយ​សារឃើញអ្នកដទៃមិនសូវឱ្យតម្លៃរុក្ខជាតិមួយប្រភេទនេះ។ លោករៀបរាប់ឱ្យដឹងថា៖ «​ខ្ញុំ​តែង​ឃើញ​ បងប្អូន​យើង​មិន​សូវ​ឱ្យ​តម្លៃ​ឫស្សី​ កាប់​ ឬ​ដុត​ចោល​នៅ​ពេល​ខ្លះ​ ទើប​ខ្ញុំ​មាន​​គំនិត​យក​មក​ច្នៃ​ធ្វើ​ទ្រ​ ធ្វើ​ខ្លុយ​កាល​ដំបូង​ឡើយ​ដើម្បី​លក់​ឱ្យ​ទេសចរ​បរទេស។​ បន្ត​មក​ទៀត​ខ្ញុំ​ក៏​បែរ​គំនិត​កែ​ច្នៃ​របស់​បន្ថែម​ទៀត​ដូចជា តុ ទូ បង្អួច តែ​ដល់​ពេល​លក់​មិន​ដាច់​ ក៏​បន្ត​មក​ដល់​ច្នៃ​អង្រឹង​នេះ»។ លោក ឈិញ ស្រឹប បន្តថា «ខ្ញុំបាន​ចាប់​ផ្តើម​ធ្វើ​តាំង​ពី​ឆ្នាំ ២០០៣​មក ចេះ​តែ​ធ្វើ​ទុកៗ​ ដោយ​សារ​យើង​មិន​ចេះ​ផ្សព្វផ្សាយ​ មិន​ដឹង​ថា​ធ្វើ​យ៉ាង​ណា​ឱ្យ​បង​ប្អូន​ដឹង និង​ស្គាល់ ។ប៉ុន្តែ​នៅ​តែ​ចិញ្ចឹម​ចិត្ត​ដោយ​សង្ឃឹម​ថា​ ថ្ងៃ​ណា​មួយ​បង​ប្អូន​ខ្មែរ​យើង​ងាក​មក​គាំទ្រ…