(ខេត្តកំពង់ធំ) ៖ ឯកឧត្តម ឌិត ទីណា រដ្ឋមន្ដ្រី ក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីនៅក្នុងពិធី ចុះកិ ច្ចព្រមព្រៀងកិច្ចសន្យាកសិកម្មស្ដីពីការផលិត និងផ្គត់ផ្គង់ស្រូវ រវាងរោងម៉ាស៊ីនកិនស្រូវ និងសហគមន៍ ចំនួន៤៦ ក្នុងខេត្តកំពង់ធំ។ ពិធីនេះ ក៏មានការចូលរួមផងដែរ ពីសំណាក់ឯកឧត្តមបណ្ឌិត យ៉ង សាំងកុមារ រដ្ឋមន្ដ្រីប្រតិភូអមនាយក រដ្ឋមន្ដ្រី និងជារដ្ឋលេខាធិការក្រសួងកសិកម្ម, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកអគ្គ នាយកធនាគារអភិវឌ្ឍន៍ជនបទ និងកសិកម្ម, ឯកឧត្តម ងួន រតនៈ គណៈអភិបាលខេត្តកំពង់ធំ, លោកឧកញ៉ា សុង សារ៉ន ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា, ។ ឯកឧត្តម ឌិត ទីណា បានគូសបញ្ជាក់អំពីការយកចិត្តទុកដាក់របស់រាជរដ្ឋាភិបាល កម្ពុជាលើវិស័យ កសិកម្ម។ គំនិតផ្ដួចផ្ដើមឱ្យមានកិច្ចសន្យាកសិកម្មនេះ ធ្វើឡើងដើម្បីរួមចំណែកដោះស្រាយបញ្ហាទីផ្សារសម្រាប់ ប្រជាកសិករ។ ឯកឧត្តមថ្លែងបន្ថែមថា ការចុះកិច្ចសន្យាកសិកម្ម ទាមទារឱ្យភាគីទាំងសងអស់ ទាំងខាងក្រុម ហ៊ុននាំចេញ រោងម៉ាស៊ីនកិនស្រូវ…

ភ្នំពេញ៖ “បាយស្លឹកចេក”​ជាយីហោហាងបាយកញ្ចប់មួយកន្លែងដែលកំពុងមានប្រជាប្រិយភាព ដោយ​សារការវេចខ្ចប់មានភាពច្នៃប្រឌិត ទាក់ទាញ និងគិតគូរពីបរិស្ថាន។ ក៏ប៉ុន្ដែ មុនពេលទទួលបានភាពជោគជ័យបែបនេះ អាជីវកម្មមួយក៏បានឆ្លងភាពជូរចត់ជាច្រើនកន្លងមក។ អ្នកស្រី លាន ចន្ទលាមី ជាម្ចាស់ហាងបាយស្លឹកចេកផ្ទាល់ បាននិយាយថា៖«ទម្រាំអាចរីកចម្រើនដូចថ្ងៃនេះ ហាងយើងបានឆ្លងកាត់ច្រើនពិសេសកំលុងពេលកូវីដ​ដែលការលក់មានការធ្លាក់ចុះដល់ទៅជាងពាក់កណ្ដាល តែយ៉ាងណាយើងក៏បានខិតខំច្នៃ និងរកគំនិតកែខៃអាជីវកម្មនេះទៅជាអាជីវកម្មអនឡាញរហូតដល់មានការគាំទ្រដូចបច្ចុប្បន្ន»។ អ្វីដែលជាភាពប្រឈម និងផលលំបាកក្នុងកិច្ចដំណើរការអាជីវកម្មចំណីអាហារក្នុងសម័យបច្ចេកវិទ្យាមួយនេះ គឺភាពគ្មានជំនាញលើការគ្រប់គ្រងបុគ្គលិក មិនមានចំណេះដឹងក្នុងការគ្រប់គ្រងហិរញ្ញវត្ថុ ជាពិសេសបច្ចេកទេស អេប(App) ប៉ុន្តែក្នុងមួយរយៈពេលចុងក្រោយនេះ អ្នកស្រីបានយល់ដឹងកាន់តែ ច្រើន ជាង មុន ជាពិសេសផែនការយុទ្ធសាស្ត្រក្នុងការធ្វើអាជីវកម្មបែបសម័យអនឡាញ(Online) ដែលកំពុងមានប្រជាប្រិយភាព។ អ្នកស្រីបន្តថា ក្រៅពីការផ្លាស់ប្ដូរបែបផែនអាជីវកម្មទៅជាអាជីវកម្មអនឡាញហើយ ចំណុចដែលអាចអភិវឌ្ឍន៍បានគឺការវេចខ្ចប់ ដែលគេប្រើប្រអប់ក្រដាស និងថង់បរិស្ថាន ដែលងាយរលាយជាង ប្លាស្ទីកទូទៅ ដែលជាផ្នែកមួយជួយដល់បរិស្ថាន ទាស់ត្រង់ថាការចំណាយទៅលើថ្លៃដើមនៃសម្ភារទាំងនេះមានកម្រិតខ្ពស់បន្តិច។ យ៉ាងណាក៏ដោយ បើទោះជាវាមានតម្លៃថ្លៃជាងប្រអប់ស្នោ និងថង់ប្លាស្ទិកធម្មតា ក៏អ្នកស្រីនៅតែរីករាយក្នុងការចំណាយ ព្រោះអ្នកស្រីបានផ្តោតសំខាន់ទៅលើសុខភាព របស់អតិថិជន ហើយក៏ជាការបង្ហាញពីទឹកចិត្តស្រឡាញ់បរិស្ថានផងដែរ។ ចំពោះអតិថិជនរបស់ហាងបាយបរិស្ថានមួយនេះដែរ ភាគច្រើនជាអ្នកបម្រើការងារនៅក្នុងក្រុមហ៊ុនឯកជន អង្គការ រួមទាំងអ្នកបម្រើការងារនៅក្នុង ក្របខណ្ឌ រដ្ឋផងដែរ ហើយភ្ញៀវភាគច្រើនជាអ្នកស្រឡាញ់បរិស្ថាន អនាម័យ និងសោភ័ណភាព។ ហាងបាយស្លឹកចេក…

ភ្នំពេញ៖បណ្ឌិត យ៉ង សាំង​កុមារ រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ នៅក្នុងពិធីសំណេះសំណាលជាមួយកសិករចំនួន ៤០០ នាក់មកពីឃុំទាំង ១០ នៃស្រុកជើងព្រៃ ខេត្តកំពង់ចាម កាលពីថ្ងៃទី ៣០ មិថុនា ២០២៣ បានបន្តជំរុញកសិករក្នុងស្រុកនេះ ប្រើប្រាស់ជីធម្មជាតិ ដើម្បីនិរន្តភាពជីជាតិដី។ តាមរយៈបណ្តាញសង្គមហ្វេសប៊ុកផ្លូវការរបស់ខ្លួនឯកឧត្តម យ៉ង សាំងកុមារ បានលើកឡើងយ៉ាងដូច្នេះថា លោកបានរំឮកដល់កសិករបន្ថែមពីគោលការណ៍បច្ចេកទេសស្រែល្អ ដូចជាការប្រើពូជសុទ្ធល្អ ការប្រើជីធម្មជាតិ ដើម្បីបង្កើននិរន្តរភាពជីជាតិដី ក៏ដូចជាការពង្រាបដីស្រែស្មើល្អ ការរៀបចំឱ្យមានចង្អូរខ្វាត់ខ្វែងក្នុងស្រែផ្សារភ្ជាប់ជាមួយការបញ្ចេញបញ្ចូលទឹក និងការព្រោះគ្រាប់ពូជស្រូវឱ្យបានរាងស្តើងនិងស្មើល្អ។ល។ ឯកឧត្តមបានគូសបញ្ជាក់ថា ការផលិតពូជស្រូវល្អដោយខ្លួនឯង ទទួលបានផលចំណេញច្រើន។ម្យ៉ាងវិញទៀតការសហការគ្នាពិសោធន៍វាយតម្លៃលើគុណភាពនិងប្រសិទ្ធភាពនៃការប្រើជីពីក្រុមហ៊ុនផ្សេងៗ មានជីសរីរាង្គផ្កាឈូករ័ត្ន និងជីកសិកម្ម Panda Man ពិតជាមានសារៈរំខាន់។ យើងក៏បន្តសហការជាមួយក្រុមហ៊ុនផ្សេងទៀតលើការងារពិសោធន៍ជី ដើម្បីកសិករទទួលបានផលចំណេញពីការប្រើជី និងលើកស្ទួយនិរន្តរភាពជីជាតិដី។ លោក សុង សារ៉ន ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បានប្រាប់ឱ្យដឹងដែរថា កន្លងទៅសហព័ន្ធតែងតែបានអំពាវនាវឱ្យអ្នកផលិតក្នុងស្រុក ឬសហគ្រិនវិនិយោគលើការផលិតជីក្នុងស្រុក ដើម្បីកាត់បន្ថយការនាំចូលជីគីមី ពីក្រៅប្រទេសដែលមានតម្លៃថ្លៃហួសហេតុ និងកុំពឹងផ្អែកទៅលើជីពីក្រៅប្រទេស។ លោកបានបញ្ជាក់ទៀតថា៖«កម្ពុជាយើងអត់ទាន់មានបច្ចេកទេសទំនើបទេ ដូច្នេះយើងមានតែធ្វើជីកំប៉ុស្តិ៍ ជីសរីរាង្គ…

កំពត៖រដ្ឋមន្ត្រីក្រសួងកសិកម្ម​ រុក្ខាប្រមាញ់​ និងនេសាទឯកឧត្តម ឌិត​ ទីណា បានណែនាំឱ្យក្រុមការងារក៏ដូចជាសហគ្រាសកែច្នៃ ស្រាវជ្រាវបន្ថែមឱ្យបានច្បាស់លាស់ទាក់ទងនឹងការកែច្នៃប្រហុក ដោយផ្តោតទៅលើក្លិន រសជាតិ សម្រាប់ផ្គត់ផ្គង់ទីផ្សារក្នុងស្រុកនិងការប្រកួតប្រជែងក្នុងការនាំចេញទៅក្រៅប្រទេស។ ការណែនាំនេះធ្វើឡើងនៅក្នុងកិច្ចប្រជុំពិភាក្សាការងារស្តីពីការជំរុញការកែច្នៃប្រហុកសម្រាប់ការនាំចេញ និងគម្រោងអភិរក្ស និងអភិវឌ្ឍន៍ព្រៃកោងកាង ស្ថិតនៅភូមិកែប សង្កាត់កែប ក្រុងកែប ខេត្តកែប ជាមួយមូលនិធិគីណាល់ កាលពីថ្ងៃទី​២៩​ ខែមិថុនា​ក្រោមអធិបតីភាពឯកឧត្តម ឌិត ទីណា។ នេះបើតាមប្រភពក្រសួងកសិកម្ម រុក្ខាប្រមាញ់​ និងនេសាទ។ ក្នុងកិច្ចប្រជុំនេះលោក ឌិត ទីណា បានសម្តែងនូវការសាទរ និងថ្លែងអំណរគុណចំពោះភាពជោគជ័យនៃការប្រកួតប្រជែង«ពានរង្វាន់ត្នោតមាស» កន្លងមក របស់មូលនិធិគីណាល់ ដែលផ្ដោតលើការកែច្នៃផលិតផលកសិកម្មខ្មែរឱ្យមានស្តង់ដារគុណភាព។ ទាក់ទងនឹងការកែច្នៃប្រហុកវិញ សម្រាប់ពាណិជ្ជកម្មនេះ លោកបានណែនាំឱ្យមានការស្រាវជ្រាវបន្ថែមឱ្យបានច្បាស់លាស់ សម្រាប់ការប្រកួតប្រជែងនាពេលខាងមុខ ដោយផ្តោតទៅលើទាំងបច្ចេកទេសនៃការកែច្នៃ ក្លិន រសជាតិ និងខ្សែច្រវាក់តម្លៃតាំងពីអ្នកនេសាទរហូតកែច្នៃ ដើម្បីឱ្យមានប្រសិទ្ធភាព និងនិរន្តរភាពសេដ្ឋកិច្ចពិតប្រាកដ។លើសពីនេះទៀត ត្រូវយកចិត្តទុកដាក់លើការចុះបញ្ជីកម្មសិទ្ធិបញ្ញា និងឱ្យមានការទទួលស្គាល់ជាលក្ខណៈអន្តរជាតិ។ បើតាមឯកឧត្តមរដ្ឋមន្រ្តីជាគោលនយោបាយត្រូវបង្កើតឱ្យមានទីផ្សារកែច្នៃផលិតផលបន្ថែមទាំងធម្មជាតិ និងវារីវប្បកម្ម។ឯកឧត្តមបញ្ជាក់ថា៖«ដោយតម្រូវការទីផ្សារមានការកើនឡើងលឿន ដូច្នេះត្រូវកំណត់ប្រភេទពូជត្រីលូតលាស់លឿន និងអាចកែច្នៃបានលឿនទៅតាមតម្រូវការនិងស្តង់ដាទីផ្សារ។ ដើម្បីជំរុញការងារនេះ ក្រសួងជួយគាំទ្រ ទាំងផ្នែកចំណេះដឹង បច្ចេកទេស គោលនយោបាយ និងប្រព័ន្ធផ្សព្វផ្សាយ»។…