អាំស្ទែរដាំ៖ ប៉ូលិសហូឡង់ធ្វើការបិទផ្លូវប្រឆាំងនឹងកសិករ ដែលតវ៉ានិងអ្នកគាំទ្ររបស់ពួកគេ នៅជិតអគារសភា ជាលក្ខណៈបណ្តោះអាសន្ន ក្នុងទីក្រុងឡាអេ។ កសិករនៅទូទាំងប្រទេសហូឡង់មានការខឹងសម្បារចំពោះវិធានការរបស់រដ្ឋាភិបាលដែលមានគោលបំណងកំណត់ការបំភាយឧស្ម័នពីការដាំដុះ ដោយកាត់បន្ថយចំនួនបសុសត្វ និងអាចបិទកសិដ្ឋាន។ ការតវ៉ាដែលបានធ្វើឡើង កាលពីថ្ងៃទី២៩ ខែមិថុនា បានកើតមានឡើង ស្របពេលដែល សមាជិកសភាហូឡង់កំពុងជជែកដេញដោលពេញមួយថ្ងៃ នៅចំពោះមុខរដ្ឋមន្ត្រីក្រសួងកសិកម្ម បន្ទាប់ពីការចរចារវាងកសិករ និងរដ្ឋាភិបាលបានបញ្ចប់ដោយគ្មានកិច្ចព្រមព្រៀង កាលពីសប្តាហ៍មុន ដោយសហជីពកសិករសំខាន់មួយ បានចាកចេញ ពីតុចរចា។ ប៉ូលិសហូឡង់បាននិយាយ កាលពីថ្ងៃព្រហស្បតិ៍ថា មនុស្សចំនួន ៧ នាក់ត្រូវបានចាប់ខ្លួន ខណៈដែលមន្រ្តីប៉ូលីស ២នាក់បានរងរបួស ក្នុងអំឡុងពេលការតវ៉ារបស់កសិករ នាពេលនោះ៕ ប្រភពពី AFP ប្រែសម្រួល៖ សារ៉ាត

ភ្នំពេញ៖ ឯកឧត្តមរដ្ឋមន្ត្រី ប៉ាន សូរស័ក្តិ បានលើកឡើងថា សម្រាប់ឆ្នាំ២០២៣ នេះ គណៈកម្មាធិការជាតិគ្រប់គ្រងកម្មសិទ្ធិបញ្ញា ដែលមាននាយកដ្ឋានកម្មសិទ្ធិបញ្ញាជាលេខាធិការដ្ឋាន បានបញ្ចប់សេចក្តីព្រាងគោលនយោបាយជាតិស្តីពីកម្មសិទ្ធិបញ្ញា ឆ្នាំ២០២៣-២០២៨ និងត្រៀមដាក់ជូនកិច្ចប្រជុំពេញអង្គគណៈរដ្ឋមន្រ្តី នាពេលឆាប់ៗខាងមុខ ដោយមានចក្ខុវិស័យក្នុងការអភិវឌ្ឍប្រព័ន្ធកម្មសិទ្ធិបញ្ញា នៅកម្ពុជា ឱ្យក្លាយទៅជាកម្លាំងចលករមួយលើកិច្ចការអភិវឌ្ឍសេដ្ឋកិច្ច ពាណិជ្ជកម្ម ឧស្សាហកម្ម វប្បធម៌ ទេសចរណ៍ និង កសិកម្ម តាមរយៈការលើកកម្ពស់កិច្ចការពារកម្មសិទ្ធិបញ្ញា កេរ្តិ៍ឈ្មោះម៉ាក និង ផលិតផលរបស់កម្ពុជា , ការបង្កើតស្នាដៃវប្បធម៌ តក្កកម្ម ធនធានពន្ធុ ចំណេះដឹងជាប្រពៃណី និងវិញ្ញត្តិ វប្បធម៌ ជំរុញការប្រើប្រាស់កម្មសិទ្ធិបញ្ញា ដើម្បីលើកកម្ពស់ ការស្រាវជ្រាវ និងអភិវឌ្ឍន៍ ក្នុងការ បង្កើតផលិតផលបច្ចេកវិទ្យា ជំរុញគំនិតច្នៃប្រឌិត ការបង្កើតថ្មី និង ឧស្សាហកម្ម វប្បធម៌ ឱ្យឆ្លើយតបទៅនឹងបរិបទសេដ្ឋកិច្ចនិង សង្គមឌីជីថល ព្រមទាំងបដិវត្តឧស្សាហកម្មជំនាន់ទី៤ ដើម្បី ចូលរួមចំណែក ក្នុងការសម្រេចបាននូវចក្ខុវិស័យ កម្ពុជា ឆ្នាំ២០៥០ ។ ឯកឧត្តម ប៉ាន…

ខេត្តសៀមរាប ៖ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី២៦ ខែមិថុនា ឆ្នាំ២០២៣ បានដឹកនាំគណៈប្រតិភូ និងដៃគូវិស័យឯកជន ធ្វើទស្សនកិច្ច នៅសហគមន៍ព្រៃឈើចង្ក្រាន្តរយ ឋិតនៅក្នុង ស្រុកវ៉ារិន ខេត្តសៀមរាប ដើម្បីពិនិត្យមើលពីសក្តានុពលនៃការកែច្នៃ និងអភិវឌ្ឍតំបន់ការពារធនធានធម្មជាតិមួយនេះដោយផ្សារភ្ជាប់វិស័យកសិកម្ម ក្នុងការទាក់ទាញភ្ញៀវទេសចរមកកម្សាន្ត បន្ទាប់ពីតំបន់ប្រាសាទ។ ក្នុងដំណើរទស្សនកិច្ចនេះ ឯកឧត្តមបានជួបសំណេះសំណាលជាមួយប្រជាសហគមន៍ និងបានពិនិត្យមើលទីតាំង ហេដ្ឋារចនាសម្ព័ន្ធ និងសមិទ្ធផលមួយចំនួនដែលត្រូវបានរៀបចំ កែច្នៃ និងអភិវឌ្ឍក្នុងរយៈកាលកន្លង ក្រោមការចូលរួមពីប្រជាសហគមន៍ផ្ទាល់ និងថវិកាមូលនិធិពីសមាគមសហគ្រិនវ័យក្មេងកម្ពុជា។ ឯកឧត្តមរដ្ឋមន្រ្តី បានណែនាំដល់ប្រជាសហគមន៍ត្រូវចេះថែរក្សាសមិទ្ធផលដែលទទួលបាន ហើយរួមគ្នាការពារ អភិរក្ស និងទាញប្រយោជន៍ពីធនធានព្រៃឈើរបស់សហគមន៍ដែលក្រសួងបានប្រគល់ឱ្យ តាមរយៈការបង្កើត រៀបចំ និងផ្តល់សេវាដល់ភ្ញៀវទេសចរប្រកបដោយគុណភាព និងភាពរួសរាយរាក់ទាក់ ដោយមិនសំដៅតែលើភ្ញៀវទេសចរអន្តរជាតិ។ ឯកឧត្តមបានបន្ថែមថា សហគមន៍អាចរៀបចំជាកញ្ចប់សេវាទេសចរណ៍ មានការស្នាក់នៅ ម្ហូបអាហារ បន្លែ ត្រី សាច់ ដែលត្រូវបានដាំដុះ និងចិញ្ចឹមតាមបែបធម្មជាតិដល់ភ្ញៀវទេសចរណ៍ដែលមកលេងកម្សាន្ត ដែលការងារនេះ នឹងអាចផ្តល់ប្រាក់ចំណូលជាប្រចាំ ឬតាមរដូវកាល បន្ថែមពីលើមុខរបរធ្វើស្រែចម្ការ។ ឯកឧត្តមរដ្ឋមន្រ្តីបានសង្កត់ធ្ងន់ថា…

ភ្នំពេញ៖ សមាគមឈានចូវប្រចាំកម្ពុជា និងសមាគមអ្នកស្រាវជ្រាវវឌ្ឍនភាពកម្ពុជា-ចិន កាលពីថ្ងៃទី២៨ ខែមិថុនា ឆ្នាំ២០២៣ នៅសណ្ឋាគារ សូហ្វីតែល ភ្នំពេញ ភូគីត្រា បានរៀបចំជំនួបរវាងវិនិយោគិនកម្ពុជា និងចិន ដែលបានគាំទ្រដោយក្រសួងពាណិជ្ជកម្ម ប្រទេសកម្ពុជា និងគណៈប្រតិភូពាណិជ្ជកម្មក្រុងឈានចូវ ប្រទេសចិន ដែលមានចំនួនសរុប ១៨០រូប ។ ឯកឧត្តម បួន សារៈមុនី រដ្ឋលេខាធិការក្រសួងពាណិជ្ជកម្មថា ក្នុងរយៈពេល ១០ឆ្នាំនៃការចូលរួមក្នុងគំនិតផ្តួចផ្តើមខ្សែក្រវាត់ និងផ្លូវ សេដ្ឋកិច្ចរបស់កម្ពុជា មានការអភិវឌ្ឍយ៉ាងខ្លាំងដែលចរន្ត នៃការរីកចម្រើននេះពិតជាមិនអាចកាត់ផ្តាច់បានពីការចូលរួមចំណែកយ៉ាងខ្លាំងក្លាពីមិត្តចិន ហើយដែលក្នុងនោះក៏មានការរួមចំណែកពីវិនិយោគិនចិនផងដែរ។ ឯកឧត្តមបន្តការលើកទឹកចិត្តនិងគាំទ្រដល់កិច្ចសហប្រតិបត្តិការរវាងវិនិយោគិននៃប្រទេសទាំងពីរ កម្ពុជានិងចិន ដើម្បីចូលរួមចំណែកជាមួយរាជរដ្ឋាភិបាលកម្ពុជាក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ កម្ពុជា និងជាប្រធានគណបក្សប្រជាជនកម្ពុជា ក្នុងការលើកកម្ពស់ជីវភាពរស់នៅរបស់ប្រជាជនកម្ពុជាក្រោមទម្រសុខសន្តិភាព និងសេរីភាពពេញបរិបូរណ៍នៅក្នុងប្រទេសកម្ពុជា។ លោក LIU LINSHUANG ទីប្រឹក្សារដ្ឋបាលក្រុងឈានចូវ ខេត្តហុកគាង ប្រទេសចិន បានជម្រាបថា ក្នុងឆ្នាំ២០២២កន្លងទៅ GDPរបស់ក្រុងឈានចូវ បានលើស១,២ពាន់ពាន់លានយាន់ដែលស្មើនឹង ១% នៃGDPសរុបរបស់ប្រទេសចិន ។ ទីផ្សារឧស្សាហកម្មរបស់ក្រុងឈានចូវបានជាប់ក្នុងចំណាត់ថ្នាក់កំពូលទាំងដប់នៅក្នុងប្រទេសចិន។…

ភ្នំពេញ៖ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានណែនាំ​ដល់ម្ចាស់សិប្បកម្មកែច្នៃគ្រាប់ស្វាយចន្ទីជ័យសំ​បូរ​ដែលកំពុងគ្រោងពង្រីកសមត្ថភាពកែច្នៃគ្រាប់ស្វាយចន្ទីដល់ប្រាំពាន់តោននៅឆ្នាំក្រោយឱ្យរិះរកមធ្យោ​បាយ​បង្កើនតម្លៃទីផ្សា​រគ្រាប់ស្វាយចន្ទីដែលខូចខាតទ្រង់ទ្រាយ បន្ទាប់ពីឆ្លងកាត់ម៉ាស៊ីនបក។ ឯកឧត្តមរដ្ឋមន្រ្តីបាន​លើកឡើងដូចនេះ ក្នុងអំឡុង​​ពេលលោក​ និង​មន្រ្តីពាក់ព័ន្ធ ចុះពិនិត្យសក្តានុពលសិប្បកម្មកែច្នៃគ្រាប់ស្វា​យចន្ទីនៅខេត្តកំពង់ធំ កាលថ្ងៃទី ២៧ ខែមិថុនា ឆ្នាំ​២០២៣។ ឯកឧត្តម​បានមានប្រសាសន៍ថា ៖ «ត្រូវរិះរកមធ្យោបាយបង្កើនតម្លៃទីផ្សារគ្រាប់ស្វាយចន្ទីដែលខូចខាតទ្រង់ទ្រាយ បន្ទាប់ពីឆ្លងកាត់ម៉ាស៊ីនបក ដែលមានប្រមាណ២០ភាគរយ និងកែខៃម៉ាស៊ីន ឬសាកល្បងប្រើប្រាស់ឧបករណ៍បកណា​ដែលអាចកាត់ប​ន្ថយអត្រាខូចនេះ ឱ្យមានកម្រិតមួយទាប ដើម្បីបង្កើនប្រាក់ចំណេញបន្ថែមទៀត»។ ជាមួយគ្នានេះដែរឯកឧត្តមក៏បានណែនាំឱ្យមន្រ្តីជំនាញសិក្សាពីការលទ្ធភាពបង្កើតសហគមន៍កសិកម្មដំណាំស្វា​យចន្ទី ដោយការកៀគរទុនវិនិយោគ ការចងក្រងសហគមន៍ផលិត និងស្វែងរកទីផ្សារលក់ផលិតផលដំណាំសក្តានុពលរបស់ប្រទេសកម្ពុជា ។ ចំពោះគោលនយោបាយរបស់រដ្ឋក្នុងការជួយដល់វិស័យកែច្នៃនេះ​ឯកឧត្តមបាន​បញ្ជាក់ថា ៖ «ម្ចាស់សិប្បកម្ម បានទទួល​ផ​លចំណេញមួយផ្នែកពីគោលនយោបាយបញ្ចុះថ្លៃអគ្គិសនីសម្រាប់របរកសិកម្មពី ៧៥០រៀល ក្នុងមួយគីឡូវ៉ាត់ មកនៅត្រឹមតម្លៃ ៤​៨០ រៀល ក្នុងមួយគីឡូវ៉ាត់ សម្រាប់ការប្រើប្រាស់ពេលយប់។ ដែលនេះជាគោលនយោបាយលើកទឹកចិត្តរបស់រាជរដ្ឋាភិបាល ក្នុងការគិតគូរដល់វិស័យកសិកម្ម ជាពិសេសដំាណាំស្វាយចន្ទី»។ ឯកឧត្តមរដ្ឋមន្រ្តីបាន​រំឭកផងដែរ​ថា រដ្ឋាភិបាលកម្ពុជា កំពុងជំរុញការកែច្នៃគ្រាប់ស្វាយចន្ទីនៅក្នុងស្រុកដើម្បីបម្រើដល់ការនាំចេ​ញទៅក្រៅប្រទេស ដោយ​លោក​គូសបញ្ជាក់ថា កម្ពុជាផលិតបានគ្រាប់ស្វាយចន្ទីច្រើនជាងគេបំផុតក្នុងពិភពលោក ជាមួយចំ​នួ​ន១ ១៨០ ០០០ តោនក្នុងឆ្នាំ២០២១ដោយនាំមុខប្រទេសកូតឌឺវ័រ ដែលផលិតបាន១,១លានតោន…