បាត់ដំបង៖ ដូង​ជា​ដំណាំ​ពហុ​ប្រយោជន៍​​នៅ​ក្នុង​សង្គម​ខ្មែរ​តាំងពី​យូរយារណាស់មកហើយ​ ដែល​ប្រ​ជាជន​ខ្មែរ​និយម​ដាំ​​ដើម្បី​ទាញប្រយោជន៍ជា​ផ្លែ​ ​ទឹក ស្លឹក និង​ខ្ទិះ​សម្រាប់ប្រើជា​គ្រឿងផ្សំ​​ច​ម្អិន​ម្ហូប​ និង​បង្អែម​ស្ទើរ​គ្រប់​ប្រភេទ។ បច្ចុប្បន្ននេះ​ នៅតាមបណ្តា​ខេត្តមួយចំនួនក្នុង​ប្រទេសកម្ពុជា​ កសិករបាន​ងាកមកដាំ​ដំណាំដូងមួយ​ប្រភេទគឺដូ​ងខ្ទិះ ដែលជាដូងកម្រ មានទីផ្សារល្អ និងទទួលផលបានយូរឆ្នាំ។​ ដូងខ្ទិះជាប្រភេទដូងដែលមានសាច់ក្រាស់ ទន់ស្រដៀងផ្លែត្រសក់ស្រូវទុំ មានក្លិនក្រអូបប្រហើរ​គួរឱ្យ​ចង់ទ​ទួលទាន ។អាចបរិភោគសាច់ដោយផ្ទាល់ក៏បាន ឬយកទៅធ្វើបង្អែមជាមួយផ្លែឈើផ្សេងក៏បាន។ ​ស្ថិតនៅ​ភូមិអំបែងថ្ងែ ស្រុកសង្កែ ខេត្តបាត់ដំបង អ្នកស្រី អឹម ធិច ជាកសិករដែល​កំពុងដាំដុះ ដូងខ្ទិះ​តឿ និងដូងខ្ទិះបុរាណ​លើផ្ទៃដីប្រមាណពីរហិកតា។អ្នកស្រីបានឱ្យដឹងថា ដូងខ្ទិះជា​ប្រភេទដូង​ដែល​ងាយស្រួ​ល​ដាំដុះ ងាយស្រួល​ថែទាំ មានទីផ្សារល្អ ហើយ​អាចលក់ក្នុងតម្លៃថ្លៃ។​ ដូង​ខ្ទិះ​ ជាដូងសាច់​ពេញ​មួយ​ដូង​តែ​ម្ដង​ មាន​រសជាតិ​ឆ្ងាញ់ និង​ជំនួយ​សុខភាព ហើយការ​ដាំ​ដូង​ខ្ទិះ​ងាយ​ស្រួល​លក់​ទៅ​លើ​ទីផ្សារ មិនថាតែពេលបានខ្ទិះ ឬអត់នោះទេ។ អ្នកស្រី​ ​បាន​រៀប​រាប់​ថា ការ​ដាំ​ដូង​ខ្ទិះ​នេះ​ប្រៀប​ដូច​ជា​ការ​សន្សំ​ទ្រព្យ​ទុក​អញ្ចឹង។​ ដំណាំ​ប្រភេទ​នេះ​មិន​ចំ​ណាយ​ច្រើន​ក្នុង​ការ​ថែទាំ ចំណែក​ចំណូល​ដែល​ទទួល​ អ្នក​ស្រី​អាច​យក​ទៅ​ផ្គត់ផ្គង់​គ្រួសារ​យ៉ាង​សម្បូរ​បែប​ និ​ង​សល់​មួយ​ចំនួន​យក​ទៅ​ពង្រីក​ការ​ដាំដុះ​របស់​ខ្លួន​បន្ត​ទៀត។ កសិកររូបនេះបញ្ជាក់ថា ចម្ការដូងខ្ទិះពីរហិកតារបស់អ្នកស្រី គឺ​ផ្គត់ផ្គង់​ទីផ្សារ​មិន​គ្រប់​គ្រាន់​នោះ​ទេបច្ចុប្បន្ននេះ មិន​ថា​ទាំងមាន​ខ្ទិះ និង​ទឹក​ទេ ពេល​ណា​ដែល​បាន​ផល​គឺ​គេ​យក​អស់​ៗ​តែ​ម្ដង។ អ្នកស្រី​ អឹម ធិច បានឱ្យដឹងទៀត​ថា…

ភ្នំពេញ៖ សភាពាណិជ្ជកម្មកម្ពុជា និងក្រុមការងារជំនាញប្រឹក្សាយោបល់អន្តរជាតិនៃ EU-German នឹងរៀបចំគម្រោងធុរកិច្ចនាពេលខាងមុខក្នុងគោលបំណងសម្រួលធុរកិច្ចតាមច្រកព្រំដែន E-Commerce សម្រួលការនាំចេញ-នាំចូល និងការជំរុញនាំចេញរបស់សហគ្រាសធុនតូច និងមធ្យម(SME) ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានប្រាប់ឱ្យដឹងនៅថ្ងៃទី១៨ ខែមិថុនា​ថា សភាពាណិជ្ជកម្ម បានអ​នុញ្ញាតឲ្យក្រុមការងារជំនាញប្រឹក្សាយោបល់អន្តរជាតិនៃ EU-German សម្រាប់តៀមរៀបចំគម្រោងធុរកិច្ច ចូលជួបពិភាក្សាកា​រងារ ដែលក្រុមការងារជំនាញអន្តរជាតិនេះមានបំណង ស្នើសុំផ្តល់ធាតុចូលធាតុចូលមួយផងដែរ។ លោកបានបន្ថែមថា ការស្នើសុំយោបល់របស់ EU-German គឺពាក់ព័ន្ធនឹងកិច្ចសម្រួលធុរកិច្ចតាមច្រកព្រំដែន, ពាណិជ្ជកម្មតាមអេឡិចត្រូនិច(E-commerce), កិច្ចសម្រួលពាណិជ្ជកម្មនានាសម្រាប់ការនាំចេញ-នាំចូល, ការជំរុញនាំចេញរបស់សហគ្រាសធុនតូចនិងមធ្យម (SME) និងបញ្ហាជាច្រើនទៀតត្រូវបានពិភាក្សា ដូចជា កម្ចីហិរញ្ញប្បទានសម្រាប់ SMEsជាដើម។ លោកបាន​ថ្លែងថា ៖ «EU-German បានផ្តល់ការគាំទ្រលើការរៀបចំសិក្ខាសាលា, ការបង្រៀនជំនាញផ្សេងៗទាក់ទងនឹងវិស័យSMEs ដើម្បីជួយជំរុញកំណើនសេដ្ឋកិច្ចកម្ពុជាយើងច្រើនដែរ។ដូចនេះយើងបានជួបពិភាក្សាគ្នាហើយនេះ ក្នុងគោលបំណ​ងដើម្បីជាគម្រោងសម្រាប់អាណត្តិក្រោយទៀត ក្នុងជួយដល់វិស័យឯកជនយើងនេះ ជាពិសេសវិស័យSMEs»។​ លោក ហុង វណ្ណៈ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បាន​​ឱ្យដឹង​នៅថ្ងៃទី១៨ ខែមិថុនា​ ដែរ​ថា ការជួយគាំទ្ររ​បស់ EU-German ដែលបានផ្តោតជាសំខាន់ទៅលើ SMEsនេះ ពិតជាមានសារៈសំខាន់ណាស់…

ខេត្តបាត់ ៖ ឯកឧត្តម ហ៊្សាក់ប៉ឺឡេ (JaquesPellet) ឯកអគ្គរដ្ឋទូតសាធារណរដ្ឋបារាំងប្រចាំកម្ពុជា បានដឹកនាំប្រតិភូសភាពាណិជ្ជកម្ម និងឧស្សាហកម្មបារាំងប្រចាំកម្ពុជាចំនួន ១៥រូប ដើម្បីបំពញបេសកកម្មការងាររបស់ខ្លួន និង សិក្សាស្វែងយល់បន្ថែមពីឱកាសវិនិយោគសម្រាប់ក្រុមហ៊ុនរបស់ខ្លួន ជាពិសេសពិនិត្យលទ្ធភាព ក្នុងការវិនិយោគ និងការធ្វើអាជីវកម្ម អំពីអត្ថប្រយោជន៍សេដ្ឋកិច្ចដែលមាននៅក្នុងខេត្កផងដែរ ដើម្បីធ្វើការវិនិយោគ និងធ្វើអាជីវកម្មរបស់ខ្លួន ។ នេះបើតាមការគូសបញ្ជាក់ពី លោក ហ៊្សាក់ ប៉ឺឡេ ឯកអគ្គរដ្ឋទូតបារាំង ប្រចាំនៅកម្ពុជា ក្នុងឱកាសដែលភាគីទាំង២ បានផ្តល់នូវកិច្ចជំនួបពិភាក្សាការងារ និងសម្តែងនូវការគួរសមជាមួយ ឯកឧត្តម សុខ លូ អភិបាលខេត្តបាត់ និងមន្ទីរជំនាញពាក់ព័ន្ធនៅក្នុងខេត្ត កាលពីថ្ងៃទី១៨ ខែមិថុនា ឆ្នំា២០២៣ ។ សូមបញ្ចាក់ថា កន្លងទៅនេះ ក្រុមហ៊ុន និងវិនិយោគិនទាំងនៅក្នុងស្រុក-ក្រៅស្រុក បាននិងកំពុងតែសម្លឹងឃើញពីសក្តានុពលសេដ្ឋកិច្ចរបស់ខេត្តបាត់ដំបង តាមរយៈការធ្វើបច្ចុប្បន្នភាពដែលបានឆ្លុះបញ្ចាំងពីសក្តានុពលសេដ្ឋកិច្ចដែលមានក្នុងខេត្តកន្លងមកសម្រាប់ជាឱកាសទាក់ទាញដល់អ្នកវិនិយោគិន ឲ្យកាន់តែបានស្វែងយល់ច្បាស់ក្នុងការស្វែងរកឱកាសធ្វើការវិនិយោគក្នុងខេត្ត ខណៈដែលរាជរដ្ឋាភិបាលកម្ពុជា បានកំណត់ដាក់ខេត្តបាត់ដំបង គឺជាខេត្តស្ថិតក្នុងចំណោម នៃខេត្តប៉ូលសេដ្ឋកិច្ចទី៤ ។ ឯកឧត្តម សុខ លូ បានថ្លែងថា ខេត្តបាត់ដំបង គឺជាខេត្តមានសក្តានុពលសេដ្ឋកិច្ចទី២…

ភ្នំពេញ៖ ក្រសួងធនធានទឹក និងឧតុនិយម, ក្រសួងសេដ្ឋកិច្ច និងហិរញ្ញវត្ថុ និងធនាគារវិនិយោគលើវិស័យហេដ្ឋារ​ចនាសម្ព័ន្ធក្នុងតំបន់អាស៊ី AIIB បានរួមគ្នាចុះត្រួតពិនិត្យទីតាំងអនុវត្តផែនការការងារគ្រប់គ្រងទឹក បញ្ជាទឹកដែលស្ថិត​នៅភូមិសាស្រ្តស្ទឹងគ្រៀងទន្លេតូចនៃខេត្តព្រៃវែង ដើម្បីជំរុញការធ្វើទំនើបកម្មវិស្វកម្មលើប្រព័ន្ធធារាសាស្រ្តស្ទឹ​ងគ្រៀងខ្នាតធំ​ បំពាក់នូវស្ថានីយបូមទឹកស្វ័យប្រវត្តិដ៏ទំនើប។ ថ្លែងក្នុងឱកាសចុះពិនិត្យទីតាំងនេះ​កាលថ្ងៃទី​១៨ ខែមិថុនា ឆ្នាំ​​២០២៣ ឯកឧត្តម ចាន់ ស៊ីណាត រដ្ឋលេ​ខាធិការក្រសួងធនធានទឹក និងឧតុនិយម បានឱ្យដឹងថា ក្រសួង និងភាគីពាក់ព័ន្ធ បានចុះធ្វើការត្រួតពិនិត្យទីតាំងអនុវត្តផែនការការងារគ្រប់គ្រងទឹក បញ្ជាទឹក និងប្រើប្រាស់ទឹកប្រកបដោយប្រសិទ្ធភាពខ្ពស់ក្នុងអា​ងទន្លេមេគង្គក្រោម ត្រង់ភូមិសាស្រ្តស្ទឹងគ្រៀងទន្លេតូច។ក្នុងដំណើរបំពេញបេសកកម្មនេះ​ មាន​ការ​ចូលរួមពីសហការីមន្ទីរធនធានទឹក និងឧតុនិយមខេត្តព្រៃវែង មន្ទីរកសិកម្ម រុក្ខាប្រមាញ់ និងនេសាទ អា​ជ្ញាធរថ្នាក់ក្រោមជាតិគ្រប់លំដាប់ថ្នាក់នៃស្រុកពារាំង ស្រុកស៊ីធរកណ្តាល និងក្រុងព្រៃវែង ខេត្តព្រៃវែង ដែ​លជាអ្នកទទួលផលពីប្រព័ន្ធធារាសាស្រ្តខ្នាតធំនេះ​។ ​ ​ឯកឧត្តម​បានបញ្ជាក់ថា  ​ប្រព័ន្ធធារាសាស្រ្តស្ទឹងគ្រៀង ដែលកំពុងជំរុញការធ្វើទំនើបកម្មវិស្វកម្មនេះ​ ​មានផ្ទៃដីស្រោចស្រពចំនួន ៣៥ ០០០ ហិកតា​ គិតចាប់ពីទន្លេតូចត្រង់ភូមិសាស្រ្តតំបន់ស៊ីធរកណ្តាល តំបន់ព្នៅពីរ តំបន់ជ្រៃឃ្មុំ តំបន់ពារាំង តំបន់មេសរប្រចាន់ តំបន់ព្រៃស្រឡិត តំបន់កញ្ជំ តំបន់រកា តំបន់ពោធិរៀ​ង តំបន់ព្រៃកន្លោង រហូតដល់តំបន់ចុងប៉មព្រែកតាតាំ…

(ខេត្តព្រះសីហនុ) ៖ ឯកឧត្តម សាយ សំអាល់ សមាជិកគណៈកម្មាធិការកណ្ដាល និងជាប្រធានក្រុមការងារគណបក្សប្រជាជនកម្ពុជា ចុះមូលដ្ឋានខេត្តព្រះសីហនុ មានប្រសាសន៍ថា កំពង់ផែស្វយ័តខេត្តព្រះសីហនុ ប្រៀបបានជា «ម៉ាស៊ីនសេដ្ឋកិច្ចជាតិ» និងជា «សរសរកន្លោង» ដើរតួនាទីយ៉ាងសំខាន់ក្នុងការអភិវឌ្ឍប្រទេសជាតិ ។ កំពង់ផែស្វយ័តខេត្តព្រះសីហនុ ជាកំពង់ផែសមុទ្រទឹកជ្រៅ ត្រូវបានទទួលស្គាល់ជាច្រកទ្វារពាណិជ្ជកម្មដ៏សំខាន់ ក្នុងការចូលរួមជំរុញកំណើនសេដ្ឋកិច្ចរបស់កម្ពុជា តាមរយៈមុខងារជាទីសម្រាប់នាំចេញនិងនាំចូលទំនិញគ្រប់បែបយ៉ាង និងនាំទំនិញទាំងនោះទៅចរាចរក្នុងប្រទេស ។ នេះជាប្រសាសន៍លើកឡើងក្នុងឱកាស ឯកឧត្តម អញ្ជើញសំណេះសំណាលជាមួយបុគ្គលិកកំពង់ផែស្វយ័តក្រុងព្រះសីហនុ នៅថ្ងៃទី១៧ ខែមិថុនា ឆ្នាំ២០២៣ នាស្នាក់ការគណបក្សខេត្តព្រះសីហនុ។ ឯកឧត្តម សាយ សំអាល់ បានកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែងរបស់ថ្នាក់ដឹកនាំ និងបុគ្គលិកគ្រប់ជាន់ថ្នាក់ សម្រាប់ការសម្រេចលទ្ធផលដ៏ល្អប្រសើររបស់កំពង់ផែស្វយ័តក្រុងព្រះសីហនុ ក្នុងការជំរុញកំណើនសេដ្ឋកិច្ចជាតិទាំងមូល។ ឯកឧត្តមបានបន្តថា បុគ្គលិកនៃកំពង់ផែស្វយ័តខេត្តព្រះសីហនុ បានបំពេញការងាររួមគ្នាជាធ្លុងមួយនៃមហាគ្រួសារដ៍ធំ ក្នុងការរក្សាលំនឹង និងជំរុញខឿនសេដ្ឋកិច្ចជាតិទៅមុខ។ ឯកឧត្តម បានបន្ថែមទៀតថា កំពង់ផែស្វយ័តក្រុងព្រះសីហនុ ជាអង្គភាពមួយ ដែលបាននិងកំពុងប្រែក្លាយខ្លួន ទៅជាប៉ូលសេដ្ឋកិច្ចដ៏រឹងមាំមួយនៃកម្ពុជា។ ឯកឧត្តមបានចត់ទុកថា កំពង់ផែស្វយ័តក្រុងព្រះសីហនុ ជាមរតកប្រវត្តិសាស្រ្ត និងជាកេរ្ត៍ដំណែលបន្សល់ទុកសម្រាប់កូនចៅជំនាន់ក្រោយ បន្ទាប់ពីប្រទេសជាតិមានសុខសន្ដិភាព…

ភ្នំពេញ៖យោងតាមសេចក្តីប្រកាសព័ត៌មានពីអគ្គនាយកដ្ឋានពន្ធដារ បានឱ្យដឹងថា សរុបរយៈពេល ៥ខែ ចាប់ពីខែមករា ដល់ឧសភា ឆ្នាំ២០២៣ ចំណូលពន្ធ-អាករ ដែលអគ្គនាយកដ្ឋានពន្ធដារប្រមូលបានជាក់ស្តែងតាមប្រព័ន្ធ គ្រប់គ្រងទិន្នន័យចំណូលអនឡាញរបស់អគ្គនាយកដ្ឋានពន្ធដារ មានចំនួន ប្រមាណជា ១ ៨២៦,៦៩ លានដុល្លារ ស្មើនឹង ៥១,១៤ភាគរយ នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣។ ជាមួយគ្នានោះដែរ ចំពោះលទ្ធផលនៃការគ្រប់គ្រងប្រមូលចំណូលពន្ធ លោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី បានបង្ហាញថាក្នុង ខែឧសភា ឆ្នាំ២០២៣ ចំណូលពន្ធ-អាករគ្រប់ប្រភេទដែលអគ្គនាយកដ្ឋានពន្ធដារប្រមូលបានជាក់ស្តែងតាមប្រព័ន្ធ គ្រប់គ្រងទិន្នន័យចំណូលអនឡាញរបស់អគ្គនាយកដ្ឋានពន្ធដារ មានចំនួន ប្រមាណជា ២៣៥,៨៩ លានដុល្លារ ស្មើនឹង ៦,៦០ភាគរយ នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣។ក្នុងកិច្ចប្រជុំតាមរយៈស្ថានភាពនៃចំណូលពន្ធសម្រាប់រយៈពេល ៥ខែ ឆ្នាំ២០២៣ ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកអគ្គនាយកដ្ឋានពន្ធដារ មានប្រសាសន៍ ថសការអនុវត្ត ការងារគ្រប់គ្រងប្រមូលចំណូលពន្ធសម្រាប់ឆ្នាំ២០២៣ អាចនឹងសម្រេចបានគ្រប់តាមផែនការច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០២៣ ចំនួន ដែលមានប្រមាណជា ៣ ៥៧១,៦៩ លានដុល្លារ។លោកបានបន្ថែមថា ចំណូលពន្ធបានហក់ខ្ពស់ក្នុងខែមីនា ឆ្នាំ២០២៣ ដែលសម្រេចបានប្រមាណជា…

ភ្នំពេញ៖ វេទិកាសន្ទនារវាងវិស័យសាធារណៈ និងឯកជន ស្តីពី ការចងក្រងដំណោះស្រាយធន់នឹងបម្រែបម្រួលអាកាសធាតុ ដើម្បីធ្វើឱ្យកាន់តែប្រសើរឡើងនូវការប្រកួតប្រជែងក្នុងវិស័យស្វាយចន្ទីនៅកម្ពុជា បានរៀបចំឡើងកាលពីថ្ងៃទី១៦ ខែមិថុនា ឆ្នាំ២០២៣មានគោលដៅចែករំលែកនូវបទពិសោធន៍ ផលិតផលស្តង់ដារ ជាមួយនឹងអ្នកផ្គត់ផ្គង់សំខាន់ៗ។ ឯកឧត្តម រាជ រ៉ា រដ្ឋលេខាធិការ នៃក្រសួងពាណិជ្ជកម្ម បានថ្លែងនៅក្នុងពិធីបិទ វេទិកាសន្ទនារវាងវិស័យសាធារណៈ និងឯកជននោះថា វេទិកានេះបានក្លាយជាឱកាសសម្រាប់គ្រប់ភាគីពាក់ព័ន្ធនឹងវិស័យស្វាយចន្ទី ចែករំលែកនូវបទពិសោធន៍ វិធីសាស្ត្រ ក៏ដូចជាវិភាគអំពីតួនាទីរបស់កម្ពុជាក្នុងផែនទីផ្គត់ផ្គង់សកល និងបង្កើតការផ្សព្វផ្សាយពីសកម្មភាពលើខ្សែច្រវាក់តម្លៃស្វាយចន្ទី។ បន្ថែមពីនេះ វេទិកាសន្ទនានេះ បានប្រមូលផ្តុំភាគីពាក់ព័ន្ធទាំងក្នុងវិស័យសាធារណៈ និងវិស័យឯកជន ចូលរួមចែករំលែកនូវបទពិសោធន៍ ផលិតផល ស្តង់ដារ ជាមួយនឹងអ្នកផ្គត់ផ្គង់សំខាន់ៗ ក៏ដូចជាស្វែងរកការអន្តរាគមន៍ជាក់លាក់ និងផ្លាស់ប្តូរអំពីតម្រូវការ បញ្ហាប្រឈម ឱកាសសម្រាប់សហប្រតិបត្តិការ និងស្វែងរកអនុសាសន៍សម្រាប់ធ្វើឱ្យប្រសើរឡើងនៃវិស័យស្វាយចន្ទីកម្ពុជា។ លោកបានបន្ថែមថា វេទិកាសន្ទនារវាងវិស័យសាធារណៈ និងឯកនេះ បានបញ្ចប់ទៅប្រកបដោយផ្លែផ្កា និងទទួលបាននូវលទ្ធផលគួរជាទីកត់សម្គាល់។ លោកបានបញ្ជាក់បន្ថែមថា៖«ទោះបីជា តួលេខក្នុងវិស័យស្វាយចន្ទី (ផ្ទៃដីដាំដុះ ទិន្នផល ការកែច្នៃ…)ដែលបានលើកយកមកបង្ហាញពីស្ថាប័នរដ្ឋ និងឯកជន នៅមិនទាន់មានសង្គតភាព តែគ្រប់ភាគីពាក់ព័ន្ធទាំងអស់បានស្រុះស្រួលគ្នាក្នុងការលើកយកបញ្ហានេះមកពិភាក្សាក្នុងវេទិកាបន្ទាប់ទៀត»។ ឯកឧត្តមបានបន្តថា ការអន្តរាគមន៍ជាពិសេសពីស្ថាប័នរាជរដ្ឋាភិបាល បានលើកឡើងពីតួនាទីរបស់ខ្លួន និងត្រៀមខ្លួនជាស្រេចដើម្បីបន្តកិច្ចសហការ ក្នុងការចែករំលែកបទពិសោធន៍…

ភ្នំពេញ៖បន្ទាប់ពីកិច្ចព្រមព្រៀងស្ដីពីការលើកលែងទិដ្ឋការរវាងកម្ពុជា-ម៉ាល់ឌីវបានចូលជាធរមានកាលពីខែឧសភាឆ្នាំ២០២៣កន្លងទៅភាគីទាំងពីរបានឯកភាពគ្នាអនុវត្តផែនការសកម្មភាពមួយចំនួនទៀត ដើម្បីបន្តវឌ្ឍនភាពលើវិស័យទេស​ចរណ៍ រួមគ្នាជំរុញរំហូរទេសចរប្រទេសទាំងពីរ និងប្រទេសទី៣ឱ្យកាន់តែច្រើនថែមទៀត។ ការឯកភាពគ្នានេះធ្វើឡើងក្នុងជំនួបពិភាក្សាការងាររវាងឯកឧត្តម ថោង ខុន រដ្ឋមន្ត្រីក្រសួងទេសចរណ៍ ជាមួយឯកឧត្តម អាប់ឌុលឡា ម៉ូស៊ូម (Abdulla Mausoom) រដ្ឋមន្ត្រីក្រសួងទេសចរណ៍ម៉ាល់ឌីវ កាលពីថ្ងៃទី១៦ ខែមិថុនា ឆ្នាំ២០២៣ ក្នុងឱកាសកិច្ចប្រជុំរួមនៃគណៈកម្មការតំបន់អាស៊ីខាងកើតនិងប៉ាស៊ីហ្វិក និងកិច្ចប្រជុំគណៈកម្មការតំបន់អាស៊ីខាងត្បូង របស់អង្គការទេសចរណ៍ពិភពលោក (UNWTO)នៅកម្ពុជា។ ឯកឧត្តម ជុក ជំនោរ អគ្គនាយកនៃអគ្គនាយកដ្ឋានអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ ក្រសួងទេសចរណ៍ បានឱ្យដឹងថា នាជំនួបខាងលើនោះ រដ្ឋមន្ត្រីទេសចរណ៍កម្ពុជា បានរំឭកពីដំណើរទស្សនកិច្ចផ្លូវការរបស់នាយករដ្ឋមន្ត្រីនៃកម្ពុជា ទៅកាន់ប្រទេសម៉ាល់ឌីវ កាលពីថ្ងៃទី១៥-១៧ ខែមករា ឆ្នាំ២០២៣ កន្លងទៅ ដែលមានការចុះហត្ថលេខាទៅលើឯកសារចំនួនប្រាំមួយ ក្នុងនោះក៏មានអនុស្សរណៈយោគយល់គ្នាស្ដីពីកិច្ចសហប្រតិបត្តិការលើវិស័យទេសចរណ៍ រវាងក្រសួងទេសចរណ៍កម្ពុជា និងក្រសួងទេសចរណ៍ម៉ាល់ឌីវផងដែរ។ ឯកឧត្តម ជំនោរ បានបន្តថា «កិច្ចព្រមព្រៀងស្ដីពីការលើកលែងទិដ្ឋការរវាងកម្ពុជា-ម៉ាល់ឌីវ គឺបានចូលជាធរមានហើយកាលពីថ្ងៃទី៤ ខែឧសភា ឆ្នាំ២០២៣ កន្លងទៅ បានន័យថា ចាប់ពីពេលនេះតទៅ ប្រជាជន ភ្ញៀវទេសចរកម្ពុជានិងម៉ាល់ឌីវអាចធ្វើដំណើរទៅមកប្រទេសទាំងពីរបានដោយមិនចាំបាច់មានទិដ្ឋការ សម្រាប់ការស្នាក់នៅរយៈពេលក្រោម៣០ថ្ងៃ»។ «តាមរយៈអនុស្សរណៈយោគយល់គ្នាស្ដីពីកិច្ចសហប្រតិបត្តិការលើវិស័យទេសចរណ៍ និងកិច្ចព្រមព្រៀងស្ដីពីការលើកលែងទិដ្ឋការរវាងកម្ពុជា-ម៉ាល់ឌីវនេះហើយ…

ខេត្តពោធិ៍សាត់ ៖ គម្រោងរេដបូកតំបន់ជួរភ្នំក្រវាញខាងត្បូង បានជួយលើកកម្ពស់ ជីវភាព របស់ប្រជាពលរដ្ឋរស់នៅក្នុងភូមិឆាយលូក ឃុំអូរសោម ស្រុកវាលវែង ខេត្ត ពោធិ៍សាត់ ដោយក្នុងនេះបានជួយឱ្យពួកគាត់មានលទ្ធភាពក្នុងការចិញ្ចឹមមាន់ ចិញ្ចឹមកង្កែបសម្រាប់ផ្គត់ផ្គង់ជីវភាពដោយរបរកសិកម្ម មិនធ្វើចំណាកស្រុក។ ជាមួយគ្នានេះប្រជាសហគមន៍ក្នុងភូមិឆាយលូក ក៏បានក្លាយជាភូមិគំរូផ្នែកកសិកម្មមួយផងដែរនៅក្នុងតំបន់ជួរភ្នំក្រវាញ និងជាក្តីសង្ឃឹមសម្រាប់ការអភិវឌ្ឍភូមិ ឬសហគមន៍ផ្សេងទៀតតាមរយៈគម្រោងមួយនេះនៅថ្ងៃខាងមុខ។ លោក ទូច សុផានី ប្រធានគម្រោងអភិវឌ្ឃន៍សហគមន៍អង្គការសម្ព័ន្ធមិត្តសត្វព្រៃ បានឱ្យដឹងថា៖ចាប់ពីខែវិច្ឆិកា ឆ្នាំ ២០២២មកគម្រោងរេដបូកតំបន់ជួរភ្នំក្រវាញខាងត្បូងបានផ្តល់បច្ចេកទេសចិញ្ចឹមមាន់ ចិញ្ចឹមកង្កែប បច្ចេកទេសរៀបចំទ្រុងមាន់ និងអាងកង្កែប ដល់សមាជិកគម្រោងអភិវឌ្ឍន៍ជីវភាពសហគមន៍មូលដ្ឋានពិសេសនៅក្នុងភូមិឆាយលូក ឃុំ អូរសោម។តាមរយៈគម្រោងនេះដែរមានពលរដ្ឋចំនួន១០គ្រួសារបានស្ម័គ្រចិត្ត ដើម្បីចិញ្ចឹមមាន់ និង១១គ្រួសារផ្សេងទៀតបានចិញ្ចឹមកង្កែប ហើយទទួលបានលទ្ធផលល្អប្រសើរ។ លោកបានបញ្ជាក់ប្រាប់ថាក្នុងគម្រោងនេះមិនត្រឹមតែបានផ្តល់នូវបច្ចេកទេស ដោយមានបុគ្គលិកអង្គការចុះជួយជាប់ជាប្រចាំទេតែខាងអង្គការរបស់លោកក៏បានផ្តល់នូវពូជមាន់ កង្កែប និងចំណីសត្វមួយចំនួនដល់ពួកគាត់ថែមទៀត។ អ្នកស្រី សំបាន កូលាប រស់នៅ ភូមិឆាយលូក ឃុំ អូរសោម ស្រុកវាលវែង ខេត្ត ពោធិ៍សាត់បានឱ្យដឹងថា៖តាមរយៈគម្រោងរេដបូកបានធ្វើឱ្យអ្នកស្រីសម្រេចចិត្តចិញ្ចឹមមាន់ឡើង ហើយក្នុងនេះខាងគម្រោងក្រៅពីផ្តល់ពូជមាន់ បច្ចេកទេស ចិញ្ចឹម បច្ចេកទេស ធ្វើទ្រង់ និងបណ្តុះបណ្តាលជំនាញហើយនៅបានឱ្យអ្នកជំនាញចុះមកមើលការខុសត្រូវនៅពេលមាន់ឈឺផងដែរ ។ ស្រ្តីជាអតីតកូនកសិករដែលតែង…