(ភ្នំពេញ)៖ភាគីហ្វីលីពីនបានបង្ហាញការចាប់អារម្មណ៍ចង់ពង្រីកកិច្ចសហប្រតិបត្តិការលើវិស័យទេសចរណ៍ជាមួយភាគីកម្ពុជា ដូចជា ការបន្តអនុស្សរណៈយោគយល់គ្នាស្ដីពី កិច្ចសហប្រតិបត្តិការលើវិស័យទេសចរណ៍ទ្វេភាគី ការតភ្ជាប់ជើងហោះហើរត្រង់បន្ថែម ការផ្លាស់ប្ដូរអ្នកជំនាញទេសចរណ៍អាស៊ាន (MRA-TP) ការអភិវឌ្ឍវិស័យអេកូទេសចរណ៍ ការជំរុញទេសចរណ៍សុខាភិបាលជាដើម។ ការចាប់អារម្មណ៍នេះត្រូវបានលើកឡើងក្នុងជំនួបពិភាក្សាការងាររវាងឯកឧត្តម ថោង ខុន រដ្ឋមន្ត្រីក្រសួងទេសចរណ៍ ជាមួយលោកស្រី អេស្ពែរ៉ាន់ហ្សា គ្រីស្ទីណា ហ្ការស៊ីយ៉ា ហ្វ្រាស្កូ (Esperanza Christina Garcia Frasco) រដ្ឋមន្ត្រីក្រសួងទេសចរណ៍ហ្វីលីពីន នាថ្ងៃទី១៥ ខែមិថុនា ឆ្នាំ២០២៣ នៅសណ្ឋាគារសុខាភ្នំពេញ ។ ឯកឧត្តម រដ្ឋមន្ត្រី ថោង ខុន បានលើកឡើងអំពីអនុស្សរណៈយោគយល់គ្នាស្ដីពីកិច្ចសហប្រតិបត្តិការលើវិស័យទេសចរណ៍ រវាងក្រសួងទេសចរណ៍កម្ពុជា និងក្រសួងទេសចរណ៍ហ្វីលីពីន ដែលបានធ្វើឡើងកាលពីឆ្នាំ២០០០ និងការរៀបចំកិច្ចប្រជុំក្រុមការងារចម្រុះកម្ពុជា-ហ្វីលីពីនចំនួន៣លើក ព្រមទាំងការអនុវត្តផែនការសកម្មភាពជាបន្តបន្ទាប់ រហូតដល់ដំណាក់ជួបវិបត្តិសកលនៃការរាតត្បាតជំងឺកូវីដ១៩។ ឯកឧត្តម រដ្ឋមន្ត្រី ថោង ខុន បានស្នើលោកស្រីរដ្ឋមន្ត្រីទេសចរណ៍ហ្វីលីពីន ពិចារណាលើការបន្តសុពលភាពនៃការអនុវត្តអនុស្សរណៈយោគយល់គ្នាកន្លងមក ឬក៏រៀបចំឱ្យមានអនុស្សរណៈយោគយល់គ្នាថ្មី សំដៅពង្រឹងកិច្ចសហប្រតិបត្តិការលើវិស័យទេសចរណ៍ទ្វេភាគីកម្ពុជា-ហ្វីលីពីនឡើងវិញ។ ភាគីទាំងពីរក៏បានឯកភាពរៀបចំឱ្យមានកិច្ចប្រជុំក្រុមការងារចម្រុះកម្ពុជា-ហ្វីលីពីនលើកទី៤ ក្នុងពេលឆាប់ៗខាងមុខនេះ ដើម្បីពង្រឹងកិច្ចសហប្រតិបត្តិការលើវិស័យទេសចរណ៍ទ្វេភាគី និងពីភាក្សាគ្នា សុពលភាពនៃការអនុវត្តអនុស្សរណៈយោគយល់គ្នា ។ ភាគីទាំងពីរបានឯកភាពជំរុញឱ្យមានជើងហោះហើរត្រង់បន្ថែមទៀតរវាងកម្ពុជា-ហ្វីលីពីន ក្នុងនោះពីរដ្ឋធានីម៉ានីលមកកាន់ខេត្តសៀមរាប…

ភ្នំពេញ៖ អ្នកឯកទេសដោះស្រាយបញ្ហាស្បែកមុខគ្រប់ប្រភេទ Smooth E ផលិតផលល្បីរបស់ថៃ ចាប់ដៃជាមួយក្រុមហ៊ុនចែកចាយស្របច្បាប់ប្រចាំប្រទេសកម្ពុជា ក្រុមហ៊ុន Unboxed Marketing Co., Ltd ដាក់សម្ពោធលក់ជាផ្លូវការនូវផលិតផល Smooth E ដែលជាផលិតផលថែរក្សាស្បែកតាមបែបវេជ្ជសាស្រ្តផ្សំពីធម្មជាតិនៅកម្ពុជា។ ថ្លែងក្នុងពិធីសម្ពោធលក់ជាផ្លូវការផលិតផល Smooth E របស់ថៃនៅលើទីផ្សារកម្ពុជា អ្នកស្រី ស៊ីរ៉ាត់សារីន គៀតខប់ឆៃ (Siratsarin Kiatkobchai) ប្រធាននាយកផ្នែកលក់ និង ទីផ្សារអន្តរជាតិរបស់ Smooth E បានមានប្រសាសន៍ថា តាងនាមក្រុមហ៊ុន អ្នកស្រីសូមថ្លែងអំណរគុណចំពោះអតិថិជនកម្ពុជា សម្រាប់ការជឿទុកចិត្តមកលើផលិតផលថៃរបស់យើង។ ដោយហេតុថា ស្បែករបស់ប្រជាជនខ្មែរ និងថៃដូចគ្នា និន្នាការនៃការថែសម្រស់ក៏ស្រដៀងគ្នាដែរ។ អ្នកស្រីបន្តថា ស្បែកដែលទន់ខ្សោយ ស្ងួត អាឡែហ្ស៊ី និងងាយកើតមុន គឺជាបញ្ហាដែលត្រូវដោះស្រាយ អាស្រ័យហេតុនេះទើបក្រុមហ៊ុននាំចូលផលិតផល Smooth E ដែលជាផលិតផលថែរក្សាស្បែកតាមបែបធម្មជាតិ ផ្តល់ដំណោះស្រាយសម្រាប់ស្បែកគ្រប់ប្រភេទ ដើម្បីចូលរួមថែរក្សា និងលើកកម្ពស់សុខភាពស្បែក និងសុខមាលភាពអ្នកប្រើប្រាស់នៅប្រទេសកម្ពុជា។ អ្នកស្រីបន្ថែមថា យើងនឹងបន្តនាំយកនូវផលិតផលជាច្រើនមុខ មកជូនប្រជាជនកម្ពុជានាពេលខាងមុខ ហើយ…

ភ្នំពេញ ៖ យោងតាមស្ថិតិពាណិជ្ជកម្ពុជាបានឱ្យដឹងថា គិតត្រឹមខែមេសា ឆ្នាំ២០២៣ ទំហំពាណិជ្ជកម្មរវាងកម្ពុជា-ចិន មានទឹកប្រាក់ជាង ៣.៨ពាន់លានដុល្លារ ក្នុងនោះ ទំហំនាំចេញពីកម្ពុជាទៅចិន មានទឹកប្រាក់ប្រមាណ ៤៤០លានដុល្លារ ហើយទំហំនាំចូលពីចិនមកកម្ពុជា មានទឹកប្រាក់ជាង ៣,៤៥៤លានដុល្លារ។ចំណែកទំហំពាណិជ្ជកម្មសរុបក្នុងឆ្នាំ២០២២ មានចំនួនជាង ១១,៦៨៦លានដុល្លារ។ ដើម្បីជំរុញការដោះដូរពាណិជ្ជកម្មរវាងកម្ពុជា និងចិនបន្ថែមទៀត ធុរជនមកពីប្រទេសចិន ក្នុងក្រុងតុងគួន បានមកផ្សព្វផ្សាយពីពិព័រណ៍ផលិតផលពាណិជ្ជកម្មកែច្នៃប្រទេសចិនដល់ធុរជនកម្ពុជា ក្នុងការចាប់យកឱកាសនៃការធ្វើពាណិជ្ជកម្មរវាងធុរជនកម្ពុជា និងចិន។ ថ្លែងក្នុងពិធីនេះ លោកជំទាវ ខា ឡេង រដ្ឋលេខាធិការក្រសួងពាណិជ្ជកម្មកម្ពុជា បានមានប្រសាសន៍ថា ចំណងមិត្តភាពរវាងកម្ពុជា និងចិន កាន់តែមានភាពរឹងមាំពីមួយឆ្នាំទៅមួយឆ្នាំ ហើយឆ្នាំ ២០២៣នេះ ជាឆ្នាំមិត្តភាពកម្ពុជា-ចិន និងជាខួបលើកទី៦៥ នៃការបង្កើតទំនាក់ទំនងការទូតជាមួយគ្នា ហើយចំណងមិត្តភាពនេះនៅតែបន្តអភិវឌ្ឍកាន់តែស៊ីជម្រៅ និងកាន់តែរឹងមាំ ជាមិត្តភាពដែកថែប មិនអាចបំបែកបាន ប្រកបដោយភាពស្មោះត្រង់ រួមសុខទុក្ខជាមួយគ្នានៅគ្រប់កាលៈទេសៈទាំងអស់។ លោកជំទាវបានកោតសរសេរ និងវាយតម្លៃខ្ពស់ចំពោះគណៈកម្មការរៀបចពិព័រណ៍ផលិងផលពាណិជ្ជកម្មកែច្នៃប្រទេសចិន ដែលបានខិតខំរៀបចំសន្និសីទផ្សព្វផ្សាយដ៏មានសារសំខាន់មួយនេះឡើង ក្នុងគោលបំណងផ្សព្វផ្សាយលម្អិតអំពីការរៀបចំពិព័រណ៍ផលិតផលពាណិជ្ជកម្មកែច្នៃប្រទេសចិន ដើម្បីផ្ដល់ជាឱកាសឱ្យវិនិយោគិនកម្ពុជាស្វែងយល់កាន់តែស៊ីជម្រៅ អំពីការរៀបចំពិព័រណ៍នេះ ជាពិសេសអំពីបរិយាកាសវិនិយោគ និងពាណិជ្ជកម្មនៅក្នុងទីក្រុងតុងគួន ។ ក្នុងនាមក្រសួងពាណិជ្ជកម្ម លោកជំទាវស្នើឱ្យគណៈកម្មការរៀបចំពិព័រណ៍…

(ភ្នំពេញ)៖ ទីក្រុងសំខាន់ៗរបស់ប្រទេសកម្ពុជា ដែលមានសក្ដានុពលទេសចរណ៍ ដូចជារាជធានីភ្នំពេញ ក្រុងសៀមរាប ក្រុងព្រះសីហនុ ក្រុងបាត់ដំបងជាដើម ត្រូវបាន វាយតម្លៃថា អាចក្លាយជាសមាជិកអង្គការផ្សព្វផ្សាយទេសចរណ៍សម្រាប់ បណ្ដាទីក្រុង នៅអាស៊ីប៉ាស៊ីហ្វិក ហៅកាត់ TPO ដែលនឹងទទួលបានគុណប្រយោជន៍យ៉ាងច្រើនផ្នែក ផ្សព្វផ្សាយពីសក្ដានុពលទេសចរណ៍ទៅកាន់អន្តរជាតិ។ ការវាយតម្លៃនេះត្រូវបាលើកឡើងដោយផ្ទាល់ចេញពីលោក វូ ឃ្យុងហា (WOO Kyoungha) អគ្គលេខាធិការអង្គការផ្សព្វផ្សាយទេសចរណ៍សម្រាប់បណ្ដាទីក្រុង នៅអាស៊ីប៉ាស៊ីហ្វិក (TPO) ក្នុងពេលជំនួបពិភាក្សាការងារជាមួយប្រតិភូក្រសួង ទេសចរណ៍កម្ពុជា ដឹកនាំដោយឯកឧត្តម ថោង ខុន រដ្ឋមន្ត្រីក្រសួងទេសចរណ៍ នាថ្ងៃទី១៥ ខែមិថុនា ឆ្នាំ២០២៣ នៅសណ្ឋាគារសុខាភ្នំពេញ។ លោកអគ្គលេខាធិការ វូ ឃ្យុងហា បានកោតសរសើរចំពោះការគ្រប់គ្រង ការអភិវឌ្ឍ នៅតាមបណ្ដាទីក្រុងមួយចំនួនរបស់កម្ពុជា ហើយលោកក៏បានបញ្ជាក់ថា ទីក្រុងទាំងនោះក៏អាចក្លាយជាសមាជិកអង្គការ TPO បាន ដូចជារាជធានីភ្នំពេញ ក្រុងសៀមរាប ក្រុងព្រះសីហនុ ក្រុងបាត់ដំបងជាដើម ។ លោកអគ្គលេខាធិការបានបញ្ជាក់ថា គុណប្រយោជន៍ដែលបានពីការចូលជាសមាជិក អង្គការ TPO នេះ គឺជំរុញការផ្សព្វផ្សាយពីសក្ដានុពលទេសចរណ៍…

(ភ្នំពេញ)៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានស្នើទៅកាន់រដ្ឋាភិបាលសាធារណរដ្ឋប្រជាមានិតចិន ជួយជំរុញការហោះហើរត្រង់ពីទីក្រុងនានានៅប្រទេសចិន មកកាន់ប្រទេសកម្ពុជា ឱ្យបានកាន់តែច្រើន ខណៈកម្ពុជា នឹងមានអាកាសយានដ្ឋានអន្តរជាតិធំៗដែលអាចទទួលការចុះចតយន្តហោះដឹកអ្នកដំណើរគ្រប់ប្រភេទ។ ការស្នើបែបនេះរបស់ឯកឧត្តមរដ្ឋមន្ត្រី ថោង ខុន ធ្វើឡើងក្នុងជំនួបពិភាក្សាជាមួយលោក រ៉ាវ ឈាន (Rao Quan) អនុរដ្ឋមន្ត្រីក្រសួងវប្បធម៌ និងទេសចរណ៍ចិន នាថ្ងៃទី១៥ ខែមិថុនា ឆ្នាំ២០២៣ នៅសណ្ឋាគារសុខាភ្នំពេញ។ ឯកឧត្តម ថោង ខុន ក៏បានស្នើឱ្យមានការជំរុញការហោះហើរត្រង់ពីទីក្រុងសំខាន់ៗនៅប្រទេសចិន មកកាន់អាកាសយានដ្ឋានអន្តរជាតិនៅប្រទេសកម្ពុជាឱ្យបានកាន់តែច្រើនទៀត ពិសេសគឺអាកាសយានដ្ឋានអន្តរជាតិភ្នំពេញ អាកាសយានដ្ឋានអន្តរជាតិសៀមរាប និងអាកាសយានដ្ឋានអន្តរជាតិព្រះសីហនុ ខណៈអាកាសយានដ្ឋានអន្តរជាតិសៀមរាបថ្មីត្រៀមដាក់ឱ្យដំណើរការនាចុងឆ្នាំ២០២៣ឆាប់ៗខាងមុខ និងអាកាសយានដ្ឋានអន្តរជាតិភ្នំពេញថ្មីក៏នឹងបើកដំណើរការនៅចុងឆ្នាំ២០២៤ ឬដើមឆ្នាំ២០២៥នេះហើយដែរ។ឯកឧត្តមអនុរដ្ឋមន្ត្រី រ៉ាវ ឈាន បានសន្យាពាំនាំសំណើទាំងនេះ ក៏ដូចជាព័ត៌មាននៃកិច្ចពិភាក្សានេះជូនទៅកាន់ក្រសួង ស្ថាប័ន អាជ្ញាធរពាក់ព័ន្ធក្នុងការពិចារណាជំរុញឱ្យមានការហោះហើរត្រង់មកកាន់កម្ពុជាបន្ថែមទៀត។ ឯកឧត្តមអនុរដ្ឋមន្ត្រីបានលើកឡើងពីបំណងចង់ពង្រីកជើងហោះហើរត្រង់ពីទីក្រុងដែលមានការហោះហើរត្រង់មកកាន់កម្ពុជាស្រាប់ និងរៀបចំឱ្យមានជើងហោះហើរត្រង់ថ្មីសម្រាប់អាកាសយានដ្ឋានដែលមិនទាន់មានការហោះហើរត្រង់ជាមួយគ្នា។ ភាគីទាំងពីរមានសុទិដ្ឋិនិយមថា ការពង្រីកបន្ថែមជើងហោះហើរត្រង់រវាងប្រទេសទាំងពីនេះ គឺជាកាលនុវត្តភាពមួយក្នុងការទាក់ទាញរំហូរទេសចរពីប្រទេសចិនមកកាន់កម្ពុជា និងពីកម្ពុជាទៅកាន់ប្រទេសចិន ក៏ដូចជាទេសចរមកពីប្រទេសផ្សេងទៀតដែរ ៕ ចាន់ វិចិត្រ

ភ្នំពេញ៖ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានចែករំលែកនូវអនុសាសន៍គន្លឹះ ៤ចំណុចដល់គណៈកម្មការតំបន់អាស៊ីខាងកើត និងប៉ាស៊ីហ្វិក និងគណៈកម្មការតំបន់អាស៊ីខាងត្បូង នៃអង្គការទេសចរណ៍ពិភពលោក នៅក្នុងកិច្ចប្រជុំរួមលើកទី៣៥ នៅកម្ពុជា សំដៅធ្វើយ៉ាងណា បន្តពង្រឹងការការពារទេសចរ, ការស្តារ និងការអភិវឌ្ឍទេសចរណ៍ ក្នុងកម្រិតតំបន់ និងពិភពលោកឱ្យកាន់តែប្រសើរឡើង ក៏ដូចជាគាំទ្រ និង លើកទឹកចិត្តដល់កិច្ចខិតខំប្រឹងប្រែងអភិវឌ្ឍន៍ទេសចរណ៍តំបន់ ឆ្ពោះទៅអនាគត និងវិបុលភាពរួម ឈរលើទស្សនវិស័យ «គិតពីទេសចរ, គិតពីសេដ្ឋកិច្ច, គិតពីអនាគត»។ ឯកឧត្តម អូន ព័ន្ធមុនីរ័ត្ន បានចែករំលែកនូវអនុសាសន៍គន្លឹះយ៉ាងដូចនេះ នាព្រឹកថ្ងៃទី១៥ ខែមិថុនា ឆ្នាំ២០២៣នេះនាឱកាសតំណាងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ថ្លែងក្នុងពិធីបើកកិច្ចប្រជុំរួមលើកទី៣៥ នៃគណៈកម្មការតំបន់អាស៊ីខាងកើត និង ប៉ាស៊ីហ្វិក និង គណៈកម្មការតំបន់អាស៊ីខាងត្បូងនៃអង្គការទេសចរណ៍ពិភពលោក (35th UNWTO CAP & CSA) អមដោយសន្និសីទអង្គការទេសចរណ៍ពិភពលោក ស្តីពីក្រមអន្តរជាតិសម្រាប់ការការពារទេសចរ ដែលបានរៀបចំឡើងនៅសណ្ឋាគារសុខា ភ្នំពេញ។ អនុសាសន៍គន្លឹះទាំង៤ចំណុចរបស់ឧបនាយករដ្ឋមន្ត្រី…