ភ្នំពេញ៖ បណ្ឌិត  យ៉ងសាំង កុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ​ ប្រាប់ឱ្យដឹងនៅព្រឹកថ្ងៃទី៣០ ខែធ្នូ ឆ្នាំ២០២៣នេះថា នៅក្នុងរយៈពេលប្រមាណ១១ខែមកនេះ ការអនុវត្តសាកល្បងកម្មវិធីមន្រ្តីកសិកម្មឃុំនៅទូទាំង១០ឃុំ ក្នុងស្រុកជើង​ព្រៃ ខេត្តកំពង់ចាម បានផ្តល់សេវាកម្មជូនកសិករបានចំនួន ៨,១៣០ គ្រួសារ ឬស្មើនឹងប្រមាណ ៣៥ ភាគរយនៃចំនួនគ្រួសារ​កសិកម្មសរុបក្នុងស្រុក។ ឯកឧត្តមរដ្ឋលេខាធិការបានមានប្រសាសន៍ទៀតថា កាលពីថ្ងៃទី២៨ ខែធ្នូ លោកបានបើកកិច្ចប្រជុំបូកសរុបលទ្ធផលនិងមេរៀន ទទួលបានពីការអនុវត្តសាកល្បងកម្មវិធីមន្រ្តីកសិកម្មឃុំនៅទូទាំង១០ឃុំក្នុងស្រុកជើងព្រៃខេត្តកំពង់ចាម ចាប់ពីខែកុម្ភ: ដល់ខែធ្នូ ២០២៣ ដោយមានការចូលរួមពីកសិករនិងអជ្ញាធរមូលដ្ឋាន ដែលបានវាយតម្លៃខ្ពស់លើវត្តមានរបស់មន្រ្តីកសិកម្មឃុំ និងគាំទ្រឱ្យមានមន្រ្តីកសិកម្មឃុំបន្តការងារយូរអង្វែងនៅមូលដ្ឋានរបស់គាត់។ ឯកឧត្តមបានបញ្ជាក់ដូច្នេះថា៖«តាមរយៈបទពិសោធន៍នៅស្រុកជើងព្រៃជាមូលដ្ឋានគ្រឹះដ៏សំខាន់សម្រាប់កម្មវិធីដាក់ពង្រាយមន្រ្តីកសិកម្មនៅគ្រប់ឃុំសង្កាត់ដែលមានសក្តានុពលកសិកម្មនៅទូទាំងប្រទេសដើម្បីធ្វើការបម្រើកសិករប្រកប​ដោយប្រសិទ្ធ​ភាពខ្ពស់»។ការប្រឡងជ្រើសរើសមន្ដ្រីកសិកម្មឃុំ បានបិទបញ្ចប់ និងបានប្រកាសលទ្ធផលជាផ្លូវការ ហើយ ក្រោយជាប់ជាស្ថាពរ មន្ដ្រីទាំង២៥០រូបនឹងត្រូវទទួលការបណ្ដុះបណ្ដាលបន្ថែម ពោលគឺត្រូវរៀនផងនិងធ្វើការផងក្នុងឆ្នាំដំបូង។ ឯកឧត្តមបានបញ្ជាក់ដូច្នេះថា៖«អំឡុងពេលមួយឆ្នាំនេះប្រសិនបើពួកគេអសមត្ថភាពធ្វើការមិនកើត នោះនឹងត្រូវបញ្ចប់កិច្ចសន្យាឬដកចេញវិញ ប៉ុន្ដែបើមានសមត្ថភាព មានសីលធម៌ការងារ មានអត្ដចរិតល្អ ក្រោយចប់មួយឆ្នាំអាចនឹងចូលក្របខ័ណ្ឌតែម្ដង»។ បើតាមបណ្ឌិត យ៉ងសាំង កុមារ មន្រ្តីកសិកម្មឃុំ ដែលទើបប្រឡងជាប់ ក្រោយរៀបចំបែបបទ ឯកសារជាមួយក្រសួងមុខងារសារធារណៈរួចហើយ មន្រ្តីទាំងអស់ នឹងទទួលបានការបណ្តុះនៅក្នុងខែកុម្ភៈ ពោលគឺនៅក្នុងរយៈពេលមួយខែពេញ មុននឹងចេញទៅតាមឃុំ…

ខេត្តកែប៖ លោក សោម ចិន្តា ប្រធានមន្ទីរទេសចរ ខេត្តកែប បានឱ្យដឹងថា ៖ ភ្ញៀវទេសចរ បានមកស្នាក់ និងលេងកំសាន្ត នៅខេត្តកែប ក្នុងឱកាស ឆ្លងឆ្នាំសកល ២០២៣-២០២៤នេះ នៅថ្ងៃទី៣១ ខែធ្នូ ឆ្នាំ២០២៣ មានចំនួន សរុប៩៩,៨៥៦ នាក់ ក្នុងនោះ ភ្ញៀវជាតិមាន ចំនួន ៩៨,៥១៨នាក់ ភ្ញៀវ អន្តរ:ជាតិមាន ១៣៣៨ នាក់ ។ ដើម្បីបង្កើននូវភាពសប្បាយរីករាយ ដល់ភ្ញៀវទេសចរ ជាតិនិងអន្តរ:ជាតិ មកលេងកម្សាន្តនៅខេត្តកែប ក្នុងឱកាសពិធីបុណ្យឆ្លងឆ្នាំសកល ២០២៣ ឈានចូល ឆ្នាំ២០២៤និងអបអរសាទរខួបលើកទី៤៥នៃទិវាបុណ្យជាតិ ជ័យជម្នះ ៧មករា(៧មករា១៩៧៩-៧មករា២០២៤ រដ្ឋបាលខេត្តកែប បានបង្កើតឱ្យមាន កម្មវិធីជាច្រើន ក្នុងនោះមានដូចជា ពិធីបង្ហើរខ្លែងខ្មែរ និងពិធីអុំទូកផ្កាចារសមុទ្រ ប្រគុំតន្ត្រី អុជកាំជ្រួច និងបង្ហោះគោម ។ ព្រឹត្តិការណ៍នេះ រៀបចំធ្វើឡើងរយៈពេលពីរថ្ងៃ គឺចាប់ពីថ្ងៃទី៣០ ដល់ថ្ងៃទី៣១ ខែធ្នូ…

សៀមរាប៖ ក្នុងឱកាសឆ្លងឆ្នាំសកល២០២៣ ឈានចូលឆ្នាំ២០២៤ ដើមី្បទទួលស្វាគមន៍ដល់ភ្ញៀវទេសចរណ៍ជាតិ និងអន្តរជាតិនោះ រដ្ឋបាលខេត្តសៀមរាប បានសហការជាមួយសហភាពសហព័ន្ធយុវជនកម្ពុជាខេត្ត ដឹកនាំដោយ ឯកឧត្តម ប្រាក់ សោភណ្ឌ័ អភិបាលខេត្ត បានរៀបចំតុបតែងលម្អសម្រាប់ឆ្លងឆ្នាំសកល២០២៣-២០២៤ និង បង្កភាពសប្បាយជូនដល់ភ្ញៀវជាតិ និងអន្តរជាតិ បានមកទស្សនាកម្សាន្ត។ ក្រោមការយកចិត្តទុកដាក់ខ្ពស់របស់ឯកឧត្តម ប្រាក់ សោភ័ណ្ឌ ប្រធានគណៈបញ្ជាការឯកភាពរដ្ឋបាលខេត្តសៀមរាប លើការងារសន្តិសុខ សណ្តាប់ធ្នាប់សាធារណៈ និង ចរាចរណ៍ នៅក្នុងឱកាសថ្ងៃឆ្លងឆ្នាំសកល ដើមី្បធានាកុំឲ្យមានការកកស្ទះចរាចរណ៍ ក្នុងពេលធ្វើដំណើរនៅក្នុងក្រុង។ ម្យ៉ាងទៀត ក៏ជាការរួមចំណែកក្នុងការជំរុញការផ្សព្វផ្សាយពីសត្តានុពលរបស់ខេត្តសៀមរាប ក្នុងការស្តារឡើងវិញនូវរាល់វិស័យក្នុងខេត្តសៀមរាប សំខាន់លើវិស័យទេសចរណ៍នេះតែម្តង។ ក្នុងរយៈពេល ៣ថ្ងៃ ចាប់ពីថ្ងៃទី៣០ធ្នូ ២០២៣មកដល់ថ្ងៃទី០១ ខែមករា ឆ្នាំ២០២៤ បើតាមរបាយការណ៍របស់ មន្ទីរទេសចរណ៍ខេត្តសៀមរាបបានឲ្យដឹងថា ភ្ញៀវទេសចរណ៍ មកពីតាមបណ្តារាជធានី ខេត្ត បានចូលមកដើរកម្សាន្ត នៅតាមរមណីយដ្ឋាននានា រួមទាំងរាត្រីឆ្លងឆ្នាំនៅខេត្តសៀមរាប ឆ្លងឆ្នាំថ្មី ឆ្នាំសកល២០២៣ ឈានចូល ឆ្នាំ២០២៤ មានចំនួនប្រមាណជា ៣០៤ពាន់៦៤នាក់ ភាគច្រើន គឺភ្ញៀវទេសចរណ៍ក្នុងប្រទេស ធ្វើដំណើរកម្សាន្តជាលក្ខណៈគ្រួសារ…

ខេត្តបាត់ដំបង៖ ក្នុងរយៈពេលប៉ុន្មានឆ្នាំមកនេះបន្ទាប់ពីការផ្លាស់ប្តូរមកធ្វើដំណាំគម្រប ដី បន្ថែមលើការដាំដំណាំវិលជុំនោះធ្វើឱ្យកសិករជាច្រើនគ្រួសារ រស់នៅខេត្តបាត់ដំបង អាចរកប្រាក់ចំណូលបន្ថែម និងក្រៅពីនេះនៅជួយបង្កើតគុណភាពដីរបស់ពួកគាត់កាន់តែល្អឡើងដោយមិនចាំបាច់ប្រើជីគីមីដូចកាលពីមុនទៀតឡើយ ។លោក លឹម សុខុម ជាកសិកររស់នៅក្នុងភូមិរស្មីសង្ហារ ឃុំរស្មីសង្ហារ ស្រុករតនៈមណ្ឌល ខេត្តបាត់ដំបង បានឲ្យដឹងថា៖ក្រោយពីការយល់ដឹងពីតម្លៃដំណាំគម្របដីធ្វើឱ្យជីវភាពរបស់គាត់ល្អប្រសើរជាងមុនដោយសារគាត់អាចរកប្រាក់ចំណូលបន្ថែមរៀងរាល់ឆ្នាំ។ សព្វថ្ងៃគាត់ក្រៅពីបានដាំដំណាំវិលជុំ ដូចជាពោត សណ្តែក ដំឡូង ហើយគាត់នៅដាំណាំគម្របដី មានដូចជា សង្ក្រងស្វាស្លឹកតូច ស្លឹកធំ ស្នោជាដើម ។ លោកធ្វើការពន្យល់ថា៖” យើងដាំពោតរួចហើយ បានយើងដាំដំណាំគម្របដី អញ្ចឹងដំណាំគម្របដីមានរយៈពេល២ខែជាង ទើបយើងប្រមូលផល ដូច្នេះមួយឆ្នាំយើងប្រមូលបាន ២ដងដែរ” ។ លោកបានឱ្យដឹងបន្ថែមថា ការដាំដំណាំគម្របដី បានជួយដល់គុណភាពដី ប្រៀបដូចជាជី ពោលគឺនៅពេលដាំដំណាំគម្របដីរួច ដាំណាំផ្សេងទៀតធ្វើឲ្យដំណាំលូតលាស់បានល្អលឿនណាស់ ។ លោកបានបញ្ជាក់ថា៖”ការដាំដំណាំទាំងវិលជុំ និង ដំណាំគម្របដីក្នុង ១ឆ្នាំអាចរកប្រាក់ចំណូលចាប់ពី ២ ទៅ ៣ម៉ឺនដុល្លារ តែការចំណាយទៅវិញក៏ច្រើនដែរ”។ បើតាមកសិកររូបនេះ បានឲ្យដឹងថា គាត់ដាំដំណាំលើផ្ទៃដីចំនួន ១០ហិកតា ដោយក្នុងមួយហិកតា អាចទទួលបានទិន្នផលចន្លោះពី ៧…

ភ្នំពេញ៖ ការប្រមូលចំណូលរបស់អគ្គនាយកដ្ឋានគយ នៅក្នុងឆ្នាំ២០២៣នេះ សម្រេចមិនបានគ្រប់តាមផែនការនោះទេ ពោលតាមការប៉ាន់ស្មាន ការប្រមូលចំណូលពន្ធគយឆ្នាំនេះ បានសម្រេច ប្រមាណជាង ៨២%នៃផែនការដែលបានកំណត់ដោយច្បាប់ថវិកាជាតិ ឆ្នាំ២០២៣។នេះបើតាមការថ្លែងដោយ ឯកឧត្តមបណ្ឌិត គុណ ញឹម ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានគយ និងរដ្ឋាករកម្ពុជា ក្នុងសន្និសីទសារព័ត៌មាន ក្រោយបញ្ចប់វេទិកាផ្សព្វផ្សាយវិធានការ សម្រួលពាណិជ្ជកម្មក្រោមដែនសមត្ថកិច្ចគយ នាថ្ងៃទី២៥ ខែធ្នូ ឆ្នាំ២០២៣ នាសាលាជាតិគយ។ បើតាមផែនការកំណត់ដោយច្បាប់ថវិកាជាតិ ឆ្នាំ២០២៣ តម្រូវឱ្យអគ្គនាយកដ្ឋានគយ និងរដ្ឋាករកម្ពុជា ប្រមូលចំណូលឱ្យបានប្រមាណ ២៨០០លានដុល្លារ ដូច្នេះបើសម្រេចបាន ៨២ភាគរយ ស្មើនឹងប្រមាណ ២៥០០លានដុល្លារ។ ឯកឧត្តមបានពន្យល់យ៉ាងដូច្នេះថា កត្តាសំខាន់ចំនួន៣ ដែលបណ្តាលឱ្យការប្រមូលពន្ធគយថមថយ មិនគ្រប់តាមផែនការ គឺទី១. ការអនុវត្តកិច្ចព្រមព្រៀងសេរីពាណិជ្ជកម្ម ដែលកម្ពុជាបានចុះកិច្ចព្រមព្រៀងជាមួយ បណ្តាប្រទេសផ្សេងៗ ហើយកម្ពុជាបានផ្តល់នូវការអនុគ្រោះពន្ធដល់សូន្យ សម្រាប់មុខទំនិញមួយចំនួន ដល់ប្រទេសភាគីនៃកិច្ចព្រមព្រៀងពាណិជ្ជកម្មសេរី។ ហេតុនេះហើយទើបធ្វើឱ្យចំណូលពន្ធគយរបស់កម្ពុជា មានការធ្លាក់ចុះជាបន្តបន្ទាប់។ ជាក់ស្តែងនៅឆ្នាំ២០២៣ ចំណូលពន្ធគយ ដែលបានបាត់បង់ដោយសារការអនុវត្តកិច្ចព្រមព្រៀងពាណិជ្ជកម្មសេរីនានា ប្រមាណជិត ៤០០លានដុល្លារ។ ទី២.កត្តាការអភិវឌ្ឍន៍សេដ្ឋកិច្ច ឧស្សាហកម្ម ផលិតកម្ម…

ភ្នំពេញ៖ ឯកឧត្តមបណ្ឌិត គុណ ញឹម រដ្ឋមន្ដ្រីប្រតិភូអមនាយករដ្ឋមន្ដ្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានបញ្ជាក់ឱ្យដឹងថា រាជរដ្ឋាភិបាលកំពុងរៀបចំកែសម្រួលលក្ខខណ្ឌមួយចំនួន ក្នុងការអនុញ្ញាតឲ្យនាំចូលសាច់បង្កក ដើម្បីពង្រឹងអំពីគុណភាពសាច់ និងជៀសវាងអ្នកណាក៏អាចសុំនាំចូលសាច់បង្កកបាន។ ឯកឧត្តមបណ្ឌិត គុណ ញឹម បានថ្លែងបញ្ជាក់បែបនេះ ក្នុងសន្និសីទសារព័ត៌មាន ក្រោយបញ្ចប់វេទិកាផ្សព្វផ្សាយពីវិធានការ សម្រួលពាណិជ្ជកម្មក្រោមដែនសមត្ថកិច្ចគយ។ សន្និសីទនេះ ធ្វើឡើងនៅថ្ងៃទី២៥ ខែធ្នូ ឆ្នាំ២០២៣ នាសាលាជាតិគយ ដោយមានការចូលរួមពីមន្ត្រីគយនិងរដ្ឋាករចំនួន ៩០រូប និងតំណាងសភាពាណិជ្ជកម្ម សមាគមធុរកិច្ច ធុរជន និងជើងសាគយសរុបចំនួន ៣៥០ រូប។ ឯកឧត្តម បណ្ឌិត គុណ ញឹម បានថ្លែងបញ្ជាក់យ៉ាងដូច្នេះថា សម្រាប់វិធានការចំពោះមុខ អគ្គនាយកដ្ឋានគយ និងរដ្ឋាករកម្ពុជា នឹងបន្ដធ្វើការងារនៅក្នុងការបង្ក្រាប ការនាំចូលសាច់ ដែលខូចគុណភាព និងខុសច្បាប់ យើងស្នើទៅរាជរដ្ឋាភិបាល ក្នុងការកំណត់ អ្នកដែលអាចមានសិទ្ធិនាំចូលសាច់បង្កក ត្រូវតែមានឃ្លាំងត្រជាក់, អាជីវកម្មច្បាស់លាស់ ដើម្បីជៀសវាងអ្នកណា ក៏អាចសុំនាំចូលសាច់បង្កកបាន។ ថ្លែងនាឱកាសក្នុងវេទិការនេះ ឯកឧត្តម អគ្គនាយក បានលើកឡើងថា…